Nowshera Press Club نوشہرہ پریس کلب

19/10/2025

پنجاب اور مرکزی حکومت کے ظالمانہ فیصلوں سے خیبرپختونخوا میں غذائی قلت، سیاسی لیڈروں کی معنی خیز خاموشی سوالیہ نشان،آٹے کے بعد سبزیوں اور فروٹ کی قیمتوں میں خطرناک اضافہ ،اصل وجہ کیا ہے؟ ھوش ربا تفصیلات سامنے آگئیں،سینئر صحافی حافظ تفہیم الرحمان کا وی لاگ

19/10/2025

نوشہرہ پولیس کی آئین و قانون سے کھلواڑ، کارکردگی کیلئے اختیارات کا استعمال کیسے کیا جاتاہے، پورا پڑھئیے!
نوشہرہ، اکوڑہ خٹک پولیس نے منشیات کے عادی شخص کو منشیات فروش بناڈالا، بااثر منشیات فروش کو کھلی چھٹی دیکر نشئیوں پر کارکردگی بنائے جانے کا انکشاف، عدالتوں سے بری ہونے کے باوجود سابقہ ریکارڈ مقدمات کو جواز بناکر لاتعداد مقدمات درج کئےگئے جس میں اکثریت کے فیصلوں کے باوجود پولیس کی پرانی روایت ہی چل رہی ہے، عدالت سے بریت کے باوجود کردار کشی، اہلیہ کو بھی نہ بخشا، متاثرہ شخص کی بیوی زینت بی بی نے وکلاء سوسائٹی فار جسٹس ، ہیومن رائٹس کمیشن ،میڈیا اور اعلی حکام سے بڑا مطالبہ کردیا، میرے شوہر پر درج کئے گئے مقدمہ کے پارسل کمیشن کے سامنے کھولنے کی درخواست، آئین و قانون کی دھجیاں اڑا دیں گئی،
نوشہرہ: اکوڑہ خٹک پولیس نے اختیارات کے ناجائز استعمال کی ایک اور مثال قائم کرتے ہوئے ایک ایسے شہری کو، جو ماضی میں منشیات کا عادی مریض رہا، “منشیات فروش” بنا کر پیش کر دیا۔ شہری کو متعدد مقدمات میں عدالت سے بری کیے جانے کے باوجود پولیس نے پرانے مقدمات کی تفصیلات پریس اور سوشل میڈیا پر جاری کر کے اپنے افسران اور میڈیا سے بھی کھلواڑ کردی بلکہ توہینِ عدالت کے مرتکب ہونے کے ساتھ ساتھ ہتکِ عزت اور فوجداری قوانین کی بھی کھلم کھلا خلاف ورزی کردی۔
جہانگیرہ کی رہائشی مسماۃ زینت بی بی (توحید آباد) نے اکوڑہ پولیس کے رویے کے خلاف میڈیا سے گفتگوکرتے ہوئے بتایا کہ اُن کے شوہر تیمور ولد حیات خان کے خلاف ماضی میں منشیات فروشی اور دیگر الزامات کے تحت مقدمات درج کیے گئے تھے، جن سے وہ بعد ازاں عدالتوں سے بری ہو چکے ہیں۔ ان مقدمات میں مندرجہ ذیل شامل ہیں:مقدمہ نمبر 90 سال 2020.مقدمہ نمبر 400 سال 2022.مقدمہ نمبر 719 سال 2020.مقدمہ نمبر 221 سال 2021.مقدمہ نمبر 09 سال 2023.مقدمہ نمبر 1087 سال 2023.مقدمہ نمبر 535 سال 2024.مقدمہ نمبر 853 سال 2024.مقدمہ نمبر 869 سال 2024.مقدمہ نمبر 1024 سال 2024۔مقدمہ نمبر 724 سال 2022
عدالت کی طرف سے مکمل بریت کے بعد بھی پولیس نے ان مقدمات کو دوبارہ میڈیا اور سوشل میڈیا پر شائع کر کے نہ صرف آئین پاکستان کے آرٹیکل 4 اور 10-A کی خلاف ورزی کی بلکہ Defamation Ordinance 2002 اور PPC کی دفعات 500، 501 اور 205 کے تحت قابلِ سزا جرائم کا ارتکاب بھی کیا۔
اہلیہ کو بھی نہ بخشا جرم ذاتی ہے، خاندانی نہیں
اکوڑہ پولیس نے تیمور کی اہلیہ زینت بی بی کو بھی منشیات کے ایک مشکوک مقدمے میں گرفتار کر کے جیل بھیج دیا، حالانکہ ریاستِ پاکستان کے قوانین کے مطابق جرم ذاتی حیثیت رکھتا ہے؛ کسی شخص کو محض شریکِ حیات ہونے کی بنیاد پر جرم میں شامل نہیں کیا جا سکتا۔ بعد ازاں عدالت نے زینت بی بی کو ضمانت پر رہا کر دیا۔
غلط ایف آئی آرز درج کرنے پر پولیس کے خلاف دفعہ 205 PPC کا اطلاق ہوسکتا ھے
قانونی ماہرین کے مطابق اگر پولیس کسی شخص کے خلاف جھوٹے الزامات لگا کر یا پرانے الزامات کو نئی شناخت کے طور پر پیش کر کے مقدمات درج کرے، تو یہ PPC کی دفعہ 205 (False personation) کے زمرے میں آتا ہے۔
عدالت سے بریت کے بعد کسی شہری کو دوبارہ جھوٹا تاثر دے کر مقدمے میں گھسیٹنا دفعہ 205 کے تحت قابلِ تعزیر جرم ہے۔ پولیس اس طرح عوام اور عدالت کو mislead کرتی ہے، جو ناقابلِ قبول ہے۔
غیر قانونی تشہیر Defamation اور آئینی خلاف ورزی
قانونی طور پر پولیس کو صرف مخصوص حالات میں ملزمان کی تصاویر یا تفصیلات عوام کے سامنے لانے کا اختیار ہے، مثلاً عدالت کی منظوری یا اشتہاری ملزم کی تلاش۔
جبکہ نوشہرہ پولیس گرفتاری کے فوراً بعد سوشل میڈیا پر تصاویر، پرانے مقدمات اور الزامات شائع کر کے متاثرہ شخص کو معاشرے میں ایسے پیش کرتی ہے جیسے وہ کوئی ڈان یا خطرناک مجرم ہو۔
یہ عمل نہ صرف Defamation Ordinance 2002 اور PPC کی دفعات کی خلاف ورزی ہے بلکہ بریت کے بعد اس قسم کا رویہ توہین عدالت (Contempt of Court) کے زمرے میں بھی آتا ہے۔
شہری اپنے حقوق کیسے استعمال کریں
قانونی ماہرین کے مطابق متاثرہ شہری پولیس کے خلاف درج ذیل قانونی اقدامات کر سکتے ہیں:
Defamation Suit — Defamation Ordinance 2002 کے تحت ہتکِ عزت کا سول دعویٰ دائر کر کے ہرجانہ اور معافی کا مطالبہ۔
Writ Petition (آرٹیکل 199ہائی کورٹ میں رِٹ دائر کر کے پولیس کی غیر قانونی کارروائیوں کو چیلنج کرنا اور تادیبی کارروائی کا مطالبہ۔
فوجداری مقدمہ PPC کی دفعہ 205 کے تحت متعلقہ پولیس اہلکاروں کے خلاف فوجداری کارروائی۔
محکمانہ کارروائی Police Order 2002 (آرٹیکل 155 اور 156) کے تحت Misconduct پر معطلی، شوکاز یا برطرفی کی درخواست۔

19/10/2025

نوشہرہ قومی اسمبلی سید شاہ احد نے کہا ہے کہ صوبے کے نئے وزیر اعلی سہیل افریدی نے صحت وغیرہ محکموں کے لیے عملی اقدامات شروع کر دیے ہیں
سینیئر صحافی شعیب اعوان کو خصوصی انٹرویو

19/10/2025

نوشہرہ میں دیوالی پر دو روزہ اختیاری تعطیل کا اعلان، ڈپٹی کمشنر نوشہرہ نے ہندو اور سکھ ملازمین کے لیے 20 اور 21 اکتوبر 2025 کو دیوالی کے موقع پر دو روزہ اختیاری چھٹیوں کی منظوری دے دی۔

18/10/2025

پنجاب سے خیبرپختونخوا کو آٹے اور گندم کی نقل حمل پر غیرقانونی ظالمانہ پابندی سے حالات خراب، قحط کا خطرہ ، سیاستدان خاموش کیوں، سینئر صحافی حافظ تفہیم الرحمان کا وی لاگ ، خطرے کی گھنٹی بجا گئی

18/10/2025

*بلدیاتی ایکٹ 2025 میں یونین کونسل کے ممبران کی تعداد*

کل ممبران: 13
جنرل ممبران: 9
عوامی ووٹ سے منتخب
وارڈ سسٹم نہیں ہوگا پوری یونین کونسلر
ایک ہی وارڈ ہوگی
انہی 9 ممبران کے ووٹ سے چیئرمین اور وائس چیئرمین منتخب ہوں گے ۔ چیئرمین اور وائس چیئرمین کو عوام سے ڈائریکٹ ووٹ نہیں لینا ہوگا مخصوص نشستیں: 4
1 خاتون رکن
1 نوجوان رکن (عمر 18 تا 32 سال)
1 کسان/مزدور رکن
1 غیر مسلم رکن
نوٹ: اگر اقلیتی نشست کے لیے ووٹر یا امیدوار موجود نہ ہو تو کل ممبران 12 ہوں گے۔
چیئرمین اور وائس چیئرمین صرف 9 جنرل ممبران کے ووٹ سے منتخب ہوں گے ۔
یونین کونسل کا چیئرمین بننے کے لیے پہلے جنرل کونسلر بننا ضروری ہے تحصیل کونسل کا چیئرمین بننے کے لیے چیئرمین یونین کونسل بننا ضروری ہے مطلب یہ کہ تحصیل کونسل کا چیئرمین بننے کے لیے پہلے جنرل کونسلر بننا ضروری ہے ۔ تحصیل کونسل کا چیئرمین بننے کے لیے جنرل کونسلر کا الیکشن لڑنا ضروری ہے ۔

18/10/2025

افغان مہاجرین خیبرپختونخوا اور قبائلی علاقوں میں جہاں چاہیں رہیں، کوئی زبردستی نہیں، خیبرپختونخوا حکومت کی جانب سے وفاق کو بھی افغان مہاجرین کے حوالے سے باقاعدہ مراسلہ بھیجا گیاہے اور اپنے تمام ایڈمنسٹریشنز کو ہدایات دیں ہیں کہ افغان مہاجرین صوبہ میں جہاں چاہیں رہیں، کسی کے ساتھ زبردستی کی اجازت نہیں، اپنی مرضی سے جائیں تو کوئی اعتراض نہیں، وزیر اعلیٰ کی بی بی سی سے گفتگو

18/10/2025

18/10/2025

وزیراعلی خیبرپختونخوا کا احساس، بڑے ترقیاتی منصوبوں سمیت خواتین کیلئے بھی دبنگ اعلان کردیا، کون کون مستفید ہوسکےگا؟ اھم تفصیلات سامنے آگئیں۔ سینئر صحافی حافظ تفہیم الرحمان کا وی لاگ