12/05/2026
گاؤں شاہ کوٹ کا خاموش راز:
شاہ کوٹ نام سنتے ہی پہاڑوں کی خوشبو، روایتوں کی گونج اور اقدار کی مہک دماغ میں اترتی ہے۔
مگر آج ہم اس گاؤں کے سینے میں دفن ایک ایسے راز کی بات کریں گے جس پر وقت نے مٹی ڈال دی ہے۔
شاہ کوٹ کا وہ قدیم قبرستان جسے "بابا بختور" کے نام سے جانا جاتا ہے۔ یہ قبرستان شاہ کوٹ کے مغرب میں واقع ہے، جس کے کتبے اب خاموش ہیں، جس کی قبریں اب بے نام ہو چکے ہیں۔
آج کا شاہ کوٹ اس سے نابلد ہے۔ بچے اس کے پاس سے گزرتے ہیں، بوڑھے اسے دیکھ کر سر جھکا لیتے ہیں۔ کوئی نہیں جانتا کہ ان ٹوٹی قبروں کے نیچے کون سو رہا ہے؟
یہ سوال جب یہاں کے بزرگوں سے کیا گیا تو ان کا جواب تھا:
"جس حالت میں آج آپ یہ دیکھ رہے ہیں، نوے سال پہلے بھی یہی منظر تھا۔"
اور بزرگ مزید بتاتے ہیں کہ جب انہوں نے اپنے بڑوں سے یہی سوال کیا تھا تو جواب یہی ملا تھا۔
اس سے اندازہ ہوتا ہے کہ یہ قبرستان کئی صدیوں پرانا ہے، اور پچھلی چار سے پانچ پشتیں بھی اس کی اصل سے بے خبر ہیں۔
تو پھر سوال پیدا ہوتا ہےکہ:
کیا یہ اولیا تھے؟ مجاہد تھے؟ یا کوئی گمشدہ قافلہ جو یہیں کا ہو کر رہ گیا؟
ہر پتھر ایک کہانی ہے۔ ہر کتبہ ایک سوال۔ اور ہر سوال پر صدیوں کی خاموشی۔
اگر آپ کے پاس اس قبرستان کے بارے میں معلومات ہوتو کومنٹس سیکشن میں بتا سکتے ہیں۔
