04/04/2026
د محمد عرفات کتاب "د لعل زادہ ساګر د تکلونو فني او فکري جائزہ" د اعراف پرنټرز پېښور نه چاپ شو۔
Design: WaQas AhMad Lalzada Sagar
゚viralシviralシfypシ゚viralシalシ
په معاصر پښتو ادب کښې لعل زاده ساګر د هغو ليکوالانو د ډلې نه دے، چې تکل ئې د يو باقاعده فني او فکري صنف په توګه وړاندې کړے دے. هغه يوازې قيصه نۀ کوي، بلکې د ټولنې په ناسمو رواياتو، انساني نفسياتو، اخلاقي ارزښتونو او فکري تضاداتو رڼا اچوي. د ساګر تکلونه د ساده ژبې، ژور فکر او باريکې مشاهدې ښه بېلګه ده. د دۀ تکلونه د عام انسان د ژوند نه راولاړ شوي دي، ځکه نو لوستونکے په کښې خپل ځان، خپل چاپېرچل او خپلې ستونزې او مسئلې ويني.
مونږ وئيلے شو، چې د ګران کشر ياسر عرفات دا تحقيقي کار به نۀ يواځې د لعل زاده ساګر د ادبي مقام په تعين کښې مرسته اوکړي، بلکې د پښتو نثر د دې مهم صنف د لا ښۀ پوهېدو وسيله به هم اوګرځي. هيله ده چې دا مقاله به د پښتو ادب د شاګردانو، څېړونکو او لوستونکو لپاره يو شان ګټوره ثابته شي او د راتلونکو تحقيقاتو لپاره به نوې لارې پرانيزي.
زۀ لعل زاده ساګر او ګران کشر ياسر عرفات دواړو ته د دې مقالې په چاپ مبارکي وايم او هيله لرم، چې د دواړو دې په علم او قلم لا برکتونه وي.
په درناوې
اشنا باجوړے
۴جنوري ۲۰۲۶
