03/08/2026
🚨 بچی کے مبینہ اغوا پر اہلِ خانہ کی فریاد، انصاف اور فوری بازیابی کا مطالبہ
ضلع مانسہرہ اور پٹگرام کے سنگم پر واقع تھانہ بٹل کی حدود میں ایک کمسن بچی کے مبینہ اغوا کے معاملے نے شدید تشویش پیدا کر دی ہے۔
اہلِ خانہ کے مطابق، 40 سے 50 مسلح افراد زبردستی گھر میں داخل ہوئے، اہلِ خانہ کو تشدد کا نشانہ بنایا اور اسلحے کے زور پر بچی کو اپنے ساتھ لے گئے۔ متاثرہ خاندان کا کہنا ہے کہ واقعے کی ایف آئی آر تھانہ بٹل میں درج کروا دی گئی ہے۔
متاثرہ خاندان نے پریس کانفرنس کرتے ہوئے اعلیٰ حکام، پولیس اور متعلقہ اداروں سے اپیل کی ہے کہ بچی کو فوری اور بحفاظت بازیاب کرایا جائے، واقعے کی شفاف تحقیقات کی جائیں اور ملوث افراد کو قانون کے کٹہرے میں لایا جائے۔
معصوم جانوں کا تحفظ ریاست کی اولین ذمہ داری ہے۔ انصاف میں تاخیر، انصاف سے انکار کے مترادف ہے۔
