Hard Talk News

Hard Talk News its a news page local .national and international
for good well and helping people to get precious informations

ڈیرہ اسماعیل خان - ڈپٹی کمشنر ڈیرہ کی ہدایات پر اسسٹنٹ کمشنر ڈیرہ سید محمد ارسلان کا بائی پاس روڈ پر پٹرول پمپس اور ڈیز...
21/10/2025

ڈیرہ اسماعیل خان - ڈپٹی کمشنر ڈیرہ کی ہدایات پر اسسٹنٹ کمشنر ڈیرہ سید محمد ارسلان کا بائی پاس روڈ پر پٹرول پمپس اور ڈیزل ایجنسیز کے خلاف کریک ڈائون، خلاف ورزی پر 3فیول اسٹیشنز موقع پر سیل اور ساتھ ہی اسلامیہ چوک پر 2نان بائیوں کیخلاف کاروائیڈپٹی کمشنر ڈیرہ عبدالناصر خان کی ہدایات پر اسسٹنٹ کمشنر ڈیرہ سید محمد ارسلان نے تحصیلدار ڈیرہ عمر فاروق کے ہمراہ بائی پاس چوک اور اسلامیہ چوک کا دورہ کیا۔ بائی پاس چوک پر واقع پٹرول پمپس اور ڈیزل ایجنسیز کا تفصیلی معائنہ کیا گیا، جہاں اوگرا نرخوں کی خلاف ورزی، پیمانے میں کمی، فارم "کے" کی عدم دستیابی اور آگ بجھانے والے آلات کی کمی پائی گئی۔ خلاف ورزیوں پر 3 فلنگ اسٹیشنز کو موقع پر سیل کر دیا گیا، جن کے خلاف متعلقہ قوانین کے تحت کارروائی عمل میں لائی جائے گی۔اسی طرح اسلامیہ چوک پر نان بائیوں کے معائنہ کے دوران کم وزن روٹی، سرکاری نرخ نامے کی عدم دستیابی اور صفائی کی ناقص صورتحال پر قانونی کاروائی عمل میں لائی جارہی ہے۔

ڈیرہ اسماعیل خان - محکمہ ابتدائی و ثانوی تعلیم خیبر پختونخوا نے ڈاکٹر موسی کلیم دوتانی کو سبجیکٹ اسپیشلسٹ (اردو)کے عہدے...
21/10/2025

ڈیرہ اسماعیل خان - محکمہ ابتدائی و ثانوی تعلیم خیبر پختونخوا نے ڈاکٹر موسی کلیم دوتانی کو سبجیکٹ اسپیشلسٹ (اردو)کے عہدے سے ترقی دے کر پرنسپل (BPS-18) کے عہدے پر تعینات کر دیا ہے۔ ڈاکٹر موسی کلیم دوتانی اب گورنمنٹ ہائر سیکنڈری اسکول کڑی شموزئی، ضلع ڈیرہ اسماعیل خان میں اپنی نئی ذمہ داریاں سنبھالیں گے۔ڈاکٹر موسی کلیم دوتانی کی تعلیمی، ادبی اور سماجی خدمات کسی تعارف کی محتاج نہیں۔ وہ طویل عرصے سے محکمہ تعلیم خیبر پختونخوا میں اپنی انتھک خدمات انجام دے رہے ہیں۔ آپ نے ایم-اے سیاسیات، ایم-ایس-سی فزکس اور پی ایچ ڈی اردو ادب کی ڈگری حاصل کر رکھی ہے اور متعدد علمی و تحقیقی کتب کے مصنف ہیں۔ اس کے علاوہ آپ اردو، پشتو اور سرائیکی زبانوں میں معروف شاعر کے طور پر بھی پہچانے جاتے ہیں۔ڈاکٹر موسی کلیم دوتانی کی یہ ترقی نہ صرف ان کی محنت، قابلیت اور لگن کا اعتراف ہے بلکہ پوری دوتانی قوم خصوصا ڈیرہ اسماعیل خان میں مقیم دوتانی قبیلے کے لیے باعثِ فخر و مسرت ہے۔اعزاز محمود دوتانی اور ان کے خاندان کی جانب سے ڈاکٹر موسی کلیم دوتانی کو پرنسپل کے عہدے پر ترقی پانے پر دلی مبارکباد اور نیک تمناں کا اظہار کیا گیا ہے۔

ڈیرہ اسماعیل - کسٹم حکام نے ڈیرہ اسماعیل خان میں مجموعی طور پر 1.03 بلین روپے مالیت کی ضبط شدہ ممنوعہ اور غیرقانونی اشی...
21/10/2025

ڈیرہ اسماعیل - کسٹم حکام نے ڈیرہ اسماعیل خان میں مجموعی طور پر 1.03 بلین روپے مالیت کی ضبط شدہ ممنوعہ اور غیرقانونی اشیا کو تلف کردیا ، یہ اشیا محکمہ کسٹم کی ڈپٹی کلیکٹر عائشہ بشیر وانی کی نگرانی میں تلف کی گئی ، اس موقع پر دی گئی بریفنگ میں بتایا گیا کہ 307 ڈسٹرکشن ایریاز (DAs) میں موجود اشیا تلف کی گئی ہیں۔ ضبط شدہ سامان میں بڑی مقدار میں چھالیہ، سگریٹ، چائنا سالٹ اور دیگر ممنوعہ اشیا شامل تھیں ، ڈپٹی کلیکٹر عائشہ بشیر وانی کی بریفنگ کے مطابق تلف کی گئی چھالیہ کا کل وزن 2 لاکھ 83 ہزار 191 کلوگرام ،سگریٹ کی مجموعی تعداد 2 لاکھ 3 ہزار 100 سلیوز، چائنا سالٹ کا وزن 95 ہزار 975 کلوگرام تھا ،بھارت سے درآمد شدہ ادویات، گٹکا، نسوار اور دیگر متفرق اشیا کی مجموعی مالیت 339.82 ملین روپے ہے۔تلف کی گئی تمام اشیا کی مجموعی مالیت تقریبا 1.03 بلین ہے۔انہوں نے کہا کہ ان کارروائیوں میں مختلف انفورسمنٹ اداروں کا بھرپور تعاون حاصل رہا،جبکہ گزشتہ تین سالوں کے دوران ضبط شدہ سامان کو ضابطے کے مطابق تلف کیا گیا ہے۔کسٹمز حکام کے مطابق یہ اقدام غیر قانونی تجارت اور اسمگلنگ کے خلاف جاری مہم کا حصہ ہے جس کا مقصد ملکی معیشت کو نقصان سے بچانا اور غیر قانونی کاروبار کی حوصلہ شکنی کرنا ہے۔

21/10/2025

لکی مروت - بریگیڈ کمانڈر 55 بریگیڈ بریگیڈیئر حیدر علی اور ڈسٹرکٹ پولیس آفیسر لکی مروت نذیر خان (PSP) کا نورنگ بازار، تھانہ نورنگ اور مختلف پولیس چوکیات کا اچانک دورہ دورے کے دوران بریگیڈیئر حیدر علی اور ڈی پی او نذیر خان نے بازار میں عوام الناس، ریڑی بانوں، دکانداروں اور مقامی عمائدین سے ملاقات کی، ان کے مسائل سنے اور ان کے حل کی یقین دہانی کرائی۔ عوام اور دکانداروں نے فورسز اور پولیس کی عوامی رابطہ مہم کو سراہتے ہوئے کہا کہ اس اقدام سے عوام کا اعتماد مزید مضبوط ہو رہا ہے۔بعد ازاں دونوں افسران نے تھانہ نورنگ میں پولیس فورس کے ساتھ ایک خصوصی میٹنگ کا انعقاد کیا، جس میں امن و امان کی مجموعی صورتحال، علاقائی سیکیورٹی، انٹیلی جنس شیئرنگ اور کوآرڈینیشن کے امور پر تفصیلی تبادلہ خیال کیا گیا۔بریگیڈیئر حیدر علی اور ڈی پی او نذیر خان نے پولیس افسران و جوانوں کی کارکردگی کو سراہا اور نمایاں کارکردگی دکھانے والے اہلکاروں کو انعامات سے نوازا۔اس موقع پر بریگیڈیئر حیدر علی،ڈی پی او لکی مروت نذیر خان نے کہا کہ عوام،پولیس اور سیکیورٹی فورسز ایک ہیں، ہماری کامیابی عوام کے بھرپور تعاون سے ہی ممکن ہے۔انہوں نے مزید کہا کہ علاقے میں امن و استحکام کے لیے عوام اور فورسز کا باہمی اعتماد اور رابطہ نہایت ضروری ہے۔پاک فوج ،پولیس ہمہ وقت عوام کی خدمت اور امن کے قیام کے لیے سرگرم عمل ہے۔ دیرپا امن کے لیے عوامی تعاون بنیادی ستون کی حیثیت رکھتا ہے۔

جمرود پریس کلب میں تین روزہ انڈور گیمز کا افتتاح تفصیلات کے مطابق محکمہ کھیل خیبر کے تعاون سے جمرود پریس کلب میں تین روز...
21/10/2025

جمرود پریس کلب میں تین روزہ انڈور گیمز کا افتتاح
تفصیلات کے مطابق محکمہ کھیل خیبر کے تعاون سے جمرود پریس کلب میں تین روزہ انڈور گیمز کا باقاعدہ افتتاح کردیا گیا۔ افتتاحی تقریب کے مہمانِ خصوصی ڈسٹرکٹ سپورٹس آفیسر محمد حسین اورگزئی تھے جنہوں نے فیتہ کاٹ کر ایونٹ کا آغاز کیا۔اس موقع پر صدر جمرود پریس کلب ساجد علی کوکی خیل، جنرل سیکرٹری محمد اکبر آفریدی سمیت دیگر صحافی اراکین بڑی تعداد میں شریک ہوئے۔انڈور گیمز میں ٹیبل ٹینس، کیرم بورڈ، لڈو، گوتئے اور بیڈ منٹن سمیت مختلف دلچسپ کھیل شامل ہیں جن میں پریس کلب کے صحافی حصہ لے رہے ہیں۔افتتاحی تقریب سے خطاب کرتے ہوئے ڈی ایس او خیبر محمد حسین اورگزئی نے کہا کہ ضلع خیبر کے صحافی اپنی قومی و علاقائی ذمہ داریاں نہایت جانفشانی سے ادا کر رہے ہیں، اس لیے ان کے لیے تفریحی و صحت افزا سرگرمیوں کا انعقاد خوش آئند ہے۔ انہوں نے کہا کہ “صحت مند جسم ہی ایک فعال ذہن پیدا کرتا ہے، اور صحافی برادری کے لیے کھیل کود نہایت ضروری ہے تاکہ وہ جسمانی و ذہنی طور پر تروتازہ رہیں۔”محمد حسین اورکزئی نے مزید بتایا کہ وزیراعلیٰ خیبرپختونخوا محمد سہیل آفریدی کی خصوصی ہدایات کی روشنی میں محکمہ کھیل خیبر پورے ضلع میں کھیلوں کے فروغ اور نوجوانوں کو مثبت سرگرمیوں کی طرف راغب کرنے کے لیے مختلف اقدامات کر رہا ہے۔آخر میں صدر جمرود پریس کلب ساجد علی کوکی خیل نے محکمہ کھیل خیبر اور ڈسٹرکٹ سپورٹس آفیسر محمد حسین اورکزئی کا شکریہ ادا کرتے ہوئے کہا کہ “صحافیوں کے لیے یہ انڈور سپورٹس ایونٹ نہ صرف تفریح کا ذریعہ ہے بلکہ باہمی اتحاد و ہم آہنگی کو فروغ دینے میں بھی مددگار ثابت ہوگا۔”
تقریب خوشگوار ماحول میں اختتام پذیر ہوئی جبکہ گیمز تین دن تک جاری رہیں گے جن میں جیتنے والے کھلاڑیوں کو انعامات بھی دیے جائیں گے۔

سوات ڈی ایس پی سرکل بریکوٹ شہنشاہ خان اور انسپکٹر غنی رحمان کی سماج دشمن عناصر کے خلاف کاروائیاں ، کارکردگی رپورٹ جاری ...
21/10/2025

سوات
ڈی ایس پی سرکل بریکوٹ شہنشاہ خان اور انسپکٹر غنی رحمان کی سماج دشمن عناصر کے خلاف کاروائیاں ، کارکردگی رپورٹ جاری منشیات فروشوں، جرائم پیشہ عناصر اور غیر قانونی اسلحہ رکھنے والوں کے خلاف گھیرا تنگ، لاکھوں روپے جرمانے، درجنوں گرفتاریاں بریکوٹ پریس کلب کے صحافیوں سے ڈی ایس پی سرکل بریکوٹ شہنشاہ خان نے تھانہ غالیگے کے دائرہ اختیار میں ہونے والی کارروائیوں کی تفصیلی کارکردگی رپورٹ پیش کی۔ اس موقع پر ایس ایچ او تھانہ غالیگے انسپکٹر غنی رحمان بھی موجود تھے۔ڈی ایس پی شہنشاہ خان نے بتایا کہ ریجنل پولیس آفیسر ملاکنڈ شیر اکبر اور ڈی پی او سوات محمد عمر خان کے ویژن منشیات اور جرائم سے پاک معاشرہ کے تحت پولیس نے مؤثر سرچ اینڈ سٹرائیک آپریشنز کے ذریعے سماج دشمن عناصر کے خلاف بھرپور کارروائیاں کیں۔ منشیات فروشوں کے خلاف بڑی کارروائیاں کی پولیس نے مختلف آپریشنز کے دوران درجنوں منشیات فروش گرفتار کیے، جن کے قبضے سے 10,020 گرام چرس،46 گرام ہیروئن،215 گرام آئس ،42 لیٹر شراب
برآمد کی گئی غیر قانونی اسلحہ کے خلاف کارروائی پولیس نے غیر قانونی اسلحہ رکھنے والوں کے خلاف کریک ڈاؤن کرتے ہوئے1 عدد ایس ایم جی
78 عدد پستول ،6 عدد بندوق،939 کارتوس برآمد کر لیے۔ کرایہ داران ایکٹ کی خلاف ورزی پر کارروائی پولیس نے 29 کرایہ داران کے خلاف کاروائی کی جبکہ جنگلات کو تباہ کرنے والے سمگلروں سے 140 سلیپر مالکان کے خلاف کارروائی کرتے ہوئے مجموعی طور پر 14 لاکھ 20 ہزار روپے جرمانہ عائد کیا، جبکہ کئی کو سزا بھی دی گئی۔ڈی ایس پی بریکوٹ شہنشاہ خان نے واضح کیا کہ پولیس کی یہ کارروائیاں حکومتی احکامات اور اعلیٰ افسران کی ہدایات کے عین مطابق ہیں۔انہوں نے کہامنشیات فروشوں اور سماج دشمن عناصر کے خلاف ہماری جنگ جاری ہے۔ ہمارا عزم ہے کہ ہم اپنی آنے والی نسلوں کو منشیات سے پاک معاشرہ فراہم کریں گے۔ عوام کے جان و مال کا تحفظ پولیس کی اولین ذمہ داری ہے، اور جرائم پیشہ افراد کے لیے کسی رعایت کی کوئی گنجائش نہیں ڈی ایس پی شہنشاہ خان اور ایس ایچ او غنی رحمان نے بریکوٹ پریس کلب کے صحافیوں صدر خلیل الرحمٰن باچہ، ریاض احمد، بخت روان خان، واجد خان اور ظاہرشاہ کمال کا خصوصی شکریہ ادا کرتے ہوئے کہا کہ میڈیا اور پولیس ایک جان دو قالب ہیں۔ میڈیا کے تعاون سے ہم سماج دشمن عناصر کے خلاف بھرپور اور فیصلہ کن کارروائیاں کریں گے

21/10/2025

لکی مروت - یونیورسٹی آف لکی مروت میں ڈسٹرکٹ انتظامیہ اور ڈسٹرکٹ یوتھ آفس لکی مروت کے زیرِ اہتمام آج ایک ماہ ای کامرس اور ڈیجیٹل اسکلز پروگرام کا باقاعدہ افتتاح ہوا۔ اس تقریب کے مہمانِ خصوصی ڈپٹی کمشنر لکی مروت جناب حمیداللہ خان تھے۔ضلعی انتظامیہ لکی مروت کے ڈپٹی کمشنر نے پروگرام کا افتتاح کیا۔افتتاحی تقریب میں ڈی پی او لکی مروت، وائس چانسلر یونیورسٹی آف لکی مروت، اور اے سی ہیڈکوارٹر جناب سہیل احمد شاہ سمیت طلبہ اور نوجوانوں نے بڑی تعداد میں شرکت کی۔اس موقع پر ڈپٹی کمشنر حمیداللہ خان نے ڈسٹرکٹ یوتھ آفیسر کا شکریہ ادا کرتے ہوئے کہا کہ نوجوانوں کو جدید ٹیکنالوجی اور آن لائن بزنس جیسے شعبوں میں تربیت دینا وقت کی اہم ضرورت ہے۔ اُنہوں نے اس عزم کا اظہار کیا کہ ضلعی انتظامیہ مستقبل میں بھی ایسے مزید آئی ٹی اور اسکلز ڈویلپمنٹ پروگرامز کا انعقاد یقینی بنائے گی تاکہ نوجوانوں کو روزگار کے مواقع میسر آسکیں۔ڈسٹرکٹ یوتھ آفیسر نے بتایا کہ اس پروگرام کے تحت شرکاء کو ای کامرس، ڈیجیٹل مارکیٹنگ، سوشل میڈیا ہینڈلنگ، اور آن لائن سیلنگ کے بنیادی و عملی طریقے سکھائے جائیں گے تاکہ وہ خود روزگار کے قابل بن سکیں۔ ایسے اقدامات نوجوانوں کے لیے مستقبل کے مواقع بڑھانے، ڈیجیٹل دنیا میں مہارت حاصل کرنے اور اقتصادی خود انحصاری کو فروغ دینے کے لیے انتہائی اہم ہیں۔

21/10/2025

لکی مروت
خیبرپختونخوا حکومت کے گڈ گورننس روڈ میپ کے تحت ضلع لکی مروت میں ایک رنگا رنگ تقریب میں ڈسٹرکٹ سکولز سپورٹس ٹورنامنٹ فیسٹیول کا آغاز ہوگیا۔ گورنمنٹ ہائی سکول نمبر ایک لکی مروت میں منعقدہ شاندارتقریب میں ڈپٹی کمشنر حمید اللہ خان اور ایم پی اے جوہر محمد خان کے بھائی اور مروت قبیلے کے مشر لیاقت علی خان نےکھیلوں کے سالانہ مقابلوں کا افتتاح کیا۔اس موقع پر ڈسٹرکٹ پولیس آفیسر نذیر خان، ڈی ای او لیاقت علی اور اسسٹنٹ کمشنر محمد سہیل بخاری سمیت ڈپٹی ڈی ای او محمد رحمان شاہ، اے ڈی ای او سپورٹس ڈاکٹر احسان اللہ، ٹورنامنٹ جنرل سیکرٹری ہیڈماسٹر شفیع اللہ خان، ڈپٹی جنرل سیکرٹری نعمت اللہ خان بھی موجود تھے۔طلبہ کھلاڑیوں کے سکواڈ نے تالیوں کی گونج میں مارچ پاسٹ کیا اور سٹیج کے سامنے سے گزرتے ہوئے سلامی پیش کی۔انہوں نے ملی نغمے اور ترانے گائے، پی ٹی پلاٹون نے اپنی صلاحیتوں اور جسمانی کرتبوں کا مظاہرہ پیش کیا، والی بال میچ اور رسہ کشی کے دلچسپ مقابلوں نے تقریب کو چار چاند لگائے۔ڈپٹی کمشنر، ڈی پی او اور ڈی ای او نے کھیلوں کی اہمیت پر روشنی ڈالتے ہوئے کہا کہ صوبائی حکومت نے انٹر سکولز سپورٹس مقابلوں کے لئے خطیررقم فراہم کی ہے جس سے سالانہ ٹورنامنٹ کے کامیاب انعقاد اور طلبہ کھلاڑیوں کی فلاح و بہبود میں مدد ملے گی اس کے علاوہ سکولوں کی سطح پر ہم نصابی سرگرمیوں میں اپنی صلاحیتوں کے جوہر دکھانے والے طلبہ مستقبل میں کھیلوں کے میدان میں ملک و قوم کا نام روشن کریں گے۔

21/10/2025

شبقدر
عوام کو کم قیمت پر بہترین عمارت میں شادی بیاہ کی تقریبات لئے ہال فراہم کرنا ہمارا مشن ہے ۔ بااخلاق سٹاف کی زیرے نگرانی تمام مہمانوں کی خدمت اچھے طریقے سے کی جاتی ہے ان خیالات کا اظہار رونق عیسی شادی ہال ۔ دلازک روڈ پشاور کے ایم ڈی حضر حیات کاکڑ نے صحافیوں سے ملاقات کے دوران بتایا کہ مہنگائی کے دور میں پشاور سمیت دیگر اضلاع کے عوام کو کم قیمت پر معیاری سہولیات فراہم کی جاتی ہے خواتین کے لیے باپردہ انتظامات اور فیمیل سٹاف کی خدمات فراہم کی جاتی ہے اس طرح جدید سہولیات سے آراستہ صحن ۔ فرنیچر ۔ سٹیج اور جدید کراکری سے مہمانوں کو خدمات فراہم کی جاتی ہے

21/10/2025

لکی مروت - ڈپٹی کمشنر لکی مروت کا سڑک کے کناروں کی صفائی اور تعمیراتی نظم و ضبط کا معائنہ ڈپٹی کمشنر لکی مروت حمیداللہ خان نے آج لکی سٹی روڈ پر سڑک کے کناروں کی صفائی، ملبہ ہٹانے اور نکاسی آب کے نظام کی بہتری کے کاموں کا معائنہ کیا۔انہوں نے موقع پر موجود عملے کو ہدایت کی کہ سڑک کے دونوں اطراف سے مٹی، پتھر اور غیر ضروری رکاوٹوں کو فوری طور پر صاف کیا جائے تاکہ ٹریفک کی روانی متاثر نہ ہو اور شہریوں کو بہتر اور محفوظ ماحول فراہم کیا جا سکے۔ڈپٹی کمشنر نے مزید ہدایت کی کہ تمام اینٹوں کے بھٹوں کے مالکان اپنے بھٹے سڑک سے کم از کم 200 فٹ کے فاصلے پر منتقل کریں، تاکہ دھوئیں اور مٹی سے شہریوں اور راہگیروں کو پریشانی نہ ہو اور ماحولیاتی معیار برقرار رکھا جا سکے۔انہوں نے کہا کہ شہری صفائی، ماحولیاتی تحفظ اور عوامی سہولت ضلعی انتظامیہ کی اولین ترجیحات میں شامل ہیں، اور اس سلسلے میں تمام محکمے باہمی تعاون سے کام جاری رکھیں۔
ڈپٹی کمشنر نے ہدایت دی کہ صفائی مہم کو تسلسل کے ساتھ جاری رکھا جائے تاکہ لکی مروت ایک صاف، خوبصورت اور صحت مند شہر کے طور پر ابھرے۔

21/10/2025

باڑہ - ضلع خیبر تحصیل باڑہ شاہد آفریدی فاؤنڈیشن کے چیئرمین شاہد خان آفریدی باڑہ برقمبرخیل توت ڈھنڈہ کا دورہ پاکستان کرکٹ ٹیم کے سابق کپتان اور شاہد آفریدی فاؤنڈیشن کے چیئرمین شاہد خان آفریدی باڑہ برقمبرخیل توت ڈھنڈہ کا دورہ کیا۔تفصیلات کے مطابق شاہد آفریدی فاؤنڈیشن کے چیئرمین شاہد آفریدی نے تحصیل باڑہ کا علاقہ برقمبرخیل کا دورہ کیا۔ انھوں نے علاقائی مشران اور نوجوانوں سے ملاقات کی۔ اس موقع پر شرکاء سے خطاب کرتے ہوئے کہا کہ ضلع خیبر خاص باڑہ تحصیل کے عوام گزشتہ کئی سالوں سے بدامنی اور مختلف قسم مشکلات کا سامنا ھے۔ علاقے میں تعلیم، صحت اور پینے کا صاف پانی کا فقدان ھے۔ انھوں نے کہا کہ شاہد آفریدی فاؤنڈیشن عوام کے مختلف مسائل پر کام کرکے ساتھ ساتھ یتیم اور بے سہارا بچوں کو بھی توجہ دے رہے ہیں۔ اس موقع پر انھوں نے تقریباً 200 یتیم اور غریب سکول بچوں میں بوٹس اور بستے (بیگز) تقسیم کئے گئے۔ انھوں نے مزید کہا کہ یہ میری خوش قسمتی ہے کہ مجھے اللہ تعالی نے اس عظیم مقصد کے لئے کام کرنے کا موقع ملا ۔ اور اس کے بعد بھی آئندہ اس علاقے کے یتیم اور نادار بچوں کو ہرممکن تعاون جاری رکھوں گا

رستم - ڈی آر سی رستم میں دو نئے ممبران عتیق الرحمان خاکسار اور پروفیسر گوہر علی کو خوش آمدید کہنے کے حوالے سے ایک پروقا...
21/10/2025

رستم - ڈی آر سی رستم میں دو نئے ممبران عتیق الرحمان خاکسار اور پروفیسر گوہر علی کو خوش آمدید کہنے کے حوالے سے ایک پروقار تقریب کا انعقاد کیا گیا، جس میں ڈی ایس پی رستم سرکل عاشق حسین، ڈی آر سی چیئرمین سید نعیم باچہ ،سماجی شخصیت حاجی نواب علی، رستم پریس کلب کے جنرل سیکرٹری عزیر نعمانی اور دیگر نے شرکت کی، تقریب میں حاجی نواب علی نے نئے ممبران کو ہار پہنا کر مبارکباد پیش کردی۔ تقریب سے خطاب کرتے ہوئے ڈی ایس پی رستم سرکل عاشق حسین خان نے کہا کہ ڈی آر سی عوام کے تنازعات حل کرنے کیلئے بہترین پلیٹ فارم ہے جسکا فیصلہ فریقین کو قابل قبول ہوتا ہے ڈی آر سی میں کسی قسم کی طرف داری یا لالچ کی بنیاد پر کوئی فیصلہ نہیں ہوتا، انہوں نے کہا کہ اگر کسی فریق نے ڈی آر سی فیصلہ ماننے سے انکار کیا تو اسکے خلاف قانونی کارروائی عمل میں لائی جائے گی۔ انہوں نے کہا کہ منشیات فروشوں، سود انڈر پلے، ہوائی فائرنگ اور دیگر جرائم کی روک تھام کیلئے عوام پولیس کے ساتھ تعاون کریں اطلاع دینے والے کو صیغہ راز میں رکھا جائے گا۔ عاشق حسین خان، ڈی آر سی چیئرمین نعیم باچہ، حاجی نواب علی اور عزیر نعمانی نے نئے ممبران عتیق الرحمان خاکسار اور پروفیسر گوہر علی کو مبارکباد پیش کردی اور اس عزم کا اظہار کیا کہ وہ علاقہ سدھوم رستم اور مضافاتی علاقوں کے ہر قسم کے تنازعات میرٹ کی بنیاد پر حل کریں گے اور علاقے میں امن و آمان اور دیگر جرائم کی روک تھام میں اپنا کلیدی کردار ادا کریں گے۔۔

Address

State Life Building The Mall Road Peshawar Cantt
Peshawar
25000

Telephone

+923005989357

Website

Alerts

Be the first to know and let us send you an email when Hard Talk News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Hard Talk News:

Shortcuts

Share

Category