05/01/2024
ڪرپشن سنڌ ۾ ڪير ڪير ٿو ڪري - سهيل ميمڻ
18 ترميم ( 2010) کان پوِء جيترو پئسو بجٽ ۾ سنڌ کي مليو ان سان سنڌ ترقي جو سٺو ڏاڪو ٽپي پئي سگهي پر ڪرپٽ حڪمراني سبب بجٽ جو مکيه حصو , پيپلز پارٽي جي حڪومت ( سڄي دور ۾ حڪومت پيپلز پارٽي جي ئي رهي آهي ), انهن جي ساٿارين , واٺن , ڪرپٽ ڪامورن ,ڪرپٽ سرڪاري ملازمن , ڪرپٽ سهولت ڪار صحافين , وڪيلن , ساڃاه وندن ۽ ڪرپٽ سرڪاري ملازمن هڙپ ڪري ڇڏيو . ان ڪري سنڌ جون اسپتالون , اسڪول , ڪاليج , تعليمي بورڊس , يونيورسٽيون , پبلڪ سروس ڪميشن , درسي ڪتاب , ميونسپلٽين جو پورو نظام , روڊ رستا , ناليون ,گٽر سڀ ڪرپشن جي ور چڙهي ويا آهن . پنهجي پنهجي شهر جي انهن ڪجهه سئو حرام خورن جي رهڻي ڪرڻي ته ڏسو , انهن جا گهر گاڏيون , بنگلا , ملڪيتون ته ڏسو . ڪلهه ڇا هيا ۽ اڄ ڇا آهن . سندن ڪو ڪاروبار , نوڪريون , ڪا لاٽري نڪتي هجي ؟ يا ڪمائي جو ڪو به ذريعو نظر نه ٿو اچي جو چئجي محنت ڪري ڪمايو اٿن پر ملڪيتون جام. اهو سڄو پئسو سنڌ جي عوام جو انهن لٽيو آهي .
سنڌ ۾ اهي 5 , ست لک ماڻهون , 5 ڪروڙ ماڻهن جو رت پيا چوسين ۽ سنڌ جا تعلقي ضلعي ليول جا شهر به برباد لڳا پيا آهن .
