04/06/2026
پنجاب سے تعلق رکھنے والے سیاحوں کی ایک گاڑی کالام کے علاقے قرندکے کے مقام پر سڑک کے کنارے واقع ایک چھوٹی کھائی میں الٹ گئی۔
واقعے کی اطلاع ملتے ہی ڈائریکٹر جنرل اپر سوات ڈویلپمنٹ اتھارٹی شوذب عباس کی ہدایات پر فوری کارروائی کرتے ہوئے یو ایس ڈی اے کی بھاری مشینری موقع پر پہنچ گئی اور ریسکیو آپریشن کے ذریعے گاڑی کو بحفاظت نکال لیا گیا۔
ترجمان اپر سوات ڈویلپمنٹ اتھارٹی سعید الرحمان کے مطابق واقعے میں کوئی جانی نقصان نہیں ہوا، جبکہ سیاح محفوظ رہے۔ بروقت کارروائی کے باعث سیاحوں کو فوری امداد اور معاونت فراہم کی گئی
