Bazpurs Digital

05/01/2026

سرائے عالمگیر میں افسوسناک واقعہ ملزمان کا تعلق منڈی بہاءالدین کے نواحی علاقہ چیلیانوالہ اسٹیشن سے بتایا جارہا ہے۔
سرائے عالمگیر کے نواحی گاؤں سر ڈھوک میں ایک دلخراش واقعہ پیش آیا ہے جہاں مبینہ طور پر بیوی نے اپنے شوہر کو زین نامی شخص اور ایک کس نامعلوم کیساتھ مل کر قتل کر دیا۔
ذرائع کے مطابق مقتول کی شناخت واجد حسین کے نام سے ہوئی ہے جو گاؤں سر ڈھوک کا رہائشی تھا۔ جبکہ ملزم زین کا تعلق ضلع منڈی بہاءالدین کے نواحی گاؤں چیلیانوالہ اسٹیشن سے بتایا جارہا ہے۔ واقعے کی اطلاع ملتے ہی مقامی پولیس موقع پر پہنچ گئی اور لاش کو تحویل میں لے کر قانونی کارروائی کا آغاز کر دیا ہے۔
پولیس کے مطابق واقعے کی تحقیقات جاری ہیں جبکہ قتل کی وجوہات جاننے کے لیے مختلف پہلوؤں سے تفتیش کی جا رہی ہے۔ واقعے کے بعد علاقے میں خوف و ہراس پھیل گیا۔

05/01/2026

منڈی بہاءالدین: سائلیج سے بھری ٹرالی کا ٹریکٹر زیر تعمیر نالہ میں گرگیا

04/01/2026

منڈی بہاءالدین: گوجرہ کے قریب افسوسناک ٹریفک حادثہ، خاتون جاں بحق، متعدد زخمی
منڈی بہاءالدین کے نواحی قصبہ گوجرہ کے قریب ایک افسوسناک ٹریفک حادثہ پیش آیا جس کے نتیجے میں ایک خاتون موقع پر ہی جاں بحق جبکہ 6 خواتین شدید زخمی ہو گئیں۔
تفصیلات کے مطابق گوجرہ اور بکن گاؤں سے تعلق رکھنے والے چند افراد فوتیدگی کے سلسلے میں بوسال گاؤں جا رہے تھے کہ گوجرہ گاؤں سے آگے ڈنگی پلی بوسال کے مقام پر سواریوں سے بھری ویگن سامنے سے آنے والے ٹرالے سے ایک سائیڈ سے رگڑ کھا کر حادثے کا شکار ہو گئی۔ رگڑ کے بعد ہونے والا تصادم اس قدر شدید تھا کہ گاڑی میں سوار خواتین بری طرح متاثر ہوئیں۔
حادثے کی اطلاع ملتے ہی ریسکیو ٹیمیں فوری طور پر موقع پر پہنچ گئیں اور زخمیوں کو ابتدائی طبی امداد کے بعد قریبی اسپتال منتقل کر دیا گیا، جہاں بعض زخمیوں کی حالت تشویشناک بتائی جا رہی ہے۔
واقعے کے بعد علاقے میں سوگ کی فضا قائم ہو گئی، جبکہ اہلِ علاقہ نے تیز رفتار اور بھاری گاڑیوں کی بے احتیاطی پر تشویش کا اظہار کرتے ہوئے ذمہ داروں کے خلاف کارروائی اور سڑکوں پر حفاظتی اقدامات کا مطالبہ کیا ہے۔

#گوجرہ




#زخمی

04/01/2026

منڈی بہاءالدین پھالیہ روڈ پر ہونے والا یہ چالان سہی کیا گیا یا غلط؟ کمینٹس سیکشن میں اظہارِ خیال ضرور کریں۔

04/01/2026

تھانہ میانہ گوندل پولیس نے حسوانہ گاؤں میں پیش آنے والی ڈکیتی کے دوران قتل ہونے والے محمد افضل کے اندھا قتل کیس کو ٹریس کر کے مرکزی ملزم علی حسن گوندل کا سراغ لگا لیا ہے۔ پولیس کے مطابق ملزم مبینہ پولیس مقابلے کے دوران اپنے ہی ساتھیوں کی فائرنگ سے ہلاک ہو گیا۔
پولیس حکام کا کہنا ہے کہ ملزم علی حسن گوندل کا تعلق ریڑکہ گاؤں سے تھا اور وہ گیارہویں جماعت کا طالب علم تھا، جو سپیریئر کالج میں زیرِ تعلیم تھا۔ واقعے کے روز محمد افضل ولد منظور اپنی کریانہ کی دکان پر موجود تھا کہ ملزم مبینہ طور پر ڈکیتی کی نیت سے دکان میں داخل ہوا۔ مزاحمت پر ملزم نے فائرنگ کر دی، جس کے نتیجے میں محمد افضل موقع پر ہی جاں بحق ہو گیا۔
ایس ایچ او تھانہ میانہ گوندل مبشر لک نے اس اندھا قتل کیس کو ٹریس کرنے کے لیے دن رات محنت کی۔ پولیس ٹیم نے جدید تفتیشی ذرائع اور پیشہ ورانہ صلاحیتوں کو بروئے کار لاتے ہوئے ملزم تک رسائی حاصل کی۔ پولیس کے مطابق ملزم کی گرفتاری کے لیے کارروائی کے دوران مبینہ پولیس مقابلہ ہوا، جس میں ملزم اپنے ساتھیوں کی فائرنگ سے ہلاک ہو گیا۔
پولیس کا کہنا ہے کہ واقعے میں ملوث دیگر ملزمان کی گرفتاری کے لیے کارروائیاں جاری ہیں۔



#حسوانہ
#ریڑکہ


#ڈکیتی

03/01/2026

منڈی بہاءالدین کی تحصیل ملکوال میں نواب مارکی میں دلہے کے بھائی اور ایک دیگر شخص کو شادی کی تقریب کے دوران قتل کیا گیا۔ معاملہ کی ویڈیوز بہت زیادہ وائرل ہوئیں جس پر اعلیٰ حکام نے نوٹس لے کر سخت کارروائی کے احکامات جاری کیے تھے۔ جس پر پولیس تھانہ ملکوال نے ملزمان کو ٹریس کیا۔ کیس کے نامزد ملزم مراتب علی پولیس مقابلہ میں پار کردیا گیا

03/01/2026

منڈی بہاءالدین کے علاقہ گوجرہ نزد نیو میٹرو سٹی منڈی سرگودھا روڈ پر شدید ٹریفک جام۔ سینکڑوں گاڑیاں سنگل روڈ اور گنے والی ٹرالیوں کی وجہ سے پھنسی ہوئی ہے۔اس طرف سفر کرنے والوں سے گزارش ہے کہ متبادل راستے اختیار کریں۔ گھنٹوں سے جام ٹریفک کی روانی میں مذید کافی وقت لگ سکتا ہے۔

31/12/2025

یمن: سعودی عرب اور متحدہ عرب امارات کے درمیان تناؤ خطرناک مرحلے میں داخل
یمن میں جاری خانہ جنگی کے تناظر میں سعودی عرب اور متحدہ عرب امارات کے درمیان اختلافات کھل کر سامنے آ گئے ہیں، جس کے بعد خطے کی سلامتی سے متعلق خدشات میں نمایاں اضافہ ہو گیا ہے۔ سعودی قیادت میں قائم فوجی اتحاد کی جانب سے یمن میں اسلحے کی ایک بڑی کھیپ پر فضائی حملہ اور متحدہ عرب امارات کی فورسز کو 24 گھنٹوں کے اندر یمن چھوڑنے کا حکم اس کشیدگی کی واضح علامت قرار دیا جا رہا ہے۔ ریاض حکومت کی طرف سے ابوظہبی کے خلاف یہ اب تک کا سب سے سخت اور غیر معمولی بیان سمجھا جا رہا ہے۔
سعودی عرب نے منگل کے روز دو ٹوک مؤقف اختیار کرتے ہوئے کہا کہ اس کی قومی سلامتی ایک سرخ لکیر ہے اور اس پر کسی قسم کا سمجھوتہ نہیں کیا جا سکتا۔ اس بیان کے چند ہی گھنٹوں بعد سعودی قیادت میں قائم اتحاد نے یمن کے جنوبی علاقوں میں ان علیحدگی پسند عناصر کو نشانہ بنایا جنہیں متحدہ عرب امارات کی حمایت حاصل بتائی جاتی ہے۔ عسکری ذرائع کے مطابق یہ حملہ غیر ملکی فوجی امداد اور اسلحے کی ترسیل کو روکنے کے لیے کیا گیا۔
سیاسی محاذ پر بھی معاملات تیزی سے بگڑتے دکھائی دے رہے ہیں۔ سعودی عرب کے حمایت یافتہ یمن کی صدارتی کونسل کے سربراہ رشاد العلیمی نے متحدہ عرب امارات کے ساتھ موجود دفاعی معاہدہ باضابطہ طور پر منسوخ کر دیا ہے۔ یمن کی سرکاری خبر رساں ایجنسی کے مطابق، رشاد العلیمی نے قوم سے ٹیلی ویژن خطاب میں امارات پر یمن کے اندرونی معاملات میں مداخلت اور انتشار کو ہوا دینے کا سنگین الزام عائد کیا۔
رشاد العلیمی کا کہنا تھا کہ اب یہ بات ناقابلِ تردید طور پر ثابت ہو چکی ہے کہ متحدہ عرب امارات نے جنوبی عبوری کونسل (ایس ٹی سی) پر دباؤ ڈال کر اسے فوجی طاقت بڑھانے، ریاستی اختیار کو کمزور کرنے اور بغاوت پر آمادہ کیا۔ ان کے مطابق اس طرزِعمل نے نہ صرف یمن کی خودمختاری کو نقصان پہنچایا بلکہ امن کوششوں کو بھی شدید دھچکا پہنچایا ہے۔
دفاعی و سفارتی ماہرین کا کہنا ہے کہ سعودی عرب اور متحدہ عرب امارات کے درمیان یہ کھلا تناؤ یمن بحران کو ایک نئے اور زیادہ پیچیدہ مرحلے میں داخل کر سکتا ہے۔ دونوں ممالک طویل عرصے سے یمن میں ایک ہی فوجی اتحاد کا حصہ رہے ہیں، تاہم زمینی حقائق، اثر و رسوخ کی کشمکش اور مختلف اتحادی گروہوں کی حمایت نے اب اختلافات کو تصادم کی شکل دے دی ہے۔
علاقائی مبصرین خبردار کر رہے ہیں کہ اگر یہ کشیدگی کم نہ ہوئی تو نہ صرف یمن میں خانہ جنگی مزید شدت اختیار کر سکتی ہے بلکہ خلیج کے مجموعی استحکام پر بھی اس کے منفی اثرات مرتب ہو سکتے ہیں۔ آنے والے دنوں میں ریاض اور ابوظہبی کے اگلے اقدامات پر پوری دنیا کی نظریں مرکوز ہیں۔

29/12/2025

درندہ صفت انسان — قانون کا محافظ یا قانون شکن؟
خوشاب پولیس کا سابق ایس ایچ او شفقت نواز اعوان وردی کی آڑ میں درندگی کی حدیں پار کر گیا۔
ساجد کالونی کی رہائشی مقدس نامی خاتون کو اپنے گھر بلا کر زیادتی کا نشانہ بنایا گیا۔
ذرائع کے مطابق ملزم نے خاتون کو ساری رات اپنی شیطانی حوس کا نشانہ بنائے رکھا۔
واقعے کا مقدمہ تھانہ سٹی جوہرآباد میں درج کر لیا گیا ہے، تاہم تاحال ملزم گرفتار نہیں ہو سکا۔
ایف آئی آر کے متن کے مطابق الزامات سنگین اور ناقابلِ تردید ہیں، مگر سوال یہ ہے کہ
کیا قانون سب کیلئے برابر ہے؟
🚨 اہم سوال 🚨
کیا ایک عام شہری کے مقابلے میں
ایک سابق ایس ایچ او کے نیفے میں پستول زیادہ طاقتور ہے؟
یا پھر انصاف واقعی اندھا ہوتا ہے؟
سوشل میڈیا پر بحث چھڑ چکی ہے،
قوم جواب مانگ رہی ہے،
اور نظریں قانون نافذ کرنے والے اداروں پر جمی ہوئی ہیں۔
#خوشاب
#جوہرآباد

28/12/2025

تھانہ میانہ گوندل کے علاقہ میں افضل ولد منظور گوندل سکنہ حسو آنہ کو 2 کس نامعلوم نے قتل کردیا

25/12/2025

25/12/2025

"We warmly welcome you to our team"