AJK VOICE

01/03/2026

22/01/2026

عدالتی فیصلوں پر من و عن عملدرآمد، بھرتیوں اور ترقیوں سے متعلق حکومتی پالیسی واضح
مظفرآباد

آزاد حکومتِ ریاست جموں و کشمیر نے معزز عدالتِ عالیہ کے فیصلوں مورخہ 16 اگست 2025، 30 اکتوبر 2025 اور 24 دسمبر 2025 پر من و عن عملدرآمد کے تحت بھرتیوں، سلیکشن کمیٹیوں، اوپن میرٹ اور ترقیابی معاملات سے متعلق اپنی پالیسی واضح کر دی ہے۔

محکمہ سروسز اینڈ جنرل ایڈمنسٹریشن ڈیپارٹمنٹ آزادکشمیر کے مطابق، سکیل بی۔07 تا بی۔15 میں بھرتیوں کے لیے نافذ آزاد جموں و کشمیر ریکروٹمنٹ (Through Third Party) ایکٹ، 2021 کو معزز عدالتِ عالیہ کے فیصلہ مورخہ 30.10.2025 کے ذریعے مکمل طور پر بحال کر دیا گیا ہے۔ کابینہ کی جانب سے اس فیصلے پر من و عن عملدرآمد کے بعد مذکورہ ایکٹ پورے آزاد کشمیر میں نافذ العمل ہے، جس کے تحت اب سکیل بی۔07 تا بی۔15 میں سلیکشن/انڈکشن کا عمل مکمل طور پر تھرڈ پارٹی ریکروٹمنٹ کے ذریعے کیا جائے گا۔ اس حوالے سے مزید انتظامی کارروائی محکمۂ سروسز کی سطح پر جاری ہے۔

ترجمان نے بتایا کہ معزز عدالتِ عالیہ کی انتظامی ہدایات مورخہ 16.08.2025 کی روشنی میں، حکومت کی جانب سے بذریعہ نوٹیفکیشن مورخہ 11.04.2025 آزاد کشمیر بھر میں سکیل بی۔01 تا بی۔15 کے لیے سلیکشن کمیٹیوں کی تشکیل نو کی گئی تھی۔ بعد ازاں بعض رِٹ پٹیشنز میں اس بنیاد پر اعتراض اٹھایا گیا کہ سلیکشن کمیٹیوں کے TORs / Criteria واضح نہیں کیے گئے۔

اس ضمن میں محکمۂ سروسز کی جانب سے بذریعہ نوٹیفکیشن مورخہ 15.12.2025 سکیل بی۔01 تا بی۔06 کے لیے سلیکشن کمیٹیوں کا باقاعدہ Criteria جاری کیا گیا، جس کے بعد معزز عدالتِ عالیہ نے اس معاملہ سے متعلق زیرِ سماعت تمام رِٹ پٹیشنز خارج کر دیں۔

حکومتی ترجمان کے مطابق، معزز عدالتِ عالیہ نے اپنے فیصلہ مورخہ 24.12.2025 میں مقدمات بعنوان امجد علی خان بنام آزاد حکومت وغیرہ، راجہ شفیق اللہ بنام آزاد حکومت وغیرہ اور قصاء بتول بنام آزاد حکومت وغیرہ کو یکجا سماعت کے بعد، سول سروس میں انڈکشن اور تعلیمی اداروں میں داخلہ جات کے لیے اوپن میرٹ پالیسی نافذ کرنے کے احکامات صادر فرمائے۔ حکومت کی جانب سے ان فیصلوں کے خلاف کوئی اپیل دائر نہ کیے جانے کے باعث یہ فیصلے مکمل طور پر بحال اور نافذ العمل ہیں، البتہ مہاجرین جموں و کشمیر 1989ء کے 6 فیصد کوٹہ سے متعلق معاملہ تاحال عدالت میں زیرِ سماعت ہے۔

حکومت نے واضح کیا ہے کہ
سکیل بی۔01 تا بی۔06 میں سلیکشن کا عمل نوٹیفکیشنز مورخہ 11.04.2025 اور 15.12.2025 کے تحت ہی کیا جائے گا۔

سکیل بی۔07 تا بی۔15 میں تمام نئی بھرتیاں Third Party Recruitment Act, 2021 کے مطابق ہوں گی۔

سکیل بی۔01 تا بی۔15 میں ترقیابی کے تمام معاملات آزاد جموں و کشمیر سول سرونٹس (تقرری و شرائطِ ملازمت) قواعد، 1977 کے قاعدہ 4 کے تحت ہی نمٹائے جائیں گے۔

سول سروس میں انڈکشن اور تعلیمی اداروں میں داخلہ جات (ماسوائے مہاجرین 1989ء کے کوٹہ کے) اوپن میرٹ کی بنیاد پر ہوں گے۔

حکومت نے تمام محکمہ جات کو ہدایت کی ہے کہ وہ عدالتی فیصلوں اور جاری شدہ نوٹیفکیشنز کی روشنی میں بلا تاخیر عملدرآمد یقینی بنائیں تاکہ کسی بھی قسم کے انتظامی ابہام، قانونی پیچیدگی یا تاخیر سے بچا جا سکے۔

22/01/2026

دبئی کی ٹریفک کے منتظم ادارے روڈ اینڈ ٹرانسپورٹ اتھارٹی (آر ٹی اے) کے مطابق سال 2025 کے دوران مسافر ٹیکسیوں میں 20 لاکھ درہم (15 کروڑ 24 لاکھ روپے) سے زائد مالیت کی رقم اور قیمتی سامان بھول گئے، جو فوری کارروائی کرتے ہوئے مالکان کو واپس کر دی گئی۔

جو دبئی کے ایماندار ٹیکسی ڈرائیورز خصوصا پاکستانی محنت کشوں نے اجنبی مسافروں کو گمشدگی کی رپورٹ کرنے کے فورا بعد واپس کردی گئیں۔

21/01/2026

وزیراعلیٰ پنجاب مریم نوازشریف کا پنجاب میں ٹیلی میڈیسن سسٹم متعارف کرانے کا اعلان
وزیراعلیٰ مریم نواز شریف کا لاہور کے نواز شریف میڈیکل ڈسٹرکٹ کی مارچ سے تعمیر شروع کرنے کا اعلان
جھنگ ڈی ایچ کیو ہسپتال میں کارڈیک سرجری شروع کرانے کا اعلان، عوام کو ہر قسم کے علاج کی سہولت گھر کی دہلیز پر دیں گے:مریم نواز
خیبر پختونخواکے کمسن ہارٹ پیشنٹ کے والد نے کہاکہ کسی نے مدد نہیں کی تو اس نے کہا کہ کاش ہماری وزیراعلیٰ مریم نوازشریف ہوتیں
جھنگ جیسے دورافتادہ شہر میں کیتھ لیب دیکھ کر خوشی ہوئی، میرا خواب پورا ہوا،غربت اور وسائل کی کمی کے شکار افراد کیلئے ہارٹ اٹیک کسی قیامت سے کم نہیں
ہارٹ اٹیک ہونے پر 60منٹ کے اندر گولڈن آور میں مریض کو ہسپتال شفٹ کرنے سے جان بچائی جاسکتی ہے،جھنگ میں مریض کے پروسیجرکا مشاہدہ کیا
ڈسٹرکٹ ہیڈکوارٹر ہسپتال میں لوگوں نے بتایا کہ ہارٹ اٹیک ہونے پر مریض لاہور لیجانے کی بجائے جھنگ ہسپتال میں لے آئے ہیں
مریض نے بتایافیصل آباد کارڈیالوجی میں 8 ماہ بعد کی تاریخ ملی، جھنگ میں 48 گھنٹے میں پروسیجر مکمل ہوگیا، انتظامیہ کی معاونت کے بغیر ممکن نہیں تھا
اب غریب امیر کا ایک ہی جیسا علاج ہوگا،میرے ذہن میں کوئی تفریق نہیں،غربت اور وسائل کی کمی کے شکار افراد کیلئے ہارٹ اٹیک کسی قیامت سے کم نہیں
پنجاب بھر میں 16 کیتھ لیب کا آغاز ہفتوں اور مہینوں میں کیا،ساہیوال، مری اور سرگودھا میں کارڈیالوجی کے انسٹی ٹیوٹ بنائے
مری میں علاج کیلئے دوردراز علاقوں کے علاوہ کے پی کے سے بھی سے لوگ آتے ہیں،ہم نے اپنے دروازے دوسرے صوبوں کے بہن بھائیوں کیلئے کھول رکھے ہیں
جھنگ میں چند دنوں میں 30 انجیو گرافی اور انجیوپلاسٹی پروسیجر ہوچکے ہیں،جھنگ کیتھ لیب کی فارمیسی میں درکار ضروری اشیاء اور ادویات کے انبار لگے ہیں
جھنگ میں الیکٹرک بس کو عوام نے بہت پذیرائی دی، ہزاروں افراد روزانہ سفر کرتے ہیں،جھنگ کے پاس صفائی اور نکاسی آب کیلئے اپنی مشینری موجود ہے
ڈائیلسز کارڈ کے ذریعے ہر مریض 10لاکھ تک علاج کراسکتا ہے،کلینک آن ویل اور فیلڈ ہسپتالوں کے ذریعے دو کروڑ افراد علاج کرچکے ہیں
فیلڈ ہسپتالوں میں ایکسرے، ای سی جی، الٹراساؤنڈ اور سرجریکل پروسیجر بھی ہور ہے ہیں،پنجاب کے عوام کو 100ارب روپے کی فری ادویات مہیا کررہے ہیں
آرگن ٹرانسپلانٹ مہنگا علاج ہے،عوام کو ٹرانسپلانٹ کارڈ بھی مہیا کررہے ہیں،سی ایم بننے پر کارڈیک سرجری کیلئے 15ہزار بچوں کی ویٹنگ لسٹ کا سن کر افسوس ہوا
ٹیلی میڈیسن سسٹم کے تحت ڈاکٹر فون کی سکرین پر موجود ہوگا،پنجاب بھر میں دنیا بھر سے بہترین کنسلٹنٹ ڈاکٹر لارہے ہیں
دریائے فرات کے کنارے کتا پیاسا مر جائے تو حضرت عمرؓ ذمہ دار ہیں تو سی ایم کیسے ذمہ دار نہیں ہوسکتاہے
کیتھ لیب پراجیکٹ کی تکمیل پر صوبائی وزیر خواجہ عمران نذیر،سیکرٹری ہیلتھ نادیہ ثاقب،کمشنر فیصل آباد راجہ جہانگیر انور اور ڈی سی علی اکبر کو بھی شاباش دیتی ہوں
وزیراعلیٰ پنجاب مریم نواز شریف کا جھنگ میں کیتھ لیب کی افتتاحی تقریب سے خطاب
لاہور21جنوری:……وزیراعلیٰ پنجاب مریم نواز شریف نے پنجاب میں ٹیلی میڈیسن سسٹم متعارف کرانے اورجھنگ ڈی ایچ کیو ہسپتال میں کارڈیک سرجری شروع کرانے کا اعلان کیا ہے نواز شریف میڈیکل ڈسٹرکٹ کی مارچ سے تعمیر شروع کرنے کابھی اعلان کیا گیا ہے۔وزیراعلیٰ پنجاب مریم نواز شریف نے جھنگ میں کیتھ لیب کی افتتاحی تقریب سے خطاب کرتے ہوئے کہا کہ پنجاب کے عوام کو ہر قسم کے علاج کی سہولت گھر کی دہلیز پر دیں گے۔جھنگ جیسے دورافتادہ شہر میں کیتھ لیب دیکھ کر خوشی ہوئی، میرا خواب پورا ہوا۔اب غریب امیر کا ایک ہی جیسا علاج ہوگا۔ میرے ذہن میں کوئی تفریق نہیں۔ غربت اور وسائل کی کمی کے شکار افراد کے لئے ہارٹ اٹیک کسی قیامت سے کم نہیں۔مشکل کی گھڑی میں مریض کو شفٹ کرنے کے لئے گاڑیوں کے کرائے بھی ادا کرنے پڑتے ہیں۔ ہارٹ اٹیک ہونے پر 60منٹ کے گولڈن آور میں مریض کو ہسپتال شفٹ کرنے سے جان بچائی جاسکتی ہے۔ جھنگ میں کیتھ لیب دیکھ کربے حد خوشی ہوں، خوشی کے جذبات پر قابو پانا مشکل تھا۔وزیراعلیٰ پنجاب مریم نوازشریف نے جھنگ کی کیتھ لیب میں مریض کے پروسیجر کامشاہدہ کیا۔ وزیراعلیٰ مریم نواز شریف نے کہاکہ ڈسٹرکٹ ہیڈکوارٹر ہسپتال میں لوگوں نے بتایا کہ ہارٹ اٹیک ہونے پر مریض لاہور لیجانے کی بجائے جھنگ ہسپتال میں لائے ہیں۔ مریض کو فیصل آباد کارڈیالوجی میں 8 ماہ بعد کی تاریخ ملی، جھنگ میں 48 گھنٹے میں پروسیجر مکمل ہوگیا۔ انتظامیہ کی معاونت کے بغیر ممکن نہیں تھا۔انہوں نے کہا کہ کبھی کبھی کمشنرز اور ڈپٹی کمشنرز سے سختی برتنا پڑتی ہے لیکن سختی ذمہ داری کے بوجھ پر کی جاتی ہے۔ وزیراعلی مریم نواز شریف نے کہا کہ ہم عوام کے دکھ درد میں ساتھ کھڑے ہیں اور
کھڑے رہیں گے۔ پنجاب بھر میں 16 کیتھ لیب کا آغاز ہفتوں اور مہینوں میں کیا۔ساہیوال، مری اور سرگودھا میں کارڈیالوجی کے انسٹی ٹیوٹ بنائے۔ مری میں علاج کے لئے دوردراز علاقوں کے علاوہ کے پی کے سے بھی سے لوگ آتے ہیں۔ ہم نے اپنے دروازے دوسرے صوبوں کے بہن بھائیوں کے لئے کھول رکھے ہیں۔ وزیراعلیٰ مریم نواز شریف نے کہاکہ جب بھی نیا ہسپتال ڈیزائن کرتے ہیں، دوسرے صوبوں کے مریضوں کی ضرورتوں کو بھی مد نظر رکھتے ہیں۔ لاہور میں 100بیڈ کا پہلا سرکاری کینسر ہسپتال پنجاب کے علاوہ دوسر ے صوبوں کے مریضوں کی ضرورتوں کو بھی مد نظر رکھ کر بنایا جا رہا ہے۔جھنگ میں کیتھ لیب کوباقاعدہ افتتاح سے پہلے ہی فنکشنل کر دیا تا کہ مریضوں کو پریشانی نہ ہوں۔جھنگ میں چند دنوں میں 30 انجیو گرافی اور پلاسٹی پروسیجر ہوچکے ہیں۔ وزیراعلیٰ مریم نواز شریف نے کہاکہ ہارٹ اٹیک ہونے پر کچھ مریض انجیو گرافی اور انجیو پلاسٹی سے صحت یاب ہوتے اور کچھ کو سرجری کی ضرورت بھی پڑتی ہے۔ جھنگ کیتھ لیب کی فارمیسی میں درکار ضروری اشیاء اور ادویات کے انبار لگے ہیں۔ جھنگ میں الیکٹرک بس کو عوام نے بہت پذیرائی دی، ہزاروں افراد روزانہ سفر کرتے ہیں۔پہلے واسا چند شہروں تک تھا اب جھنگ سمیت درجنوں شہروں میں موجود ہے، پنجاب بھر میں گلی محلے اور گاؤں صاف کررہے ہیں۔ وزیراعلیٰ مریم نواز شریف نے کہاکہ جھنگ کے پاس صفائی اور نکاسی آب کے لئے اپنی مشینری موجود ہے، جھنگ کیمرہ مانیٹرنگ سیف سٹی بن چکا ہے۔جھنگ میں دیہی اور نیم شہری علاقوں میں بیوٹیفکیشن کے چار پراجیکٹ جلد مکمل کرائیں گے۔جھنگ میں 350 کلومیٹر سڑکوں کی تعمیر ومرمت ہوچکی ہے، چھ ماہ میں جھنگ ترقی یافتہ شہر کا منظر کا پیش کرے گا۔ وزیراعلی مریم نواز شریف نے کہا کہ پنجاب میں اب صفائی گھر کی دہلیز تک ہوتی ہے، دروازہ کھٹکھٹا کر کوڑا اکٹھا کیا جاتا ہے۔ انہوں نے کہا کہ پنجاب بھر میں 7 لاکھ مریضوں کو انسولین اور دیگر مفت ادویات پہنچاچکے ہیں۔ مریضوں کے لئے ہوم ڈیلیوری میڈیسن اور بھی بڑھائیں گے۔ ڈائیلسز کارڈ کے ذریعے ہر مریض 10لاکھ تک علاج کراسکتا ہے۔ کلینک آن ویل اور فیلڈ ہسپتالوں کے ذریعے دو کروڑ افراد علاج کرچکے ہیں۔ فیلڈ ہسپتالوں میں ایکسرے، ای سی جی، الٹراساؤنڈ اور سرجریکل پروسیجر بھی ہور ہے ہیں۔پنجاب کے عوام کو 100ارب روپے کی فری ادویات مہیا کررہے ہیں۔ ہسپتالوں میں مفت ادویات کی فراہمی کے اعلان ہوتے ہیں۔ وزیراعلی مریم نواز شریف نے کہا کہ آرگن ٹرانسپلانٹ مہنگا علاج ہے۔عوام کو ٹرانسپلانٹ کارڈ بھی مہیا کررہے ہیں۔سی ایم بننے پر کارڈیک سرجری کے لئے 15ہزار بچوں کی ویٹنگ لسٹ کا سن کر افسوس ہوا۔پیڈکارڈیک سرجری کے لئے سال بھر سے زیادہ انتظار کرنا پڑتا تھا۔ وزیراعلیٰ مریم نواز شریف نے کہاکہ اللہ تعالی کے فضل و کرم سے 10ہزار بچے کارڈیک سرجری کے صحت یاب ہوچکے ہیں، ان میں کے پی کے، سندھ، آزاد کشمیر کے بچے شامل ہیں۔والدین اپنے بچوں کو بہتر علاج کے لئے دوسروں صوبوں سے پنجاب لاتے ہیں۔مریضوں کو فوری علاج کے لئے منتقل کرنیایئر ایمبولینس شروع کی۔ انہوں نے کہا کہ فالج کے مریضوں کو سرکاری ہسپتالوں میں لاکھوں روپے کا ٹی این کے انجکشن فری لگے گا۔ مراکز صحت کو سٹیٹ آف دی آرٹ کلینک میں بدلنے سے مریضوں کی تعداد میں کئی گنا اضافہ ہوا۔ لوگ اب بڑے ہسپتالوں میں جانے کی بجائے قریبی سرکاری کلینک پر آتے ہیں۔ٹیلی میڈیسن سسٹم کے تحت ڈاکٹر فون کی سکرین پر موجود ہوگا۔ پنجاب بھر میں دنیا بھر سے بہترین کنسلٹنٹ ڈاکٹر لارہے ہیں۔ہسپتالوں کی ڈیپ کلینگ کا روزانہ ویڈیو دیکھتی ہوں۔ انہوں نے کہا کہ نواز شریف میڈیکل سٹی میں ان پیچیدہ بیماریوں کا علاج ہوگا جو یہاں ممکن نہیں تھا۔ نواز شریف میڈیکل ڈسٹرکٹ میں چلڈرن ہسپتال، کارڈیالوجی، بلڈ ڈیزیز، ہڈیوں کے پیچیدہ امراض اور جلنے والے مریضوں کابھی علاج ہوگا۔نواز شریف میڈیکل ڈسٹرکٹ جینٹک / مو ذی امراض کا بھی علاج ہوگا۔ وزیراعلیٰ مریم نواز شریف نے کہاکہ کینسر کے علاج کے لئے چین سے نئی مشین اور ٹیکنالوجی لائے، ایک گھٹنے میں مریض کینسر فری ہوجاتا ہے۔ کوابلیشن مشین میں کینسر کے علاج کے لئے پروب آلہ 16لاکھ روپے کاآتا ہے، محکمہ ہیلتھ کو 6 ارب روپے دے چکے ہیں۔وزیر اعلیٰ مریم نواز شریف نے کہا کہ پنجاب ٹیکنالوجی اورگڈ گورننس ریکارڈ قائم کررہاہے، پنجاب ایسی ماں کے مانند ہے جو خود جاکر تکلیف کاعلاج کرتی ہے۔ کمیونٹی ہیلتھ انسپکٹر اب گھر گھر جاکر لوگوں کا علاج کریں گے اور چھ ماہ میں مکمل ہیلتھ پروفائل بنائیں گے۔ وزیراعلیٰ مریم نواز شریف نے کہاکہ عوام کی خدمت کے مشن میں اللہ تعالیٰ کی مددآرہی ہے، بیماری اور تکلیف آجائے تو حکومت کو خود پہنچانا چاہیے۔ وزیراعلی مریم نواز شریف نے کہا کہ کے پی کے میں دل کے پیدائشی مریض بچے کے والد نے علاج کے لئے ایپلیں کیں کسی نے مدد نہیں کی۔ کمسن ہارٹ پیشنٹ کے والد نے کہا کاش ہماری وزیراعلیٰ مریم نواز ہوتیں۔میں سمجھتی ہوں جو مریض کے علاج میں غفلت کرتے ہیں انہیں حکومت کرنا کا کوئی حق نہیں۔ انہوں نے کہا کہ دریائے فرات کے کنارے کتا پیاسا مر جائے تو حضرت عمرؓ ذمہ دار ہیں تو سی ایم کیسے ذمہ دار نہیں ہوسکتاہے۔ گٹر کا ڈھکن نہ ہونے سے مرنے والوں کا ذمہ دار کون ہے؟کیتھ لیب پراجیکٹ کی تکمیل پر صوبائی وزیر خواجہ عمران نذیر کو مبارکباد دیتی ہوں۔ سیکرٹری ہیلتھ نادیہ ثاقب اور پوری ٹیم کو شاباش دیتی ہوں۔کمشنر فیصل آباد راجہ جہانگیر انور اور ڈی سی علی اکبر کو بھی کیتھ لیب کی تکمیل پر شاباش دیتی ہوں اور جھنگ میں کرائم کا گراف نیچے لانے پر ڈی پی او اور پوری پولیس ٹیم کو بھی شاباش دیتی ہوں۔

21/01/2026

وزیر اعظم آزاد کشمیر فیصل ممتاز راٹھور نے دورہ حویلی کے دوران ترقیاتی پراجیکٹس کے علانات کے علاوہ اپنے ماضی کے سیاسی حریف چوہدری محمد عزیز مرحوم کا ذکر کرتے ہوئے کہا کہ گورنمنٹ بوائز ڈگری کالج ممتاز حسین راٹھور مرحوم کے نام سے منسوب ہے لہذا میں گورنمنٹ گرلز ڈگری کالج کہوٹہ کو چوہدری محمد عزیز کے نام سے منسوب کرنے کا اعلان کرتا ہوں
#ایڈمن

21/01/2026

وزیراعلیٰ پنجاب کے مشیر برائے سیاسی امور ذیشان عاشق ملک اور صوبائی وزیر مواصلات ملک صہیب احمد برتھ کی صدارت میں کمشنر آفس سرگودھا میں اجلاس منعقد ہوا

اجلاس میں کمشنر سرگودھا ڈویژن حافظ شوکت علی، آر پی او شہزاد آصف خان، ڈپٹی کمشنر کیپٹن (ر) محمد وسیم اور ڈی پی او صہیب اشرف بھی شریک تھے۔

اجلاس میں سرگودھا اور خوشاب کے پارلیمنٹرینز، مسلم لیگ (ن) کے ٹکٹ ہولڈرز اور پارٹی عہدیداران نے بھی شرکت کی۔

نواز شریف انسٹیٹیوٹ آف کارڈیالوجی کے افتتاح اور اور سرگودھا میں ترقیاتی کاموں سے متعلق جائزہ لیا گیا

وزیر اعلی پنجاب مریم نواز شریف کی ہدایت پر سرگودھا میں واسا کا قیام بھی عمل میں لایا گیا ہے

ستھرا پنجاب کے تحت صفائی مہم ،ہسپتال اور سڑکوں کی تعمیر و بحالی بھی سرگودھا میں جاری ہے

وزیراعلیٰ مریم نواز کی ہدایت پر ترقیاتی سکیموں پر تیزی سے کام جاری ہے

نواز شریف انسٹیٹیوٹ آف کارڈیالوجی کا فروری کے پہلے ہفتے میں افتتاح ہوگا
نواز شریف انسٹیٹیوٹ آف کارڈیالوجی سمیت تمام منصوبے سرگودھا کیلئے وزیراعلیٰ پنجاب کا تحفہ ہیں ،ذیشان ملک

21/01/2026

آزاد کشمیر بھر میں تعلیمی پیکج میں نئی ہزاروں آسامیاں تخلیق ۔۔۔۔ اس بار NTS 2026 میں کافی تعداد میں آسامیاں آرہی ہیں ۔۔ امیدواران بھرپور تیاری کے لیے تیار ہو جائیں۔۔۔

21/01/2026

امریکی جریدے فارچیون کے مطابق ایلون مسک نے واشنگٹن میں منعقدہ یو ایس سعودی انویسٹمنٹ فورم سے خطاب کرتے ہوئے کہا کہ مستقبل میں کام کرنا کھیل یا ویڈیو گیم کھیلنے جیسا ہوگا۔

ایلون مسک کے مطابق کہ آئندہ 10سے20برس میں انسانوں کے لیے کام کرنا لازمی نہیں رہے گا، پیسے کی اہمیت ختم ہو جائے گی، لاکھوں روبوٹس افرادی قوت کی جگہ لیں گے، صحت کے شعبے میں روبوٹ سرجن عام ہوں گے۔

21/01/2026

پی ایس سی نے اپلائی کرنے کی تاریخ میں مورخہ 23 جنوری تک توسیع کر دی۔اب آخری تاریخ 23 جنوری ہے اپلائی کرنے کی۔

21/01/2026

پنجاب کی وزیراطلاعات وثقافت عظمیٰ بخاری کا کہنا ہے کہ مریم نواز کے صاحبزادے جنید صفدر کی شادی میں بھی ون ڈش پابندی تھی۔

عظمیٰ بخاری کے مطابق جنید کی شادی میں مٹن کا قورمہ اور مٹن کا پلاؤ تھا ساتھ کچھ سلاد کی اقسام تھی اور 2 سے3 میٹھے کی ڈشز تھیں۔

انھوں نے مزید بتایا کہ میں مٹن نہیں کھاتی ، اس لیے میں بنا کھانا کھائے گھر آگئی۔

21/01/2026

وزیراعلیٰ پنجاب مریم نواز نے کمشنرز اور ڈپٹی کمشنرز سے خطاب میں کہا کہ جو سڑک، گلی آپ کھود رہے ہیں اس کا مکمل پلان آپ کے پاس ہونا چاہیے۔

انہوں نے حکم دیا کہ جو سڑک کھود رہے ہیں، فٹ پاتھ کھود رہے ہیں، ساتھ ساتھ بناتے جائیں، عوام کیلئے واکنگ ٹریک بنائیں، اوپن ائیر جم بنائیں۔

ان کا کہنا تھاکہ فائر سیفٹی سسٹمز کو ہم مضبوط بنائیں گے، شہروں میں اسٹریٹ لائٹس کی تنصیب یقینی بنائی جائے۔