SWAT MATTA News

08/08/2025

08/08/2025

کوزہ بانڈی روڈ ایکسڈنٹ میں کوزہ بانڈی کے نوجوان موٹر سائیکل سوار محمد ایاز شھید

08/08/2025

فضاگٹ سے نامعلوم نوجوان کی لاش برآمد،
ابتدائی کارروائی کے بعد لاش کو شناخت اور دیگر قانونی کارروائی کے لیے مقامی پولیس کے حوالے کر دیا گیا۔
ریسکیو 1122

07/08/2025

سوات مٹہ پولیس سٹیشن میں وکیل پر بدترین تشدد کا معاملہ
ایڈیشنل سیشن جج خوازہ خیلہ کے عدالت نے وکلاء کی جانب سے دائر کردہ 22-اے کی درخواست کو منظور کرتے ہوئے ایس ایچ او تھانہ مٹہ، ڈی ایس پی بخت زادہ سرکل مٹہ، اور دیگر متعلقہ پولیس اہلکاران کے خلاف ایف ائی ار درج کرنے کا حکم دے دیا

07/08/2025

اہم اطلاع

یہ بچے مٹہ بازار، علی پلازہ کے سامنے واقع غفار ہارڈویئر کے دکاندار کے پاس موجود ہیں۔ بچی بولنے سے قاصر ہیں اور اپنی شناخت ظاہر نہیں کر سکتے۔
اگر کوئی ان بچی کو جانتا ہو یا ان کے والدین/رشتہ داروں سے رابطہ کر سکتا ہو تو براہ کرم فوری طور پر مذکورہ دکان یا قریبی پولیس اسٹیشن سے رابطہ کریں۔

رابطہ: [03413802343]

شکریہ

07/08/2025

سوات میں فوجی آپریشن کسی صورت قبول نہیں،سوات قومی جرگہ
سوات قومی جرگہ نے سوات پریس کلب میں پریس کانفرنس کے
دوران مطالبہ کیا ہے کہ سوات کے تمام علاقوں میں موجود دہشت گردوں کے خلاف فوری پولیس کارروائی کی جائے۔ ان کا کہنا تھا کہ اگر دشمن کمزور ہے تو فوراً ختم کیا جائے، زیادہ طاقتور ہونے کا انتظار نہ کیا جائے۔ جرگہ نے واضح کیا کہ وہ سوات میں فوجی آپریشن کسی صورت قبول نہیں کریں گے اور اس کے خلاف بھرپور مزاحمت کی جائے گی۔ آر پی او ملاکنڈ کے مطابق پولیس جدید اسلحہ اور سہولیات سے لیس ہے، لہٰذا کارروائی کی اجازت دی جائے

07/08/2025

ملوک آباد سوات: زمرد کان حادثہ – 880 فٹ گہرائی میں پھنسے 4 مزدور معجزانہ طور پر زندہ نکال لیے گئے

سوات (7 اگست 2025) – سوات کے علاقے ملوک آباد میں زمرد کی ایک کان کے بیٹھنے کے واقعے کے بعد 880 فٹ گہرائی میں پھنسے چار مزدوروں کو ریسکیو 1122 اور انسپکٹریٹ آف مائنز کے مشترکہ ریسکیو آپریشن کے ذریعے معجزانہ طور پر بحفاظت نکال لیا گیا۔
افسوسناک حادثہ اس وقت پیش آیا جب کان میں اچانک بیٹھنے کی اطلاع ملی، جس کے نتیجے میں چار مزدور اندر ہی پھنس گئے۔ اطلاع ملتے ہی ریسکیو 1122 کی ٹیم حرکت میں آئی، اور 60 تربیت یافتہ اہلکاروں پر مشتمل ایک ریسکیو مشن فوری طور پر روانہ کیا گیا۔
آپریشن کی قیادت ڈسٹرکٹ ایمرجنسی آفیسر سوات رفیع اللہ مروت نے کی، جب کہ آپریشن کی نگرانی اعلیٰ سطح پر مسلسل جاری رہی۔ جدید ٹیکنالوجی، خصوصی آلات، اور تربیت یافتہ اہلکاروں کی مہارت کی بدولت چھ گھنٹے طویل اس ریسکیو مشن کے دوران مزدوروں تک رسائی ممکن ہو سکی۔
ریسکیو کے دوران 7 ایمبولینسز اور 3 خصوصی ڈیزاسٹر ریسکیو وہیکلز سمیت جدید آلات کا استعمال کیا گیا۔ مزدوروں کو بحفاظت نکالنے کے بعد ریسکیو 1122 کی میڈیکل ٹیموں نے موقع پر ہی ابتدائی طبی امداد فراہم کی، اور تمام متاثرین کی حالت کو تسلی بخش قرار دیا گیا ہے۔
بحفاظت نکالے جانے والے مزدوروں کی شناخت درج ذیل ہے:

سید احمد خان (عمر 32 سال)

محمد صادق (عمر 32 سال)

تاج محمد (عمر 37 سال)

سعید علی شاہ (عمر 23 سال)

ریسکیو حکام کے مطابق، یہ آپریشن خیبرپختونخوا میں بین الادارہ جاتی تعاون اور پیشہ ورانہ مہارت کی ایک مثالی مثال ہے، جو مستقبل میں ایسے حادثات سے نمٹنے کے لیے مشعل راہ ثابت ہو سکتی ہے۔
علاقہ مکینوں اور متاثرہ خاندانوں نے بروقت اور کامیاب ریسکیو مشن پر ریسکیو1122، ضلعی انتظامیہ اور تمام اداروں کا شکریہ ادا کیا ہے۔

06/08/2025

پشاور کے نواحی علاقے درمنگی میں موٹرسائیکل سواروں کی چلتی گاڑی پر فائرنگ سے تھانہ مچنی گیٹ میں تعینات انوسٹی گیشن انچارج سیمت 3 افراد جاں بحق ہو گئے۔

فائرنگ کے محرکات تاحال سامنے نہ آسکے، لاشیں پوسٹ مارٹم کے لیے ہسپتال منتقل کر دی گئی۔۔ پولیس ذرائع

03/08/2025

کوہستان 28سال بعد برف کے گلیشیر سے لاش بر آمد ۔۔۔۔۔قدرت کے قانون فطرت کے مطابق ۔۔برف میں چیزیں مدتوں محفوظ رہتی ہیں۔۔۔۔

کوہستان کے برف پوش پہاڑوں سے ایک حیرت انگیز خبر!

نذیرالدین ولد بہرام (قوم صالح خیل) کی نعش 28 سال بعد لیدی پالس کے گلیشیئر سے صحیح حالت میں برآمد ہوئی ہے۔
وہ 28 سال قبل برفانی طوفان کی نذر ہو کر لاپتا ہو گئے تھے۔ نعش پر وسکٹ موجود تھی، اور جیب سے شناختی کارڈ بھی برآمد ہوا، جس سے ان کی شناخت ممکن ہوئی۔

28 سال بعد کوہستان کے علاقے بر پالس، لیدی گلیشئر کے قریب سے نصیرالدین عرف ہجو ولد بہرام کی لاش برآمد ہو گئی۔ وہ 1997 میں سپٹ سے واپسی کے دوران اپنے گھوڑے سمیت گلیشئر کی ایک دراڑ میں گر کر لاپتہ ہو گئے تھے۔ اس وقت کئی دنوں تک ان کی تلاش جاری رہی، مگر کوئی سراغ نہ مل سکا اور بالآخر انہیں لاپتہ قرار دے دیا گیا۔

حالیہ دنوں میں جب برف پگھلنے کا سلسلہ شروع ہوا تو مقامی چرواہوں نے گلیشئر کے کنارے انسانی باقیات دیکھی۔ قریبی لوگوں نے فوراً اطلاع دی، اور جب مقام پر پہنچ کر جائزہ لیا گیا تو وہی لاش نکلی جس کی تلاش برسوں پہلے بند ہو چکی تھی۔ حیرت انگیز طور پر نصیرالدین کی جیب میں موجود شناختی کارڈ اور دیگر سامان مکمل طور پر محفوظ حالت میں تھا، جس سے ان کی شناخت کی تصدیق ہوئی۔

مقامی افراد کے مطابق یہ ایک ایسا واقعہ ہے جس نے پورے علاقے کو حیرت اور افسوس کی ملی جلی کیفیت میں مبتلا کر دیا ہے۔ ایک طرف 28 برس پہلے کھوئے ہوئے پیارے کی واپسی نے خاندان کو اندرونی سکون بخشا، تو دوسری جانب ان کے بچھڑنے کا غم دوبارہ تازہ ہو گیا۔ بزرگوں کا کہنا ہے کہ وہ دن آج بھی یاد ہے جب نصیرالدین اپنے گھوڑے پر سپٹ کی طرف گیا تھا اور پھر کبھی واپس نہ لوٹا۔

نصیرالدین کے اہلِ خانہ کو اطلاع ملنے پر وہ فوراً موقع پر پہنچے، اور طویل صبر آزما انتظار کے بعد انہیں اپنے پیارے کی لاش دفنانے کا موقع مل گیا۔