Pakpattan Press Club

03/09/2026

حکومتِ پنجاب نے عوام کی سہولت کے لیے "کنزیومر پروٹیکٹ ایپ" کا باضابطہ آغاز کر دیا ہے۔ اب آپ گھر بیٹھے آسانی سے اپنی شکایت درج کروا سکتے ہیں، اس کی کاروائی ٹریک کر سکتے ہیں اور اپنے صارفین کے حقوق کے بارے میں مکمل معلومات حاصل کر سکتے ہیں۔ آپ کی ہر شکایت ہماری ذمہ داری ہے۔ آج ہی ایپ ڈاؤنلوڈ کریں اور اپنے حقوق کا تحفظ یقینی بنائیں۔


Food Safety & Consumer Protection Department
Govt of Punjab

03/09/2026

ڈپٹی کمشنر پاکپتن آصف رضا صاحب کی ہدایت پر حکیم لطف اللہ صاحب ممبر ڈسٹرکٹ کنزیومر پروٹیکشن کونسل پاکپتن کی طرف جانب سے *کیمرج کالج پاکپتن* میں صارفین کے حقوق سے متعلق آگاہی سیمینار منعقد کروایا گیا جس میں تمام معزز طلبہ کو صارفین کے حقوق اور ڈسٹرکٹ کنزیومر پروٹیکشن کونسل پاکپتن کے قیام کے متعلق آگاہ کیا گیا

تمام طلبہ، اساتذہ صاحبان ،میڈیا نمائندوں اور وکلاء کو آگاہ کیا گیا کہ مارکیٹ میں کسی بھی ناقص اشیاء کے خلاف ڈسٹرکٹ کنزیومر پروٹیکشن کونسل پاکپتن میں درخواست دائر کی جا سکتی ہے۔

*حکیم لطف اللہ صاحب* نے تمام طلبہ کو آگاہ کیا کہ ڈسٹرکٹ کنزیومر پروٹیکشن کونسل پاکپتن میں درخواست دائر کرنے کی کوئی کورٹ فیس نہیں ہے اور نہ ہی وکیل کرنے کی ضرورت ہے۔آپ سادہ کاغذ پر درخواست دائر کر سکتے ہیں

*مدثر عدنان سندھو اسسٹنٹ ڈائریکٹر لیگل ڈسٹرکٹ کنزیومر پروٹیکشن کونسل پاکپتن* نے طلبہ کو آگاہ کیا کی خریداری کرتے وقت دوکان داروں سے رسید خریداری حاصل کریں جو کہ آپ کے صارف ہونے اور خریداری کا ثبوت ہوتی ہے اور کسی بھی نقص کی صورت میں آپ کے کام آتی ہے۔رسید جاری نہ کرنا صارف قانون کی خلاف ورزی ہے
تمام دوکان دار پابند ہیں کہ وہ تمام اشیاء کی مارکیٹ پرائسز کی ریٹ لسٹ آویزاں کریں اور اپنی ریٹرن اینڈ ریفنڈ پالیسی بھی واضح کریں۔کنزیومر پروٹیکشن قوانین کی خلاف ورزی پر دوکان دار کو 1 ہزار سے لیکر 1 لاکھ روپے تک جرمانہ عائد کیا جا سکتا ہے

03/09/2026

02/09/2026

پاکپتن (نمائندہ خصوصی) ڈپٹی کمشنر آصف رضا نے کہا ہے کہ شہریوں کے قانونی ملکیتی حقوق کا تحفظ، ناجائز قبضوں کی روک تھام اور حق داروں کو بروقت انصاف کی فراہمی حکومت پنجاب کی پالیسی کا اہم حصہ ہے۔ انہوں نے کہا کہ پنجاب پروٹیکشن آف اونر شپ آف ایموویبل پراپرٹی (ترمیمی) آرڈیننس کے تحت موصول ہونے والی درخواستوں پر قانون، میرٹ اور دستیاب ریکارڈ کی روشنی میں شفاف کارروائی یقینی بنائی جا رہی ہے تاکہ حقیقی مالکان کے حقوق کا مؤثر تحفظ ہو سکے۔ ان خیالات کا اظہار انہوں نے ڈسٹرکٹ اسکروٹنی کمیٹی کے اجلاس کی صدارت کرتے ہوئے کیا۔ اجلاس میں ایڈیشنل ڈپٹی کمشنر ریونیو رافیعہ قیوم، ایڈیشنل ڈپٹی کمشنر ہیڈکوارٹر انصر علی، ڈسٹرکٹ اٹارنی رانا عامر، ڈی ایس پی صدر اختر اسلام سمیت محکمہ ریونیو اور دیگر متعلقہ افسران نے شرکت کی۔ اجلاس کے دوران جائیداد سے متعلق 3 کیسز کی سماعت کی گئی۔ ایک کیس میں دستیاب ریکارڈ اور حقائق کا جائزہ لینے کے بعد درخواست گزار کے حق میں سفارشات ٹربیونل کو بھجوانے کا فیصلہ کیا گیا۔ ڈپٹی کمشنر آصف رضا نے مزید ہدایت کی کہ زیرِ سماعت 2 کیسز میں مکمل ریکارڈ، تازہ ترین ریونیو رپورٹس اور تمام ضروری دستاویزات آئندہ اجلاس میں پیش کی جائیں تاکہ کیسز کا میرٹ پر جائزہ لیا جا سکے۔ انہوں نے متعلقہ افسران کو ہدایت کی کہ درخواستوں کی جانچ پڑتال میں شفافیت، قانونی تقاضوں اور مقررہ طریقہ کار کو ملحوظ خاطر رکھتے ہوئے کارروائی کو بروقت مکمل کیا جائے اور شہریوں کو ان کے جائز حقوق کے حصول میں ہر ممکن سہولت فراہم کی جائے۔

30/08/2026

پاکپتن (نمائندہ خصوصی) ڈپٹی کمشنر آصف رضا نے کہا ہے کہ قبضہ مافیا کو قانون کے کٹہرے میں لایا جائے۔ ناجائز قبضہ مافیا سے اراضی واگزار کرانے کے لئے تمام وسائل بروئے کار لائے جائیں، حکومت قبضہ مافیا کو برداشت کرنے کی متحمل نہیں اور ان کے ساتھ آہنی ہاتھوں سے نمٹا جائے، ان خیالات کا اظہار انہوں نے قبضہ مافیا کے خلاف عوامی شکایات کا ازالہ کرتے ہوئے کیا، اس موقع پر ایڈیشنل ڈپتی کمشنر ہیڈ کواٹر رائے انصر علی، تحصیلدار، پولیس اور محکمہ ریونیو کے افسران سمیت دیگر متعلقہ اداروں کے حکام بھی موجود تھے، ڈپٹی کمشنر آصف رضا نے کہا ہے کہ ریونیو، پولیس سمیت دیگر متعلقہ ادارے باہمی ربط و رابطہ اور دستاویز کو مد نظر رکھتے ہوئے حق دار کو اس کا لوتائیں،، حکومتی پالیسی کے تحت میرٹ کو اولیت اور فوقیت دیتے ہوئے کسی کی حق تلفی نہ کریں اور قانون کے مطابق ان کے مسائل حل کریں، اس موقع پر متعلقہ اداروں کے افسران و اہلکاران بھی موجود تھے۔ علاوہ ازیں اجلاس میں قبضہ مافیا کے خلاف موصول ہونے والی شکایات کا تفصیلی جائزہ لیا گیا اور قانونی دستاویز کے مطابق حق دار وں کو ان کا حق دیا گیا، ڈپتی کمشنر آصف رضا نے متعلقہ محکموں کو ہدایات جاری کی گئیں کہ عوامی مسائل کو ترجیحی بنیادوں پر حل کریں اور سلسلہ میں اپنے پیشہ ورانہ ذمہ داریاں بطریق احسن انداز میں انجام دیں۔

30/08/2026

وزیر اعظم شہباز شریف نے ترک صدر، وزیر اعظم اور عوام کو یوم فتح کی مبارک باد دی۔

30/08/2026

27/08/2026

سی آئی ٹی اور حکومت ساؤتھ پنجاب کی طرف سے ڈیجیٹل ساؤتھ پنجاب کی لانچنگ تقریب۔