Najeeb Ullah

28/05/2025

اپر چترال: نوجوان کی بیک وقت دو شادیوں کا انوکھا واقعہ

چترال (تورکھو) — اپر چترال کی تحصیل تورکہو کے گاؤں سور ریچ میں ایک نوجوان کی بیک وقت دو شادیوں کا غیر معمولی واقعہ پیش آیا، جس نے مقامی سطح پر خاصی توجہ حاصل کر لی ہے۔

ذرائع کے مطابق نوجوان نے ایک لڑکی کو شادی کی غرض سے اپنے گھر بلایا، تاہم اسی دوران ایک اور لڑکی بھی پہنچ گئی، جو اس کے ساتھ ازدواجی تعلق کے وعدوں کی بنیاد پر پہلے سے رابطے میں تھی۔ دونوں لڑکیوں نے مؤقف اختیار کیا کہ وہ رضا مندی سے اس نوجوان کے ساتھ شادی کے لیے آئی ہیں اور واپس نہیں جانا چاہتیں۔

صورتحال کے پیشِ نظر گاؤں کے عمائدین نے مداخلت کرتے ہوئے مقامی عالم دین مولانا فیض الرحمن کو مدعو کیا۔ دونوں لڑکیوں کی رضامندی سے علیحدہ علیحدہ نکاح پڑھائے گئے اور مہر کی رقم 9،9 لاکھ روپے مقرر کی گئی۔

واقعے کے بعد مقامی حلقوں میں اس پر ملا جلا ردعمل سامنے آ رہا ہے، جبکہ سوشل میڈیا پر بھی اس انوکھے واقعے پر تبصرے جاری ہیں۔

28/05/2025

اک نیا حادثہ؛ جما ہوا خون، سڑی نعشیں :😭😭😭

حادثے یہاں روز کے معمول ہیں۔ شاہرائے قراقرم و شاہرائے بلتستان کو ہمیشہ انسانی خون کی پیاس ہوتی ہے۔ آئے روز کئی کئی جانیں اس خونی تشنگی کو بجھاتی رہتی ہیں۔ ایسے ہم نے سینکڑوں حادثات دیکھے ہیں۔ اب تو یہ ہمارے لئے ایک معمول کی سی بات بن چکی ہے جیسے دن کا رات میں ڈھلنا اور رات کی پھر سے ایک صبح ہوجانا ۔۔۔

مگر کبھی اچانک کوئی نہ کوئی ایسا حادثہ رونما ہو جاتا ہے جو اس معمول کو پریشان کر دیتا ہے۔ دل دہلا دیتا ہے اور روح افسردہ کرتا ہے۔ پنجاب کے شہر گجرات کے یہ چار دوست، خوبصوت چہرے، مردانہ وجاہت سے بھرپور جسم اور خوشحال گھرانوں کے چشم و چراغ اپنی روشنیوں بھرے شہر سے کہیں دور بہت ہی دور سنگلاخ پہاڑوں میں عجب خاموش موت مر گئے۔ یہ لوگ پاکستان سے کہیں باہر ممالک میں روزگار کرتے تھے۔ چھٹیوں پر وطن واپس آئے، شمالی علاقہ جات کا ٹور پلان کیا اور 12 مئی کی ایک صبح اپنے شہر سے نکلے ۔۔۔

دور دراز کے اس سفر میں باہم دلچسپ باتیں کرتے، گھنٹوں گھنٹوں کی خوش گپیاں، پہروں پہروں کی نیند سوتے اور قدرت کے عجب مظاہر دیکھتے گلگت شہر پہنچے۔ اگلے دنوں میں وہاں سے غذر اور ہنزہ نگر کی حسین وادیوں، پرکشش پہاڑوں، گہری جھیلوں اور رنگین دشتوں کی سیر کرتے چوتھے دن مورخہ 16 مئی کی صبح گلگت سٹی سے سکردو کی طرف نکلے اور اچانک لاپتہ ہوگئے ۔۔۔

گلگت سے سکردو کی شاہراہ کو بلتستان شاہراہ کہتے ہیں۔ کالی سانپ جیسی پتلی سڑک ہے جو دیو قد پہاڑوں سے لپٹی ہوئی ہے۔ اس سانپ کے کئی بل ہیں۔ کہیں نشیب کی طرف اور کہیں بلندیوں کو اٹھتی اس کی کئی مسافتیں ہیں۔ اس کی لمبائی سمٹتی ہی نہیں ہے، جتنا چلو اتنا ہی بڑھتی ہے۔ اسے شیطان کی آنت سمجھ لیں جسے ناپا ہی نہیں جاسکتا۔ بمقام آستک نالہ جہاں اس سانپ نے شائد کروٹ بدلی ہوگی اور اس کے وجود پر چلتی ایک گاڑی نے اپنا توازن بگاڑ دیا ہوگا۔ بس لمحوں کا یہ ڈگمگاو جو دوبارہ سنبھالا نہ گیا اور نیچے منہ کھولے اندھی کھائی نے ایک ہی سانس میں چاروں وجود کو گاڑی سمیت نگل لیا ۔۔۔

تین دوست اندر گاڑی ہی میں پچک کر رہ گئے اور چوتھا جو خدا جانے کیسے گاڑی سے باہر نکل آیا، ٹوٹے بازو کو سینے سے لگائے چکراتا کچھ قدم چلا اور ایک کرسی نما پتھر پہ ٹیک لگائے ڈھے سا گیا۔ خون کے فوارے، ہڈیوں کی شکستگی، درد کی شدید ٹھیسیں اور موت کے وہم میں اس نے آس پاس، اوپر نیچے کچھ ٹٹولا ہوگا۔ کوئی بچاؤ کی تدبیر، زندہ رہنے کی سبیل ڈھونڈی ہوگی۔ امید کی کوئی کرن تلاش کی ہو مگر بے سود ۔۔۔

نجانے کتنی دیر تلک وہ یونہی کراہتا بیٹھا رہا ہوگا۔ مسلسل خامشی، خوفناک سناٹے اور ایک مستقل ویرانی کا ماحول پا کر بالآخر کہیں پاس کے بھاری چٹان کے آوٹ سے موت کی بلا نمودار ہوئی ہوگی اور دھیرے چال مگر بھاری چاپ کے ساتھ آکر اس کے وجود پر پھیل بیٹھی ہوگی۔ پھر موت کی اپنی سیاہ چادر سے باقی ان ساروں کو بھی ڈھانک لیا ہوگا ۔۔۔

تبھی سات دن ۔۔۔ مسلسل سات دن یونہی اوجھل گزرے۔ کسی کو کانوں کان خبر نہ ہوسکی۔ نعشیں گل سڑنے پر چیل گِدھوں نے بو باس سونگھ لی اور یوں غول در غول منڈلاتے ان چیل کوؤں کو دیکھ کر تلاشنے والوں نے سراغ پا لیا اور آج ریسکیو کرکے نعشوں کو گاڑی سمیت کھائی سے باہر نکال لائے ہیں ۔۔۔

یہ چار دوست جنہوں نے باہم چار دن اور چار راتوں کی گفتگو کی، دنیا بھر کے موضوعات زیر بحث لائے، ہنسی مذاق کیا، عشق وشق کی باتیں کیں، گھر بار، روزگار، سیاست پر بحثیں کیں۔ فلم، سیاحت اور موسیقی سے لطف اٹھایا مگر، پھر اچانک ایک موڑ مڑتے ہی سبھی کچھ فنا ہوگیا، ذرا دیر کی بھونچال سے گزر کر ایک مستقل ٹھہراؤ پڑگیا اور سات دن، سات راتوں کی طویل خاموشی چھا گئی۔ پھر کوئی کچھ نہ بولا، سارے موضوعات ختم، سب باتیں تمام اور سارے نظارے محو ہوگئے۔ کتنے پاس پاس پڑے رہے مگر ایک دوسرے سے کتنے دور چلے ۔۔۔

اسی لئے یہ حادثہ نیا ہے۔ یہ ہمارے لئے معمول کی بات نہیں ہے۔ اس میں بہت کچھ نیا ہے، زندہ جاگتے، بھلے بولتے، نرم سنتے، سبھی کچھ دیکھتے یکایک سب کچھ تھم جاتا ہے، اندھیرا چھا جاتا ہے۔ سبھی کچھ مٹ جاتا ہے۔ نہ روشنی، نہ منزل، نہ کوئی بات، نہ حس، نہ حرکت، کچھ باقی ہی نہیں بچتا ۔۔۔

پاس ہی بے نیاز بہتا دریا، اس پار خشک ریتلا صحرا، کچھ سوکھے تڑخے چٹان، ان پر جما ہوا خون اور سڑی نعشیں باقی ہیں بس ۔۔۔ !

02/05/2025

Important computer Notes

23/03/2025

One of the most beautiful piece of land "Qaqlasht Chitral"

18/03/2025

Society is the best University || Most inspirational video by Jack Ma ||

04/02/2025

کمپیوٹر کے بارے میں ون لائنرز جنرل نالج
پی پی ایس سی اور باقی ون پیپر امتحانات میں پوچھے جانے والے نھایت اھم ون لائنرز
GK Session starting Today

اس سیشن سے تیاری کے بعد آپ جنرل نالج کے پیپر میں 70 مارکس لے سکتے ہیں۔

04/02/2025

Elementary and secondary education KPK jobs

04/02/2025

Provincial Management Services Last Date: 20/02/025

18/02/2024