The Khyber Voice

27/01/2026

افضل خان کالونی، کے روڈ کا کام قلیل وقت میں مکمل کر لیا گیا۔

یہ منصوبہ قیوم خان وردگ (جنرل سیکرٹری، ولیج روریا 2) کی نگرانی، محنت اور ایمانداری سے کامیابی سے پایۂ تکمیل تک پہنچا۔

مقامی مشران کے مطابق اس منصوبے کی منظوری ایم پی اے عبدالسلام نے دی تھی، جبکہ قیوم خان وردگ کی مسلسل کوششوں کے باعث کام بہترین معیار کے ساتھ مکمل ہوا۔

عوام نے ایم پی اے عبدالسلام کا شکریہ ادا کرتے ہوئے قیوم خان وردگ کی خدمات کو بھی سراہا۔

اب قیوم خان وردگ کی زبانی ان کا پیغام سنتے ہیں

03/01/2026

وزیرِاعلیٰ خیبرپختونخوا | کھلی کچہری

01/01/2026

30/12/2025

پنشن کموٹیشن، ڈسپیرٹی الاونس اور منافع بخش اداروں کی نجکاری کے خلاف اگیگا کا مردان پریس کلب کے سامنے احتجاجی مظاہرہ
اگیگا کا دوٹوک مؤقف: پنشن کموٹیشن نامنظور، ڈسپیرٹی الاونس منظور، نجکاری واپس لی جائے
پنشن کموٹیشن اور نجکاری کے خلاف سرکاری ملازمین سڑکوں پر، مردان پریس کلب کے سامنے اگیگا کا بھرپور احتجاج . اورنگزیب کشمیری
آل گورنمنٹ ایمپلائز گرینڈ الائنس (اگیگا) کے زیرِ اہتمام مردان پریس کلب کے سامنے پنشن کموٹیشن، ڈسپیرٹی الاونس اور منافع بخش سرکاری اداروں کی نجکاری کے خلاف ایک زبردست احتجاجی مظاہرہ کیا گیا، جس میں مختلف سرکاری محکموں سے تعلق رکھنے والے ملازمین نے بڑی تعداد میں شرکت کی۔ احتجاج کے بعد ایک منظم اور بھرپور احتجاجی ریلی بھی نکالی گئی۔
احتجاجی مظاہرے سے اورنگزیب کشمیری، مرکزی سیکرٹری جنرل ایپکا پاکستان نے خطاب کرتے ہوئے کہا کہ پنشن کموٹیشن میں مجوزہ تبدیلیاں اور منافع بخش اداروں کی نجکاری سرکاری ملازمین کے معاشی قتل کے مترادف ہیں۔ انہوں نے مطالبہ کیا کہ ڈسپیرٹی الاونس فوری طور پر منظور کیا جائے اور تمام ملازم دشمن پالیسیاں واپس لی جائیں، بصورت دیگر احتجاجی تحریک کو مزید تیز کیا جائے گا۔
احتجاجی مظاہرے سے دیگر مقررین نے بھی خطاب کیا جن میں
نیازی علی خٹک (صوبائی جنرل سیکرٹری)، سلیمان شاہ (ضلعی صدر)، تاج محمد (صدر پیرامیڈیکل)، عثمان سنگر (جنرل سیکرٹری)، حافظ انعام، محمد ایاز، پیر فانوس، فرہاد ٹکر، یونس، گل محمد سنگر، فضل قیوم (پیرامیڈیکل)، قیوم خان اور خالد کمال شامل تھے۔
مقررین نے متفقہ طور پر کہا کہ سرکاری ملازمین اپنے حقوق کے لیے متحد ہیں اور کسی صورت پنشن کموٹیشن، نجکاری اور دیگر ظالمانہ اقدامات کو قبول نہیں کریں گے۔
جبکہ اگیگا، ایپکا اور دیگر اتحادی تنظیموں کے ضلعی و ڈویژنل عہدیداران بھی احتجاج میں بھرپور انداز میں موجود تھے۔
آخر میں مقررین نے واضح کیا کہ مطالبات کی منظوری تک احتجاج جاری رہے گا اور اگر حکومت نے سنجیدگی کا مظاہرہ نہ کیا تو احتجاج کا دائرہ مزید وسیع کیا جائے گا، جس کی تمام تر ذمہ داری حکومت پر عائد ہو گی۔
#احتجاج

29/12/2025

آج مورخہ 29 دسمبر، ہیومن رائٹس اوورسائیٹ کمیٹی کا ایک اہم اجلاس اقبال حسین خٹک ایڈیشنل ڈپٹی کمشنر و ہیومن رائٹس ریلیف مردان کی صدارت میں ڈی سی آفس مردان میں منعقد ہوا.

اجلاس میں حاجی اورنگزیب کشمیری مرکزی چیئرمین انٹرنیشنل ہیومن رائٹس فیڈریشن آف پاکستان، رضوان خان ایس پی ھیڈکواٹر مردان ھمایون خلجی عقیلہ سنبل صدر وومن چیمبر عالمگیر خان فنانس سیکرٹری ہیومن رائٹس ڈاکٹر روبینہ ریاض پبلک ھیلتھ کوارڈینٹر ڈی ایچ او آفس.
ڈاکٹر قاسم مردان میڈیکل کمپلیکس انچارج ریسکیو نصرت ارا سوشل ایکٹویسٹ اے ڈی پاسپورٹ ڈی ای او ایجوکیشن میل اینڈ فیمل ڈبلیو ایس ایس ایم ٹی ایم او سوشل ویلفیئر آفیسر جیل حکام ایف آئی اے پاپولیشن ویلفیئر آفیسر دارالامان حکام.
اور دیگر متعلقہ محکموں کے ضلعی افسران نے شرکت کی۔

اجلاس میں حاجی اورنگزیب کشمیری نے خواتین، بچوں، قیدیوں، صحت، تعلیم اور عوامی فلاح سے متعلق اہم امور پر تفصیلی گفتگو کی۔ شرکاء نے اس بات پر زور دیا کہ انسانی حقوق کے تحفظ کے لیے تمام اداروں کو باہمی تعاون کے ساتھ عملی اقدامات کرنا ہوں گے۔۔

اجلاس کے اختتام پر انسانی حقوق کے فروغ، عوامی مسائل کے فوری حل اور اداروں کے درمیان مضبوط رابطے کے عزم کا اظہار کیا گیا۔

27/12/2025

خوشخبری | غریب اور بے گھر شہریوں کے لیے تاریخی اعلان
حکومتِ پاکستان کی جانب سے
“میرا گھر، میرا آشیانہ” اسکیم متعارف
قرضہ 20 سے 35 لاکھ روپے تک
صرف 5% یا 8% فنانسنگ ریٹ
20 سال تک آسان اقساط
پروسیسنگ فیس بالکل نہیں
قرضہ 5 مرلہ یا 1360 مربع فٹ گھر کی خرید یا تعمیر کے لیے

25/12/2025

انٹرنیشنل ہیومن رائٹس فیڈریشن آف پاکستان، ضلع مردان کے زیرِ اہتمام یومِ قائداعظم 25 دسمبر نہایت عقیدت، جوش و خروش اور قومی جذبے کے ساتھ منایا گیا۔

تقریب کے مہمانِ خصوصی جناب حاجی اورنگزیب کشمیری، مرکزی چیئرمین انٹرنیشنل ہیومن رائٹس فیڈریشن آف پاکستان تھے۔
جنہوں نے کیک کاٹ کر بانیٔ پاکستان قائداعظم محمد علی جناحؒ کو خراجِ عقیدت پیش کیا اور ان کی جدوجہدِ آزادی، قانون کی بالادستی اور انسانی حقوق کے حوالے سے خدمات پر روشنی ڈالی۔

تقریب کے دوران سید قیوم خان وردگ نے ملک و قوم کی خدمت کے عزم کا اظہار کرتے ہوئے آئیس فروشوں کے خلاف مؤثر اور فوری کارروائی کی ضرورت پر اپنی رائے پیش کی

تقریب میں انعام اللہ یوسفزئی صوبائی صدر سمیت ہیومن رائٹس کونسل مردان کے عہدیداران، نوجوان والنٹیئرز اور مختلف شعبہ ہائے زندگی سے تعلق رکھنے والے افراد نے شرکت کی۔

شرکاء نے اس عزم کا اظہار کیا کہ قائداعظمؒ کے اصولوں انصاف، مساوات اور قانون کی حکمرانی کو عملی زندگی میں اپناتے ہوئے ایک مضبوط اور پرامن پاکستان کی تعمیر کے لیے کردار ادا کیا جائے گا۔
آخر میں ملک و قوم کی سلامتی اور ترقی کے لیے خصوصی دعا کی گئی۔۔

23/12/2025

کمشنر مردان جاوید مروت سے انٹرنیشنل ہیومن رائٹس فیڈریشن کے وفد کا ملاقات، باہمی تعاون پر اتفاق،
شفاف حکمرانی اور عوامی مسائل کا فوری حل اولین ترجیح، کمشنر مردان
سول سوسائٹی کے ساتھ مل کر مردان ڈویژن کو ترقی کی راہ پر گامزن کریں گے ۔ کمشنر مردان
تفصیلات کے مطابق کمشنر مردان جاوید خان مروت سے انٹرنیشنل ہیومن رائٹس فیڈریشن آف پاکستان کے مرکزی چیئرمین حاجی اورنگزیب کشمیری کی قیادت میں وفد نے ملاقات کی۔ وفد میں صوبائی صدر انعام اللہ یوسفزئی، نائب صدر شیراز خان اور فنانس سیکرٹری عالمگیر خان شامل تھے۔

ملاقات کے دوران وفد نے کمشنر مردان کو پھولوں کا گلدستہ پیش کیا اور روایتی چترالی پکول اور سندھ کی ثقافتی اجرک پہنائی۔ کمشنر مردان جاوید خان مروت نے وفد کا شکریہ ادا کرتے ہوئے کہا کہ مردان ڈویژن میں شفاف حکمرانی، قانون کی بالادستی اور عوامی فلاح ان کی اولین ترجیح ہے، اور سول سوسائٹی کے تعاون سے انتظامی نظام کو مزید مؤثر بنایا جائے گا۔

14/12/2025

تنظیم انجمن کشمیریان ضلع مردان کا ماہانہ اجلاس چیئرمین اورنگزیب کشمیری کی زیر صدارت حجرہ جھان زیب کشمیری، گلی باغ مردان میں منعقد ہوا۔
اجلاس میں تنظیم کے عہدیداران، مشران اور اراکین نے بڑی تعداد میں شرکت کی۔

اجلاس سے والد میر کشمیری، جاوید کشمیری اور جھان زیب کشمیری نے خطاب کرتے ہوئے کہا کہ تنظیم کو درپیش مسائل اتحاد، مشاورت اور افہام و تفہیم سے حل کیے جائیں گے۔
انہوں نے کہا کہ کسی بھی مسئلے کی صورت میں تنظیمی مشران سے رجوع کیا جائے۔

مقررین نے نوجوانوں کو صبر، تحمل اور برداشت سے کام لینے اور کسی بھی تنازع یا عدالتی معاملے میں جذباتی فیصلوں سے گریز کی ہدایت کی۔

آخر میں چیئرمین اورنگزیب کشمیری نے شرکاء کا شکریہ ادا کرتے ہوئے تنظیم کو مزید مضبوط اور منظم بنانے کے عزم کا اظہار کیا.

13/12/2025

اورنگزیب کشمیری، مرکزی چیئرمین انٹرنیشنل ہیومن رائٹس فیڈریشن آف پاکستان اور مرکزی سیکرٹری جنرل ایپکا پاکستان نے تین روزہ کامیاب تنظیمی دورۂ سندھ مکمل کر لیا۔

اسلام آباد ائرپورٹ پر انعام اللہ یوسفزئی صوبائی صدر انٹرنیشنل ہیومن رائٹس فیڈریشن آف پاکستان، عباس خان، اقرار احمد, ذیشان کشمیری اور ایپکا اور ہیومن رائٹس کے رہنماؤں و کارکنان نے متحد ہو کر حاجی اورنگزیب کشمیری کا استقبال کیا، انہیں ہار پہنائے گئے اور گل پاشی کی گئی۔

اس موقع پر اورنگزیب کشمیری نے صوبہ سندھ کے صوبائی صدر سکندر علی بھنگر کے تعاون اور مثالی میزبانی کا خصوصی شکریہ ادا کرتے ہوئے کہا کہ ایپکا پاکستان اور انٹرنیشنل ہیومن رائٹس فیڈریشن آف پاکستان ایک مشترکہ مقصد کے تحت جدوجہد کر رہی ہیں، جہاں سرکاری ملازمین کے حقوق اور عام شہریوں کے بنیادی انسانی حقوق کا تحفظ اولین ترجیح ہے۔

انہوں نے مزید کہا کہ دونوں تنظیمیں ملک بھر میں ظلم، ناانصافی اور حق تلفی کے خلاف مشترکہ، منظم اور مؤثر جدوجہد جاری رکھیں گی، اور کسی بھی سطح پر کمزور طبقے کو تنہا نہیں چھوڑا جائے گا۔
۔
۔
۔
۔
۔

10/12/2025

اورنگزیب کشمیری، مرکزی سیکرٹری جنرل ایپکا پاکستان و مرکزی چیئرمین انٹرنیشنل ہیومن رائٹس فیڈریشن آف پاکستان، تین روزہ دورے پر کراچی پہنچ گئے۔

کراچی آمد پر صوبائی صدر سندھ و سینئر نائب صدر ایپکا پاکستان سکندر علی بھنگر نے جناح انٹرنیشنل ایئرپورٹ پر ان کا پرتپاک استقبال کیا۔

بعد ازاں اورنگزیب کشمیری نے سکندر علی بھنگر کی رہائش گاہ پر جا کر ان کے بھائی کے انتقال پر گہرے رنج و افسوس کا اظہار کیا۔

انہوں نے مرحوم کے ایصالِ ثواب کے لیے فاتحہ خوانی کی اور دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبر جمیل عطا کرے۔

اس موقع پر اورنگزیب کشمیری نے کہا کہ دکھ کی اس گھڑی میں وہ بھنگر خاندان کے ساتھ مکمل ہمدردی اور یکجہتی کے ساتھ کھڑے ہیں۔

15/10/2025

اہم خبر سے آگاہ کرینگے کہ ڈپٹی کمشنر چارسدہ ڈاکٹر عظمت اللہ وزیر نے کہا ہے کہ سرکاری ملازمین کے مسائل کو ترجیحی بنیادوں پر حل کیا جائے گا۔

انٹرنیشنل ہیومن رائٹس فیڈریشن آف پاکستان کے چیئرمین اورنگزیب کشمیری اور صوبائی صدر انعام اللہ یوسفزئی نے چارسدہ کا دورہ کیا۔

وفد نے ڈپٹی کمشنر اور ایکسین ہائی وے ڈویژن محمد شعیب سے ملاقاتیں کیں جن میں سرکاری ملازمین کے مسائل اور عوامی فلاح کے امور پر تبادلہ خیال ہوا۔

ڈی سی چارسدہ نے یقین دلایا کہ ضلعی انتظامیہ عوامی خدمات اور ملازمین کی فلاح کے لیے عملی اقدامات کر رہی ہے۔

اورنگزیب کشمیری اور انعام اللہ یوسفزئی نے ڈی سی چارسدہ کے مثبت رویے کو سراہتے ہوئے کہا کہ باہمی تعاون سے مسائل کے حل میں تیزی آئے گی۔