تازہ ترین صورتحال خبریں ، تجزیے ، تبصرے ، گوجری و پہاڑی شاعری اور برائے راست تقریبات کھل اور بہت کچھ
29/07/2025
مظفرآباد
محکمہ جنگلات آزادکشمیر زمینداروں کے ساتھ ہاتھ کر گئی، حلقہ کوٹلہ نمبر 1کے کمپارٹمنٹ نمبر 7 سے 15 تک مچھیارہ نیشنل پارک کی آڑ میں ٹی ڈی کوٹہ، خشک بالن، زمیندارنہ نرخ پر پرمٹ کے اجراء پر پابندی کا نوٹیفکیشن جاری کرنے پر زمینداروں کا شدید احتجاج، فی الفور نوٹیفکیشن منسوخ کرنے کا مطالبہ، بصورت دیگر پٹہکہ سے شاہراہ نیلم کو ٹریفک کیلئے بند کر کے احتجاج کریں گے، پیپلزپارٹی یونین کونسل بھیڑی سے ممبر ضلع کونسل سردار ادریس مغل یونین کونسل مچھیارہ سے ممبر ضلع کونسل خواجہ امتیاز نے بھی زمینداروں کے موقف کی مکمل حمایت کرتے ہوئے کہا کہ ڈوگرہ دور سے زمینداروں کو ملنے والی مراعات کو محکمہ جنگلات چھیننے سے باز رہے، انسانوں سے جینے کا حق نہ چھینا جائے، یہ ظالمانہ اقدام ہے، محکمہ جنگلات اس پر نظر ثانی کرے، انہوں نے وزیر حکومت و حلقہ کے ایم ایل اے سردار جاوید ایوب، وزیر جنگلات اکمل سرگالہ، سیکرٹری جنگلات، سیکرٹری وائلڈ لائف فشریز سے مطالبہ کیا ہے محکمہ جنگلات کی طرف سے مچھیارہ نیشنل پارک کی آڑ میں جو پابندی لگائی ہے اس کو ختم کر ا کے زمینداروں کو ان کا حق دیں، یہی زمیندار جنگلات کا مقامی سطح پر تحفظ بھی کرتے ہیں، ان کو اس حق سے محروم نہ کیا جائے، ہم ان کے موقف کی حمایت کرتے ہیں اور احتجاج میں بھی شامل ہوں گے۔
29/07/2025
تقریب حلف برداری نومنتخب انتظامیہ سنٹرل پریس مظفرآباد آزاد جموں و کشمیر
ایس ڈی این نیوز پر برائے راست
29/07/2025
اج جو منڈی بہااءلدین کے علاقہ تھانہ بھاگٹ میں ایک واقعہ انتہائی دردناک واقعہ پیش آیا
ایک بیٹے نے اپنے والدین کو گولیوں سے بھون دیا
29/07/2025
وزیر جنگلات اکمل سرگالہ نے ایکشن کمیٹی کے مہاجرین نشستوں کے خاتمے کے مطالبہ کو تحریک آزادی کشمیر کو کمزور کرنے کی سازش کرار دیا
29/07/2025
سابق وزیراعظم راجہ فاروق حیدر کی پریس کانفرنس کا وزیر اعظم چوہدری انوارالحق نے جواب دے دیا
29/07/2025
اقوام متحدہ میں پاکستان کی نمائندہ ٹییم
29/07/2025
مون سون میں اب تک ہونے والے نقصانات اور حکومتی اقدامات بتارہے ہیں سعید الرحمان قریشی
ڈائریکٹر آپریشن اسٹیٹ ڈیزاسٹر مینجمنٹ اتھارٹی آزاد جموں وکشمیر
Monsoon preparedness and rainfall damages status in AJK. Interview from Saeed ur Rehman Qureshi Director SDMA
28/07/2025
28/07/2025
ایکشن کمیٹی کی کور کمیٹی کے ممبر شوکت نواز میر کا ڈھیر کورٹ سے جاری بیان
28/07/2025
نیوز اپ ڈیٹ
وزیراعظم آزاد حکومت ریاست جموں و کشمیر چوہدری انوارالحق نے موسٹ سنئیر وزیر کرنل( ریٹائرڈ )وقار احمد نور اور وزراء حکومت جاوید اقبال بڈھانوی اور بازل نقوی کے ہمراہ پاکستان پیپلز پارٹی آزاد کشمیر کے مرکزی سینئر نائب صدر صاحبزاہ محمد اشفاق ظفر ایڈووکیٹ کے چچا صاحبزادہ مقبول قمر کی وفات پر ان کی رہائش گاہ بنی حافظ جا کر اظہار تعزیت کیا اور مرحوم کے درجات کی بلندی کے لیے دعا بھی کی۔
28/07/2025
(ایس ڈی این نیوز اپ ڈیٹ)
مجلس و المسلمین آزاد کشمیر کے صدر علامہ ڈاکٹر یاسر عباس سبزواری، مخدوم سالار علی محمود نقوی، معصوم سبزواری اور ثاقب اعوان نے اربعین امام حسینؑ کے موقع پر زائرین کے زمینی سفر میں حائل رکاوٹوں پر شدید تحفظات کا اظہار کرتے ہوئے حکومتِ پاکستان، وزارتِ داخلہ اور متعلقہ اداروں سے فوری اصلاحِ احوال کا مطالبہ کیا۔مرکزی ایوانِ صحافت مظفرآباد میں پریس کانفرنس سے خطاب کرتے ہوئے مقررین نے انکشاف کیا کہ ایران کی سرحد پر زائرین کے لیے راستہ بند کر دیا گیا ہے، جبکہ ہزاروں پاکستانیوں کے پاسپورٹ، ویزے، سفری اخراجات اور انتظامات مکمل ہو چکے ہیں۔ انہوں نے بتایا کہ صرف آزاد کشمیر سے 600 بسوں پر مشتمل قافلے تیار کھڑے ہیں، جن کے لیے گاڑیوں کی فٹنس، سیکیورٹی، ٹیکس، اور دیگر تمام ضوابط پورے کیے جا چکے ہیں۔زمینی راستہ بند، ہوائی سفر ناقابل استطاعت عوام پر مالی بوجھ بن گیا ہے۔علامہ یاسر سبزواری نے کہا کہ حکومت کی جانب سے بائی روڈ سفر بند کرنے کا فیصلہ ناقابل قبول ہے، کیونکہ زائرین کی اکثریت متوسط یا نچلے طبقے سے تعلق رکھتی ہے جو مہنگے ہوائی سفر کے متحمل نہیں ہو سکتے۔ انہوں نے کہا کہ ایک طرف حکومت نے فلائٹس کا کرایہ 1 لاکھ 95 ہزار روپے مقرر کیا ہے، جبکہ دوسری جانب زائرین نے اپنے پاسپورٹ، ویزے، اور دیگر اخراجات پر پہلے ہی لاکھوں روپے خرچ کر دیے ہیں۔13 محرم کو حکومتی اجازت اور وعدہ، اب پسپائی کیوں،رہنماؤں نے دعویٰ کیا کہ 13 محرم الحرام کو تین ملکی اجلاس (پاکستان، ایران، عراق) میں وزیر داخلہ محسن نقوی نے بذات خود زمینی سفر کی اجازت اور مکمل سہولت کا اعلان کیا تھا۔ اس اعلان کی بنیاد پر نہ صرف زائرین نے تیاریاں مکمل کیں بلکہ کروڑوں روپے کے اخراجات کیے گئے۔ اب اچانک حکومتی مؤقف کی تبدیلی ریاستی اداروں کی ساکھ کو متاثر کر رہی ہے۔ریاست دہشت گردوں سے مرعوب نہ ہو، زائرین کو متبادل راستہ دیا جائے۔پریس کانفرنس میں واضح کیا گیا کہ اگر سیکیورٹی وجوہات کے باعث کوئی مخصوص راستہ بند ہے تو حکومت کو چاہیے کہ وہ فوری طور پر متبادل محفوظ راستہ فراہم کرے یا سیکیورٹی فورسز کی نگرانی میں قافلوں کو روانہ کرے۔ انہوں نے کہا کہ اگر حکومت دہشت گردوں کے خوف سے پسپائی اختیار کرتی ہے تو یہ ریاست کی کمزوری اور دہشت گردی کے خلاف جنگ میں ناکامی کا تاثر دے گا۔فلائٹ کا بزنس نہیں، عشقِ حسینؑ کا قافلہ ہے۔رہنماؤں نے حکومت کو تنبیہ کی کہ وہ اربعین کو کمائی کا ذریعہ نہ بنائے۔ زائرین امام حسینؑ کے عشق میں سفر کرتے ہیں، نہ کہ کسی پیکیج ٹور کے لیے۔ ہوائی سفر کا متبادل صرف ان کے لیے قابل قبول ہو سکتا ہے جو استطاعت رکھتے ہوں، لیکن زمینی راستہ ہی اکثریت کا واحد راستہ ہے۔حکومت اخراجات کی ذمہ داری لے، ویزہ ہولڈرز کو روانگی کی اجازت دے۔پریس کانفرنس کے اختتام پر مجلس وحدت المسلمین کے رہنماؤں نے حکومتِ پاکستان، وزارتِ داخلہ اور دیگر ریاستی اداروں سے مطالبہ کیا کہ محرم کو کیے گئے سرکاری وعدوں کی پاسداری کی جائے۔زمینی راستے کو فوری طور پر کھولا جائے یا متبادل محفوظ راستہ فراہم کیا جائے۔زائرین کے فلائٹس کے اخراجات کا ازالہ کیا جائے یا انہیں ریفنڈ کیا جائے۔وہ تمام افراد جنہوں نے ویزے حاصل کر لیے ہیں اور سفری دستاویزات مکمل کر چکے ہیں، ان کو جلد از جلد روانہ کیا جائے۔ آئندہ کے لیے زائرین کے لیے ایک شفاف، مستقل، محفوظ اور قابل عمل پالیسی کا اعلان کیا جائے۔رہنماؤں نے خبردار کیا کہ اگر حکومت نے فوری طور پر مثبت اقدامات نہ کیے تو ملک گیر سطح پر احتجاج کا دائرہ بڑھایا جائے گا، اور اس کے تمام تر نتائج کی ذمہ داری وفاقی حکومت پر عائد ہو گی۔
28/07/2025
سیالکوٹ سے افسوسناک خبر
تھانہ صدر کے علاقہ بھیکو چھور میں کمسن بہن بھائی کا اندوہناک ق ت ل ڈی پی او سیالکوٹ کا فوری نوٹس
سیالکوٹ: تھانہ صدر کے علاقے گاؤں بھیکو چھور میں دل دہلا دینے والا واقعہ، جہاں گزشتہ رات ایک شہری کاشف علی کے دو کمسن بچے لاپتہ ہو گئے
کاشف علی نے پولیس کو اطلاع دی کہ اس کی 6 سالہ بیٹی
ام کلثوم اور 3 سالہ بیٹا وارث اچانک گھر سے غائب ہو گئے ہیں اطلاع ملتے ہی تھانہ صدر پولیس نے فوری طور پر مقدمہ نمبر 2131/25 درج کر کے بچوں کی تلاش کا آغاز کیا
افسوسناک طور پر آج صبح دونوں معصوم بچوں کی لاشیں گاؤں کے قریبی قبرستان سے برآمد ہوئیں
واقعہ نے علاقے میں خوف و ہراس کی فضا قائم کر دی ہے جبکہ اہل علاقہ شدید غم و غصے کا شکار ہیں۔
ڈی پی او سیالکوٹ نے واقعے کا فوری نوٹس لیتے ہوئے جائے وقوعہ پر پولیس کی بھاری نفری روانہ کر دی ہے اور تفتیش کا دائرہ وسیع کر دیا گیا ہے
پولیس کی جانب سے شواہد اکٹھے کیے جا رہے ہیں جبکہ سی سی ٹی وی فوٹیج اور مقامی لوگوں سے بیانات بھی قلمبند کیے جا رہے ہیں
مزید تفتیش جاری ہے، پولیس حکام کا کہنا ہے کہ قاتلوں کو جلد قانون کی گرفت میں لایا جائے گا
Be the first to know and let us send you an email when SDN TV posts news and promotions. Your email address will not be used for any other purpose, and you can unsubscribe at any time.
