Shujabad city

06/03/2026

شجاع آباد//ایز لائیو
پیٹرولیم مصنوعات کی قیمتوں میں اضافے کے باعث جہاں عام شہری متاثر ہوا, وہی منی ٹرانسپورٹرز کو بھی شدید مشکلات کا سامنا کرنا پڑ رہا ہے ۔ شجاع آباد میں بھی پیٹرولیم مصنوعات کی بڑھتی قیمتوں کے سبب کرایوں پر بحث و مباحثہ معمول بن گیا ۔ بچے بھوکے ہیں ڈرائیورز کی دوہائی مزید تفصیلات اے بی این نیوز پر

21/02/2026

🚨 افسوسناک خبر
شاعرِ ختمِ نبوت ﷺ
سید سلمان گیلانی انتقال کر گئے۔
ان کے انتقال کی خبر ملتے ہی علمی، دینی اور ادبی حلقوں میں گہرے رنج و غم کی لہر دوڑ گئی۔ مرحوم اپنی شاعری کے ذریعے عشقِ رسول ﷺ اور عقیدۂ ختمِ نبوت ﷺ کے پیغام کو عام کرنے کے لیے جانے جاتے تھے۔
سید سلمان گیلانی نے اپنی زندگی دینِ اسلام کی خدمت اور حق کے پیغام کو عوام تک پہنچانے کے لیے وقف کر رکھی تھی۔ ان کی وفات کو اہلِ علم ایک بڑا نقصان قرار دے رہے ہیں۔
اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبرِ جمیل دے۔
انا للہ و انا الیہ راجعون
Tags:



#انتقال

21/02/2026

شہر بھر میں پھلوں کی قیمتوں میں ہوشربا اضافہ ہو گیا ہے جس کے باعث شہری شدید مشکلات کا شکار ہیں۔ خریدار قیمت پوچھنے کے بعد بغیر خریداری کے واپس لوٹنے لگے ہیں۔
7 لاکھ سے زائد آبادی والے شہر میں سہولت بازار نہ ہونے پر عوام حکومت سے سخت نالاں نظر آتی ہے۔ شہریوں کا کہنا ہے کہ مہنگائی نے عام آدمی کی قوتِ خرید ختم کر دی ہے جبکہ پرائس کنٹرول کمیٹیاں غیر فعال دکھائی دیتی ہیں۔
عوامی حلقوں نے حکومتِ وقت سے مطالبہ کیا ہے کہ فوری طور پر سہولت بازار قائم کیا جائے اور پھلوں سمیت روزمرہ اشیاء کی قیمتوں پر سخت کنٹرول کیا جائے تاکہ غریب اور متوسط طبقہ سکھ کا سانس لے سکے۔

#مہنگائی

18/02/2026

🔴 شجاع آباد میں مہنگائی نے عوام کی کمر توڑ دی
شجاع آباد میں روزمرہ استعمال کی اشیاء کی قیمتیں آسمان سے باتیں کرنے لگیں۔ آٹا، سبزیاں، دالیں اور چینی عام آدمی کی پہنچ سے باہر ہو چکی ہیں جبکہ پرائس کنٹرول کمیٹیاں مکمل طور پر غیر فعال نظر آ رہی ہیں۔
شہریوں نے وزیراعلیٰ پنجاب مریم نواز اور اسسٹنٹ کمشنر شجاع آباد ڈاکٹر ثناء رام چند سے فوری نوٹس لینے کا مطالبہ کیا ہے اور کہا ہے کہ ناجائز منافع خوروں کے خلاف سخت کارروائی کی جائے۔
عوام کا کہنا ہے اگر فوری اقدامات نہ کیے گئے تو احتجاج کا دائرہ وسیع کیا جائے گا۔
#مہنگائی

17/02/2026

ملتان: اسسٹنٹ کمشنر شجاع آباد ڈاکٹر ثناء رام چند نے رمضان سے قبل قبرستانوں اور جنازہ گاہوں کی صفائی کا جائزہ لیا اور منیجر ستھرا پنجاب کو فوری بہتری کی ہدایت جاری کی۔
#ملتان #صفائی #انتظامیہ

16/02/2026

سفارشی کلچر بے نقاب!
پیرا فورس کی بھرتی میں رننگ ٹیسٹ کے دوران 3 بااثر خاندانوں کے بچے گاڑی میں بیٹھے رہے اور آخر میں اچانک ریس میں شامل ہو گئے۔
عوام کا سوال: کیا یہی امیروں کا میرٹ ہے؟

06/02/2026

شجاع آباد میں 1122 میت گاڑی فراہم کرنے کا مطالبہ
شجاع آباد میں ریسکیو 1122 کی میت گاڑی کی عدم دستیابی پر عوامی حلقوں نے شدید تشویش کا اظہار کیا ہے۔ شہریوں کا کہنا ہے کہ کسی بھی ہنگامی صورتحال میں میت کو ہسپتال یا گھر منتقل کرنے کے لیے مناسب سہولت موجود نہیں جس کی وجہ سے لواحقین کو شدید مشکلات کا سامنا کرنا پڑتا ہے۔
عوامی نمائندگان اور فلاحی تنظیموں کے ذمہ داران نے ضلعی انتظامیہ اور ریسکیو حکام سے مطالبہ کیا ہے کہ شجاع آباد کے لیے فوری طور پر 1122 میت گاڑی فراہم کی جائے تاکہ عوام کو سہولت میسر آ سکے۔
شہریوں کا کہنا ہے کہ شجاع آباد ایک بڑی آبادی والا شہر ہے اور یہاں روزانہ ایمرجنسی کیسز سامنے آتے ہیں، ایسے میں میت گاڑی نہ ہونا ایک سنگین مسئلہ بن چکا ہے۔ عوام نے اعلیٰ حکام سے نوٹس لینے اور فوری اقدامات کرنے کی اپیل کی ہے

03/02/2026

🚨 بریکنگ نیوز: شجاع آباد سے 15 سالہ لڑکا لاپتہ، پولیس کی
شہریوں سے مدد کی اپیل

31/01/2026

کیا آپ موجودہ ایم این اے کی کارکردگی سے مطمئن ہیں؟
کیا آپ انہیں اگلے الیکشن میں ووٹ دیں گے؟
اپنی رائے دیں: ہاں / نہیں — وجہ ضرور لکھیں۔
ہر رائے قابلِ احترام ہے۔

30/01/2026

🟥 شجاع آباد میں سیوریج نظام مکمل ناکام، شہری اذیت میں مبتلا
شجاع آباد شہر بھر میں سیوریج سسٹم ناکارہ ہونے کے باعث گٹروں کا گندا پانی مختلف علاقوں میں جمع ہو چکا ہے، جس کی وجہ سے نمازی حضرات، راہگیروں اور علاقہ مکینوں کو شدید مشکلات کا سامنا ہے۔
بدبو اور گندگی کے باعث شہریوں کا گزرنا محال ہو چکا ہے جبکہ وبائی امراض پھیلنے کا خدشہ بھی بڑھتا جا رہا ہے۔
شہریوں نے ایڈیشنل چیف سیکرٹری ساؤتھ پنجاب، چیف سیکرٹری پنجاب اور کمشنر ملتان سے فوری نوٹس لینے اور مسئلے کے مستقل حل کا مطالبہ کیا ہے۔
📢 عوامی مطالبہ ہے کہ متعلقہ ادارے فوری طور پر سیوریج نظام بحال کریں تاکہ شہریوں کو مزید مشکلات سے بچایا جا سکے
۔ :

28/01/2026

جاع آباد (رپورٹ: بھائی رفیق): تحصیل شجاع آباد کی انتظامیہ کی مبینہ غفلت اور لاپرواہی کے باعث پورا شہر گندے پانی کی لپیٹ میں آگیا۔ شہر کے گنجان آباد علاقوں، بالخصوص مہتاب مسجد، گلی طاہر شاہ والی، محلہ تیلیاں والا، ڈیرہ جاوید علی شاہ اور محلہ نور السلام سمیت درجنوں علاقوں میں سیوریج کا نظام مکمل طور پر تباہ ہو چکا ہے۔
​عوامی شکایات کا انبار:
اہلِ علاقہ کا کہنا ہے کہ وہ بارہا انتظامیہ کو تحریری درخواستیں دے کر تھک چکے ہیں، لیکن افسران کے کانوں پر جوں تک نہیں رینگتی۔ افسوسناک امر یہ ہے کہ متعلقہ افسران عوام کے فون تک اٹھانا گوارا نہیں کرتے۔
​کاغذی کارروائی بمقابلہ زمینی حقائق:
ذرائع کے مطابق پی آر اوز (PROs) کی جانب سے مبینہ طور پر سب اچھا کی جھوٹی رپورٹس اعلیٰ حکام کو بھیجی جا رہی ہیں، جبکہ دوسری جانب گلیوں اور محلوں میں سیوریج کا گندا پانی جوہڑ کی شکل اختیار کر چکا ہے، جس سے نہ صرف آمدورفت متاثر ہو رہی ہے بلکہ بیماریاں پھیلنے کا شدید خطرہ بھی پیدا ہو گیا ہے۔
​مطالبہ:
اہلِ علاقہ نے وزیر اعلیٰ پنجاب اور ضلعی انتظامیہ سے مطالبہ کیا ہے کہ شجاع آباد کی اس سنگین صورتحال کا فوری نوٹس لیا جائے اور غفلت برتنے والے افسران کے خلاف کارروائی کرتے ہوئے سیوریج کے نظام کو درست کیا جائے تاکہ کسی بڑے سانحے سے بچا جا سکے

25/01/2026