Alvi News Pakistan

15/11/2025

15/11/2025

ڈی پی او مانسہرہ محمد اظہرخان نے ڈی ایس پیز کو اپنی موجودگی اور نگرانی میں سرچ اینڈ سٹرائیک آپریشنز کرنے کے احکامات جاری کر دئیے۔

اسی سلسلہ میں آج مورخہ 15 نومبر 2025 کو ڈی ایس پی اوگی وحید خان کی نگرانی میں سی ٹی ڈی اہلکاروں کے ہمراہ ایف سی فورٹ اوگی کے گردونواح میں سرچ اینڈ اسٹرائیک آپریشن کیا گیا۔

آپریشن کا مقصد مشتبہ عناصر کی نشاندہی، جرائم پیشہ سرگرمیوں کی روک تھام اور علاقہ میں امن و امان کو یقینی بنانا تھا۔ دورانِ آپریشن متعدد مقامات کی چیکنگ کی گئی اور مشتبہ افراد سے پوچھ گچھ کی گئ۔

15/11/2025

مانسہرہ میں بائکیا سروس کی رجسٹریشن لازمی قرار – غیر قانونی سرگرمیوں کی روک تھام کے لیے مانسہرہ پولیس کا اہم اقدام

ضلعی پولیس سربراہ مانسہرہ محمد اظہر خان کی ہدایات پر ضلع بھر میں بائکیا رائیڈرز کی رجسٹریشن کا عمل شروع کردیا گیاہے۔مختلف وارداتوں میں بائکیا کی آڑ میں جرائم پیشہ افراد کی سرگرمیوں میں اضافہ دیکھنے میں آیاہے، جس کے بعد بائکیا سروس کی باقاعدہ رجسٹریشن لازمی قرار دے دی گئی ہے۔

ڈی پی او مانسہرہ نے واضح کیا ہے کہ مانسہرہ پولیس رزقِ حلال کمانے والے محنت کش بائکیا رائیڈرز کی مکمل حمایت کرتی ہے، تاہم بائکیا کے نام پر کسی بھی شخص کو غیر قانونی سرگرمیوں کی اجازت ہرگز نہیں دی جائے گی۔ رجسٹریشن کے بعد ہر بائکیا رائیڈر کو خصوصی رجسٹریشن نمبر الاٹ کیا جائے گا، جبکہ رائیڈر کے تمام کوائف متعلقہ تھانے میں ریکارڈ کا حصہ ہوں گے۔

مانسہرہ پولیس نے شہریوں سے اپیل کی ہے کہ وہ اپنے علاقوں میں موجود بائکیا رائیڈرز کو رجسٹریشن مکمل کرنے کی ترغیب دیں تاکہ جرائم کی روک تھام اور امن و امان کو برقرار رکھنے میں مدد مل سکے۔

14/11/2025

ڈی پی او مانسہرہ اظہر خان نے جو کل کہا آج اس پر عمل ہو گیا ۔۔۔
مانسہرہ کالج دوراہا ۔۔ مانسہرہ پولیس کا افغان مہاجرین کے خلاف آپریشن درجنوں افغانی اور پاکستانی مکان مالکان گرفتار ۔۔

14/11/2025

ڈپٹی کمشنر کا محکمہ تعلیم کو مراسلہ
ایم آر ویکسینیشن مہم میں مکمل تعاون کی ہدایت

اوگی/مانسہرہ: ڈپٹی کمشنر کی جانب سے سرکاری اور نجی تعلیمی اداروں کو ایم آر (خسرہ و روبیلا) ویکسینیشن مہم کے سلسلے میں اہم نوٹیفکیشن جاری کیا گیا ہے۔ جاری کردہ ہدایات میں تمام سرکاری و پرائیویٹ اسکولوں کے سربراہان کو ہدایت کی گئی ہے کہ ویکسینیشن ٹیموں کے ساتھ مکمل تعاون یقینی بنائیں۔

13/11/2025

ڈی پی او مانسہرہ نے افغان مہاجرین کے خلاف کارروائی تیز کرنے اور عوام کے تحفظ کو اولین ترجیح قرار دیا۔

ڈی پی او مانسہرہ اظہر خان نے کہا ہے کہ مانسہرہ سے افغان مہاجرین کے انخلا کی رفتار مزید تیز کی جائے گی۔
ان کا کہنا تھا کہ آج سے مانسہرہ میں افغان مہاجرین کے خلاف رینٹل ایکٹ کے تحت کارروائیاں شروع کرنے کا حکم دے دیا گیا ہے۔
ڈی پی او نے واضح کیا کہ مانسہرہ کے عوام کی عزت، جان اور مال کی حفاظت پولیس کی اولین ترجیح ہے۔

13/11/2025

خانہ کاشت سے خانہ ملکیت کا نوٹیفکیشن

13/11/2025

خـبـردار۔۔۔۔!!⚠️
یہ پیغام ضرور پڑھیں

آرٹیفیشل انٹیلیجنس (AI) کا غلط استعمال بہت تیزی سے بڑھ رہا ہے۔ آج کل ایسی جعلی تصاویر اور ویڈیوز (Deepfake) تیار کی جا رہی ہیں جو بالکل حقیقی نظر آتی ہیں۔
بہت سے خاندان صرف ایک جھوٹی تصویر یا ویڈیو کی وجہ سے برباد ہو چکے ہیں۔

ہمیں انتہائی احتیاط کی ضرورت ہے۔ کسی بھی تصویر یا ویڈیو پر فوراً اعتبار نہ کریں۔
ہر خبر کی تصدیق کریں۔کسی کے کردار پر شک کرنے سے پہلے سوچیں کہ یہ تصویر سچی بھی ہو سکتی ہے یا مکمل جعلی بھی!

تھوڑی سی بے احتیاطی، اور پورا گھر برباد ہو سکتا ہے۔

براہِ کرم اس پیغام کو زیادہ سے زیادہ لوگوں تک پہنچائیں۔
اپنے آپ کو اور اپنے گھر والوں کو اس نئے فتنہ سے محفوظ رکھیں۔
💥

13/11/2025

‏جسٹس اطہر من اللہ اور منصور علی شاہ نے بھی استعفیٰ دے دیا۔

13/11/2025

سپریم کورٹ کے جسٹس منصور علی شاہ نے استعفیٰ دے دیا

13/11/2025

عدالت مانسہرہ کا بڑا فیصلہ: ایس ایچ او تھانہ پھلڑہ، ڈی ایس پی مدثر ضیاء اور محرر جنید کے خلاف ایف آئی آر درج کرنے کا حکم
ایڈیشنل سیشن جج 6 مانسہرہ کی عدالتِ مانسہرہ نے ان کی دائر کردہ درخواست 22-A، 22-B ضابطہ فوجداری (Cr.P.C) پر فیصلہ سناتے ہوئے تھانہ پھلڑہ کے ایس ایچ او سید قائم علی شاہ، ڈی ایس پی سرکل پھلڑہ مدثر ضیاء اور محرر جنید کے خلاف جھوٹی ایف آئی آر درج کرنے، ہراسانی اور تشدد کے الزامات ثابت ہونے پر باقاعدہ ایف آئی آر کے اندراج کا حکم جاری کر دیا ہے۔

عمران خان کے مطابق، یہ فیصلہ انصاف، شہری حقوق اور عدلیہ کی غیر جانبداری کی جیت ہے۔ عدالت نے اپنے حکم میں قرار دیا کہ مذکورہ پولیس افسران نے اختیارات کا ناجائز استعمال کرتے ہوئے ایک عام شہری کو جھوٹے الزامات، نفسیاتی دباؤ اور غیر قانونی گرفتاری کی دھمکیوں کے ذریعے ہراساں کیا۔

انہوں نے بتایا کہ پشاور ہائی کورٹ ایبٹ آباد بینچ نے 14 اکتوبر 2025 کو اپنے عبوری حکم میں پولیس کو ہدایت کی تھی کہ درخواست گزار کو کسی بھی صورت ہراساں یا گرفتار نہ کیا جائے، مگر اس کے باوجود متعلقہ افسران نے عدالتی احکامات کی خلاف ورزی کرتے ہوئے جھوٹی پریس ریلیز جاری کی اور درخواست گزار کی کردار کشی کی کوشش کی۔

عمران خان نے کہا کہ پولیس نے انہیں غلط طور پر لکڑی اسمگلنگ کے ملزم کے طور پر پیش کیا، حالانکہ وہ پیدائش سے مانسہرہ کے شہری اور اس وقت ریاست پاکستان کے قانون اور تحفظ کا حقدار ہوں

“میں افغان النسل ضرور ہوں، مگر میری پیدائش، شناخت اور زندگی پاکستان کی ہے۔ پولیس نے میرے پس منظر کو بگاڑ کر پیش کیا تاکہ اپنے غیر قانونی اقدامات کو چھپایا جا سکے۔”

درخواست گزار نے مزید بتایا کہ سماعت سے ایک روز قبل ایس ایچ او قائم علی شاہ نے صلح کے لیے مہلت مانگی تھی، مگر انہوں نے انکار کر دیا کیونکہ، ان کے بقول، انصاف کے بدلے صلح قبول نہیں کی جا سکتی۔

> “آج عدالت نے میرے مؤقف کو درست تسلیم کرتے ہوئے ایف آئی آر کے اندراج کا حکم دیا، جو سچ اور قانون کی فتح ہے۔ ایک ایس ایچ او ہو یا عام مزدور، قانون کے سامنے سب برابر ہیں۔ میں نے صلح نہیں کی — انصاف مانگا، اور آج عدالت نے میری دہائی سنی۔”

عمران خان نے اپنے مطالبات میں کہا کہ:

1. آئی جی پولیس خیبر پختونخوا اور ڈی پی او مانسہرہ عدالتی حکم پر فوری عملدرآمد یقینی بنائیں اور نامزد افسران کے خلاف محکمانہ کارروائی کا آغاز کریں۔

2. ڈی ایس پی سرکل پھلڑہ مدثر ضیاء کی زیرِ نگرانی ماضی میں کی گئی کارروائیوں کی غیر جانبدارانہ انکوائری کرائی جائے۔

3. ہیومن رائٹس کمیشن آف پاکستان پولیس اختیارات کے ناجائز استعمال کے خلاف موثر حفاظتی اقدامات تجویز کرے۔

آخر میں عمران خان نے کہا:

“میں ایک عام شہری ہوں مگر انصاف پر میرا ایمان ہے۔ آج مانسہرہ کی عدالت نے سچ اور قانون کا ساتھ دے کر ثابت کر دیا کہ اگر کوئی حق پر قائم رہے تو اللہ اور انصاف دونوں اس کے محافظ ہوتے ہیں۔ میں معزز عدالت، وکلاء برادری اور میڈیا کا شکر گزار ہوں جنہوں نے میری آواز عوام تک پہنچائی۔”

درخواست گزار نے اپنے قانونی مشیروں جنید انور خان ایڈووکیٹ سپریم کورٹ آف پاکستان اور عدنان خان سواتی ایڈووکیٹ ہائی کورٹ کا شکریہ ادا کرتے ہوئے کہا کہ:
“انہوں نے میری قانونی رہنمائی اور مسلسل معاونت کے ذریعے انصاف کی بحالی میں کلیدی کردار ادا کیا۔”

یہ پریس ریلیز مانسہرہ عدالت کے فیصلے اور عدالتی حکم کی بنیاد پر دی گئی پریس بریفنگ پر مبنی ہے۔