09/08/2025
❤️دل کی بات❤️
اسلام علیکم 🤚🏻
امید ہے آپ سب خیریت سے ہونگے آج میں اپنے دل ❤️ کی بات لکھنا چاہتا ہوں۔ کہ اللّٰہ تعالیٰ نے ہم پر بہت احسانات کیے ہے لیکن آج مجھ پر کتنا بڑا فضل و کرم کیا ہے اگر تمام عمر بیان کرو تو نہیں کرسکتا۔ انسان پر اللّٰہ تعالیٰ کی طرف ہر قسم امتحانات آتے ہیں لیکن کامیاب انسان وہ ہے جو ہر مشکل وقت میں صبر وتحمل اور اللّٰہ تعالیٰ سے خیر کی امید 💯 رکھیں۔
مجھ پر بھی اللّٰہ تعالیٰ کی طرف سے بیماری کی صورت میں (🤯سر میں پانی ہونا اور اس کا آپریشن کرنا🧠) ایک امتحان آیا تھا جس میں اللّٰہ تعالیٰ نے کامیابی عطا فرمائے۔ اس مسلئے پر مختلف ڈاکٹروں سے مشورہ کیا تمام نے آپریشن کرنے کا کہا لیکن آخری حل اس کا آپریشن تھا اس وجہ سے اب آپریشن کرنا مجبوری بن چکی تھی۔ 😭
آپریشن کرنے میں سب سے اہم مسئلہ پیسوں کا تھا جو کہ ساڑھے تین لاکھ روپے تک تھا۔ جس کو بعد میں الحمد اللّٰہ گھر والوں نے پورے کئے اور اس کے ساتھ مختلف دوستوں نے میرے ساتھ اپنی ہمدردی کی۔
پھر ہسپتال کا انتخاب تھا اس کے بعد ڈاکٹر کا انتخاب تھا کہ کونسا ڈاکٹر ماہر ہے اور آپریشن کرنے میں قابل ہے۔ اس کے بعد سب سے خطرناک مرحلہ جو کہ آپریشن کا مرحلہ تھا بہت ہی مشکل تھا کیونکہ اس میں اس بات کا خطرہ تھا کہ آپریشن کامیاب ہوگا یا نہیں؟😓😢 لیکن لوگوں کی دعاؤں سے مختلف وظائف، ختم القران اور یاسین کے ختم سے اللّٰہ پاک نے تمام بند راستوں کو کھول دیا۔🤲
اور تمام مرحلوں کو اللّٰہ تعالیٰ نے آسان کر دیا۔🙏
علاقے کے ماؤں بہنوں کی دعاؤں اور مختلف وظائف کے اثرات کی وجہ سے اللّٰہ تعالیٰ نے تمام راستے آسان بنا دیئے۔🛤️
9 جولائی 2025 بروز بدھ کو آپریشن سیمز ہسپتال سیدو شریف سوات🏥 میں اسسٹنٹ پروفیسر ڈاکٹر محمد اعظم (نیورو سرجن)👨🏻⚕️ نے کیا اور اللّٰہ تعالیٰ کے فضل اور لوگوں کی دعاؤں سے کامیاب ہوا۔🙏
ہسپتال میں آپریشن کے دن رشتے داروں اور دوستوں کے ہجوم سے مجھے معلوم ہوا کہ مجھ سے بھی لوگ اتنا پیار و محبت کرتے ہیں کہ آپریشن تھیٹر کا پورا احاطہ بھرا ہوا تھا۔ 🥰
آپریشن ہونے کے بعد یونیورسٹی کے ایک شاگرد عماد خان نے میرے لیے علیحدہ ایک کمرہ بک کیا تھا جو عیادت کرنے والوں سے بھرا ہوا تھا۔💯
صحت کارڈ کے عملہ جس میں خصوصاً ڈاکٹر عارف اور جناب طاہر خان کا بھی شکریہ کہ جن کی وجہ سے صحت کارڈ پر آپریشن ممکن ہوا۔ جس کی وجہ سے میری مالی مشکلات کچھ کم ہوئے۔ 👍
اس کے علاوہ یونیورسٹی آف سوات کے جملہ اساتذہ و سٹاف کا شکریہ جنہوں نے میرے ساتھ اپنی ہمدردی کی اور دعاؤں میں ہر وقت یاد رکھا۔ خصوصاً زوالوجی ڈیپارٹمنٹ کے اساتذہ اور طلباء کا بھی شکریہ جنہوں نے اس آپریشن میں میرا بھرپور ساتھ دیا۔ اس کے علاوہ جناب عماد خان (فارنزک ڈیپارٹمنٹ، یونیورسٹی آف سوات) کا خصوصی شکریہ کہ جس نے ہسپتال میں تین دن تک خاص خیال رکھا اور اپنی خدمات سر انجام دی۔✌️
آپریشن کے بعد تقریباً ایک ماہ بعد الحمد اللّٰہ آج تھوڑا سا گزارا ہوا ہے اور چلنے کے قابل ہوگیا ہوں۔❤️
بیماری بہت تکلیف دہ ہوتی ہے انسان دوسروں کا محتاج بن جاتا ہے۔😭
صحت بھی اللّٰہ تعالیٰ کی نعمتوں میں سے ہے اور بیماری بھی اللّٰہ تعالیٰ کی نعمتوں میں سے ہے۔ لیکن یا اللّٰہ میں کمزور ہوں مجھے صحت کی نعمت عطا فرما۔ آمین🤲
آخر میں ایک بار پھر اپنے والدین، گھر والوں کا خصوصاً تمام رشتے داروں کا شکر گزار ہوں۔ اس کے علاوہ یونیورسٹی آف سوات کے جملہ اساتذہ و سٹاف، زوالوجی ڈیپارٹمنٹ کے طلباء، علماء و طلباء، سوشل ورکر، ہمدرد انسانیت تنظیم کے دوستوں کا اور اپنے علاقے کے تمام لوگوں کا جنہوں نے مجھے اپنے دعاؤں میں یاد رکھا اور تمام لوگوں کے محبتوں کا شکریہ ادا کرتا ہوں کہ جن کی دعاؤں سے میرا آپریشن کامیاب ہوا۔ اور اللّٰہ تعالیٰ نے مجھ ناچیز بندے کو ایک بار پھر صحت کاملہ عطا فرمائے۔💝
معلوم ہوا کہ جب آپ اللّٰہ تعالیٰ کی مخلوق کے ساتھ خیر خواہی اور نیکی کا کام کروگے تو اللّٰہ تعالیٰ مشکل وقت میں آپ کے مشکلات ختم کریگا اور آپ کے ساتھ ضرور خیر خواہی ہوگی۔ ❤️
جب آپ لوگوں کے ساتھ اچھائی کروگے تو لوگ مشکل وقت میں آپ کے ساتھ ضرور اچھائی کریگی۔ ❤️
مزید دعاؤں کا طلبگار 🤲
قاری عبد الستار ہمدرد
#شکرالحمداللہ
