09/06/2026
زاہد رمضان کی رپورٹ کے مطابق
منڈی بہاءالدین: محکمہ زراعت توسیع منڈی بہاءالدین اور فاطمہ فرٹیلائزرکے اشتراک سے پھالیہ کے مقامی میرج ہال میں کسان کنونشن کا انعقاد کیا گیا۔ کنونشن میں کاشتکاروں کی کثیر تعداد میں شرکت، کاشتکاروں نے کسانوں کنونشن منعقد کرنے کو سراہا۔ کنونشن کے اختتام پر گندم کے پیداواری مقابلہ جات میں پوزیشنز حاصل کرنے والے کاشتکاروں کو اعزازی پگیں پہنائی گئیں اور شیلڈز بھی تقسیم کی گئیں۔
منڈی بہاءالدین: محکمہ زراعت توسیع منڈی بہاءالدین اور فاطمہ فرٹیلائزرکے اشتراک سے پھالیہ کے مقامی میرج ہال میں کسان کنونشن کا انعقاد کیا گیا۔ ڈپٹی کمشنر عدیل حیدر کا پیداواری مقابلہ گندم جیتنے والے خوش نصیب کاشت کاروں کو مبارکباد دیتے ہوئے کہنا تھا کہ حکومت کسانوں کی فلاح و بہبود کیلئے بہترین اقدامات اٹھا رہی ہے ، ملک میں بڑھتی ہوئی آبادی کی غذائی ضروریات کو مستقل بنیادوں پر پورا کرنے کیلئے گندم اور دیگر زرعی اجناس کی فی ایکڑ پیداوار میں اضافہ ضروری ہے، جدید زرعی ٹیکنالوجی کے استعمال سے فصلوں کی فی ایکڑ پیداوار میں اضافے کے حصول کو ممکن بنایا جا سکتا ہے۔ ڈائریکٹر زراعت توسیع گجرات ڈویژن ڈاکٹر عرفان اللہ وڑائچ اور ڈپٹی ڈائریکٹر زراعت توسیع محمد افضل نے کاشتکاروں کو وزیراعلی پنجاب مریم نواز شریف کے کسانوں کیلئے کئے گئے انقلابی اقدامات، جاری منصوبہ جات، کسان کارڈ، سولر سسٹم، گرین ٹریکٹر سکیم اور سبسڈی پر زرعی مشینری کی فراہمی کے منصوبہ جات سمیت ضلعی انتظامیہ کی جانب سے فراہم کردہ اقدامات، انسداد سموگ، گندم کی اہمیت، ان پر کھادوں کا مناسب استعمال، گندم کی بھرپور اور منافع بخش کاشت کے حوالے سے تفصیلی آگاہ کیا۔ کنونشن سے زراعت آفیسر سہیل منیر، ڈویلپمنٹ مینجر فاطمہ فرٹیلائزر عمران حسین، ریجنل سیلز مینجرفیصل آباداسلام الدین نے دھان کی پیداواری ٹیکنالوجی ، کھادوں کے متوازن استعمال اور کھادوں کی پہچان کے بارے میں آگاہ کیا۔
