Swatawam Global

Swatawam Global In today’s digital age, readers find their news online first. As a trusted name, http://swatawam.c

انجینئر امیر مقام کی شہادت سے متعلق جھوٹی خبر پھیلانے والوں کے خلاف قانونی کارروائی کریں گے، عظمت خان داؤدزئیافلاطون بون...
09/06/2026

انجینئر امیر مقام کی شہادت سے متعلق جھوٹی خبر پھیلانے والوں کے خلاف قانونی کارروائی کریں گے، عظمت خان داؤدزئی

افلاطون بونیری پیج کی من گھڑت پوسٹ سے کارکنوں میں تشویش پھیلی، پیکا ایکٹ کے تحت کارروائی کا اعلان

امیر مقام کے خلاف جھوٹی خبر پھیلانا شرمناک اور بزدلانہ عمل ہے، عظمت خان داؤدزئی

مسلم لیگ (ن) کے کارکنوں میں بے چینی پیدا کرنے والے عناصر قانون کی گرفت سے نہیں بچ سکیں گے

پشاور: پاکستان مسلم لیگ (ن) پی کے 72 کے سابق امیدوار برائے صوبائی اسمبلی عظمت خان داؤدزئی نے سوشل میڈیا پر صوبائی صدر خیبرپختونخوا و وفاقی وزیر انجینئر امیر مقام کے بارے میں جھوٹی اور بے بنیاد خبر پھیلانے کی شدید مذمت کرتے ہوئے کہا ہے کہ "افلاطون بونیری" نامی سوشل میڈیا پیج پر یہ من گھڑت خبر نشر کی گئی کہ انجینئر امیر مقام نامعلوم افراد کی فائرنگ سے جاں بحق ہوگئے ہیں۔
عظمت خان داؤدزئی نے کہا کہ اس جھوٹی خبر کے نشر ہونے سے مسلم لیگ (ن) کے ہزاروں کارکنوں اور رہنماؤں میں شدید تشویش اور غم و اضطراب کی لہر دوڑ گئی۔ تاہم فوری رابطوں اور تصدیق کے بعد یہ خبر مکمل طور پر جھوٹی اور بے بنیاد ثابت ہوئی۔
انہوں نے کہا کہ کسی بھی سیاسی یا سماجی شخصیت کے بارے میں اس قسم کی جھوٹی خبریں پھیلانا انتہائی غیر ذمہ دارانہ، بزدلانہ اور شرمناک عمل ہے، جس سے نہ صرف عوام میں بے چینی پیدا ہوتی ہے بلکہ معاشرے میں غلط معلومات کے فروغ کا سبب بھی بنتا ہے۔
عظمت خان داؤدزئی نے کہا کہ انجینئر امیر مقام مسلم لیگ (ن) خیبرپختونخوا کے قائد ہیں اور پارٹی کارکن ان سے دلی وابستگی رکھتے ہیں۔ انہوں نے کہا کہ کارکن اپنے قائد کے لیے ہر قسم کی قربانی دینے کے لیے تیار ہیں۔
انہوں نے مزید کہا کہ "افلاطون بونیری" پیج کے ایڈمن کے خلاف قانونی کارروائی عمل میں لائی جائے گی اور جھوٹی خبر پھیلانے پر پیکا ایکٹ سمیت متعلقہ قوانین کے تحت درخواست دائر کی جائے گی تاکہ ذمہ دار عناصر کو قانون کے کٹہرے میں لایا جا سکے اور مستقبل میں ایسی گمراہ کن خبروں کی روک تھام ممکن بنائی جا سکے۔

09/06/2026

سوات:مٹہ کے علاقے دارمئی لنڈی چم میں حرا گرلز سکول اینڈ کالج کی بس بریک فیل ہونے کے باعث حادثے کا شکار ہو کر الٹ گئی۔ 20 سے زائد طالبات اور زخمی خواتین کو ابتدائی طبی امداد فراہم کرنے کے بعد ہسپتال منتقل کر دیا۔حادثے کے نتیجے میں طالبہ حورین دختر خورشید، سکنہ لنڈی چم، جاں بحق ہوگئ .

09/06/2026

چترال شندور پولو فیسٹیول کے آغاز سے قبل ملک بھر کے شائقینِ پولو نے حکومت، محکمہ سیاحت اور متعلقہ اداروں سے مطالبہ کیا ہے کہ دنیا کے بلند ترین پولو گراؤنڈ میں منعقد ہونے والے اس بین الاقوامی شہرت یافتہ ایونٹ کی براہِ راست نشریات (لائیو ٹیلی کاسٹ) کا اہتمام کیا جائے تاکہ ملک اور بیرون ملک موجود لاکھوں شائقین اس تاریخی مقابلے سے بھرپور لطف اندوز ہو سکیں۔
شائقینِ پولو کا کہنا ہے کہ ماضی میں جب جدید مواصلاتی اور نشریاتی سہولیات آج کی طرح دستیاب نہیں تھیں تب بھی شندور پولو میچز کی کوریج اور نشریات کا انتظام کیا جاتا تھا، لیکن آج ٹیکنالوجی کے جدید دور میں اس عالمی شہرت یافتہ ایونٹ کو براہِ راست نہ دکھایا جانا سوالیہ نشان ہے۔
انہوں نے کہا کہ ملک میں مہنگائی اور سفری اخراجات میں اضافے کے باعث بہت سے افراد شندور جا کر میچز دیکھنے کی استطاعت نہیں رکھتے، جبکہ عمر رسیدہ افراد، خواتین، بچے اور بیرونِ ملک مقیم پاکستانی بھی اس منفرد ثقافتی اور کھیلوں کے ایونٹ سے براہِ راست محروم رہ جاتے ہیں۔ اگر میچز کی لائیو نشریات کا اہتمام کیا جائے تو لاکھوں افراد اپنے گھروں میں بیٹھ کر اس کھیل اور علاقے کی ثقافت سے محظوظ ہو سکیں گے۔
شائقین نے مزید کہا کہ شندور فیسٹیول نہ صرف چترال اور گلگت بلتستان کی ثقافت کا عکاس ہے بلکہ پاکستان کی سیاحت اور مثبت تشخص کو عالمی سطح پر اجاگر کرنے کا ایک بہترین ذریعہ بھی ہے۔ اس لیے ضروری ہے کہ سرکاری اور نجی نشریاتی ادارے اس ایونٹ کی براہِ راست کوریج کو یقینی بنائیں۔
شائقینِ پولو نے حکومتی اداروں، محکمہ سیاحت، ضلعی انتظامیہ اور میڈیا ہاؤسز سے پرزور اپیل کی ہے کہ شندور پولو فیسٹیول 2026 کی مکمل اور معیاری لائیو کوریج کا انتظام کیا جائے تاکہ ملک بھر کے کھیلوں کے شائقین اس تاریخی ایونٹ سے بھرپور استفادہ کر سکیں۔

سوات(بیورورپورٹ)انسدادِ ڈینگی کے حوالے سے ضلعی انسداد ڈینگی و ریسپانس یونٹ کا اہم اجلاس – ضلعی سطح پر مربوط اقدامات جاری...
09/06/2026

سوات(بیورورپورٹ)انسدادِ ڈینگی کے حوالے سے ضلعی انسداد ڈینگی و ریسپانس یونٹ کا اہم اجلاس – ضلعی سطح پر مربوط اقدامات جاری
سوات: ڈپٹی کمشنر سوات سلیم جان کی خصوصی ہدایات پر انسدادِ ڈینگی کے حوالے سے ضلعی انسداد ڈینگی و ریسپانس یونٹ کا ایک اہم اجلاس ایڈیشنل ڈپٹی کمشنر (جنرل) سوات محب اللہ خان یوسفزئی کی زیر صدارت منعقد ہوا۔ اجلاس میں ضلع بھر میں ڈینگی وائرس کی تازہ صورتحال اور وباء کی روک تھام کے لیے انتظامات اور کئے گئے اقدامات کا تفصیلی جائزہ لیا گیا۔
ڈسٹرکٹ ڈینگی فوکل پرسن/ڈپٹی ڈسٹرکٹ ہیلتھ آفیسرسوات ڈاکٹر فضل عارف نے اجلاس کو ڈینگی کے سدباب کے حوالے سے اب تک کی پیش رفت، مختلف محکموں کی کارکردگی و ذمہ داریاں، اور حفاظتی اقدامات اور بچھلے اجلاس میں جاری کئے گئے ہدایات پر پیش رفت کے حوالے سےتفصیلی بریفنگ دی۔ اجلاس میں محکمہ صحت سمیت دیگر متعلقہ محکموں نے بھی ڈینگی کے پھیلاؤ کی روک تھام کے لیے جاری سرگرمیوں پر روشنی ڈالی۔
اجلاس میں ایڈیشنل ڈپٹی کمشنر (ریلیف و ہیومن رائٹس) سوات نعمت اللہ، تمام اسسٹنٹ کمشنرز اور تحصیل میونسپل ایڈمنسٹریشن کے نمائندگان نے ویڈیو لنک کے ذریعے شرکت کی جبکہ ڈبلیو ایس ایس سی سوات، محکمہ تعلیم (مردانہ و زنانہ)، سوشل ویلفیئر، سول ڈیفینس، انڈسٹریز و کنزیومر، لوکل گورنمنٹ، تحصیل میونسپل ایڈمنسٹریشن، پبلک ہیلتھ کوآرڈینیٹر، محکمہ ماہی پروری سمیت مختلف محکموں کے نمائندگان بھی اجلاس میں شریک ہوئے۔
ایڈیشنل ڈپٹی کمشنر (جنرل) سوات محب اللہ خان یوسفزئی نے ہدایت دی کہ ٹی ایم ایز، لوکل گورنمنٹ، اور واٹر اینڈ سینیٹیشن سروسز کمپنی کی جانب سے ڈینگی مچھر کے خاتمے کے لیے مؤثر مچھر مار سپرے اور فومیگیشن کی جائے تاکہ بروقت افزائشِ نسل کو روکا جا سکے۔
انہوں نے زور دیا کہ انسدادِ ڈینگی مہم صرف انتظامی مسئلہ نہیں بلکہ ایک سماجی ذمہ داری بھی ہے، لہٰذا عوامی آگاہی مہمات کو مؤثر بنایا جائے۔ سکولز سمیت مختلف تعلیمی اداروں اور عوامی مقامات پر آگاہی پروگرامز منعقد کیے جائیں تاکہ شہری خود کو اور دوسروں کو اس خطرناک وباء سے بچا سکیں۔
انہوں نے تمام اسسٹنٹ کمشنرز کو ٹائر شاپس کا معائنہ کرنے کے ہدایات جاری کئے۔ محکمہ صحت کو ہدایت کی کہ تمام ہسپتالوں میں ڈینگی مریضوں کے لیے آئیسولیشن وارڈز کو فعال رکھا جائے تاکہ کسی بھی ہنگامی صورتحال سے بروقت نمٹا جا سکے۔
ایڈیشنل ڈپٹی کمشنر (جنرل) سوات نے اس عزم کا اظہار کیا کہ ضلعی انتظامیہ عوام کی قیمتی جانوں کے تحفظ کو اولین ترجیح دیتی ہے اور ڈینگی کے خلاف جاری اقدامات میں کسی قسم کی کوتاہی برداشت نہیں کی جائے گی۔

سوات (بیورو رپورٹ) بابوزئی قومی تڑون جرگہ نے شکردرہ میں پیش آنے والے دہشت گردی کے واقعے اور سوات میں منشیات فروشوں کی مو...
09/06/2026

سوات (بیورو رپورٹ) بابوزئی قومی تڑون جرگہ نے شکردرہ میں پیش آنے والے دہشت گردی کے واقعے اور سوات میں منشیات فروشوں کی موجودگی پر شدید تشویش اور مذمت کا اظہار کیا ہے۔
جرگہ کے رہنماؤں نے اپنے بیان میں کہا کہ منشیات فروش عناصر پہلے ہی سوات کے نوجوانوں اور معاشرے کو تباہی کی طرف دھکیل رہے ہیں، جبکہ اب دہشت گردی کے واقعات بھی سامنے آنے لگے ہیں جو انتہائی تشویشناک صورتحال ہے۔انہوں نے حکومت اور قانون نافذ کرنے والے اداروں سے مطالبہ کیا کہ منشیات فروشوں اور دہشت گرد عناصر کے خلاف بلا امتیاز سخت ترین کارروائی عمل میں لائی جائے تاکہ سوات میں امن و امان برقرار رکھا جا سکے اور عوام کو تحفظ فراہم کیا جا سکے۔

سوات (بیورورپورٹ)ریٹائر ہونے والے ہیڈ کانسٹیبل محمد ظاہر کے اعزاز میں ایس پی ٹریفک وارڈن آفس میں پروقار الوداعی تقریب کا...
09/06/2026

سوات (بیورورپورٹ)ریٹائر ہونے والے ہیڈ کانسٹیبل محمد ظاہر کے اعزاز میں ایس پی ٹریفک وارڈن آفس میں پروقار الوداعی تقریب کا انعقاد
ڈی پی او سوات محمد عمر خان کی ہدایت پر ایس پی ٹریفک وارڈن سوات پرویز خان کی جانب سے محکمہ پولیس میں طویل اور شاندار خدمات انجام دینے کے بعد باعزت ریٹائر ہونے والے ہیڈ کانسٹیبل محمد ظاہر کے اعزاز میں ایس پی ٹریفک وارڈن آفس سیدو شریف میں الوداعی تقریب کا انعقاد کیا گیا۔

تقریب میں ڈی ایس پی ہیڈکوارٹرز ٹریفک وارڈن سوات رحمت علی خان، ڈی ایس پی ٹریفک وارڈن لوئر سوات علیم خان، انچارج سیکٹر سٹی سرفراز خان، لائن آفیسر محمد افضل خان سمیت دیگر پولیس افسران اور دفتری عملے نے شرکت کی۔

اس موقع پر ایس پی ٹریفک وارڈن پرویز خان نے ریٹائر ہونے والے ہیڈ کانسٹیبل محمد ظاہر کی محکمہ پولیس کے لیے خدمات کو خراجِ تحسین پیش کرتے ہوئے کہا کہ سرکاری ملازمت میں ریٹائرمنٹ ایک فطری اور طے شدہ مرحلہ ہے، تاہم عزت، وقار اور نیک نامی کے ساتھ اپنی ملازمت مکمل کرنا ایک بڑا اعزاز ہے۔ انہوں نے کہا کہ محمد ظاہر نے اپنے فرائض انتہائی دیانتداری، محنت اور خوش اخلاقی سے انجام دیے، جس پر محکمہ پولیس انہیں قدر کی نگاہ سے دیکھتا ہے۔

ایس پی ٹریفک وارڈن نے مزید کہا کہ محکمہ پولیس کے لیے ان کی خدمات ہمیشہ یاد رکھی جائیں گی اور ان کے لیے دفتر کے دروازے ہمیشہ کھلے رہیں گے۔ انہوں نے ریٹائرڈ آفیسر کی آئندہ زندگی کے لیے نیک تمناؤں کا اظہار بھی کیا۔
تقریب کے دوران شرکاء نے بھی محمد ظاہر کی پیشہ ورانہ خدمات کو سراہتے ہوئے انہیں خراجِ تحسین پیش کیا۔

ریٹائر ہونے والے ہیڈ کانسٹیبل محمد ظاہر نے اپنے خطاب میں ڈی پی او سوات، ایس پی ٹریفک وارڈن سوات، محکمہ پولیس اور اپنے ساتھیوں کا شکریہ ادا کرتے ہوئے نیک خواہشات کا اظہار کیا اور اپنے اعزاز میں منعقد کی گئی تقریب کو باعثِ افتخار قرار دیا۔

تقریب کے اختتام پر ایس پی ٹریفک وارڈن پرویز خان اور دیگر افسران نے ریٹائر ہونے والے ہیڈ کانسٹیبل محمد ظاہر کو اعزازی شیلڈز اور سووینئرز پیش کیے اور ان کی خدمات کو خراجِ عقیدت پیش کیا۔

سوات ( بیورورپورٹ) سوات چیمبر آف کامرس اینڈ انڈسٹری نے ملاکنڈ ڈویژن میں ممکنہ انکم ٹیکس کے نفاذ کے خلاف بھرپور تحریک چلا...
09/06/2026

سوات ( بیورورپورٹ) سوات چیمبر آف کامرس اینڈ انڈسٹری نے ملاکنڈ ڈویژن میں ممکنہ انکم ٹیکس کے نفاذ کے خلاف بھرپور تحریک چلانے کا اعلان کرتے ہوئے حکومت سے مطالبہ کیا ہے کہ خطے کے عوام، تاجروں اور صنعتکاروں کو مزید معاشی مشکلات میں دھکیلنے سے گریز کیا جائے یہ اعلان گزشتہ روز سوات چیمبر آف کامرس اینڈ انڈسٹری کے ایک اہم اجلاس میں کیا گیا جو صدر نور محمد خان کی زیر صدارت منعقد ہوا۔ اجلاس میں نائب صدر خالد خان، یوسف علی خان، فرہاد علی خان، حاجی بخت کرم، سیکرٹری جنرل نوید جاوید، اکبر خان، عبید اللہ عابد، بخت زادہ خان، عثمان خان، عمر علی باچا، امجد علی خان سمیت دیگر عہدیداروں اور اراکین نے شرکت کی۔اس موقع پر ایگزیکٹیو کمیٹی کی اجازت سے رابطہ کمیٹی قائم کر دی گئی جس کی صدارت نور محمد خان کرینگے اور ممبران میں فرہاد علی خان، محبوب ہارون اور عدنان علی ہونگے کمیٹی کے ممبران انکم ٹیکس اور کسٹم ایکٹ کے خلاف تحریک کے حوالے سے مختلف کاروباری افراد اور تنظیموں سے رابطہ کرینگے اجلاس سے خطاب کرتے ہوئے صدر نور محمد خان اور دیگر مقررین نے کہا کہ ملاکنڈ ڈویژن میں انکم ٹیکس کے نفاذ سے پہلے ہی مشکلات کا شکار چھوٹے صنعتی یونٹس اور کاروباری مراکز مزید بحران کا شکار ہو جائیں گے، جس کے نتیجے میں ہزاروں مزدوروں کے بے روزگار ہونے کا خدشہ پیدا ہو جائے گا۔ انہوں نے کہا کہ وفاقی وزیر انجینئر امیر مقام نے ماضی میں بھی وفاقی سطح پر ملاکنڈ ڈویژن کے عوام کے حقوق کی مؤثر نمائندگی کی اور ان کی کاوشوں سے ہر سال انکم ٹیکس میں چھوٹ برقرار رہی، اس سال بھی وہ اس سلسلے میں اپنا کردار ادا کریں گیاس سلسلے میں بہت جلد عوامی نمائندوں کا ایک اہم اجلاس بھی منعقد کیا جائے گا جس میں تمام ممبران اسمبلی کو مدعو کیا جائے گا،مقررین نے واضح کیا کہ جس طرح گزشتہ برسوں میں ٹیکسوں کے نفاذ کے خلاف مؤثر تحریک چلائی گئی تھی، اسی طرح امسال بھی بھرپور احتجاجی تحریک شروع کی جائے گی۔انہوں نے کہا کہ ملاکنڈ ڈویژن کے عوام پہلے ہی سیلاب، دہشت گردی اور امن و امان کی خراب صورتحال کے باعث شدید متاثر ہو چکے ہیں، ایسے حالات میں انکم ٹیکس اور کسٹم ایکٹ کی صورت میں مزید مالی بوجھ ڈالنا سراسر ناانصافی ہوگی۔ اجلاس میں اس بات پر بھی تشویش کا اظہار کیا گیا کہ گزشتہ سال 12 فیصد سیلز ٹیکس کے نفاذ کے بعد متعدد سرمایہ کاروں نے اپنا سرمایہ دوسرے علاقوں میں منتقل کر دیا، جبکہ انکم ٹیکس کے نفاذ کی صورت میں سرمایہ کاری میں مزید کمی اور بے روزگاری میں اضافے کا خدشہ ہے۔اجلاس کے شرکاء نے حکومت سے مطالبہ کیا کہ ملاکنڈ ڈویژن کی خصوصی حیثیت اور یہاں کے عوام کو درپیش معاشی چیلنجز کو مدنظر رکھتے ہوئے انکم ٹیکس کے نفاذ سے گریز کیا جائے تاکہ خطے میں کاروباری سرگرمیاں اور روزگار کے مواقع متاثر نہ ہوں۔

سوات(بیورورپورٹ)سوات میں امن اور ماحولیاتی انصاف کے لیے خواتین کو بااختیار بنانے کے منصوبے کے تحت ایک تعارفی نشست یونیور...
09/06/2026

سوات(بیورورپورٹ)سوات میں امن اور ماحولیاتی انصاف کے لیے خواتین کو بااختیار بنانے کے منصوبے کے تحت ایک تعارفی نشست یونیورسٹی آف سوات کے مرکزی آڈیٹوریم میں منعقد ہوئی۔ اس تقریب کے ذریعے منصوبے کی سرگرمیوں کا باقاعدہ آغاز کیا گیا۔ تقریب میں مختلف سرکاری محکموں، جامعات، سول سوسائٹی تنظیموں، نجی شعبے، ماحولیاتی انسانی حقوق کے محافظین ، خواتین رہنماؤں، نوجوان نمائندوں، میڈیا کے افراد اور ضلع سوات کے مختلف علاقوں سے تعلق رکھنے والے کمیونٹی اراکین نے شرکت کی۔تقریب کے مہمان خصوصی ایڈیشنل ڈپٹی کمشنر(ریلیف اینڈ پلاننگ) سوات سید نعمان علی شاہ تھے جبکہ وائس چانسلر یونیورسٹی آف سوات پروفیسر ڈاکٹر محمد قاسم اور خیبر پختونخوا سنٹر آف کاونٹرینگ وائلینس ایکٹریمیزم کے ایڈیشنل ڈائریکٹر جنرل کاشف ارشاد نے خصوصی شرکت کی۔ دیگر نمایاں شرکاء میں ڈائریکٹر ماحولیاتی تحفظ ایجنسی (EPA) محمد ریاض، ایڈیشنل رجسٹرار یونیورسٹی آف سوات ڈاکٹر ارشد، محکمہ موسمیاتی تبدیلی، جنگلات، ماحولیات و جنگلی حیات، تعلیمی اداروں، ترقیاتی شراکت داروں اور کمیونٹی نمائندوں کے افراد شامل تھے۔نشست کے دوران شرکاء کو منصوبے کے مقاصد، نفاذ کی حکمت عملی، متوقع نتائج اور مختلف فریقین کی شمولیت کے طریقہ کار سے آگاہ کیا گیا۔ انہیں ماحولیاتی انصاف، موسمیاتی لچک (Climate Resilience)، خواتین کو بااختیار بنانے، امن سازی، کمیونٹی شمولیت، ماحولیاتی حکمرانی اور کمیونٹیز کو شکایات کے ازالے کے باضابطہ نظام سے جوڑنے کے اقدامات سے متعلق تفصیلی بریفنگ دی گئی۔اس موقع پر خطاب کرتے ہوئے ایڈیشنل ڈائریکٹر جنرل کاشف ارشاد نے ماحولیاتی چیلنجز سے نمٹنے اور پائیدار ماحولیاتی حکمرانی کے فروغ کے لیے ادارہ جاتی تعاون کی اہمیت پر زور دیا۔ انہوں نے کہا کہ ماحولیات کا تحفظ حکومت، کمیونٹیز، جامعات اور ترقیاتی شراکت داروں کی مشترکہ ذمہ داری ہے۔ انہوں نے اس منصوبے کو کمیونٹی آگاہی، ماحولیاتی ذمہ داری اور خواتین کی شمولیت کے فروغ کے لیے اہم قرار دیا۔وائس چانسلر یونیورسٹی آف سوات پروفیسر ڈاکٹر محمد قاسم نے اپنے خطاب میں ماحولیاتی ذمہ داری اور پائیدار ترقی کے فروغ میں جامعات اور نوجوانوں کے کردار کو اجاگر کیا۔ انہوں نے کہا کہ یونیورسٹیاں علم، جدت اور قیادت کے مراکز ہیں اور طلبہ و اساتذہ کی مؤثر شمولیت ماحولیاتی شعور، امن سازی اور کمیونٹی کی مضبوطی میں اہم کردار ادا کر سکتی ہے۔ انہوں نے یونیورسٹی آف سوات، یو این ڈی پی اور ہاشو فاؤنڈیشن کے درمیان تعاون کو سراہا۔مہمان خصوصی ایڈیشنل ڈپٹی کمشنر (فنانس اینڈ پلاننگ) سید نعمان علی شاہ نے منصوبے کو ایک مثبت اقدام قرار دیتے ہوئے کہا کہ ماحولیاتی پائیداری، سماجی ہم آہنگی اور خواتین کے بااختیار بنانے کے لیے مشترکہ کوششیں ناگزیر ہیں۔ انہوں نے کمیونٹی اراکین، ماحولیاتی انسانی حقوق کے محافظین اور دیگر مقامی فریقین پر زور دیا کہ وہ منصوبے کی سرگرمیوں میں بھرپور حصہ لیں اور پرامن، مضبوط اور ماحول دوست معاشرے کی تشکیل میں کردار ادا کریں۔ انہوں نے ضلعی انتظامیہ سوات کی جانب سے ہر ممکن تعاون کی یقین دہانی بھی کرائی۔نشست کے دوران ماہرین نے اس بات پر زور دیا کہ ماحولیاتی چیلنجز سے نمٹنے اور پائیدار امن کے فروغ کے لیے سرکاری اداروں، جامعات، سول سوسائٹی، نجی شعبے اور مقامی کمیونٹیز کے درمیان مؤثر تعاون ناگزیر ہے۔ انہوں نے خواتین اور نوجوانوں کو مثبت تبدیلی کے اہم محرک قرار دیتے ہوئے ماحولیاتی تحفظ، موسمیاتی لچک اور امن سازی میں ان کے کردار کو نمایاں کیا۔منصوبے کے تحت محکمہ موسمیاتی تبدیلی، جنگلات، ماحولیات و جنگلی حیات، ماحولیاتی تحفظ ایجنسی، مقامی حکومتوں، جامعات اور دیگر کمیونٹی شراکت داروں کے ساتھ تعاون کو مزید مضبوط بنایا جائے گا تاکہ ماحولیاتی حکمرانی اور عوامی شمولیت کو فروغ دیا جا سکے۔
۔۔۔۔۔۔۔۔۔۔۔۔۔۔۔۔۔۔

شانگلہ بورڈ میں کار ایکسڈنٹ ،اطلاعات کے مطابق 3 افراد زخمی جس میں 2 خواتین شامل ہے۔
09/06/2026

شانگلہ بورڈ میں کار ایکسڈنٹ ،اطلاعات کے مطابق 3 افراد زخمی جس میں 2 خواتین شامل ہے۔

سوات:افضل گجر نے احتجاج کی دھمکی دے دی
09/06/2026

سوات:افضل گجر نے احتجاج کی دھمکی دے دی

Address

Mingora
19130

Telephone

03018041779

Website

Alerts

Be the first to know and let us send you an email when Swatawam Global posts news and promotions. Your email address will not be used for any other purpose, and you can unsubscribe at any time.

Shortcuts

Share

Category