24/04/2026
تناول نیوز پوائنٹ | خصوصی خبر
مدرستہ المدینہ چندور بالا کا ایک اور اعزاز — دو طلبہ نے قرآن پاک حفظ کر لیا
چندور بالا: مدرستہ المدینہ چندور بالا کے لیے یہ ایک خوشی اور فخر کا موقع ہے کہ ادارے کے مزید دو طلبہ نے قرآن پاک حفظ کرنے کی سعادت حاصل کر لی۔
تفصیلات کے مطابق، بعد از نماز جمعہ مدرستہ المدینہ چندور بالا میں ایک پروقار دستار بندی کی خصوصی تقریب کا انعقاد کیا گیا، جس میں حافظ غلام مجتبیٰ صاحب (اٹھانی شریف) اور حافظ محمد حمزہ صاحب (چندور پائیں) کی دستار بندی کی گئی۔
تقریب میں ممتاز علمائے کرام اور معزز شخصیات نے شرکت کی، جن میں حضرت مولانا سید عدیل حسین شاہ صاحب (لساں نواب)، حضرت مولانا لیاقت حسین صاحب (لساں نواب)، حضرت مولانا احمد فراز صاحب (چندور بالا)، حضرت مولانا اسد سعید صاحب (ہری پور)، حضرت مولانا شاہ نواز صاحب (مانسہرہ)، حضرت مولانا ظہیر صاحب (مانسہرہ)، حضرت مولانا محمد رفاقت صاحب (ہری پور)، حضرت قاری بلال عطاری صاحب (ہری پور) اور حضرت مولانا محمد سعید صاحب (خطیب جامع مسجد چندور بالا) شامل تھے۔
اس موقع پر علمائے کرام نے اپنے خطابات میں قرآن پاک کی تعلیم و حفظ کی اہمیت پر روشنی ڈالی اور طلبہ کی اس عظیم کامیابی کو سراہا۔
تقریب کے اختتام پر حافظ غلام مجتبیٰ اور حافظ محمد حمزہ کو دستار پہنائی گئی، جبکہ شرکاء نے خوشی اور مسرت کا اظہار کرتے ہوئے بچوں اور ان کے والدین کو دلی مبارکباد پیش کی۔
تناول نیوز پوائنٹ کی جانب سے بھی دونوں حفاظِ کرام اور ان کے اہلِ خانہ کو یہ عظیم اعزاز حاصل کرنے پر دل کی گہرائیوں سے مبارکباد پیش کی جاتی ہے۔
