22/07/2026
السلام علیکم ورحمۃ اللہ وبرکاتہ ❤️
بِسْمِ اللّٰهِ الرَّحْمٰنِ الرَّحِيْمِ
سب سے پہلے میں اپنے اللہ تعالیٰ کا دل کی گہرائیوں سے شکر ادا کرتا ہوں۔
الحمدللہ رب العالمین۔
اللہ تعالیٰ نے مجھے زندگی میں جو کچھ بھی دیا، جس حال میں رکھا، اور جتنی بھی نعمتیں عطا فرمائیں، ان سب پر جتنا بھی شکر ادا کروں، وہ کم ہے۔
اللّٰهُمَّ صَلِّ عَلَىٰ مُحَمَّدٍ وَعَلَىٰ آلِ مُحَمَّدٍ، كَمَا صَلَّيْتَ عَلَىٰ إِبْرَاهِيمَ وَعَلَىٰ آلِ إِبْرَاهِيمَ، إِنَّكَ حَمِيدٌ مَجِيدٌ۔
اللّٰهُمَّ بَارِكْ عَلَىٰ مُحَمَّدٍ وَعَلَىٰ آلِ مُحَمَّدٍ، كَمَا بَارَكْتَ عَلَىٰ إِبْرَاهِيمَ وَعَلَىٰ آلِ إِبْرَاهِيمَ، إِنَّكَ حَمِيدٌ مَجِيدٌ۔ ﷺ
ایک بات پہلے ہی واضح کر دوں...
یہ پورا پیغام میں نے خود اپنے ہاتھ سے لکھا ہے۔ اس میں کسی AI یا کسی دوسرے شخص کی مدد شامل نہیں ہے۔ یہ میرے اپنے الفاظ، میرے اپنے تجربات اور میری اپنی سوچ ہے۔
آج دل کیا کہ آپ سب دوستوں کے ساتھ اپنی زندگی کے سفر کی ایک حقیقت شیئر کروں۔
کافی عرصے سے کچھ لوگ مجھے دیکھ کر یہ سمجھنے لگے ہیں کہ شاید امجد علی اب بہت زیادہ کما رہا ہے، لاکھوں روپے آ رہے ہیں، یا فری لانسنگ میں کامیابی بہت آسان ہے۔
لیکن حقیقت یہ ہے کہ...
جو چیز آج لوگوں کو نظر آتی ہے، اس کے پیچھے وہ محنت نظر نہیں آتی جو کئی سالوں تک خاموشی سے کی جاتی ہے۔
میں فری لانسنگ کرتا ہوں، جس میں کانٹینٹ کریئیشن، SEO، اکاؤنٹ مینجمنٹ، ویڈیو ایڈیٹنگ، اینیمیشن اور دوسرے کام شامل ہیں۔
لیکن میں آج بھی خود کو کوئی بہت بڑا فری لانسر نہیں سمجھتا۔
میں آج بھی ایک طالبِ علم ہوں، جو ہر دن کچھ نیا سیکھنے کی کوشش کرتا ہے۔
الحمدللہ، اگر اللہ تعالیٰ نے مجھے کچھ سیکھنے کا موقع دیا ہے تو یہ صرف میرے رب کا فضل ہے، میرے والدین کی دعائیں ہیں، اور ان لوگوں کی رہنمائی ہے جنہوں نے میرے سفر میں میرا ساتھ دیا۔
میں نے کبھی اپنے کام یا آمدنی کا دکھاوا نہیں کیا، کیونکہ میرا یقین ہے کہ رزق دینے والا صرف اللہ تعالیٰ ہے۔ انسان کوشش کرتا ہے، محنت کرتا ہے، لیکن کامیابی کا فیصلہ اللہ تعالیٰ کے ہاتھ میں ہوتا ہے۔
اور ایک بات ہمیشہ یاد رکھیں...
کسی بھی کامیابی کے پیچھے ایک ایسی کہانی ضرور ہوتی ہے جسے دنیا نہیں دیکھتی۔ کچھ لوگ صرف منزل دیکھتے ہیں، لیکن اس راستے کی مشکلات نہیں دیکھتے جن سے گزر کر انسان وہاں پہنچتا ہے۔
میری بھی ایک ایسی ہی کہانی ہے...
جس میں سیکھنا ہے، گرنا ہے، دوبارہ کھڑا ہونا ہے، اور مسلسل آگے بڑھنے کی کوشش ہے۔
میں اگلی بات انشاءاللہ کل کی پوسٹ میں آپ سے شیئر کرونگا، لکھنا تو بھت ہے لیکن آپ لوگ پورا پڑھتے ہی نہیں۔۔۔۔
اگلے حصے میں، آپ کو میں بتاؤں گا کہ میرا یہ سفر کہاں سے شروع ہوا، میرے پہلے استاد آنلائن فیلڈ کے کون تھے، اور میں نے سیکھنے کے لیے کن مشکلات کا سامنا کیا۔
آپ کا بھائی
امجد علی ❤️
