Chinar Digital

12/09/2025

ضلع کرم میں اشتعال انگیزی کے خلاف شہریوں نے خواجہ ناہید کے خلاف ایف آئی آر درج کرلیا جبکہ متعدد افراد کے خلاف ایف آئی آر درج کرنے کیلئے درخواست جمع کردی

09/09/2025

اسرائیلی فوج نے تصدیق کی ہے کہ اس کی فضائیہ نے قطر کے دارالحکومت دوحہ میں ح۔م۔اس کی اعلیٰ قیادت کو نشانہ بنایا، کارروائی خفیہ ایجنسی شِن بیتھ کے ساتھ مشترکہ طور پر کی گئی، کارروائی اسرائیلی آرمی چیف ایال زمیر کی اس دھمکی کے بعد کی گئی جس میں انہوں نے بیرون ملک مقیم ح م ا س رہنماؤں کو ق ت ل کرنے کا اعلان کیا تھا، حملہ ایسے وقت میں ہوا ہے جب اسرائیلی وزیر خارجہ گدعون سار نے چند گھنٹے قبل اعلان کیا تھا کہ اسرائیل نے امریکا کی پیش کردہ غزہ جنگ بندی تجویز کو قبول کر لیا ہے۔!!!

08/09/2025

لوئر کرم بالش خیل ایف سی فورٹ میں پائیدار امن و امان کے حوالے سے ایک اہم جرگہ منعقد ہوا جس میں اہل تشیع، اہلسنت عمائدین کے ساتھ ساتھ گرینڈ جرگہ کے نمایاں اراکین نے بھی شرکت کی۔ اس جرگہ کا مقصد خطے میں امن، ہم آہنگی اور باہمی اعتماد کو فروغ دینا تھا۔

اجلاس کے دوران فریقین نے حالیہ مسائل پر تبادلہ خیال کیا، اتحاد و اتفاق کی ضرورت پر زور دیا اور اس عزم کا اعادہ کیا کہ اختلافات کو صرف بات چیت اور جرگہ روایت کے ذریعے ہی حل کیا جائے گا۔

عمائدین نے اس بات پر زور دیا کہ پائیدار امن اور استحکام اجتماعی کوششوں، صبر و تحمل اور ایک دوسرے کے مؤقف کے احترام سے ہی ممکن ہے۔

مقامی قیادت نے امید ظاہر کی کہ یہ مذاکرات تعلقات میں بہتری، کشیدگی میں کمی اور ضلع کے سماجی ڈھانچے کو مزید مضبوط بنانے کا باعث بنیں گے۔

07/09/2025

جو عناصر اہل بیتؑ، صحابہ کرامؓ اور امہات المؤمنینؓ کی شان میں گستاخی کرتے ہیں، ان کا مقصد دین یا عقیدے کی خدمت نہیں بلکہ فرقہ واریت کو ہوا دینا اور دشمن قوتوں کے ایجنڈے کو پورا کرنا ہوتا ہے۔ ایسے افراد نہ کسی مکتب کی نمائندگی کرتے ہیں اور نہ ہی کسی قوم کے خیر خواہ ہوتے ہیں۔

07/09/2025

حضرت محمد ﷺ – سراپا محبت، رحمتِ عالم 🌹
حضرت محمد ﷺ کی زندگی کا ہر لمحہ، ہر عمل، اور ہر قول محبت، شفقت اور انسانیت کے لیے مشعلِ راہ تھا۔
آپ ﷺ صرف مسلمانوں کے لیے نہیں، بلکہ تمام جہانوں کے لیے رحمت بن کر آئے۔
"وما أرسلناك إلا رحمة للعالمين"
(الانبیاء: 107)
آج اگر دنیا کو کسی چیز کی سب سے زیادہ ضرورت ہے، تو وہ ہے رحمت، برداشت، اور محبت – جو ہمیں سیرتِ محمدی ﷺ سے سیکھنے کو ملتی ہے۔
آئیے، ہم بھی اپنے رویوں، باتوں اور عمل سے اس سیرتِ طیبہ کا عکس بنیں۔
محبت بانٹیے، نفرت نہیں۔
رحمت بنیے، زحمت نہیں۔

06/09/2025

ہفتہ وحدت اور عید میلادالنبی ﷺ کی مناسبت سے ضلع کرم کے ایم این اے انجینئر حمید حسین طوری نے تمام عالم اسلام کو دلی مبارکباد پیش کی ہے۔
انہوں نے اپنے پیغام میں کہا کہ 12 ربیع الاول تا 17 ربیع الاول ہفتہ وحدت امت مسلمہ کے لیے اتحاد، اخوت اور بھائی چارے کا سنہری موقع ہے۔ عید میلادالنبی ﷺ دراصل ہمیں اسوۂ رسول اکرم ﷺ پر عمل پیرا ہو کر محبت، رواداری، امن و انصاف کے قیام اور امت واحدہ کی تشکیل کا درس دیتی ہے۔
ایم این اے انجینئر حمید حسین طوری نے مزید کہا کہ آج کے حالات میں اتحاد امت اور مذہبی ہم آہنگی وقت کی اہم ضرورت ہے۔ ہم سب کو چاہیئے کہ نبی کریم ﷺ کی تعلیمات پر عمل کرتے ہوئے باہمی اختلافات کو بالائے طاق رکھیں اور امن و سکون پر مبنی معاشرے کی تشکیل میں اپنا کردار ادا کریں۔

انہوں نے ضلع کرم کے عوام سے اپیل کی کہ وہ ہفتہ وحدت کو بھرپور جوش و جذبے سے منائیں اور دشمنانِ اسلام کی سازشوں کو اتحاد اور اتفاق سے ناکام بنائیں۔

06/09/2025

ضلع کرم صدہ میں عید میلاد النبی ﷺ کے جلوس کے دوران لگائے جانے والے اشتعال انگیز اور نفرت آمیز نعرے "کافر کافر شیعہ کافر" کی شدید ترین الفاظ میں مذمت کی جاتی ہے۔ ایسے نعرے قومی یکجہتی اور مذہبی ہم آہنگی کے خلاف کھلی سازش ہیں اور آئینِ پاکستان و قانون کی صریحاً خلاف ورزی ہیں۔
افسوسناک امر یہ ہے کہ کرم پولیس اور سیکیورٹی ادارے اس سنگین واقعے پر مکمل طور پر خاموش اور بے عمل دکھائی دے رہے ہیں۔ اداروں کی یہ غفلت نہ صرف امن و امان کے لیے خطرہ ہے بلکہ اس سے فرقہ وارانہ کشیدگی میں اضافہ ہوسکتا ہے۔
ہم مطالبہ کرتے ہیں کہ:
اس واقعے میں ملوث تمام عناصر کے خلاف فوری اور سخت ترین قانونی کارروائی کی جائے۔
پولیس اور سیکیورٹی اداروں کی چشم پوشی اور مجرمانہ غفلت کی شفاف تحقیقات کی جائیں۔
ضلع کرم میں ہر قسم کی فرقہ وارانہ نعرے بازی اور نفرت انگیز سرگرمیوں پر سختی سے پابندی لگائی جائے تاکہ خطے کا امن قائم رہ سکے۔

پاکستان اور ضلع کرم کسی صورت فرقہ وارانہ نفرت اور فسادات کے متحمل نہیں ہوسکتے۔ ریاستی اداروں کو اپنی آئینی ذمہ داریاں ہر صورت پوری کرنی ہوں گی۔

*ایم ڈبلیو ایم پارہ چنار ضلع کرم*

06/09/2025

پاراچنار: راستوں کی بندش، بدامنی اور حکومتی بے حسی

تحریر: فخری

ضلع کرم کا صدر مقام پاراچنار ایک بار پھر شدید بدامنی اور راستوں کی بندش کے مسائل سے دوچار ہے۔ قبائلی عمائدین اور علما نے مشترکہ پریس کانفرنس میں واضح کیا ہے کہ ایک سال سے مین شاہراہ آمد و رفت کے لیے بند ہے اور حالیہ بدامنی کے واقعات کے بعد عوام کی مشکلات دو چند ہو گئی ہیں۔

قانون صرف اپر کرم تک محدود؟

رہنماؤں کا مؤقف ہے کہ ضلع کرم میں امن و امان کا قانون صرف اپر کرم تک محدود ہو کر رہ گیا ہے۔ جہاں بھی دہشت گردی کے واقعات ہوتے ہیں یا عوام پر حملے ہوتے ہیں وہاں حکومتی رٹ نظر نہیں آتی۔ یہ سوال بار بار اٹھ رہا ہے کہ اگر حکومت اور انتظامیہ اپنی ذمہ داریاں ادا نہیں کریں گی تو عوام کس سے انصاف کی توقع رکھیں؟

امن معاہدے کی خلاف ورزیاں

پریس کانفرنس میں یہ بھی کہا گیا کہ امن معاہدے کی تیس سے زائد خلاف ورزیاں ہو چکی ہیں، لیکن حکومت نے کسی ایک خلاف ورزی پر بھی مؤثر ایکشن نہیں لیا۔ اس طرزِ عمل نے عوام میں مایوسی اور عدم اعتماد پیدا کر دیا ہے۔ عوام سمجھتے ہیں کہ حکومت یا تو بے بس ہے یا پھر جان بوجھ کر چشم پوشی کر رہی ہے۔

سوشل میڈیا پر دھمکیاں اور زمینی حقائق

یہ بھی حقیقت ہے کہ حالیہ دنوں میں سوشل میڈیا پر دھمکی آمیز پیغامات گردش کرتے رہے اور اس کے بعد بدامنی کے واقعات نے جنم لیا۔ سوال یہ ہے کہ جدید دور میں جب ایک عام شہری کے پیغام پر بھی ادارے متحرک ہو جاتے ہیں، تو پھر کھلم کھلا اشتعال انگیزی پھیلانے والوں کے خلاف کارروائی کیوں نہیں کی گئی؟ یہ رویہ شکوک و شبہات کو مزید بڑھا رہا ہے۔

عوامی مشکلات اور راستوں کی بندش

پاراچنار اور ضلع کرم کے عوام کا سب سے بڑا مسئلہ آمد و رفت کی بندش ہے۔ مین شاہراہ بند ہونے سے نہ صرف تجارتی سرگرمیاں معطل ہیں بلکہ تعلیم، علاج اور روزگار کے مواقع بھی بری طرح متاثر ہوئے ہیں۔ بیمار مریض ہسپتالوں تک نہیں پہنچ سکتے، طلبہ یونیورسٹیوں اور کالجوں تک نہیں جا سکتے اور روزانہ سفر کرنے والے مزدور طبقے کا روزگار تباہ ہو چکا ہے۔ عوام کی یہ مشکلات کسی بھی صورت مزید برداشت کے قابل نہیں رہیں۔

آئندہ کا لائحہ عمل

تحریک حسینی کے سپریم لیڈر علامہ عابد حسین الحسینی، صدر حاجی یونس اور نبی حسین سمیت دیگر رہنماؤں نے اعلان کیا ہے کہ آنے والے دنوں میں قبائلی عمائدین کا ایک بڑا اجتماع طلب کیا جائے گا جس میں آئندہ کا لائحہ عمل طے کیا جائے گا۔ اس اعلان سے ظاہر ہوتا ہے کہ عوام اب مزید انتظار کے موڈ میں نہیں ہیں۔ اگر حکومت نے ذمہ دارانہ کردار ادا نہ کیا تو عوامی ردعمل کی صورت میں حالات مزید پیچیدہ ہو سکتے ہیں۔

پاراچنار کے حالات ایک بار پھر نازک موڑ پر کھڑے ہیں۔ حکومت کی بے حسی، امن معاہدے کی خلاف ورزیاں، سوشل میڈیا پر دھمکیاں اور راستوں کی مسلسل بندش نے عوامی صبر کا پیمانہ لبریز کر دیا ہے۔ اگر بروقت اقدامات نہ کیے گئے تو یہ مسئلہ صرف ضلع کرم تک محدود نہیں رہے گا

بلکہ اس کے اثرات پورے ملک میں محسوس کیے جائیں گے۔
فخری

06/09/2025

06/09/2025

بہتے خون کی ندیاں اور ہماری بے حسی
فخری
ضلع کرم کی سرزمین ایک بار پھر لہو میں نہا رہی ہے۔ یہ بہتے خون کی ندیاں صرف آج کے مظلوموں کو نہیں بہا رہیں بلکہ کل یہ ظالم اور تماشائی سب کو ڈبو دیں گی۔ تاریخ گواہ ہے کہ ظلم ہمیشہ پلٹ کر ظالم کو بھی اپنی لپیٹ میں لیتا ہے۔

منصف کی قصاوت سب پر عیاں ہو چکی ہے۔ انصاف کے ایوان اب گونگے بہرے معلوم ہوتے ہیں۔ اہل قلم کی سیاہی بھی تھک چکی ہے۔ وہ قلم جو کبھی مظلوموں کے حق میں اٹھتے تھے، آج صرف رسمی مذمتی بیانات تک محدود ہو کر رہ گئے ہیں۔

اہل کرم کی داستان بڑی تلخ ہے۔ یہاں جوان لہو میں غلطاں پڑے ہیں، باپوں کے سائے اُٹھ رہے ہیں، اور پورا معاشرہ اس کرب کو محض چند جملوں کی مذمت سے رخصت کر دیتا ہے۔ قومیں صرف تعزیتی بیانات اور دکھاوے کے احتجاج سے کبھی عزت کے ساتھ زندہ نہیں رہ سکتیں۔

ہم نے تمھارے قتل پر آواز اٹھائی تھی، واویلا کیا تھا۔ لیکن آج جب ہمارا لہو بہایا جا رہا ہے تو تمھاری خاموشی کھل کر یہ بتا رہی ہے کہ یہ معاشرہ دوہرے معیار اور منافقت میں ڈوبا ہوا ہے۔

ضرورت اس امر کی ہے کہ ہم بحیثیت انسان انسانیت کی اقدار کی حفاظت کریں۔ اگر ہم نے اپنی بے حسی ترک نہ کی تو یہ جنازے یونہی اٹھتے رہیں گے، اور یہ سرزمین اپنے باسیوں کو عزت کے ساتھ جینے کا حق کبھی نہ دے گی۔
سید جاوید فخری

06/09/2025

ضلع کرم میں فائرنگ کے واقعات کے بعد مین شاہراہ سمیت آمد و رفت کے راستے گزشتہ چار روز سے بند ہیں جس کے باعث لوگوں شدید مشکلات سے دو چار ہوگئے ہیں
ضلع کرم میں ایک ماہ کے دوران فائرنگ اور لینڈ مائن دھماکوں میں پندرہ سے زائد افراد جان بحق ہوگئے ہیں

گزشتہ دنوں لوئر کرم میں دو مختلف فائرنگ کے واقعات میں ایک خاتون سمیت اٹھ افراد جاں بحق ہوگئے فائرنگ کے واقعات کے بعد آمد و رفت معطل ہوگئی ہے جس کے باعث لوگ شدید مشکلات سے دو چار ہوگئے ہیں بیرون ملک سفر کرنے والے اور طلبہ و مریض علاقے میں پھنس گئے ہیں اور شہر میں مختلف قسم کی ادویات کی قلت پیدا ہوگئی ہے مسلسل بدامنی کے واقعات رونما ہونے پر سابق سینیٹر علامہ عابد حسین نے ہنگامی پریس کانفرنس طلب کرلیا ہے جس میں بدامنی کے خلاف ملکر مشترکہ لائحہ عمل کا اعلان کیا جائے گا گزشتہ روز لوئر کرم مخی زئی کے قریب گاڑی پر فائرنگ میں زاہد حسین اپنی ایک بیٹی سمیت جاں بحق ہوگئے تھے جبکہ اس کی ایک بیٹی زخمی ہوگئی اس سے قبل مہورہ احمد خان کلی میں گاڑی پر فائرنگ سے چھ افراد جاں بحق ہوگئے تھے
بد امنی کے ان واقعات کے باعث شہریوں کو مختلف قسم مسائل کا سامنا ہے
عمائیدین نے گزشتہ ایک سائل سے مین شاہراہ کی امدورفت کے لئے بندش سے لوگ قسما قسم مسائل سے دوچار ہیں اور لوگ متبادل راستوں کو استعمال کرنے پر مجبور ہیں جبکہ فائرنگ کے حالیہ واقعات کے بعد ضلع کرم کی لاکھوں آبادی ایک بار پھر علاقے میں محصور ہوگئی ہے

04/09/2025

*ڈی پی او کرم کی قیادت میں سیکیورٹی فورسز کی بڑی کارروائی، لوئر کرم مہورہ میں سرچ اینڈ سٹرائیک آپریشن، 30 مشتبہ افراد گرفتار، ناخوشگوار واقعے کے مرکزی ملزم کا گھر مسمار*

تفصیلات کے مطابق ضلع کرم میں گزشتہ روز پیش آنے والے ناخوشگوار واقعے میں ملوث مرکزی ملزم کی گرفتاری کے لیے کرم پولیس اور دیگر سیکیورٹی فورسز کی سر توڑ کوششیں جاری ہیں

ڈی پی او کرم ملک حبیب خان کی سربراہی میں کرم پولیس کی بھاری نفری نے پاک فوج، کرم ملیشیا اور لیڈی پولیس کے ہمراہ لوئر کرم کے گاؤں مہورہ میں مرکزی ملزم کی گرفتاری کے لیے ان کے گھر پر چھاپہ مار کاروائی کے دوران گاؤں مہورہ میں بڑے پیمانے پر سرچ اینڈ سٹرائیک آپریشن کا انعقاد کرتے ہوئے درجنوں گھروں کی تلاشی لی گئی

کرم پولیس اور دیگر سیکیورٹی فورسز کو مرکزی ملزم کی گرفتاری کے لیے انجمن حسینیہ اور علاقائی عمائدین کی بھرپور حمایت حاصل تھی

ملزم کی گرفتاری کے لیے سینکڑوں سیکیورٹی اہلکاروں نے حصہ لیا۔ سیکیورٹی اہلکار جدید ہتھیاروں، ڈرون کیمروں اور اے پی سی گاڑیوں سے لیس تھے جبکہ گاؤں کی فضائی نگرانی کے لیے گن شپ ہیلی کاپٹر بھی استعمال کیا گیا

کرم پولیس اور دیگر سیکیورٹی فورسز نے چھاپہ مار کارروائی کے دوران گھر کی مکمل تلاشی لی، تاہم ملزم کی عدم موجودگی پر ان کے خلاف قانونی کارروائی مزید سخت کر دی گئی

پولیس اور سیکیورٹی فورسز نے حالیہ چند ماہ قبل ہونے والے کوہاٹ امن معاہدے کے تحت مرکزی ملزم کے گھر کو مسمار کرکے بارودی مواد سے اڑا دیا جبکہ سرچ اینڈ سٹرائیک آپریشن اور مختلف کاروائیوں کے دوران 30 مشتبہ افراد کو گرفتار کرلیا گیا

اس موقع پر ڈی پی او کرم ملک حبیب خان نے کہا کہ قانون ہاتھ میں لینے اور امن کو نقصان پہنچانے والوں کے ساتھ آہنی ہاتھوں سے نمٹا جائے گا اور کوہاٹ معاہدے کے تحت سخت قانونی کارروائی عمل میں لائی جائے گی

انہوں نے کہا کہ کرم میں امن قائم رکھنے کے لیے علاقائی مشران اور سیکیورٹی فورسز ایک پیج پر ہیں اور بہت جلد گزشتہ روز کے واقعے میں ملوث مرکزی ملزم کو بھی گرفتار کرلیا جائے گا۔