Kamyab Law & Tax Consultants

14/06/2026

جلدی کریں۔
کہیں دیر نہ ہو جائے۔
ابھی رابطہ کریں۔
03005791098

13/06/2026

12/06/2026

https://youtu.be/p_Gw90KcU10

1% Retailer Tax Pakistan 2026 | 25K Minimum Tax | Budget 2026 | FBR...

05/06/2026

یہ فیصلہ نابالغ بچوں اور بیوی کے حقِ نان و نفقہ کے تحفظ سے متعلق ایک نہایت اہم اور دور رس قانونی نظیر ہے۔ فاضل لاہور ہائیکورٹ نے قرار دیا کہ ایسا کوئی مصالحت نامہ یا معاہدہ، جس کے ذریعے بیوی یا نابالغ بچے کو مستقبل میں نان و نفقہ کا دعویٰ دائر کرنے یا عدالت سے رجوع کرنے سے روکا جائے، قانوناً قابلِ نفاذ نہیں۔ عدالت نے واضح کیا کہ کنٹریکٹ ایکٹ 1872 کی دفعہ 28 کے تحت ایسا ہر معاہدہ باطل ہے جو کسی شخص کو اپنے قانونی اور جائز حق کے نفاذ کے لیے عدالت سے رجوع کرنے سے مکمل طور پر محروم کر دے۔ لہٰذا فریقین اگرچہ ماضی کے واجب الادا نان و نفقہ کے متعلق تصفیہ کر سکتے ہیں، لیکن مستقبل میں پیدا ہونے والے حقِ نان و نفقہ کو مستقل طور پر ختم یا معاف نہیں کر سکتے۔

لاہور ہائیکورٹ نے مزید قرار دیا کہ نابالغ بچے کے حقوق کسی دوسرے شخص کی رضامندی یا سمجھوتے کے ذریعے ختم نہیں کیے جا سکتے۔ اگر نابالغ کی طرف سے یا اس کے حق میں کیا جانے والا کوئی معاہدہ اس کے مفاد، فلاح و بہبود یا قانونی حقوق کے خلاف ہو تو وہ نابالغ پر لازم نہیں ہوگا۔ عدالت کے مطابق زیرِ بحث مصالحتی شرط کا مقصد نابالغ کو اس کے پورے دورِ انحصار کے دوران نان و نفقہ کے حق سے محروم کرنا تھا، جو بادی النظر میں اس کے مفاد کے منافی اور قانوناً ناقابلِ قبول ہے۔ لہٰذا ایسی شرط حدِ مذکور تک کالعدم اور ناقابلِ نفاذ قرار دی گئی۔

عدالت نے اصولِ Res Judicata کے اطلاق کا جائزہ لیتے ہوئے قرار دیا کہ نابالغ کے نان و نفقہ کا دعویٰ اپنی نوعیت کے اعتبار سے ایک مسلسل اور جاری سببِ دعویٰ (Continuing Cause of Action) ہے۔ چونکہ باپ کی ذمہ داری روز بروز اور ماہ بہ ماہ پیدا ہوتی رہتی ہے، اس لیے کسی سابقہ فیصلے یا مصالحت کی بنیاد پر مستقبل کے نان و نفقہ کے حق کو ختم نہیں کیا جا سکتا۔ عدالت نے واضح کیا کہ Res Judicata صرف ایسے معاملات پر لاگو ہوتی ہے جو حتمی طور پر طے ہو چکے ہوں، جبکہ نان و نفقہ کا حق مسلسل جاری رہنے والا حق ہے۔

فاضل عدالت نے قرار دیا کہ ہر باپ اپنے نابالغ بچوں اور بیوی کی کفالت کا نہ صرف قانونی بلکہ شرعی اور اخلاقی طور پر بھی پابند ہے۔ یہ ذمہ داری اس کی مرضی یا خواہش پر منحصر نہیں بلکہ قانون اور اسلامی تعلیمات کے تحت عائد کردہ ایک مستقل فریضہ ہے۔ کوئی باپ کسی معاہدے یا نجی انتظام کے ذریعے اس ذمہ داری سے بری الذمہ نہیں ہو سکتا، خصوصاً جب معاملہ نابالغ بچے کے حقوق کا ہو۔ عدالت نے واضح کیا کہ نان و نفقہ میں خوراک، لباس، رہائش، تعلیم، علاج معالجہ، تحفظ اور بچے کی باوقار پرورش کے لیے درکار تمام ضروریات شامل ہیں۔

عدالت نے (Limitation Act, 1908) کے آرٹیکل 120 کا بھی تفصیلی جائزہ لیا اور قرار دیا کہ نابالغ بچے یا دورانِ ازدواج بیوی کے ماضی کے نان و نفقہ کے دعوؤں پر مذکورہ آرٹیکل کا اطلاق نہیں ہوتا۔ عدالت کے مطابق اگر چھ سالہ مدتِ تحدید کو ایسے دعوؤں پر لاگو کیا جائے تو اس کا نتیجہ یہ ہوگا کہ قرآن و سنت کے تحت باپ پر عائد مستقل ذمہ داری کو غیر مؤثر بنا دیا جائے، جو اسلامی احکام اور آئینی تقاضوں کے منافی ہے۔

فاضل عدالت نے اسلامی فقہ اور قرآنی احکام کا حوالہ دیتے ہوئے قرار دیا کہ سورۃ البقرہ اور سورۃ الطلاق کی روشنی میں باپ پر اپنے بچوں کی کفالت اور نان و نفقہ کی ادائیگی ایک شرعی واجب ہے۔ چونکہ یہ ذمہ داری براہِ راست احکاماتِ الٰہی سے ماخوذ ہے، اس لیے اسے کسی مدت، معاہدے یا قانونی تکنیکی بنیاد پر ختم نہیں کیا جا سکتا۔ عدالت نے مشاہدہ کیا کہ نابالغ چونکہ قانونی معذوری کی حالت میں ہوتا ہے، اس لیے اس کے حقوق کو کسی دوسرے شخص کے فیصلے یا غفلت کی بنیاد پر ختم نہیں کیا جا سکتا۔

عدالت نے مزید قرار دیا کہ آئینِ پاکستان کے آرٹیکلز 2، 31 اور 227 اس امر کے متقاضی ہیں کہ تمام قوانین کی تعبیر و تشریح قرآن و سنت کے مطابق کی جائے۔ لہٰذا قانونِ تحدید کی ایسی تشریح قابلِ قبول نہیں جو قرآنِ مجید کے تحت عائد کردہ نان و نفقہ کی مسلسل ذمہ داری کو محدود یا ختم کرنے کا باعث بنے۔

ان وجوہات کی بنا پر عدالت نے قرار دیا کہ نابالغ بچے کے ماضی اور مستقبل کے نان و نفقہ کا حق ایک مستقل، جاری اور ناقابلِ تنسیخ حق ہے، جبکہ بیوی بھی دورانِ ازدواج محض مدت گزر جانے کی بنیاد پر اپنے حقِ نان و نفقہ سے محروم نہیں ہو سکتی۔ چنانچہ عدالت نے درخواست خارج کرتے ہوئے قانون و انصاف کمیشن پاکستان اور وزارتِ قانون و انصاف کو سفارش کی کہ نان و نفقہ کے دعوؤں پر آرٹیکل 120 قانونِ تحدید کے اطلاق کے مسئلے کا ازسرِنو جائزہ لیا جائے تاکہ ملکی قوانین کو قرآن و سنت اور آئینی تقاضوں سے مکمل ہم آہنگ کیا جا سکے۔

📍اصول:
"نابالغ بچے اور دورانِ ازدواج بیوی کا حقِ نان و نفقہ نہ کسی مصالحت نامے، نہ اصولِ Res Judicata اور نہ ہی آرٹیکل 120 قانونِ تحدید کے ذریعے ختم کیا جا سکتا ہے، کیونکہ یہ حق قرآن و سنت کے تحت ایک مستقل اور جاری قانونی و شرعی حق ہے

23/12/2025

https://youtu.be/qYEM7kv0Vbk

Advance Income Tax Section 147 | Advance Tax Ignore Kiya? Heavy Penalty Lag Sakti Hai | PakistanAdvance Income Tax in Pa...

18/12/2025

https://youtu.be/nafFk3w6mxY

Non Filer Ko Filer Kaise Kare? Filer Hone Ke Fayde | ATL List FBR | Non Filer Bank & Property TaxNon filer ko filer kaise kare? Is video mein hum detail se e...

13/12/2025

لاہور ہائی کورٹ نے فیصلہ دیا کہ بلیئرڈ یا سنوکر جیسی تفریحی سرگرمیاں کسی قانون کے تحت ممنوع نہیں ہیں۔
یہ کھیل غیر اخلاقی نہیں اور نہ ہی عوامی نقصان کے زمرے میں آتے ہیں۔عدالت نے کہا کہ کے تحت اختیارات صرف عارضی طور پر استعمال کیے جا سکتے ہیں، کاروبار کو مستقل طور پر بند کرنا جائز نہیں۔
Recreational activity like billiard or snooker are not prohibited by any law, nor are the said games immoral, or fall within the protected sphere as envisaged by Section 133 of the Code; powers under Chapter X of Cr.P.C are special powers to be exercised as a temporary measure, and not to be used to indefinitely shut down businesses.
Crl. Misc.106558/17
Muhammad Rashid Vs ASJ Sargodha etc.
Mr. Justice Muhammad Jawad Zafar
08-10-2025

12/12/2025

Fbr Section 147

12/12/2025

https://youtu.be/No7yNq547wM

Advance Income Tax in Pakistan | FBR Section 147 Notice | Who Pays & How to Calculate📢 FBR Advance Income Tax Notice under Section 147 in Pakistan | How to ...