06/01/2026
مریدکے: بسم اللہ میرج ہال ڈی سیل، انتظامیہ کی کارروائی مکمل، شادی ہال آج سے دوبارہ فعال
مریدکے میں واقع بسم اللہ میرج ہال کو انتظامیہ کی جانب سے باقاعدہ طور پر ڈی سیل کر دیا گیا ہے، جس کے بعد شادی ہال آج سے دوبارہ فعال ہو گیا ہے۔ اس حوالے سے بسم اللہ میرج ہال کے سی ای او میاں دانیال خالد نے تصدیق کرتے ہوئے بتایا کہ ڈی سیل کرنے کا عمل اسسٹنٹ کمشنر مریدکے آفس کی ٹیم کی نگرانی میں کچھ دیر قبل مکمل کیا گیا۔
تفصیلات کے مطابق بسم اللہ میرج ہال 13 اکتوبر سے سیل تھا۔ شادی ہال کی بحالی کے لیے مسلسل اور سنجیدہ کوششیں جاری تھیں۔ انتظامیہ کے مطابق چونکہ میاں دانیال خالد کا نام نہ کسی مقدمے میں شامل تھا اور نہ ہی وہ کسی کیس میں مطلوب تھے، اس لیے ان کی درخواستوں اور مؤقف کو تسلیم کرتے ہوئے قانونی تقاضے مکمل کیے گئے، جس کے بعد ڈی سیلنگ کی اجازت دی گئی۔
شادی ہال کے ڈی سیل ہونے کی خبر سامنے آتے ہی میاں برادری اور علاقہ مکینوں میں خوشی کی لہر دوڑ گئی۔ اس موقع پر میاں دانیال خالد کا کہنا تھا کہ ان شاء اللہ کل سے شادی ہال کی بکنگ کا عمل دوبارہ شروع کر دیا جائے گا اور تمام تقریبات اور انتظامی امور حسبِ سابق انجام دیے جائیں گے۔
#مریدکے
