16/05/2026
*`قربانی کا اصل مقصد کیا ہے؟`*
*قربانی محض جانور ذبح کرنے کا نام نہیں، بلکہ یہ اخلاص، تقویٰ، اطاعتِ الٰہی اور سنتِ ابراہیمی کا عملی اظہار ہے۔ بندہ اپنے رب کی رضا کے لیے اپنی محبوب چیز قربان کرتا ہے اور یہ اعلان کرتا ہے کہ: اے اللہ! میری جان، میرا مال اور میری خواہشات سب تیرے حکم کے تابع ہیں۔*
اللہ تعالیٰ فرماتا ہے:
﴿لَنْ يَنَالَ اللَّهَ لُحُومُهَا وَلَا دِمَاؤُهَا وَلٰكِنْ يَنَالُهُ التَّقْوٰى مِنْكُمْ﴾
“اللہ تک نہ ان (جانوروں) کا گوشت پہنچتا ہے نہ خون، بلکہ تمہارا تقویٰ پہنچتا ہے۔”
(سورۃ الحج: 37)
لہٰذا قربانی ایسی عبادت ہے جس میں ریا، نمود و نمائش اور تفاخر کی کوئی گنجائش نہیں۔ اگر کوئی شخص محض لوگوں کو دکھانے، تعریف سمیٹنے یا اپنی حیثیت جتانے کے لیے مہنگا جانور خریدے، تو ممکن ہے وہ ہزاروں بلکہ لاکھوں روپے کا جانور ذبح کر دے، مگر اخلاص نہ ہونے کی وجہ سے اجر و ثواب سے محروم رہ جائے۔ اللہ کے یہاں صرف قیمتی جانور کی قدر نہیں، سچی نیت اور دل کے تقویٰ کی اہمیت ہے۔
*`قربانی کا حسن جانور کی قیمت میں نہیں، نیت کی پاکیزگی میں ہے۔`*
*شیئر کرنا نا بھولیں اور سٹیٹس پر لگائیں 🥰*
