26/04/2026
https://youtu.be/58rbEfQ5LRM?si=wbo6HWT7s0x1QENHQENH
Share, Like and Follow for more updates
نرسنگ گریجویٹس کے اعزاز میں پروقار تقریب
پشاور: گورنمنٹ نرسنگ کالج، حیات آباد میڈیکل کمپلیکس پشاور کے فارغ التحصیل طلبہ و طالبات کے اعزاز میں ایک مقامی نجی ہوٹل میں پروقار تقریب کا انعقاد کیا گیا۔ تقریب میں گریجویٹ ہونے والے طلبہ و طالبات، اساتذہ اور معزز مہمانوں نے شرکت کی۔
اس موقع پر میِنا شمس اور شیر بانو نے بطور مہمانِ خصوصی شرکت کی اور کامیاب طلبہ کو مبارکباد پیش کی۔ مہمانانِ خصوصی نے اپنے خطاب میں طلبہ کی محنت، لگن اور نرسنگ کے شعبے میں ان کے روشن مستقبل کے لیے نیک خواہشات کا اظہار کیا۔
تقریب کی خاص بات یہ رہی کہ اس پروگرام کا تمام خرچہ طلبہ نے خود اپنی مدد آپ کے تحت نجی طور پر برداشت کیا اور تقریب کو اپنی ذاتی کاوشوں سے منظم کیا۔
اس بیچ میں مجموعی طور پر 21 طلبہ و طالبات گریجویٹ ہوئے، جن میں 18 طالبات اور 3 طلبہ شامل تھے۔ یہ پی ایچ ایس اے نیٹ ورک کے تحت بی ایس نرسنگ کا دوسرا بیچ تھا جو خیبر میڈیکل یونیورسٹی (KMU) سے منسلک ہے۔
نمایاں پوزیشن حاصل کرنے والے طلبہ میں محمد مجاہد نے 3.86 CGPA، آفاق عالم نے 3.78 CGPA، رحمینہ بی بی نے 3.76 CGPA، ماریہ شاہ نے 3.74 CGPA، اور نادیا کلثوم 3.71 CGPA حاصل کیا۔
تقریب کے اختتام پر نمایاں کارکردگی دکھانے والے طلبہ کو خراجِ تحسین پیش کیا گیا اور ان کے روشن مستقبل کے لیے دعا کی گئی۔
