Moro News

06/08/2026

نوشھروفيروز
ڳوٺ محمد پريل سولنگي جي رھواسي عورت جو نياڻين سان گڏ بااثرن جي ظلم زيادتين خلاف احتجاجي مظاهرو ڪيو. جتي ھنن چيو ته اسان سان وڏو ظلم ٿي رھيو آھي، والدين طرفان راز خوشيءَ سان ڏنل ناري جي رشتي کي ڏيڍ سال گذري چڪو آھي پر ان باوجود اسان سان بااثر ماڻھون ناجائزين ناانصافين جا پھاڙ ڪيرائي ڇڏيا آھن ھنن وس وارن گھرو وزير ضياءَ الحسن لنجار، آء جي سنڌ، ڊي آء جي شھيد بينظير آباد، ايس ايس پي نوشهروفيروز سميت وس وارن کان مطالبو ڪيو تہ مذڪورا معاملي جو نوٽيس وٺي انصاف تحفظ فراهم ڪيو وڃي ٻي صورت پاڻ تي پيٽرول ھاري باھ ڏئي ساڙينداسين جنھن جا ذميوار ڌمڪيون ڏيندڙن ۽ ظلم ڪندڙن ھوندا.

26/07/2026

مورو
صدر پاڪستان آصف علي زرداري جي 71ھين جنم ڏينھن جي موقعي تي پيپلز پارٽي اڳواڻ شاھبيگ سابقي طرفان هڪ تقريب منعقد ڪئي وئي، جنهن ۾ سندس ويجهن دوستن، سماجي شخصيتن ۽ معزز شهرين شرڪت ڪئي. تقريب دوران صدر پاڪستان آصف علي زرداري جي سالگرھ جو ڪيڪ ڪاٽيو ويو ۽ ڊگهي ڄمار، سٺي صحت، ملڪ جي ترقي، خوشحالي ۽ قومي استحڪام لاءِ خصوصي دعائون گهريون ويون، جڏهن ته صوفي ڪلام پيش ڪري روح پرور ماحول پيدا ڪيو ويو.
ان موقعي تي شاھبيگ سابقي، سيد علي اڪبر شاهه، علي شير سابقي، حاجي گلشير سابقي، سرائي ذڪرالله ڪورائي، حاجي گلبهار سوهو، سيٺ مھيش ڪمار، آصف سابقي، سرائي سڪندر علي ٽائون آفيسر، ڊاڪٽر زاهد عباس ميمڻ، عنايت الله سابقي، سرائي اصغر ڪورائي ل، قربان سابقي، نذير زرداري ۽ ٻين شرڪت ڪندڙن شاھبيگ سابقي جي ميزباني کي ساراهيندي صدر پاڪستان آصف علي زرداري لاءِ نيڪ خواهشن جو اظهار ڪيو ۽ ملڪ ۾ امن، استحڪام ۽ خوشحالي لاءِ گڏيل دعا پڻ گهري وئي.
تقريب کي خطاب ڪندي شھبيگ سابقي چيو ته صدر پاڪستان آصف علي زرداري اسان جو فخر آھي جنھن پنھنجي قوم خاطر وڏيون قربانيون ڏنيون ۽ شهيد ذوالفقار علي ڀٽو، شھيد راڻي محترمہ بينظير ڀٽو جي مشن پورو ڪرڻ جي ڪوشش ڪري رھيو آھي. صدر آصف علي زرداري جون پارٽي لاءِ وڏيون قربانيون آهن ۽ هن انتقامي ڪاروائين طور جيل ڀوڳيا ۽ ڪيسن کي منهن ڏنا، پر ڪڏهن به هار نه مڃي هن ارڙهين ترميم ذريعي صدر جا اختيار ختم ڪري جمهوري حڪومت کي منتقل ڪيا. شاھبيگ سابقي صدر پاڪستان آصف علي زرداري جي وڏي ڄمار لاءِ دعا پڻ گھري.

22/07/2026

قاضي احمد جي رھواسڻ ناري فوزيہ ڌيءَ نواب سولنگي پنھنجي مڙس جاويد سان گڏجي چوڻ آھي ته منھنجي پنج سال اڳ مائٽن ماروٽ جاويد سان شادي ڪرائي ھئي جنھن مان نياڻي جو اولاد ٿيو آھي جنھن بعد مڙس سان ناراضگيءَ ٿي پئي ۽ مان پنھنجي ماءُ پيءُ جي گھر وڃي رھيس جتان موکي برڪت مھر نشو ڏئي اغوا ڪيو ۽ ڪوڙو نڪاح ڪيو آھي ھاڻي ھو سنگين نتيجا ڀوڳڻ جون ڌمڪيون ڏئي رهيا آهن ۽ موکي مڙس جاويد، والد ڀائرن ڀينرن ماءُ کي مارڻ جون ڌمڪيون ڏنيون پيون وڃن جانين کي خطرو آھي اسان جي جان کي خطرو آھي ھن وس وارن کان مطالبو ڪيو تہ برڪت مھر ۽ ٻين خلاف قانوني ڪارروائي ڪري انصاف تحفظ فراهم ڪيو وڃي ٻي صورت جيڪو به نقصان ٿيو ان جو ذميوار مذڪورا شخص ھوندو.

22/07/2026

18/07/2026

پسند جي شادي ڪندڙ جوڙي پاران تحفظ جي اپيل
ميهڙ جي نئون ڳوٺ جي رهواسڻ ساجدان ڌيءَ سڪندر علي ملاح پنهنجي مرضي سان نوجوان عبدالرزاق ڪلھوڙو سان پسند جي شادي ڪري ڇڏي آهي. جوڙي جو چوڻ آهي ته هنن بنا ڪنهن جبر يا دٻاءُ جي پنهنجي آزاد مرضي سان شادي ڪئي آهي، جيڪا قانون موجب جائز آهي.
جوڙي موجب شادي کانپوءِ کين امڪاني خطرا درپيش آهن، جنهن سبب هنن لاڳاپيل پوليس ۽ ضلعي انتظاميا سميت اعليٰ اختيارين کان جان ۽ مال جي تحفظ جي اپيل ڪئي آهي. سندن چوڻ آهي ته کين بنا ڪنهن خوف ۽ خطري جي پرامن زندگي گذارڻ جو حق ڏنو وڃي ۽ ڪنهن به غيرقانوني ڪارروائي يا دٻاءُ کان محفوظ رکيو وڃي.
جوڙي اختيارين کان مطالبو ڪيو آهي ته سندن تحفظ لاءِ فوري قدم کنيا وڃن، جيڪڏهن ڪنهن به ڌر طرفان کين هراسان ڪرڻ يا نقصان پهچائڻ جي ڪوشش ڪئي وڃي ته قانون موجب سخت ڪارروائي ڪئي وڃي، جيئن ڪنهن به اڻ وڻندڙ واقعي کان بچي سگهجي.

18/07/2026

نوشھروفيروز
جوڙي پاران جان جي تحفظ لاءِ اپيل

نوشھروفيروز ۾ قاضي احمد جي ڳوٺ دوست محمد راھو جي رهواسين پسند جي شادي ڪندڙ جوڙي ذاڪر حسين ولد مرحوم محمود راھو ۽ سپنا ڌيءَ محمد بخش راھو پنهنجي جان کي خطرو هجڻ جو خدشو ظاهر ڪندي تحفظ جي اپيل ڪئي آهي.
جوڙي جو چوڻ آهي ته کين ذوالفقار، منير، اصغر، پنهل ۽ ممتاز کان جان جو خطرو آهي. سندن الزام آهي ته کين ڪارو ڪاري جي ڪوڙي الزام هيٺ قتل ڪرڻ جي سازش ٿي سگهي ٿي.
متاثر ڌر اعليٰ اختيارين، پوليس ۽ لاڳاپيل ادارن کان مطالبو ڪيو آهي ته سندن جان ۽ مال جي تحفظ لاءِ فوري قدم کنيا وڃن، معاملي جي شفاف جاچ ڪرائي وڃي ۽ کين قانون موجب تحفظ ۽ انصاف فراهم ڪيو وڃي.

15/07/2026

نوشھروفيروز/مورو. رپورٽ وحيد رزاق مستوئي
نوشھروفيروز جي پبلڪ پارڪ ۾ دي ونڊرڦل يوگا گروپ ڪلب چيپٽر ھيڊ سبحان علي زرداري جي قيادت ۾ يوگا جا مختلف سيشنز ڪرايا ويا جنھن ۾ نوشھروفيروز جي دوستن وڏي انگ ۾ شرڪت ڪئي ۽ يوگا سيشنز ڪري خوب نڀايو جڏھن تہ يوگا سيشنز ۾ ڪجھ اھڙا چيپٽر ڪرايا ويا جنھن سان انساني جسم ۾ پيدا ٿيندڙ سستي کي ختم ڪن ٿا ۽ تندرستيءَ سان گڏ چستي آڻين ٿا.
ھن يوگا گروپ ۾ شريڪ ٿيندڙ دوستن وڏي جذبي سان روزاني جي بنياد تي ڀرپور شرڪت رکڻ جو وچن پڻ ورجايو ۽ چوڻ ھو تہ يوگا ڪرڻ سان ڪافي جسماني تڪليفون گھٽيون آھن ۽ ذھني سڪون حاصل ٿيو آھي ھن جي ڪرڻ سان ھر وقت پاڻ نرم مزاج واري طبعيت ۾ رکي ٿو. جڏھن تہ يوگا سيشنز بعد يوگا متعلق نعري بازي ڪئي وئي ته اسپتال ويران پارڪ آباد، مورو نوشھروفيروز يوگا ڪلب گروپ زندھ باد. آخر ۾ دعا خير گھري وئي.

15/07/2026

ڪراچي.
ٺاروشاھ جي ڳوٺ کاھ جاگير جي رهواسڻ ناري روزينہ ڌيءَ شمس الدين سولنگي ۽ نوجوان ظهير علي ولد رفيق احمد سولنگي ڪراچي ۾ احتجاج ڪندي دعويٰ ڪئي آهي ته هنن اڍائي مهينا اڳ ڪراچي جي عدالت ۾ پسند جي شادي ڪئي، جنهن کانپوءِ وارث سندن جاني دشمن بڻجي ويا آهن. جوڙي اختيارين کان تحفظ ۽ انصاف فراهم ڪرڻ جي اپيل ڪئي آهي.
ان موقعي تي روزينہ سولنگي چيو ته سندس مائٽن ست مهينا اڳ ظهير علي سان سندس رشتو طئي ڪيو هو ۽ ان سلسلي ۾ ساڍا ٽي لک رپيا پڻ ورتا هئا، پر بعد ۾ وڌيڪ پئسن جي لالچ ۾ اچي کيس ڪنهن ٻئي شخص سان شادي ڪرائڻ جي ڪوشش ڪئي وئي. هن چيو ته اهڙي صورتحال سبب هوءَ گهر مان نڪري پنهنجي منڱيندي ظهير علي سان عدالت ۾ قانوني شادي ڪرڻ تي مجبور ٿي.

روزينہ وڌيڪ الزام هنيو ته شادي کانپوءِ سندس ماءُ، ڀائر خالد، طاهر، مجيد، وڏيرو جنيد ۽ ٻيا مائٽ کين ڪوڙا ڪيس داخل ڪرائڻ ۽ قتل جون ڌمڪيون ڏئي رهيا آهن، جنهن سبب هو دربدري واري زندگي گذارڻ تي مجبور آهن ۽ سندن جانين کي سخت خطرو لاحق آهي. هن چيو ته جيڪڏهن کين ڪو به نقصان پهتو ته ان جا ذميوار مذڪورا ماڻهو هوندا.

جوڙي چيف جسٽس سپريم ڪورٽ آف پاڪستان، چيف جسٽس آف سنڌ هاءِ ڪورٽ، صوبائي گهرو وزير، آءِ جي سنڌ ۽ ٻين لاڳاپيل ادارن کي اپيل ڪئي ته کين قانون موجب تحفظ فراهم ڪري امن سان جيئڻ جو حق ڏنو وڃي.

12/07/2026

هاڻي جديد فزيوٿراپي مشينن سان درد کي الوداع چئو ۽ صحتيابي ڏانهن نئون قدم وڌايو!
ڳچي، ڪلهي، پٺي، ڪمر، گوڏن، جوڙن جي سور، فالج، عضلاتي ڪمزوري، راندين جي زخمن ۽ ٻين جسماني تڪليفن جو جديد، محفوظ ۽ مؤثر علاج هڪ ئي هنڌ.
✅ جديد فزيوٿراپي مشينن سان علاج
✅ اعليٰ معيار جون فزيوٿراپي سهولتون
✅ هر مريض لاءِ انفرادي سنڀال
🌸 توهان جي امڙ، ڀينرن ۽ ٻارن لاءِ الڳ، باوقار ۽ آرامده علاج جي سهولت موجود آهي.
🏥 فزيوٿراپي سينٽر
📍 نيو دستگير سينٽر، سول اسپتال ڀرسان، مورو
🗓 سومر کان ڇنڇر
🕓 وقت: شام 4:00 کان 7:00 وڳي تائين
📞 رابطي لاءِ
0316 8484823
ڊاڪٽر پارس ملڪ — توهان جي صحتيابي، اسان جي پهرين ترجيح.