24/07/2026
پاکستانی حکومت کی جانب سے 10٪ ٹیکس کا فیصلہ میرے نزدیک آن لائن کریئیٹرز کے لیے ایک انتہائی غیر منصفانہ قدم ہے۔
میرا ماننا ہے کہ جن لوگوں نے یہ پالیسی بنائی ہے، شاید انہیں اس بات کا اندازہ ہی نہیں کہ پاکستان میں سوشل میڈیا سے پیسے کمانا کتنا مشکل ہے۔
ایک طرف پاکستانی آڈینس کا RPM اور ارننگ ریٹ دیکھیں، جو پہلے ہی نہ ہونے کے برابر ہے۔ بعض اوقات ایک لاکھ سے زیادہ ویوز آنے کے باوجود بمشکل 1 ڈالر بنتے ہیں۔
دوسری طرف یہ قانون کہ چاہے آپ امیر ہوں یا غریب، ہر صورت ٹیکس دو۔
اگر کوئی نوجوان تین، چار یا پانچ مہینے مسلسل محنت کرکے صرف 100 ڈالر مکمل کرتا ہے تو اس سے بھی ٹیکس کاٹ لیا جاتا ہے۔
اور مسئلہ صرف یہیں ختم نہیں ہوتا۔
جن لوگوں کے اکاؤنٹس HBL، بینک آف خیبر، میزان بینک، بینک الفلاح، الائیڈ بینک،اسلامک بینک اور بعض دوسرے بینکوں میں ہیں، ان کی پیمنٹ سے پہلے ہی 20 سے 35 ڈالر تک بینک چارجز کٹ سکتے ہیں۔ اس کے بعد مزید ٹیکس بھی کٹ جاتا ہے۔ یعنی کئی لوگوں کے ہاتھ میں آخرکار صرف 50 سے 55 ڈالر ہی بچتے ہیں۔
کیا یہی انصاف ہے؟
اگر ٹیکس لینا ضروری ہے تو کم از کم ایسا نظام بنائیں جس میں آمدنی کے مطابق شرح ہو۔ جو لوگ ہر ماہ اچھی آمدنی حاصل کرتے ہیں، ان کے لیے الگ پالیسی بنائیں، لیکن جو نوجوان مہینوں کی محنت کے بعد صرف 100 ڈالر تک پہنچتے ہیں، ان پر بھی وہی بوجھ ڈال دینا انصاف نہیں۔
ایک ضروری بات یہ بھی ہے کہ اگر آپ فائلر ہیں تو عام طور پر 5٪ ٹیکس کٹتا ہے، جبکہ نان فائلر ہونے کی صورت میں 10٪ کٹوتی ہو سکتی ہے۔ اس لیے اگر آپ آن لائن ارننگ کرتے ہیں تو کوشش کریں کہ خود کو فائلر بنوائیں۔
اگر آپ بھی سمجھتے ہیں کہ کم آمدنی والے آن لائن کریئیٹرز کے لیے ٹیکس پالیسی پر نظرثانی ہونی چاہیے تو اس پوسٹ کو زیادہ سے زیادہ شیئر کریں، تاکہ متعلقہ اداروں تک یہ آواز پہنچ سکے۔ شاید وہ زمینی حقائق کو دیکھتے ہوئے اس پر دوبارہ غور کریں۔
