06/07/2026
تحصیل چغرزی میں نیا کرایہ نامہ جاری
آج مورخہ 6 جولائی کو تحصیل چغرزی میں عوامی سہولت کو مدِنظر رکھتے ہوئے نیا کرایہ نامہ جاری کر دیا گیا۔ یہ اقدام حالیہ پیٹرولیم مصنوعات کی قیمتوں میں کمی اور عوامی ریلیف کے پیشِ نظر کیا گیا ہے، تاکہ عوام کو سفری اخراجات میں سہولت فراہم کی جا سکے
اس حوالے سے اسسٹنٹ کمشنر چغرزی کی نگرانی میں متعلقہ ٹرانسپورٹ حکام اور انتظامیہ نے باقاعدہ نیا کرایہ نامہ نافذ کیا، جس کے مطابق تمام ٹرانسپورٹرز کو سختی سے ہدایت جاری کی گئی ہے کہ وہ سرکاری مقررہ کرایوں پر مکمل عملدرآمد یقینی بنائیں۔
انتظامیہ کی جانب سے واضح کیا گیا ہے کہ تمام گاڑیوں اور اڈوں پر نیا کرایہ نامہ نمایاں طور پر آویزاں کیا جائے گا، جبکہ اوورچارجنگ کرنے والوں کے خلاف سخت قانونی کارروائی عمل میں لائی جائے گی۔ �
اس موقع پر اسسٹنٹ کمشنر چغرزی نے کہا کہ عوام کو ریلیف فراہم کرنا ضلعی انتظامیہ کی اولین ترجیح ہے، اور کسی کو بھی مقررہ کرایہ سے زائد وصول کرنے کی اجازت نہیں دی جائے گی۔
عوام سے بھی اپیل کی گئی ہے کہ وہ مقررہ کرایہ سے زائد ادائیگی نہ کریں اور کسی بھی شکایت کی صورت میں فوری طور پر انتظامیہ کو اطلاع دیں
کمپلین نمبر۔ 03439831100
