10/07/2026
*چارسدہ: 17 سالہ نوجوان سجاد کے قتل، اقدامِ قتل اور راہزنی کیس میں مطلوب دو سنیچر پولیس مقابلے میں ہلاک*
تفصیلات کے مطابق پولیس معمول کی گشت پر تھی کہ شاہی کولالئی روڈ پر قتل، اقدامِ قتل اور راہزنی کے مقدمہ میں مطلوب سنیچرز ایمل ولد واجد سکنہ خربیلہ پڑانگ اور اشرف ولد شریف اللہ سکنہ افغانستان حال پڑانگ کی موجودگی کی اطلاع موصول ہوئی۔ اطلاع ملتے ہی پولیس نے فوری کارروائی کرتے ہوئے بھاری نفری کے ہمراہ موقع پر پہنچ گئی۔
پولیس پارٹی کو دیکھتے ہی ملزمان نے فائرنگ شروع کر دی، جس پر پولیس نے حقِ حفاظتِ خود اختیاری کے تحت جوابی فائرنگ کی۔ فائرنگ رکنے کے بعد دورانِ تلاشی دونوں ہلاک شدہ ملزمان کی شناخت ایمل ولد واجد اور اشرف ولد شریف اللہ کے ناموں سے ہوئی۔
ملزمان سے دو پستول، چار موبائل فون اور ایک مشکوک موٹر سائیکل برآمد کر لی گئی۔ ہلاک ہونے والے دونوں ملزمان 17 سالہ نوجوان سجاد کے قتل، اقدامِ قتل اور راہزنی کے مقدمہ میں مطلوب تھے۔ برآمد شدہ اسلحہ و دیگر سامان تحویل میں لے کر مزید قانونی کارروائی جاری ہے۔
چارسدہ پولیس کی جانب سے سنیچرز اور دیگر جرائم پیشہ عناصر کو واضح پیغام ہے کہ شہریوں کے جان و مال سے کھیلنے والوں کے لیے ضلع چارسدہ میں کوئی جگہ نہیں۔ جرائم پیشہ عناصر کے خلاف بلاامتیاز کارروائیاں پوری قوت کے ساتھ جاری رہیں گی۔
