12/05/2026
انا للّٰہ وانا الیہ راجعون
ہیڈ گلشیر بصیرپور، تحصیل دیپالپور ضلع اوکاڑہ میں پیش آنے والا افسوسناک حادثہ پورے علاقے کو سوگوار کر گیا، جہاں ایک گاڑی نہر میں جا گری۔ گاڑی میں سوار چار افراد میں سے ایک ننھا بچہ معجزانہ طور پر محفوظ رہا، جبکہ تین افراد گاڑی میں ہی پھنس گئے۔
دو روز تک جاری رہنے والے ریسکیو آپریشن کے بعد گاڑی کو نہر سے نکالا گیا، جس کے اندر سے تینوں افراد کی میتیں برآمد ہوئیں۔ یہ دردناک سانحہ ہر آنکھ کو اشکبار کر گیا۔
بچھڑا کچھ اس ادا سے کہ رت ہی بدل گئی،
اک شخص سارے شہر کو ویران کر گیا۔۔۔
اس سانحے کے بعد وہ ننھا بچہ اپنی پوری فیملی سے محروم ہو کر تنہا رہ گیا، مگر یقیناً اللہ تعالیٰ اپنی رحمت سے اس کے لیے آسانیاں پیدا فرمائے گا۔
اللہ پاک اس معصوم بچے کو صبرِ جمیل، ہمت اور اپنی خاص حفاظت عطا فرمائے، اور مرحومین کی کامل مغفرت فرما کر ان کے درجات بلند فرمائے۔ آمین۔
#حادثہ
#بصیرپور
#دیپالپور
#اوکاڑہ
Mian Zeeshan Manzoor Wattoo
