18/09/2026
وزیراطلاعات خیبر پختونخوا شفیع جان کی کوہاٹ میں پرانی پولیس لائن کے قریب دھماکے کی شدید مذمت
ابتدائی اطلاعات کے مطابق دھماکے میں پانچ پولیس اہلکاروں سمیت متعدد شہری شہید و زخمی ہوئے، وزیراعلیٰ سہیل آفریدی نے واقعے کا سخت نوٹس لیا ہے، وزیراعلیٰ نے متعلقہ حکام سے واقعے کی رپورٹ طلب کرلی ہے۔کوہاٹ کے ہسپتالوں میں ایمرجنسی نافذ کردی گئی ہے، زخمیوں کو ہسپتالوں میں بہترین طبی سہولیات کی فراہمی یقینی بنانے کی ہدایات جاری کردی گئی ہیں۔
معصوم شہریوں کو نشانہ بنانا انتہائی افسوسناک اور بزدلانہ فعل ہے، اسلام سمیت کوئی بھی مذہب ایسی بزدلانہ کارروائیوں کی اجازت نہیں دیتا،دہشت گردی کی بزدلانہ کارروائیوں سے قوم کے حوصلے پست نہیں کیے جا سکتے،دہشت گرد عناصر اپنے مذموم عزائم میں کبھی کامیاب نہیں ہوں گے۔شفیع جان، وزیر اطلاعات و سائنس اینڈ انفارمیشن ٹیکنالوجی، حکومت خیبر پختونخوا
