Awaz-e-Khyber News

29/05/2026

ویلج کونسل کوزہ بانڈی 3 ایک بار پھر میدانِ کربلا بن گیا۔

عید کے دن ٹیوب ویل سکیم ون کی موٹر جل جانے سے گھروں کو پانی کی فراہمی مکمل طور پر معطل ہو گئی ہے، جبکہ محکمہ پبلک ہیلتھ اور عوامی نمائندے بدترین غفلت کا مظاہرہ کر رہے ہیں۔

عوام شدید مشکلات اور پریشانی کا شکار ہیں، مگر افسوس کہ حکومتی پارٹی کے بعض لوگ مسئلہ حل کرنے کے بجائے چندہ جمع کرنے کی تاکید کر رہے ہیں۔

او بھائی! اگر ہر مسئلے کا حل عوام نے چندوں سے ہی کرنا ہے، تو پھر یہ محکمہ اور عوامی نمائندے کس مرض کی دوا ہیں؟

عوام نے چندہ دینے سے صاف انکار کر دیا ہے۔

اگر کل تک موٹر ٹھیک نہ کی گئی تو عوام اگلا لائحۂ عمل طے کریں گے، جس میں مین روڈ بند کرنے سمیت کئی آپشنز موجود ہیں۔

رشید احمد سواتی
رہنما جماعت اسلامی تحصیل کبل

29/05/2026

امریکی صدر ڈونلڈ ٹرمپ کا آبنائے ہرمز کی ناکہ بندی ختم کرنے کا اعلان

-e-khybernews

29/05/2026

‏صوبائی صدر پی ٹی آئی خیبرپختونخوا جنید اکبر خان کوگلگت بلتستان پولیس نے ہنزل کے مقام پر گرفتار کر لیا۔

27/05/2026

ڈپٹی کمشنر سوات سلیم جان مروت اور ڈسٹرکٹ ایمرجنسی آفیسر ریسکیو 1122 سوات سید شعیب منصور نے آج مدنی مسجد (تبلیغی مرکز) مکان باغ میں عوام الناس کے ہمراہ عیدالاضحیٰ کی نماز باجماعت ادا کی۔ اس موقع پر علاقے کے معززین، عمائدین، مشران اور مختلف مکاتبِ فکر سے تعلق رکھنے والے افراد کی بڑی تعداد موجود تھی، جس سے مذہبی ہم آہنگی، بھائی چارے اور روحانی عقیدت کی فضا قائم رہی۔
نمازِ عید کے بعد ڈپٹی کمشنر سوات نے شہریوں، عمائدینِ علاقہ اور ریسکیو 1122 کے افسران و اہلکاروں سے عید ملن کیا، ان کے ساتھ عید کی خوشیاں بانٹیں اور عیدالاضحیٰ کی دلی مبارکباد پیش کی۔ انہوں نے اس موقع پر عوام کی فلاح و بہبود، ملک و قوم کی ترقی، پائیدار امن، استحکام اور خوشحالی کے لیے خصوصی دعائیں کیں۔
ڈپٹی کمشنر سوات نے کہا کہ عیدالاضحیٰ ہمیں ایثار، قربانی، اخوت اور باہمی ہمدردی کا درس دیتی ہے۔ انہوں نے شہریوں پر زور دیا کہ عید کی خوشیوں میں معاشرے کے کمزور اور مستحق طبقات کو بھی شریک کریں اور صفائی ستھرائی سمیت تمام شہری ذمہ داریوں کا احساس کرتے ہوئے ضلعی انتظامیہ کے ساتھ بھرپور تعاون کریں۔

27/05/2026

ڈبلیو ایس ایس سی سوات کا عید الاضحی خصوصی صفائی آپریشنز تیزی سے جاری ہے صفائی عملہ مینگورہ شہر کے مختلف علاقوں میں کلیکشن پوائنٹس کو کلیئر کر رہے ہیں۔

27/05/2026

سوات کے علاقے مٹہ شوخدرہ میں عید کے روز گھریلو تنازع پر شوہر کی فائرنگ سے بیوی جاں بحق اور بھابھی زخمی ہوگئی، جس کے بعد ملزم نے خود کو گولی مار کر اپنی زندگی کا خاتمہ کر لیا۔ پولیس نے واقعے کی تحقیقات شروع کر دی ہیں۔

26/05/2026

26/05/2026

گزشتہ رات بر سوات تحصیل مٹہ کے علاقے کوز شرپلم مسلم آباد میں عمر فاروق تندور کی دکان سے نامعلوم افراد 14 عدد گیس سلنڈر (15 کلو والے)، کچھ نقد رقم اور دیگر سامان لے گئے۔ واقعے کی رپورٹ پولیس میں درج کر دی گئی ہے، تاہم سڑک کنارے اس قسم کے واقعات نے علاقے کے عوام میں تشویش پیدا کر دی ہے۔ عوام نے متعلقہ حکام سے مؤثر کارروائی اور سیکیورٹی اقدامات کا مطالبہ کیا ہے۔

26/05/2026

سوشل میڈیا پر ٹریفک پولیس اہلکار پر تشدد کی وائرل ویڈیو پر ڈی پی او سوات کا فوری نوٹس، ملوث افراد گرفتار، مقدمہ درج
سوات: سوشل میڈیا پر وائرل ہونے والی ایک ویڈیو میں گزشتہ شام شاہدرہ چوک پر ٹریفک ڈیوٹی پر مامور کنسٹیبل بلال کو سوزوکی میں سوار افراد کی جانب سے تشدد کا نشانہ بنانے اور گالیاں دینے کا واقعہ سامنے آیا۔ ایس ایچ او تھانہ بنڑ زاہد اللہ کو ہدایات جاری کیں۔ ایس ایچ او نے پولیس ٹیم کے ہمراہ بروقت کارروائی کرتے ہوئے ڈیوٹی پر موجود پولیس اہلکار پر تشدد کرنے، گالیاں دینے اور وردی کی توہین کرنے والے ملزمان صابر ولد نوشیروان، برکت علی اور شوکت علی پسران گل شیر، ساکنان کالام حال شاہدرہ کو گرفتار کر لیا۔ گرفتار ملزمان کے خلاف تھانہ بنڑ میں مقدمہ درج کر کے انہیں پابندِ سلاسل کر دیا گیا ہے۔ مزید تفتیش جاری ہے۔ڈی پی او سوات نے کہا کہ قانون سے بالاتر کوئی نہیں۔ قانون کی خلاف ورزی اور ڈیوٹی پر موجود پولیس اہلکار کے ساتھ مارپیٹ اور گالی گلوچ کرنے والے کسی رعایت کے مستحق نہیں۔ انہوں نے مزید کہا کہ قانونی تقاضے پورے کرنے کے بعد پولیس اہلکار پر تشدد کرنے والے افراد کو سخت سے سخت سزا دلوائی جائے گی۔

26/05/2026

فی تولہ سونے کی قیمت
میں ہزاروں روپے کی کمی

25/05/2026

سوات (بیورو رپورٹ) سوات سیرینا ہوٹل کے ملازمین نے ہوٹل کی بندش اور ملازمین کی برطرفی کے بعد پرنس رحیم آغا خان سے اپیل کی ہے کہ انہیں دیگر سیرینا برانچز میں ایڈجسٹ کیا جائے تاکہ برطرف ملازمین کو شدید ذہنی اور مالی پریشانی سے نجات مل سکے، جبکہ حکومتِ خیبر پختونخوا سے مطالبہ کیا گیا ہے کہ ہوٹل کو دوبارہ لیز پر دیتے وقت ملازمین کی مستقلی کو یقینی بنایا جائے۔
سوات سیرینا ہوٹل ایمپلائز یونین سی بی اے کے چیئرمین سجاد علی اور جنرل سیکرٹری اکرام اللہ نے اپنے ساتھیوں کے ہمراہ سوات میڈیا کلب میں پریس کانفرنس کرتے ہوئے کہا کہ 21 دسمبر 2025 کو اچانک نوٹس جاری کیا گیا جس میں اعلان کیا گیا کہ ہوٹل کو 31 دسمبر 2025 سے بند کر دیا جائے گا اور تمام ملازمین کی ملازمت ختم کر دی جائے گی۔ انہوں نے کہا کہ یہ فیصلہ یکطرفہ، غیر متوقع اور ملازمین کے لیے شدید ذہنی و مالی پریشانی کا سبب بنا ہے۔
انہوں نے کہا کہ یہ صرف ایک ہوٹل کی بندش نہیں بلکہ درجنوں خاندانوں کے روزگار، مستقبل اور معاشی تحفظ کے خاتمے کے مترادف ہے۔ اکرام اللہ کے مطابق سوات سیرینا ہوٹل گزشتہ کئی دہائیوں سے سیاحت کے فروغ اور مقامی افراد کو روزگار فراہم کرنے میں اہم کردار ادا کرتا رہا ہے، جبکہ ہوٹل میں تقریباً 70 ملازمین خدمات انجام دے رہے تھے جن میں سے بیشتر گزشتہ 35 برس سے ادارے سے وابستہ تھے۔
ملازمین نے خدشہ ظاہر کیا کہ لیز ختم ہونے کے بعد اگر انہیں دیگر شہروں میں منتقل کیا گیا تو ان کے خاندان، بچوں کی تعلیم اور روزگار بری طرح متاثر ہوگا۔ انہوں نے حکومتِ خیبر پختونخوا، وزیر اعلیٰ اور متعلقہ حکام سے مطالبہ کیا کہ سوات سیرینا ہوٹل کے ملازمین کو پاکستان سروسز لمیٹڈ ہی میں برقرار رکھا جائے تاکہ ان کا روزگار اور بچوں کا مستقبل محفوظ بنایا جا سکے۔
انہوں نے خبردار کیا کہ اگر ان کے تحفظات کو سنجیدگی سے نہ لیا گیا تو وہ احتجاج کا راستہ اختیار کرنے پر مجبور ہوں گے۔