https://www.facebook.com/102685638624455/

Sadae Nakial News صدائے نکیال, Nikial (2025)

13/11/2025

فتح پور تھکیالہ (صدائے نکیال نیوز)
نکیال کے نواحی گاؤں مجہور میرہ سے تعلق رکھنے والے بنالہ روڈ کے سابق تاجر سردار ذوالفقار پھیپھڑوں کے عارضہ میں مبتلا ہو گئے۔ ذرائع کے مطابق آج ان کا آپریشن سی ایم ایچ راولپنڈی میں کیا جائے گا۔
تمام احباب سے گزارش ہے کہ سردار ذوالفقار کی مکمل صحت یابی اور کامیاب آپریشن کے لیے خصوصی دعا کریں۔

13/11/2025

فتح پور تھکیالہ (صدائے نکیال نیوز)
کوٹلی آزاد کشمیر میں تعلیم کے فروغ کے لیے ایک مثبت اور خوش آئند پیش رفت، النور ٹیوشن اکیڈمی نے نرسری سے دہم جماعت تک تمام مضامین میں معیاری تدریسی خدمات کا آغاز کر دیا۔ اکیڈمی میں داخلے جاری ہیں، جہاں تجربہ کار اساتذہ جدید تدریسی انداز کے ذریعے طلباء کی تعلیمی استعداد کو نکھارنے میں مصروف ہیں۔

اکیڈمی میں کلاسز ہفتہ میں چھ روز (پیر تا ہفتہ) سہ پہر 2 بجے سے شام 5 بجے تک منعقد ہوں گی۔ ہر مضمون کو الگ توجہ کے ساتھ پڑھایا جا رہا ہے تاکہ طلباء بورڈ امتحانات اور روزمرہ تعلیمی سرگرمیوں میں نمایاں کارکردگی دکھا سکیں۔

مقام: چودھری مارکیٹ، آغا خان لیب کے قریب، کوٹلی آزاد کشمیر
رابطہ نمبر: 0316-8521558 / 0349-1888590

13/11/2025

اہلیان کوٹلی کو دلی مبارکباد
ڈی ایچ کیو کوٹلی کو ٹیچنگ ہسپتال کا درجہ مل گیا۔
شکریہ ایم ایس ڈاکٹر نصراللہ خان صاحب ، ڈاکٹر سلیم صاحب و دیگر جن جن ڈاکٹرز نے اپنا کردار ادا کیا

12/11/2025

جوائنٹ عوامی ایکشن کمیٹی کا اجلاس کے بعد اعلامیہ جاری

12/11/2025

کوٹلی(پی آئی ڈی)
ڈپٹی کمشنر کوٹلی میجر (ر) ناصر رفیق کی زیرِ صدارت ضلعی پرائس کنٹرول کمیٹی کا ایک اہم اجلاس بدھ کے روز ڈپٹی کمشنر آفس کوٹلی میں منعقد ہوا۔ اجلاس میں ضلع بھر میں اشیائے خورد و نوش، گھریلو استعمال کی گیس، دودھ، گھی، بیکری آئٹمز، فش آئل، اور روزمرہ ضروریات کی دیگر اشیاء کی قیمتوں، معیار، صفائی اور دستیابی کا تفصیلی جائزہ لیا گیا۔اجلاس میں اسسٹنٹ کمشنر دولیاہ جٹاں غلام محی الدین، اسسٹنٹ کمشنر فتح پور سیماب اسلم، اسسٹنٹ کمشنر کھوئیرٹہ قیصر اسلم، آفیسر مال محمد علی، نائب تحصیلدار سہنسہ محمد نوید اسلم، انفارمیشن آفیسر شوکت علی ملک، ڈپٹی ڈائریکٹر زراعت میاں نوید اللہ، صدر انجمن تاجران ملک محمد یعقوب، لائیو سٹاک آفیسر ڈاکٹر حمزہ عزیز، ڈی ایف سی منظم اکرم سمیت دیگر متعلقہ محکموں کے افسران اور نمائندگان نے شرکت کی۔ڈپٹی کمشنر میجر (ر) ناصر رفیق نے اجلاس سے خطاب کرتے ہوئے کہا کہ عوام کو ریلیف فراہم کرنا ضلعی انتظامیہ کی اولین ترجیح ہے۔ قیمتوں کو اعتدال میں رکھنے کے لیے تمام ادارے مربوط انداز میں کام کریں اور ناجائز منافع خوری، ذخیرہ اندوزی اور غیر معیاری اشیاء فروخت کرنے والوں کے خلاف سخت کارروائی عمل میں لائیں۔انہوں نے واضح ہدایت دی کہ تمام پرائس سب ڈویژنز میں نرخ نامے (Rate Lists) جاری کر کے بازاروں میں نمایاں جگہ پر آویزاں کیے جائیں۔ جو دکاندار ریٹ لسٹ آویزاں نہ کرے اسے گرفتار کیا جائے اور جرمانہ عائد کیا جائے۔ اے سی صاحبان، ڈی ڈی زراعت اور ڈی ایف سی قریبی رابطے میں رہ کر تمام اشیاء کی قیمتوں کی نگرانی یقینی بنائیں۔ ریٹ لسٹس کو ضلعی انتظامیہ کے فیس بک پیجز پر بھی اپ ڈیٹ کیا جائے تاکہ عوام کو آن لائن معلومات میسر ہوں۔ڈپٹی کمشنر نے ہدایت کی کہ بیکریز کے آئٹمز کے لیے ڈی ایف سی اور اے سی مشترکہ طور پر ریٹ لسٹ جاری کریں، تمام اشیاء جن کی تیاری میں بجلی استعمال ہوتی ہے ان کی قیمتوں کا بھی تفصیلی جائزہ لیا جائے۔ گھی کے معیار، صفائی کی صورتحال، دودھ کی کوالٹی اور سپلائی چین پر خصوصی توجہ دی جائے۔ فش مارکیٹوں میں آلودگی اور تیل کے معیار کی جانچ کے لیے باقاعدہ سیمپلنگ کی جائے۔انہوں نے کہا کہ پرائیویٹ ہوٹلز کی چیکنگ، اوگرا ریٹ لسٹ پر عملدرآمد اور گاڑیوں کے کرایہ نامے پر سختی سے عمل کروایا جائے۔ گاڑیوں کے کرایوں کی مانیٹرنگ کے لیے ہفتہ وار چیکنگ رپورٹ طلب کی جائے۔ اگلے ہفتے اے سی صاحبان اور ڈی ایف سی کی مشترکہ ٹیمیں ہولاڑ، دولیاہ جٹاں اور دیگر مقامات پر ناکے لگائیں گی تاکہ سلانٹی یا بغیر پرمٹ گاڑیوں کی چیکنگ کی جا سکے۔ رکشہ جات اور ٹریکٹر ٹرالیز کی رجسٹریشن بھی یقینی بنائی جائے۔میجر (ر) ناصر رفیق نے واضح کیا کہ اگر میڈیکل سنٹرز پر مستند ڈاکٹرز کی بجائے عطائی موجود پائے گئے تو ایسے سنٹرز کو فوراً سیل کیا جائے گا۔ انہوں نے کہا کہ عوام کو معیاری اور صاف ستھری اشیاء مقررہ نرخوں پر فراہم کرنا انتظامیہ اور تاجروں کی مشترکہ ذمہ داری ہے، کسی قسم کی غفلت یا کوتاہی برداشت نہیں کی جائے گی۔اجلاس کے اختتام پر فیصلہ کیا گیا کہ ضلعی سطح پر پرائس کنٹرول ٹیموں کی کارکردگی کا باقاعدہ جائزہ لیا جائے گا، اور آئندہ اجلاس میں انسپیکشن رپورٹس پیش کی جائیں گی تاکہ عوامی مفاد میں مزید مؤثر اقدامات کیے جا سکیں۔مزید یہ بھی طے کیا گیا کہ کمیٹی کا اگلا اجلاس پندرہ روز بعد منعقد ہوگا، جس میں عملدرآمد رپورٹوں اور قیمتوں میں استحکام کے لیے آئندہ کے لائحہ عمل پر تفصیلی غور کیا جائے گا۔

12/11/2025

فتح پور تھکیالہ (صدائے نکیال نیوز)
پنجاب پولیس کی جانب سے سی سی ڈی کو انتہائی مطلوب ملزم کی گرفتاری پر آئی جی پولیس آزاد کشمیر کی طرف سے نقد انعام اور تعریفی سرٹیفکیٹ جاری کیا گیا۔
ایس ایس پی میرپور خرم اقبال نے آئی جی پولیس کی جانب سے یہ انعام اور تعریفی سند ایس ایچ او پولیس تھانہ سٹی میرپور راجہ عامر فاروق کے حوالے کی۔
قانون نافذ کرنے والے اداروں کی اس کامیاب کارروائی کو عوامی حلقوں نے سراہتے ہوئے پولیس ٹیم کو خراجِ تحسین پیش کیا۔

12/11/2025

فتح پور تھکیالہ (صدائے نکیال نیوز)
ممبر جوائنٹ عوامی ایکشن کمیٹی نکیال کے متحرک کارکن حاجی تبسم خان کے چچا جان کے انتقال پر صدائے نکیال نیوز کی ٹیم دلی تعزیت کا اظہار کرتی ہے
مرحوم کی نمازِ جنازہ کل دوپہر دو بجے بالاکوٹ کراس پر ادا کی جائے گی۔
اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبرِ جمیل نصیب کرے۔

12/11/2025

کوٹلی: جموں کشمیر جوائنٹ عوامی ایکشن کمیٹی کور ممبر امتیاز اسلم صاحب کی کال پر تمام تحصیلوں کی ایکشن کمیٹیوں کا جائزہ اجلاس ، اجلاس میں مختلف محکمہ جات ، عوامی سہولیات ، عوام کو پیش آنے والی مشکلات اور تمام محکمہ جات سے جڑے مسائل پر تمام ممبران ایکشن کمیٹی بات رکھیں گے۔۔۔

12/11/2025

فتح پور تھکیالہ

آزاد کشمیر یونین آف کالمسٹس رجسٹرڈ کا ایک اہم اجلاس آج ہمالیہ ہوٹل کوٹلی میں منعقد ہوا، جس کی صدارت بانی چیئرپرسن سدرہ ارم کبیر صاحبہ نے کی۔ اجلاس کے دوران سینئر صحافی اور تحصیل پریس کلب فتح پور تھکیالہ کے فعال رکن شوکت اعوان کو آزاد کشمیر یونین آف کالمسٹس کا مرکزی جنرل سیکرٹری منتخب کر لیا گیا۔

اس موقع پر شوکت اعوان نے اس اعزاز کو نکیال کی صحافتی برادری اور تحصیل پریس کلب کے نام کرتے ہوئے کہا کہ "یہ کامیابی نکیال کے تمام صحافیوں کی محنت، اتحاد اور دیانت داری کا نتیجہ ہے، جس کی بنیاد پر آج اللہ پاک نے یہ عزت عطا فرمائی ہے۔"

12/11/2025

فتح پور تھکیالہ
تحصیل انتظامیہ فتح پور تھکیالہ کی جانب سے سرکاری اراضی پر کی گئی غیر قانونی تعمیرات کے خلاف بھرپور آپریشن کیا گیا۔ اسسٹنٹ کمشنر فتح پور تھکیالہ سیماب اسلم کی نگرانی میں عمل میں آنے والی اس کارروائی کے دوران چار مختلف مقامات پر قائم غیر قانونی تعمیرات کو مسمار کر کے سرکاری زمین کو اس کی اصل حالت میں بحال کر دیا گیا۔

انتظامیہ کی ٹیم نے بھاری مشینری اور افرادی قوت کی مدد سے کارروائی مکمل کی۔ اس موقع پر اسسٹنٹ کمشنر سیماب اسلم نے واضح کیا کہ سرکاری اراضی پر قبضہ یا غیر قانونی تعمیر کسی صورت برداشت نہیں کی جائے گی۔ انہوں نے کہا کہ ایسے عناصر کے خلاف بلا امتیاز قانونی کارروائی عمل میں لائی جائے گی تاکہ ریاستی املاک کا تحفظ اور قانون کی بالادستی یقینی بنائی جا سکے۔

11/11/2025

افسوسناک خبر
فتح پور تھکیالہ (صدائے نکیال نیوز)
فتح پور تھکیالہ کے نواحی گاؤں ڈبسی ناڑ بالا سے ایک افسوسناک خبر موصول ہوئی ہے کہ محمد سلیم شاہد ریٹائرڈ پولیس ملازم قضائے الٰہی سے وفات پا گئے ہیں۔
مرحوم کی نمازِ جنازہ کل بروز بدھ، 12 نومبر 2025 کو ادا کی جائے گی۔

اللہ تعالیٰ مرحوم کو جنت الفردوس میں اعلیٰ مقام عطا فرمائے اور پسماندگان کو صبرِ جمیل دے۔
اِنَّا لِلّٰہِ وَاِنَّا اِلَیْہِ رَاجِعُوْنَ

Sadae Nakial News صدائے نکیال

13/11/2025

13/11/2025

13/11/2025

12/11/2025

12/11/2025

12/11/2025

12/11/2025

12/11/2025

12/11/2025

12/11/2025

11/11/2025

Address

Telephone

Website

Alerts

Contact The Business

Shortcuts

Share

Category