Information Hub

09/08/2026

08/08/2026

_`ہم ایسے زمانے میں جی رہے ہیں جہاں فتنے بہت بڑھ گئے ہیں، اچانک موتیں عام ہو گئی ہیں اور بیماریاں کثرت سے پھیل رہی ہیں۔ آج سنتے ہیں کہ فلاں شخص کینسر سے وفات پا گیا، کل خبر ملتی ہے کہ فلاں اللہ کو پیارا ہو گیا، اور کسی کو نہیں معلوم کہ اس کی اپنی باری کب آ جائے`_ 🥺🦋

_*اے لوگو! اپنی آخرت کی فکر کرو، دنیا کی محبت کو اپنے دلوں میں کم کرو، اور دنیا کے معاملات کو دنیا ہی تک محدود رکھو۔ اللہ کی قسم! انسان کے دنیا سے چلے جانے کے بعد اس کے لیے اس کے نیک اعمال کے سوا کوئی چیز فائدہ نہیں پہنچاتی۔*_

08/08/2026

*میٹرک کے بعد کیا کریں اور کیا نہ کریں؟*

👈آپ کے بیٹے بیٹی نے میٹرک کا امتحان دے دیا ہے۔کیا آپ نے اس کی کرئیر کونسلنگ کروائ ہے؟
👈کیا آپ اپنے بجٹ اور بچے کے رجحان کے مطابق اسے مطلوبہ کورس میں داخل کروا رہے ہیں؟
👈کیا آپ دوسروں کی دیکھا دیکھی ایف ایس سی تو نہیں کروا رہے ہیں۔؟

✅میٹرک کے بعد دو یا تین سالہ کورس/ڈپلومہ بچے کی زندگی میں انتہائ اہمیت کا حامل ہوتا ہے ۔والدین اور طلبا کی اکثریت اس سٹیپ کو عام طور پر نظر انداز کرتی ہے ۔جس کے نتائج ساری زندگی بھگتنے پڑتے ہیں۔
✅میٹرک کے بعد وہ بچے صرف ایف ایس سی کریں جو میٹرک میں 90 فی صد نمبر لیں گے یا جن کے والدین کے پاس ڈیڑھ کروڑ روپے کا بجٹ پرائیویٹ میڈیکل کروانے یا چائنہ یا روسی ریاستوں سے میڈیکل کروانے کا ہے ۔
اس کے علاوہ آپ کے پاس بے شمار آپشنز ہیں ۔
✅اگر آپ کے مالی حالات لمبی پڑھائ کی اجازت نہیں دیتے تو میٹرک سائنس کے بعد قریبا دس ڈپلومے ایسے ہیں جن کے دوران یا فورا بعد جاب مل جاتی ہے بشرطیکہ آپ نے دوران پڑھائ پریکٹس،پریکٹیکلز اور پارٹ ٹائم جاب کی ہو ۔
✅پیرا میڈیکل کے تمام ڈپلوموں کی اندرون بیرون ملک ڈیمانڈ ہے۔ڈینٹل ہائجینسٹ اس وقت بہت اچھا ڈپلومہ ہے اور تھوڑی سے محنت سے مہارت حاصل کی جا سکتی ہے ۔
✅تین سالہ ڈپلومہ بہر حال ایف ایس سی سے بہتر ہے ۔آپکے ہاتھ میں ہنر آ جاتا ہے۔لیکن ایک بات یاد رہے کہ رٹا لگا کر ڈپلومہ کرنے والے جاب کے لیے بہت خجل خوار ہوتے ہیں۔آپ ایسی غلطہ نہ کریں۔
آپ کو اچھی طرح کام آنا چاہیے آپ کی کمیونیکیشن بہت اچھی ہونی چاہیے آپ کو اپنے فیلڈ میں رونما ہونے والی تبدیلیوں کا پتہ ہو ۔انٹرویو سکلز آتی ہوں ۔اگر ملٹی نیشنل یا بیرون ملک جاب کے لیے اپلائ کرنا ہے تو سپوکن انگلش اچھی ہونی چاہیے۔
✅اگر آپ نے بائیالوجی کیساتھ میٹرک نہیں کیا اور نمبر بھی بہت اچھے نہیں لیے اور والدین کا بجٹ بھی 7 سالہ ڈگری کہ اجازت نہیں دیتا تو پریشان نہ ہوں۔الیکٹریکل/مکینکل /آٹو/سولر ٹیکنالوجی کا ڈپلومہ کرلیں۔اور ساتھ اچھی پریکٹس کریں۔ایک سال میں آپ اندرون بیرون ملک روزی کمانے کے قابل ہو جائیں گے۔
✅پلمبر بن جائیں ۔تین ماہ میں آپ تقریبا 80 فی صد کام سیکھ جائیں گے۔کسی استاد کیساتھ پوری جان لڑا کر تین ماہ کام کریں۔یوٹیوب سے Hacks دیکھیں کہ پلمبنگ میں کتنی آسانی سے کام کرتے ہیں۔ان سے سیکھیں ۔
✅دیسی شیف کی اندرون بیرون ملک بہت ڈیمانڈ ہے ۔اگر کینیڈا جانا ہے تو ایک یا دو سالہ ڈپلومہ کریں ۔مشق کریں۔دو سالہ تجربہ لیں ۔آئلٹس کریں اور کینیڈا چلے جائیں ۔آپ کو کم ازکم تین پاکستانی ڈشز پر بہت اچھی مہارت ہونی چاہیے۔ جتنی تعداد میں پاکستانیوں بیرون ملک جا رہے ہیں۔ریسٹورنٹس کی ڈیمانڈ بڑھ رہی ہے ۔لامحالہ شیفس/ککس کی ڈیمانڈ بڑھ رہی ہے۔
دیسی شیف بننے میں صرف 3 ماہ چاہیں۔یو ٹیوب سے ریپیسز ٹرائ کریں ۔کسی پکوان سنٹر کی تین ماہ مار کھائیں۔کسی ریسٹورنٹ میں اچھے استاد کی زیر نگرانی دو چار ماہ لگائیں اور خلیجی ممالک میں آ جائیں ۔
خلیجی ممالک میں شیف 4000 ہزار ریال سیلری ۔رہائش۔وائ فائ ۔میڈیکل۔ٹرانسپورٹ۔تین وقت کھانا ۔دو وقت چائے ۔بونس ۔سالانہ چھٹی دے رہے ہیں۔
ایک دو سال بیرون ملک کسی ریسٹورنٹ میں جاب کریں ۔تھوڑے پیسے اکٹھے کریں کسی لے ساتھ ملکر اپنا ریسٹورنٹ بنا لیں۔

منقول

05/08/2026

*میٹرک کے نتائج آ چکے ہیں، کچھ شہروں میں آ رہے ہیں، اور کچھ میں ابھی آنے والے ہیں۔*

اس موقع پر والدین، اساتذہ اور معاشرے کے ہر ذمہ دار فرد سے ایک مخلصانہ گزارش ہے۔
براہِ کرم کسی بھی طالب علم کی پوری شخصیت کو صرف اس کے نمبروں سے نہ تولیں۔ ایک رزلٹ، ایک امتحان یا چند مضامین میں کم نمبر کسی بچے کی صلاحیت، ذہانت یا مستقبل کا فیصلہ نہیں کرتے۔
یاد رکھیے، ہر بچہ ایک جیسا نہیں ہوتا۔ کسی کی دلچسپی سائنس میں ہوتی ہے، کسی کی ادب میں، کوئی کمپیوٹر میں مہارت رکھتا ہے، کوئی آرٹ، تجارت، کھیل یا کسی فنی ہنر میں غیر معمولی صلاحیت کا مالک ہوتا ہے۔ اگر ایک دروازہ بند نظر آئے تو اس کا مطلب یہ نہیں کہ زندگی کے تمام راستے ختم ہو گئے ہیں۔
والدین سے گزارش ہے کہ رزلٹ والے دن اپنے بچوں کے چہروں پر خوشی تلاش کریں، آنکھوں میں خوف نہیں۔ اگر نمبر توقع سے کم آئے ہیں تو انہیں ڈانٹنے، دوسروں سے موازنہ کرنے یا شرمندہ کرنے کے بجائے ان کا ہاتھ تھامیں، ان کی بات سنیں اور ان کے ساتھ بیٹھ کر آئندہ کا بہتر راستہ تلاش کریں۔
اساتذہ سے بھی گزارش ہے کہ وہ اپنے طلبہ کی حوصلہ افزائی کریں، ان کی کمزوریوں کے ساتھ ساتھ ان کی خوبیوں کو بھی پہچانیں۔ ایک اچھا استاد صرف نمبر نہیں بڑھاتا بلکہ اعتماد بھی بڑھاتا ہے، اور یہی اعتماد ایک طالب علم کو زندگی میں آگے لے جاتا ہے۔
پیارے طلبہ و طالبات!
اگر آپ کے نمبر کم آئے ہیں تو یہ ہرگز نہ سمجھیں کہ آپ ناکام ہو گئے ہیں۔ کامیابی کا سفر اکثر ٹھوکروں سے شروع ہوتا ہے۔ اپنی غلطیوں سے سیکھیں، اپنی دلچسپی اور صلاحیت کو پہچانیں، محنت جاری رکھیں اور اللہ تعالیٰ پر بھروسہ رکھیں۔ آپ کا اصل مقابلہ کسی اور سے نہیں بلکہ کل کے اپنے آپ سے ہے۔
آئیے، اس رزلٹ سیزن میں ہم اپنے بچوں کو تنقید نہیں، حوصلہ دیں؛ موازنہ نہیں، رہنمائی دیں؛ دباؤ نہیں، اعتماد دیں۔
یاد رکھیں، اچھے نمبر زندگی کو آسان بنا سکتے ہیں، لیکن اچھا کردار، مستقل مزاجی، ہنر اور حوصلہ ہی زندگی میں اصل کامیابی دلاتے ہیں۔
اللہ تعالیٰ تمام طلبہ و طالبات کو ان کی محنت کا بہترین صلہ عطا فرمائے، ان کے والدین اور اساتذہ کو ان کے لیے آسانیاں پیدا کرنے والا بنائے، اور ہر بچے کو اس کی صلاحیت کے مطابق کامیابی نصیب فرمائے۔ آمین۔

منقول

─────••●◎●••─────

05/08/2026

اگر کسی طالب علم نے دسویں جماعت (Matric) مکمل کر لی ہے، اور اب سوچتا ہے کہ ہم نے کیا کرنا ہے تو سب سے اہم بات یہ ہے کہ وہ اپنی دلچسپی، صلاحیت اور مستقبل کے کیریئر کو سامنے رکھ کر فیصلہ کرے۔

بہترین راستے یہ ہیں:
FSc Pre-Medical – اگر ڈاکٹر، فارماسسٹ یا ہیلتھ سائنسز میں جانا چاہتے ہیں۔

FSc Pre-Engineering – اگر انجینئرنگ، آئی ٹی یا ٹیکنالوجی میں دلچسپی ہو۔

ICS (Intermediate in Computer Science) – اگر کمپیوٹر، سافٹ ویئر، AI یا پروگرامنگ میں کیریئر بنانا چاہتے ہیں۔

ICOM – اگر بینکنگ، اکاؤنٹنگ یا بزنس کی طرف جانا چاہتے ہیں۔

FA – اگر سول سروس، قانون، میڈیا یا سوشل سائنسز میں دلچسپی ہو۔

DIT، CIT یا دیگر Technical Diplomas – جلد ہنر سیکھ کر روزگار حاصل کرنے کے لیے بہترین آپشن۔
Polytechnic / DAE (Diploma of Associate Engineering) – الیکٹریکل، سول، مکینیکل یا

05/08/2026

╔════════════════════════════╗
🎓 اہم اطلاع برائے والدینِ محترم 🎓
╚════════════════════════════╝

السلام علیکم ورحمۃ اللہ وبرکاتہ 🌹

تمام والدینِ محترم کو باادب اطلاع دی جاتی ہے کہ ، بروز بدھ 5 اگست 2026 کو BISE Swat اور BISE Kohat کے SSC Annual-I (جماعت نہم و دہم) کے سالانہ امتحانات کے نتائج متوقع ہیں۔

📌 والدین سے گزارش ہے کہ:
🔹 نتائج کے وقت اپنے بچوں کے ساتھ موجود رہیں۔
🔹 کامیابی پر اللہ تعالیٰ کا شکر ادا کریں اور بچوں کی حوصلہ افزائی کریں۔
🔹 اگر نتائج توقع کے مطابق نہ ہوں تو انہیں مایوس نہ ہونے دیں، بلکہ محبت، صبر اور رہنمائی کے ساتھ ان کا حوصلہ بڑھائیں۔
🔹 یاد رکھیں کہ ایک امتحان کسی طالب علم کی پوری صلاحیت یا مستقبل کا فیصلہ نہیں کرتا۔

💙 حوصلہ افزائی، اعتماد اور مثبت رویہ ہی کامیابی کی بنیاد ہے۔

🤲 دعا ہے کہ اللہ تعالیٰ تمام طلبہ و طالبات کو بہترین نتائج، کامیاب مستقبل، علمِ نافع اور والدین و اساتذہ کی آنکھوں کی ٹھنڈک بنائے۔

آمین یا رب العالمین 🤍

━━━━━━━━━━━━━━━━━━━━
🌹 تمام طلبہ و طالبات کے لیے نیک تمنائیں 🌹
📚 Best Wishes to All Students
━━━━━━━━━━━━━━━━━━━━

05/08/2026

# **انبیائے کرامؑ کی قبول شدہ دعائیں**

1. **حضرت آدمؑ**
**رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ**
**ترجمہ:** اے ہمارے رب! ہم نے اپنی جانوں پر ظلم کیا، اگر تو ہمیں معاف نہ کرے اور ہم پر رحم نہ فرمائے تو ہم ضرور خسارہ پانے والوں میں سے ہو جائیں گے۔
**(سورۃ الأعراف: 23)**

2. **حضرت نوحؑ**
**رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ**
**ترجمہ:** اے میرے رب! مجھے، میرے والدین، میرے گھر میں ایمان کے ساتھ داخل ہونے والوں اور تمام مومن مردوں اور عورتوں کو بخش دے۔
**(سورۃ نوح: 28)**

3. **حضرت ابراہیمؑ**
**رَبِّ اجْعَلْنِي مُقِيمَ الصَّلَاةِ وَمِنْ ذُرِّيَّتِي رَبَّنَا وَتَقَبَّلْ دُعَاءِ**
**ترجمہ:** اے میرے رب! مجھے اور میری اولاد کو نماز قائم کرنے والا بنا، اور میری دعا قبول فرما۔
**(سورۃ إبراهيم: 40)**

4. **حضرت موسیٰؑ**
**رَبِّ اشْرَحْ لِي صَدْرِي ۝ وَيَسِّرْ لِي أَمْرِي ۝ وَاحْلُلْ عُقْدَةً مِّنْ لِسَانِي ۝ يَفْقَهُوا قَوْلِي**
**ترجمہ:** اے میرے رب! میرا سینہ کھول دے، میرا کام آسان کر دے، میری زبان کی گرہ کھول دے تاکہ لوگ میری بات سمجھ سکیں۔
**(سورۃ طٰہٰ: 25–28)**

5. **حضرت ایوبؑ**
**أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ**
**ترجمہ:** مجھے تکلیف پہنچ گئی ہے، اور تو سب رحم کرنے والوں سے بڑھ کر رحم کرنے والا ہے۔
**(سورۃ الأنبیاء: 83)**

6. **حضرت یونسؑ**
**لَا إِلٰهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ**
**ترجمہ:** تیرے سوا کوئی معبود نہیں، تو پاک ہے، بے شک میں ہی ظلم کرنے والوں میں سے تھا۔
**(سورۃ الأنبیاء: 87)**

7. **حضرت زکریاؑ**
**رَبِّ لَا تَذَرْنِي فَرْدًا وَأَنْتَ خَيْرُ الْوَارِثِينَ**
**ترجمہ:** اے میرے رب! مجھے اکیلا نہ چھوڑ، اور تو ہی سب سے بہتر وارث ہے۔
**(سورۃ الأنبیاء: 89)**

8. **حضرت یوسفؑ**
**تَوَفَّنِي مُسْلِمًا وَأَلْحِقْنِي بِالصَّالِحِينَ**
**ترجمہ:** مجھے اسلام کی حالت میں وفات دینا اور مجھے نیک لوگوں میں شامل فرما۔
**(سورۃ يوسف: 101)**

9. **حضرت سلیمانؑ**
**رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ**
**ترجمہ:** اے میرے رب! مجھے توفیق دے کہ میں تیری نعمتوں کا شکر ادا کروں اور ایسے نیک اعمال کروں جن سے تو راضی ہو۔
**(سورۃ النمل: 19)**

10. **حضرت محمد ﷺ**
**رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ**
**ترجمہ:** اے ہمارے رب! ہمیں دنیا میں بھی بھلائی عطا فرما، آخرت میں بھی بھلائی عطا فرما، اور ہمیں آگ کے عذاب سے بچا۔
**(سورۃ البقرۃ: 201)**

اللہ تعالیٰ ہمیں انبیائے کرام علیہم السلام کی دعاؤں کو سمجھنے، اخلاص کے ساتھ مانگنے اور اپنی زندگی میں ان کی تعلیمات پر عمل کرنے کی توفیق عطا فرمائے۔ آمین۔

05/08/2026

🎀 *_کچھ سنہری اصول_* 🎀

* کسی دوست کو قرض دینے سے پہلے یہ سوچ لیں کہ آپ دونوں کو کھو سکتے ہیں
* اپنے جیون ساتھی کا انتخاب خوب سوچ سمجھ کر کریں کیونکہ وہ آپ کی سو فیصد خوشی یا ناخوشی کا ذمہ دار ہے
* جب آپ کو کوئی اچھی کتاب نظر آئے تو اسے خرید لیں بھلے آپ نے ‏وہ پہلے سے پڑھ رکھی ہو یا نا پڑھی ہو
* اس شخص کے ساتھ پارٹنرشپ نہ کریں جو تین بار ناکام ہو چکا ہو
* اگر آپ کوئی چیز دو ‏بار سے زیادہ بار اُدھار لیتے ہیں تو بہتر ہے اسے خرید لیں
* مشکوک جگہوں سے دور رہیں برے واقعات وہیں ہوتے ہیں
* جب کوئی آپ سے سوال کرے اور اس کا جواب نہ دینا ہو تو ‏مسکرا کر کہہ دیں آپ یہ بات کیوں جاننا چاہتے ہیں؟
* یہ توقع نہ رکھیں کہ آپ کی بدحالی میں آپ کے بچے آپ کی نصیحتیں سنیں گے
* تعریف ہر کسی کو پسند ہے لہٰذا کسی کی جائز تعریف کرنے میں کوتاہی نہ کریں مگر خوشامد و منافقت سے بچیں
* اپنے بچوں اور خاندان کے سامنے بیوی کو تنقید کا نشانہ نہ بنائیں چاہے کوئی بھی مسئلہ ہو
* انکار کرنا سیکھیں لیکن اس کی عادت نہ ڈالیں
* اپنے مالی معاملات پر ان لوگوں سے بات نہ کریں جن کے پاس آپ سے بہت زیادہ یا پھر بہت کم ہے
* جب آپ کسی ریستوران میں مہمان ہوں تو اپنے میزبان کی طلب کردہ سے زیادہ مہنگی چیز نہ منگوائیں
* اپنے حال پر رحم کریں اور بانجھ بحثوں سے دور رہیں
* کسی سے نفرت کے سبب عدل کے تقاضے نہ بھولیں
* کسی بھی انسان کی نجی زندگی میں دلچسپی نہ لیں اور کسی کی نجی زندگی کے معاملات کو عوام میں ڈسکس نہ کریں

*کسی کی بدزبانی اور بہتان بازی کا جواب بدزبانی سے نہ دیں قانونی راستہ اپنائیں*

02/08/2026

ایک سنار کے انتقال کے بعد اس کا خاندان مصیبت میں پڑ گیا.
کھانے کے بھی لالے پڑ گئے.
ایک دن اس کی بیوی نے اپنے بیٹے کو نیلم کا ایک ہار دے کر کہا 'بیٹا، اسے اپنے چچا کی دکان پر لے جاؤ.
کہنا یہ بیچ کر کچھ پیسے دے دیں.
بیٹا وہ ہار لے کر چچا جی کے پاس گیا.
چچا نے ہار کو اچھی طرح دیکھ اور پرکھ کر کہا بیٹا، ماں سے کہنا کہ ابھی مارکیٹ
بہت مندا ہے.
تھوڑا رک کر فروخت کرنا ، اچھے دام ملیں گے.
اسے تھوڑے سے روپے دے کر کہا کہ تم کل سے دکان پر آکر بیٹھنا.
اگلے دن سے وہ لڑکا روز مرہ دکان پر جانے لگا اور وہاں ہیروں و جواہرات کی پرکھ کا کام سیکھنے لگا.
ایک دن وہ بڑا ماہر بن گیا.
لوگ دور دور سے اپنے ہیرے کی پرکھ کرانے آنے لگے.
ایک دن اس کے چچا نے کہا، بیٹا اپنی ماں سے وہ ہار لے کر آنا اور کہنا کہ اب مارکیٹ میں بہت تیزی ہے،
اس کے اچھے دام مل جائیں گے.
ماں سے ہار لے کر اس نے پرکھا تو پایا کہ وہ تو جعلی ہے.
وہ اسے گھر پر ہی چھوڑ کر دکان لوٹ آیا.
چچا نے پوچھا، ہار نہیں لائے؟
اس نے کہا، وہ تو جعلی تھا.
تب چچا نے کہا جب تم پہلی بار ہار لے کر آئے تھے، اسوقت اگر میں نے اسے جعلی بتا دیا ہوتا تو تم سوچتے کہ آج ہم پر برا وقت آیا تو چچا ہماری چیز کو بھی جعلی بتانے لگے.
آج جب تمہیں خود علم ہو گیا تو پتہ چل گیا کہ ہار نقلی ہے.
سچ یہ ہے کہ علم کے بغیر اس دنیا میں ہم جو بھی سوچتے، دیکھتے اور جانتے ہیں، سب غلط ہے.
اور ایسے ہی غلط فہمی کا شکار ہو کر رشتے بگڑتے ہیں.
ذرا سی رنجش پر، نہ چھوڑ کسی بھی اپنے کا دامن.
زندگی گزر جاتی ہے، اپنوں کو اپنا بنانے میں...

(نقل و چسپاں)

02/08/2026

ڈیوڈ گاگنز (David Goggins) دنیا کے سب سے مضبوط ذہنی صلاحیت رکھنے والے انسانوں میں شمار کیے جاتے ہیں۔ وہ امریکی نیوی سیل (Navy SEAL) کے سابق اہلکار، الٹرا رنر اور مصنف ہیں۔ ان کی زندگی ہمیں سکھاتی ہے کہ انسان اپنے دماغ کو قابو میں کر کے کس طرح ناممکن کو ممکن بنا سکتا ہے۔

یہاں ان کے سکھائے ہوئے **7 اہم ترین اسباق** اردو میں پیش ہیں:

---

# # # 1۔ 40 فیصد کا قانون (The 40% Rule)

جب آپ کا دماغ آپ سے کہتا ہے کہ "بس اب میں تھک گیا ہوں اور مزید کچھ نہیں کر سکتا،" تو حقیقت میں آپ ابھی صرف اپنی **40 فیصد** صلاحیت تک پہنچے ہوتے ہیں۔ باقی 60 فیصد طاقت آپ کے اندر محفوظ ہوتی ہے۔ گاگنز کا کہنا ہے کہ جب آپ اس تھکن کے باوجود آگے بڑھتے رہتے ہیں، تو آپ اپنے ذہن کی اصل طاقت کو انلاک (unlock) کرتے ہیں۔

# # # 2۔ جوابدہی کا آئینہ (The Accountability Mirror)

گاگنز کہتے ہیں کہ اپنے آپ سے جھوٹ بولنا بند کریں۔ وہ خود ایک آئینے کے سامنے کھڑے ہو کر اپنی خامیوں کو کاغذ پر لکھ کر چپکا دیتے تھے (جیسے: "تم موٹے ہو"، "تم سست ہو")۔ جب تک آپ آئینے میں دیکھ کر اپنی سچائی اور کمزوریوں کو تسلیم نہیں کریں گے، آپ خود کو بدل نہیں سکتے۔ خود سے مخلص ہونا ہی کامیابی کی پہلی سیڑھی ہے۔

# # # 3۔ دماغ کو قابو کرنا (Taking Souls)

جب آپ کسی مشکل مقابلے، نوکری یا امتحان میں ہوں، تو اپنی محنت اور کارکردگی سے سامنے والے (یا اپنے حریف) پر ایسا ذہنی غلبہ حاصل کر لیں کہ وہ دنگ رہ جائے۔ اس کا مطلب کسی کو نقصان پہنچانا نہیں، بلکہ اپنی محنت سے دوسروں کا حوصلہ پست کرنا اور خود کو سب سے آگے لے جانا ہے۔

# # # 4۔ کوکی جار کا تصور (The Cookie Jar)

جب زندگی میں بہت مشکل وقت آئے اور آپ ہار ماننے والے ہوں، تو اپنے دماغ کے "کوکی جار" (بسکوٹ کے ڈبے) میں ہاتھ ڈالیں۔ اس خیالی ڈبے میں آپ کی زندگی کی وہ تمام پرانی کامیابیاں اور مشکلات موجود ہیں جن پر آپ پہلے فتح پا چکے ہیں۔ اپنے ماضی کی مشکلات کو یاد کریں کہ "جب میں اس وقت نہیں ہارا، تو اب کیوں ہاروں؟" یہ چیز آپ کو فوری حوصلہ دے گی۔

# # # 5۔ تکلیف سے پیار کرنا (Embrace the Suck)

کامیابی کا راستہ آرام دہ نہیں ہوتا۔ اگر آپ کو وزن کم کرنا ہے، پڑھائی کرنی ہے یا کوئی بڑا مقصد حاصل کرنا ہے، تو آپ کو اس کے لیے ہونے والی تکلیف، صبح جلدی اٹھنے اور سخت محنت سے پیار کرنا پڑے گا۔ گاگنز کے مطابق، آرام پسندی انسان کو کمزور بناتی ہے، جبکہ تکلیف انسان کو فولاد بناتی ہے۔

# # # 6۔ اپنے ذہن کے مالک بنیں (Master Your Mind)

اگر آپ اپنے دماغ کو نہیں چلائیں گے، تو آپ کا دماغ آپ کو چلائے گا۔ صبح جب الارم بجتا ہے اور دماغ کہتا ہے کہ "تھوڑی دیر اور سو جاؤ، باہر سردی ہے،" تو اسی وقت آپ کو اپنے دماغ کو حکم دینا ہے کہ "نہیں، مجھے اٹھنا ہے"۔ زندگی کے فیصلے اپنے آرام کے مطابق نہیں، بلکہ اپنے نظم و ضبط (Discipline) کے مطابق کریں۔

# # # 7۔ کبھی بھی مطمئن نہ ہوں (Never Settled)

چاہے آپ نے زندگی میں کتنا ہی بڑا مقصد کیوں نہ حاصل کر لیا ہو، کبھی بھی یہ نہ سوچیں کہ "بس میں نے کر لیا"۔ گاگنز کے نزدیک زندگی ایک مسلسل سفر ہے۔ ایک پہاڑ سر کرنے کے بعد، دوسرے اونچے پہاڑ کی تلاش شروع کر دیں۔ ہمیشہ سیکھتے رہیں اور خود کو چیلنج کرتے رہیں کیونکہ جمود (رک جانا) ذہنی موت ہے۔

https://whatsapp.com/channel/0029Vb7hkRYA89MkGm6TZC0F

Follow ‎N 📖 قرآن کا مدرسہ 🕋‎'s WhatsApp channel. ‎🌙 قرآن کا مدرسہ 🌙
📖 قرآن سیکھنے، سمجھنے اور اس پر عمل کی طرف بلانے والا چینل۔
یہاں تجویدِ قرآن، دینی نصیحتیں، ایمان افروز باتیں اور اصلاحِ زندگی کے پیغامات شیئر کیے جاتے ہیں۔

✨ اگر دل قرآن سے جڑنا چاہتا ہے تو یہ چینل آپ کے لیے ہے۔
"تم میں سب سے بہتر وہ ہے جو قرآن سیکھے اور سکھائے۔".‎ Join 231 followers for the latest updates.