Swatawam Global

19/09/2025

18/09/2025

ڈی پی او سوات محمد عمر خان کے احکامات کے مطابق سوات پولیس کا ضلع بھر کے مختلف علاقوں میں سرچ اینڈ سٹرائیک آپریشنز کا سلسلہ جاری۔

ڈی ایس پی سرکل کبل امجد علی کے نگرانی میں تحفظ عامہ کو برقرار رکھنے کے لیے تھانہ شاہ ڈھیری پولیس نے سرچ اینڈ سٹرائیک آپریشن کا انعقاد کیا۔

سرچ اینڈ سٹرائیک آپریشن میں ایس ایچ او تھانہ شاہ ڈھیری گوہر علی سمیت آپریشن پولیس، لیڈی پولیس، ڈی ایس بی,سی ٹی ڈی کے جوانوں نے حصہ لیا۔

سرچ آپریشن کے دوران جرائم میں ملوث عناصر کے ممکنہ پناہ گاہوں کی چھان بین کی گئی۔ علاقے کے معززین سے ملاقات کرتے ہوئے انہیں سیکورٹی صورتحال سے آگاہ کیا گیا اور مشکوک افراد یا سرگرمیوں کی حوالے سے پولیس کو بروقت اطلاع دینے کی ہدایت کی گئی۔
سرچ اینڈ سٹرائیک آپریشن کا بنیادی مقصد حالیہ سیکیورٹی صورتحال میں سماج دشمن اور جرائم پیشہ عناصر کی سرگرمیوں پر کڑی نگرانی اور ان کی بیخ کنی کرنا ہے۔
ترجمان سوات پولیس

18/09/2025

دیر ویلفیئر آرگنائزیشن پشاور کا وفد ایس پی فقیرآباد ڈویژن محمد ارشد خان سے جرائم اور امن و امان کی صورتحال پر بات چیت کر رہا ہے

18/09/2025

پریس ریلیز بابت آپریشن غیر قانونی تجاوزات دریائے سوات بمقام تحصیل بابوزئی ضلع سوات۔
بمطابق حکم پشاور ہائی کورٹ رٹ پٹیشن نمبر 4316-P/2025جس کی روشنی میں و محترم چیف سیکریٹری خیبر پختونخواہ کی مراسلہ نمبرCS/2025/inst/floodہدایت صوبائی حکومت خیبر پختونخواہ دریائے سوات کے کنارے غیر قانونی تعمیرا ت و تجاوزات کے خلاف اپریشن کیا گیا۔معزز عدالت عالیہ نے مذکورہ فیصلہ میں واضح ہدایت و احکامات جاری کی ہے" کہ تمام غیرقانونی تجاوزات اور غیر مجاذ تعمیرات کو فی الفور مسمار کیا جائے جتنی بھی ماتحت عدالت ہائے کے طرف سے خواہ کوئی بھی حکم امتناعی جاری بھی ہوا ہو موثر عملدرامد کیلئے متعلقہ ڈویژن کے کمشنر ان وڈسٹرکٹ پولیس آفیسرزکو ہدایت کی جاتی ہے کہ وہ بغیر کسی خوف دباؤ یا بیرونی اثر کے ان اپریشن کو قانون کے مطابق پایہ تکمیل تک پہنچایا جائے" اسی طرح چیف سیکرٹری خیبر پختونخواہ کے ہدایت کے مطابق صوبہ بھرکے تمام اضلاع میں انسداد تجاوزات سرگرمیا ں تیز کرنے کا حکم دیا گیا تا کہ دریا ؤں اور آبی گزرگاہوں کو ان کی اصل حالت میں بحال کیا جاسکے۔ اور مستقبل میں ممکنہ سیلابی نقصانات سے عوام کے جان ومال کو محفوظ بنایاجاسکے۔
حالیہ انسدادتجاوزات اپریشن کے دوران جس رقبے پر اپریشن کیا گیا وہ خسرہ نمبر 1 جو کہ حلقہ سنگوٹہ تحصیل بابوزئی ضلع سوات میں واقع ہے۔جو کہ مطابق بندوبستی ریکارڈمال مثل حقیت سال 1985-86 میں بطور دریائے سوات درج ہے۔گاؤں کے دستور واجب العرض کے مطابق برچھ برخہ دوتریان مالکان دیہھ درج ریکارڈ مال ہے۔ جو کہ واجب العرض کے فقرہ،سیکشن نمبر1کے مطابق ناقابل تقسیم،و غیر ممکن ہے۔ اور کسی بھی مجاذ عدالت میں اس پر تقسیم کی کاروائی نہیں کی جاسکتی اور نہ ہی آج تک بمطابق ریکارڈ مال کسی قسم کی کارروائی بابت تقسیم ہوئی ہے۔ البتہ مذکورہ رقبہ جو کہ از قسم دریائے سوات بدوران برد برآمد برچھ برخہ دوتریان مشترکہ طور پر کاشت کروندہ کے مقاصد کیلئے استعمال میں لایا جاسکتاہے اور ذرائع امدنی بہ مطابق برچھ برخہ دوتریان تقسیم ہوگی۔نہ کہ تعمیراتی امدنی ہوگی اورنہ فرد واحد اپنی ذاتی حیثیت کیلئے استعمال ہوگی۔اور یہ زمین عوامی مقاصد کیلئے مختص ہے اس بناء پر اس پر کسی بھی قسم کی تعمیر غیر قانونی اور مفاد عامہ کے خلاف بمطابق واجب العرض /دستور تصور ہو گی۔ واضح رہے کہ بعض اعتراضات میں حالیہ جمعبندی کا حوالہ دیا جارہاہے جسمیں کچھ کنال زمین کو ابادی ظاہر کیا گیا ہے تاہم وضاحت ضروری ہے کہ جمعبندی خسرہ گرداوری کی بنیاد پر ہوتی ہے۔
جو کہ ذیر دفعہ 39لینڈ ریکارڈ مینول حلقہ پٹواری موقع پر گرداوری بابت قسم اخذ کرتاہے نہ قسم کو کوئی بھی دوتریان جواز بناکر ابادی کو جائز قراردیا جاسکے۔ واجب العرض /دستور گاؤں کامالگزارا ن دیھ کی تصدیق سے عمل میں لائی جاتی ہے۔جس پر گاؤں کی معتبر مالگزارا ن دیھ ما بعد بندوبست تصدیق شدہ ہے۔
ضلعی انتظامیہ سوات اس امر پر زور دیتی ہے کہ دریائے سوات میں بے ہنگم اور غیر قانونی تعمیرات نے حالیہ سیلابی صورتحال میں تباہ کاریوں کو بڑھایا عوام کی جان ومال کا تحفظ اور ائندہ نقصانات کے روک تھام کیلئے ان غیر قانونی تعمیران و تجاوزات جو کہ از قسم دریائے سوات میں تعمیرات ہوئی ہے کو ختم کرنا ناگزیر ہے۔ لہٰذا ضلعی انتظامیہ سوات عوام سے پر زور مطالبہ کرتی ہے کہ قانون نافظ کرنیوالے اداروں سے مکمل تعاون کریں تاکہ دریا ئے سوات کو تجاوزات و غیر قانونی تعمیرات سے پاک کرکے اسے اصل حیثیت میں مفاد عامہ کیلئے بحال کیا جاسکے۔
ترجمان ضلعی انتظامیہ سوات۔

18/09/2025

*کوہستان لوئر پولیس!*
*پولیس چوکی کیرو کی مرمتی اور تزئین و آرائش کا کام مکمل*

انسپکٹر جنرل پولیس خیبرپختونخوا ذوالفقار حمید کے خصوصی احکامات، ڈی آئی جی ہزارہ ریجن ناصر محمود ستی کی رہنمائی و نگرانی میں، ڈسٹرکٹ پولیس آفیسر کوہستان لوئر تیمور خان (PSP) کی قیادت میں ضلع بھر کے تھانوں اور چوکیات کی تزئین و آرائش اور جدید تقاضوں کے مطابق، تھانہ دوبیر، تھانہ پٹن، چوکی چکئی، جیجال اور کیال کے بعد پولیس چوکی کیرو کی بھی تزئین و آرائش و مرمتی کام مکمل کرلیا گیا ہے۔

✅ عمارت کی مکمل چار دیواری، رنگ و روغن اور سیکیورٹی کے لیے خاردار تار کی تنصیب
✅ داخلی دروازے پر نیا اور مضبوط مین گیٹ نصب کیا گیا
✅ داخلی دروازے پر نئی اور مستحکم سنتری پوسٹ تعمیر کی گئی
✅ مکمل بلڈنگ کی مرمت اور تازہ رنگ و روغن
✅ بجلی، پانی اور نکاسی آب کے نظام کی مکمل بحالی
✅ جدید 4KV سولر سسٹم کی تنصیب
ڈی پی او کوہستان لوئر تیمور خان (PSP) نے کہا کہ ہماری کوشش ہے کہ تھانہ اور چوکیات محض انتظامی دفاتر نہ ہوں بلکہ حقیقی معنوں میں عوامی خدمت کے مراکز بنیں۔ ایک محفوظ، فعال اور شہری دوست پولیسنگ سسٹم ہمارا ہدف ہے، اور ہم انصاف کی فوری، مؤثر اور قابلِ بھروسہ فراہمی کے لیے اپنی کوششیں جاری رکھیں گے۔

18/09/2025

سوات(بیورورپورٹ)سوات ٹیپو شہید سکول اینڈ کالج میں خزاں سپورٹس فیسٹیول کی رنگارنگ تقریبات کا آغاز۔افتتاحی تقریب میں طلبہ، اساتذہ اور مہمانوں کی بڑی تعداد میں شرکت۔ فلیگ مارچ اور فلسطین کے ساتھ اظہار یکجہتی افتتاحی پروگرام میں شامل تھے۔ تلاوت کلام پاک سے تقریب کا آغاز کیاگیا۔ بارش سے موسم انتہائی خوشگوار رہا اور شرکاء کے درمیان بہت جوش و خروش دیکھنے کو ملا۔ تفصیلات کے مطابق ٹیپوشہید سکول اینڈکالج گل جبہ کبل سوات میں خزاں سپورٹس فیسٹیول کا آغاز ہوگیا۔ فیسٹیول ایک ہفتہ جاری رہے گا جس میں کرکٹ، فٹ بال اور بیڈمنٹن کے علاوہ مختلف کھیلوں کے مقابلے دیکھنے کو ملیں گے۔ فلیگ مارچ اور فلسطین کے ساتھ اظہار یکجہتی افتتاحی تقریب میں شامل تھے۔ اس کے علاوہ داخلی دروازہ پر روایتی حجرہ بیایا گیا تھا جس میں لسی، ساگ اور مکئی کی روٹی سے مہمانوں کا استقبال کیاگیا۔پروگرام کا آغاز باقاعدہ طور تلاوت کلام پاک سے کیاگیا۔ تقریب سے پہلے بارش نے موسم کو خوشگوار بناکر شرکاء کی دلچسپی کو چار چاند لگادئے۔ تقریب سے ڈائریکٹر ٹیپوشہید سکول اینڈ کالج سیدعبداللہ نے خطاب کرتے ہوئے کہا کہ طلبہ اپنے کیرئیر پر بھرپور توجہ دیں اور اپنا مستقبل سنوارنے کیلئے بھرپور جدوجہد سے کام لیں۔ انہوں نے بین الاقوامی حالات پر بات کرتے ہوئے کہاکہ دنیا کا منظرنامہ تبدیل ہورہاہے۔ طاقتور قوتیں مسلمانوں کے خلاف اپنا گھیرا تنگ کررہے ہیں جبکہ دوسری جانب ناقابل تسخیر سمجھے جانے والی یہودی ریاست کے غبارے بھی چند نہتے سرفروشوں نے ہوا نکال دی ہے۔ایمانی قوت سے لیس فلسطینی سرفروشوں نے پوری دنیا کی تاریخ بدل کر رکھ دی کہ دنیا کی بہترین اسلحہ سے لیس قوت ان کے سامنے ٹک نہیں پارہی۔ انہوں نے طلبہ کو مخاطب کرتے ہوئے کہا کہ جس طرح آج وہ اسلام کی بقاء کی جنگ لڑ رہے ہیں اس طرح کل کو تم نے اسلام کی بقاء کیلئے جدوجہد کرنی ہوگی۔ ہر لحاظ سے خود کو سنوارنا ہے۔ خود کو تیار کرنا ہے اور چیلنجز کیلئے خود کو ہردم تیار رکھنا ہے۔انہوں نے اپنے خطاب کے آخر میں تمام شرکاء کا شکریہ بھی ادا کیا۔ یاد رہے کہ سپورٹس فیسٹیول ایک ہفتہ جاری رہے گا جس میں طلبہ مختلف مقابلہ جات میں حصہ لیں گے۔

18/09/2025

خیبرپختونخوا حکومت کی ہدایات کی روشنی میں ضلعی انتظامیہ باجوڑ کی جانب سے "اوپن ڈور پالیسی" کے تحت عوام کو روزانہ ڈپٹی کمشنر آفس تک براہِ راست رسائی حاصل ہے تاکہ شہریوں کے مسائل کا بروقت اور مؤثر حل یقینی بنایا جا سکے۔ ضلع باجوڑ کے علاقائی مشران،نوجوانان ڈپٹی کمشنر باجوڑ جناب شاہد علی خان سے ملاقات کی۔ شرکاء نے آمن عوامی مسائل، تجاویز اور درخواستیں پیش کیں۔ ڈپٹی کمشنر باجوڑ نے فوری نوٹس لیتے ہوئے متعلقہ محکموں کو بروقت اقدامات کی ہدایات جاری کیں۔
ڈپٹی کمشنر نے کہا کہ عوام کی دہلیز پر سہولیات کی فراہمی حکومت کی اولین ترجیح ہے۔ روزانہ مخصوص اوقات میں عوام کو بلا کسی رکاوٹ رسائی فراہم کی جا رہی ہے تاکہ ہر شہری کے مسائل کا فوری اور شفاف حل ممکن بنایا جا سکے۔

17/09/2025

یعقوب کے ٹپے ملاحظہ کیجئے

17/09/2025

سوات میں لاوارث شخص کی وفات کے بعد ضلعی انتظامیہ نے تدفین کا انتظام کیا۔

سوات میں ایک لاوارث شخص کی وفات کے بعد ضلعی انتظامیہ اور ٹی ایم اے عملے نے تدفین کا بندوبست کیا۔ ڈپٹی کمشنر سوات سلیم اللہ مروت کی ہدایت پر ڈی سی آفس کے باری شاہ اور ٹی ایم اے آفس کے اہلکار سلیمان نے مرحوم کو غسل دے کر مقامی قبرستان میں سپرد خاک کیا۔

باری شاہ نے میڈیا کو بتایا کہ متوفی کو تین روز قبل سنٹرل ہسپتال لایا گیا تھا جہاں علاج کے بعد اسے چارسدہ بھیج دیا گیا، تاہم وہاں سے دوبارہ سوات منتقل کیا گیا۔ آج صبح وہ انتقال کر گیا جس کے بعد انتظامیہ نے بطورِ لاوارث اس کی تدفین کی۔

ضلعی انتظامیہ نے عوام سے اپیل کی ہے کہ اگر کوئی مرحوم کو جانتا ہو یا اس کے ورثاء کے بارے میں معلومات رکھتا ہو تو فوری طور پر مقامی انتظامیہ سے رابطہ کرے۔