Matiari Update

30/04/2026

30/04/2026

مٽياري ڀرسان الهڏنو ساند ۾ 8 ورهين جي نينگر فياض ساند مبينا بدفعلي بعد گهٽا ڏئي قتل ڪرڻ جو ڪيس شاھپوردرپور ٿاڻي تي داخل ڪيو ويو آهي، ڪيس نينگر جي والد اياز جي فرياد تي داخل ڪيو ويو آهي، جنهن ۾ ڄاڻايو ويو آهي ته جوابدار پٽ فياض سان بدفعلي ڪرڻ بعد کيس بيدردي سان قتل ڪرڻ بعد لاش لڪائي ڇڏيو...

30/04/2026

مٽياري اپڊيٽ : ڪاشف ميمڻ ڊسٽرڪٽ زڪوات چيئرمين مٽياري مقرر. نوٽيفڪيشن جاري

30/04/2026

مٽياري رپورٽ

زرعي مزدور عورتن پاران پورھيتن جي حقن جي تحفظ ۽ سماجي تحفظ جي پروگرامن ۾ شا مل ڪرڻ جو مطالبو

مزدورن جي عالمي ڏينهن جي حوالي سان “ذهني ۽ جسماني تحفظ سان ئي باعزت روزگار جي شروعات ٿئي ٿي” جي عنوان هيٺ هڪ اهم مذاڪرو منعقد ڪيو ويو، جنهن ۾ ضلعي مٽياري جي 10 عورت زرعي مزدور ٽريڊ يونينن جي 60 کان وڌيڪ عورت زرعي مزدورن، مزدور حقن جي ڪارڪنن، آبادگارن ۽ مختلف سرڪاري کاتن جي نمائندن شرڪت ڪئي. هي پروگرام سنڌ ڪميونٽي فائونڊيشن پاران منعقد ڪيو ويو، جنهن جو مقصد زرعي مزدور عورتن کي پيش ايندڙ مسئلن کي اجاگر ڪرڻ ۽ سندن مزدوري حقن، عزت، صحت ۽ روزگار جي تحفظ لاءِ تڪڙا قدم کڻڻ جو مطالبو ڪرڻ هو.

مذاڪري ۾ ليبر کاتي، صحت کاتي، سوشل ويلفيئر کاتي، وومين ڊولپمينٽ کاتي، سول سوسائٽي تنظيمن، آبادگارن ۽ برادري اڳواڻن شرڪت ڪئي. خطاب ڪندڙن ۾ مزدور اڳواڻ تاج مري، سنڌ آبادگار بورڊ جي نديم شاهه، سنڌ ڪميونٽي فائونڊيشن جي جاويد حسين، ايڊيشنل ڊپٽي ڪمشنر-II مٽياري اقرا جنت، سوشل ويلفيئر کاتي جي ارم جلال، صحت کاتي جي نذير احمد، انساني حقن لاءِ ڪم ڪندڙ ڪارڪن شهناز شيدي ۽ غفرانه، زبيده ترڪ، حرا آرائين ۽ عورت ٽريڊ يونين اڳواڻ شامل هئا.

سنڌ ڪميونٽي فائونڊيشن جي جاويد سوز خطاب ڪندي چيو ته زرعي عورت مزدورن لاءِ بدلجندڙ ماحولياتي ۽موسمياتي تحفظ ۽ باعزت ڪم ڪندڙ حالتون انتهائي ضروري آهن، ڇو ته وڌندڙ گرمي، هيٽ ويوز، ٻوڏن ۽ غير محفوظ حالتن سبب عورت مزدورن جي صحت ۽ روزگار تي سخت منفي اثر پئجي رهيا آهن. هن مطالبو ڪيو ته کين ڇانوَ وارا ڇپرا، صاف پيئڻ جو پاڻي، موبائل صحت جون سهولتون ۽ سخت گرمي دوران ڪم جا گهٽ ڪلاڪ فراهم ڪيا وڃن.
ڊپٽي ڪمشنر-II مٽياري اقرا جنت چيو ته زرعي مزدور عورتون ڳوٺاڻي معيشت ۾ اهم ڪردار ادا ڪن ٿيون ۽ سندن پورھي جي حالتن ۽ تحفظ کي بهتر بڻائڻ انتهائي ضروري آهي.

مزدور حقن جي ڪارڪن تاج مري سنڌ حڪومت پاران سنڌ وومين ايگريڪلچرل ورڪرز ايڪٽ 2019 جي رولز آف بزنس جاري ڪرڻ واري قدم کي ساراهيو ۽ ان جي اثرائتي عملداري تي زور ڏنو.

سنڌ آبادگار بورڊ جي نديم شاهه چيو ته عورت زرعي مزدور ڦٽي جي چونڊائي کانپوءِ غربت ۽ بيروزگاري جو شڪار ٿين ٿيون، تنهنڪري سندن لاءِ پائيدار روزگار، مهارتن جي تربيت ۽ سماجي تحفظ جا پروگرام شروع ڪرڻ گهرجن.

سجاڳي وومين ڪاٽن ورڪرز ٽريڊ يونين جي اڳواڻ زبيده سولنگي گهٽ اجرت، غير محفوظ ڪم ڪندڙ حالتن، ۽ ليبر ويلفيئر نظام مان خارج رکڻ بابت خدشن جو اظهار ڪيو.

شرڪت ڪندڙن منصفاڻي اجرت، محفوظ حالتن، مزدور حقن بابت عملدرآمد ۽ پورھيتن جي فلاحي ۽ سماجي تحفظ جي نظام ۾ شموليت، ۽ استحصال کان تحفظ جو مطالبو ڪيو .

30/04/2026

مٽياري اپڊيٽ : منشيات فروشن کي گرفتار ڪرڻ تان پوليس ۽ ڳوٺاڻن ۾ جهيڙو، لٺين مڪين جو وسڪارو، هڪ اهلڪار زخمي 6 ڄڻن مٿان ڪيس داخل ،

پوليس موجب اسانکي اطلاع مليو ته سيکاٽ ٿاڻي تي داخل ٿيل ڪيس جو روپوش جوابدار اسحاق ڏيٿو ڳوٺ انور کوسو طرف وڃي رهيو آهي،

جو اسان ان ڳوٺ پهتاسين ۽ جوابدار کي گرفتار ڪرڻ جو ڪوشش ڪئي ته اهو جوابدار کسڪڻ لڳو جنهن بعد 6 ڄڻن جن جي هٿن ۾ لٺيون ۽ ڪهاڙيون هنيون،

روپوش جوابدار کي گرفتار ڪيو جيڪو هنن ڇڏائي ورتو جنهن ۾ اسان جو پوليس اهلڪار غلام محمد وگھيو زخمي ٿي پيو آهي،

جنهن بعد مٽياري ٿاڻي سرڪاري فرياد تي ڇهن ڄڻن امجد ڏيٿو، وقار ڏيٿو ،پير بخش کوسو، دلدار کوسو ۽ نعمان خانزادو مٿان ڪيس داخل ڪيو ويو آهي،

29/04/2026

مٽياري لڳ الھڏنو ۾ عثمان ساند جي 8 سالن جي پوٽي فياض پٽ
اياز کي محمد ساند گھٽا ڏئي شراب پياري قتل ڪري ڇڏيو،

29/04/2026

مٽياري لڳ الھڏنو ساند ۾ نينگر سان بدفعلي کيس گهٽا ڏئي قتل ڪرڻ بعد لاش کي بسترن جي پيتي ۾ پوري ڇڏيو

29/04/2026

مٽياري لڳ الھڏنو ساند ۾ جوابدار 8 ورهين جي نينگر کي شراب پيارڻ بعد منهن ۾ ڌڪ هڻي قتل ڪري ڇڏيو آهي، پوليس

عثمان ساند جي 8 سالن جي پوٽي فياض پٽ اياز کي محمد ساند گھٽا ڏئي شراب پياري قتل ڪري ڇڏيو،.

جوابدار کي شاھپور درپور پوليس گرفتار ڪري ورتو آهي، پوليس

29/04/2026

مٽياري ويجهو علائقي الھڏنو ساند ۾ افسوسناڪ واقعو پيش آيو، جتي عثمان ساند جي 8 سالن جي پوٽي فياض پٽ اياز کي مبينا طور محمد ساند پاران قتل ڪيو ويو۔
واقعي جي اطلاع ملندي ئي پاڪستان پيپلزپارٽي ضلع مٽياري جي جنرل سيڪريٽري سيد فضيل حبيب شاهه فوري طور ڊي ايڇ ڪيو اسپتال مٽياري پهچي متاثر خاندان سان ملاقات ڪئي ۽ واقعي بابت تفصيلي جائزو ورتو۔
ان موقعي تي سيد فضيل حبيب شاهه ڏک جو اظهار ڪندي چيو ته معصوم ٻار جو قتل انتهائي افسوسناڪ ۽ انسانيت سوز واقعو آهي، جنهن ۾ ملوث جوابدارن کي جلد کان جلد قانون جي ڪٽهڙي ۾ آندو وڃي۔
هن لاڳاپيل اختيارين کي هدايت ڪئي ته واقعي جي شفاف جاچ ڪري متاثر خاندان کي انصاف فراهم ڪيو وڃي، جڏهن ته پوليس موجب جوابدار جي گرفتاري لاءِ ڪارروائي جاري آهي۔

29/04/2026

مٽياري اپڊيٽ : پاڪستان پيپلزپارٽي ڊجيٽل ميڊيا ضلع مٽياري جو اهم اجلاس منعقد، ڪري ڪوآرڊينيٽرز ۾ ڪارڊ ورهايا ويا۔

مٽياري ۾ پاڪستان پيپلزپارٽي ضلع مٽياري جي جنرل سيڪريٽري سيد فضيل حبيب شاهه جي رهائشگاهه تي پي پي پي ڊجيٽل ميڊيا جي ڪوآرڊينيٽرز جو اهم اجلاس ٿيو، جنهن ۾ ضلعي صدر سيد پير امير علي شاهه هاشمي، جنرل سيڪريٽري سيد فضيل حبيب شاهه، ڊويزنل هيڊ فيضان ابڙو سميت ٻين اڳواڻن شرڪت ڪئي۔
اجلاس دوران ڊجيٽل ميڊيا کي وڌيڪ فعال بڻائڻ، پارٽي جو پيغام جديد ذريعن وسيلي عوام تائين پهچائڻ ۽ تنظيم کي وڌيڪ مضبوط ڪرڻ بابت اهم خيالن جي ڏي وٺ ڪئي وئي۔ ان موقعي تي اڳواڻن چيو ته موجوده دور ۾ ڊجيٽل ميڊيا جي اهميت انتهائي وڌي چڪي آهي، ۽ پارٽي ڪارڪنن کي گهرجي ته سوشل ميڊيا تي وڌيڪ سرگرم ٿي پارٽي جو پيغام هر سطح تائين پهچائين۔ اجلاس ۾ پي پي پي ڊجيٽل ميڊيا ضلع مٽياري جي ڪوآرڊينيٽرز ۾ ڪارڊ پڻ تقسيم ڪيا ويا۔ اجلاس ۾ فاروق نوهپوٽو، يوسف ڇٽو، ڌڻي بخش سيال، منير خاصخيلي، امداد چانگ، جميل منگواڻو، شمن سهتو، علي فيضان خاصخيلي ۽ شازيه عطا چانگ شبانا ڌماچ سميت مختلف تعلقن جي عهديدارن وڏي انگ ۾ شرڪت ڪئي

28/04/2026

مٽياري اپڊيٽ : سي آءِ اي پوليس مٽياري ضلعي جي مختلف علائقن ۾ وڏي ڪارروائي ڪندي منشيات،سوپاريون صفينه 210 پيڪيٽ ۽ غير قانوني شراب جون 710 بوتلون هٿ ڪري ڪيترن ئي جوابدارن کي گرفتار ڪري ورتو آهي
سي آءِ اي پوليس مٽياري جي انچارج طفيل ڀٽو پنهنجي ٽيم سان گڏ ڀٽ شاهه ٿاڻي جي حد ۾ ڪارروائي ڪندي جوابدار امجد علي ڪلهوڙو ولد شوڪت علي، رهواسي ڀريا سٽي ضلع نوشهرو فيروز کي گرفتار ڪري سندس قبضي مان 216 پيڪٽ زيڊ21 گٽڪو هٿ ڪيو۔
سيکاٽ ٿاڻي جي حد ۾ ڪارروائي دوران پوليس ڪرولا ڪار کي روڪي تلاشي ورتي، جنهن دوران جوابدار سڪندر علي ولد لکاڏنو خاصخيلي ۽ غلام رسول ولد انب خاصخيلي، ٻئي رهواسي شهدادپور ضلع سانگهڙ کي گرفتار ڪري سندن قبضي مان 710 بوتلون پڪي شراب هٿ ڪيون ويون
هڪ ٻي ڪارروائي ۾ جوابدار وڪيو خيبر، رهواسي خيبر سٽي مٽياري کي گرفتار ڪري سندس قبضي مان 130 مين پوريون ۽ ساڍا 9 ڪلو خام مال هٿ ڪيو ويو۔
پوليس موجب گرفتار جوابدارن خلاف منشيات ايڪٽ ۽ ٻين لاڳاپيل دفعات تحت ڪيس داخل ڪري وڌيڪ جاچ شروع ڪئي وئي آهي

28/04/2026

مٽياري ويجهو ڳوٺ غلام حيدر جويو جي رهواسڻ مسمات انيلا سٽي پريس ڪلب مٽياري ۾ پريس ڪانفرنس ڪندي الزام هنيو آهي ته سندس 8 ورهين جي ننڍڙي نياڻي هڪ مهينو اڳ ڳوٺ جي دڪان تان شيءِ وٺڻ لاءِ گهران نڪتي ته رستي ۾ شهباز جت زبردستي ٻانهن ۾ هٿ وجهي ساڻس زيادتي جي ڪوشش ڪئي۔
هن چيو ته واقعي جي دانهن ڳوٺ جي وڏيري وٽ ڪئي، جنهن کين فيصلي جو آسرو ڏنو، پر بعد ۾ جوابدار ڌر جي ساٿين سندس پٽ همايون مٿان بنا جواز ڪوڙي اين سي داخل ڪرائي کين حراسان ڪرڻ شروع ڪيو۔
مسمات انيلا موجب شهباز حاجاڻو، ڪريم بخش عرف رازن حاجاڻو، منظور حاجاڻو، ريحانا حاجاڻو، حاڪم حاجاڻو ۽ گلو حاجاڻو کين مسلسل ڌمڪيون ڏئي رهيا آهن۔
هن وڌيڪ چيو ته ڪجهه ڏينهن اڳ ڊي ايس پي مٽياري وٽ به فيصلو ٿيو، جتي به جوابدار ڪوڙا ثابت ٿيا، جڏهن ته ڪورٽ مان به کين انصاف نه ملي سگهيو۔
متاثر عورت وزيراعليٰ سنڌ، آءِ جي سنڌ، ڊي آءِ جي حيدرآباد ۽ ايس ايس پي مٽياري کان مطالبو ڪيو آهي ته ساڻن انصاف ڪري تحفظ فراهم ڪيو وڃي۔