10/08/2026
ایڈوائزر ٹو چیئرمین امیگریشن حنا گل کا رحیم یار خان کا کامیاب اور بامقصد دورہ اپنے اختتام کو پہنچا۔ اس دورے کے دوران انہوں نے مقامی بزنس کمیونٹی صنعتکاروں اور مختلف شعبہ ہائے زندگی سے تعلق رکھنے والے افراد سے اہم ملاقاتیں کیں
حنا گل نے اپنے بیان میں کہا کہ انہیں یقین ہے کہ اس دورے کے دوران ہونے والی ملاقاتیں، باہمی روابط اور مثبت پیش رفت مستقبل میں رحیم یار خان کی بزنس کمیونٹی کے لیے نئی راہیں ہموار کریں گی انہوں نے کہا کہ ان اقدامات کے نتیجے میں بین الاقوامی تجارت، سرمایہ کاری اور کاروباری شراکت داریوں کے نئے مواقع پیدا ہوں گے، جو علاقے کی معاشی ترقی میں اہم کردار ادا کریں گے
انہوں نے مزید کہا کہ ان کی بنیادی کوشش ہے کہ مقامی کاروباری افراد کو عالمی منڈیوں سے جوڑا جائے، برآمدات کو فروغ دیا جائے اور پاکستان کے لیے بین الاقوامی سطح پر نئے مواقع پیدا کیے جائیں۔ اس سلسلے میں مختلف ممالک کے ساتھ روابط کو مزید مضبوط بنانے اور سرمایہ کاری کے دروازے کھولنے پر خصوصی توجہ دی جا رہی ہے
بزنس کمیونٹی نے اس دورے کو خوش آئند قرار دیتے ہوئے امید ظاہر کی کہ اس کے مثبت نتائج جلد سامنے آئیں گے اور مقامی معیشت کو نئی توانائی ملے گی۔
