Kp Network

17/06/2026

✍️منقبت حضرت فاروق اعظم رضی اللہ عنہ

حق کا پرچم ہے ثریا پر اٹھایا آپ نے
کفر کا ایوانِ باطل ہے گرایا آپ نے

دیکھ کر شاہِ مدینہ کو بدل ڈالا تھا دل
کلمہ پڑھ کر کفر کا رخ ہی پھرایا آپ نے

مصطفیٰ کی وہ دعا، وہ عزّتِ دینِ مبیں
دینِ حق کو اک نیا رتبہ دلایا آپ نے

روک لے جو روک سکتا ہے، یہ کہہ کر دہر میں
قوت دشمن کو مٹی میں ملایا آپ نے

عدل کی تاریخ میں روشن ہے فاروقی نظام
ظلم کا ہر ایک تانا بانا ڈھایا آپ نے

کانپتے تھے قیصر و کسریٰ بھی عمر کے نام سے
دبدبہ وہ دین کا جگ میں دکھایا آپ نے

رات بھر پہرا دیا خود بستیوں میں گھوم کر
حاکمی کا اصل وہ رتبہ سکھایا آپ نے

خود اٹھایا آٹے کا بورا شبِ تاریک میں
بے کسوں اور بیوگاں کا گھر بسایا آپ نے

منبرِ مسجد بھی لرزاں تھا جلالِ وعظ سے
حق کا وہ خطبہ زمانے کو سنایا آپ نے

تھا چغہ پیوند کا پہنے ہوئے تن پر عمر!
شہرِ قدسِ پاک میں خطبہ سنایا آپ نے

نہرِ نیلِ مصر کو خط اک لکھا فاروق نے
حکم کا دریا روانہ کر دکھایا آپ نے

مصطفیٰ کے دل کی حسرت، اے مرادِ مصطفیٰ!
گلشنِ اسلام کو دائم سجایا آپ نے

حق و باطل میں کڑی تفریق کی ہے دہر میں
راستہ سچا خلافت کا دکھایا آپ نے

کیجیے عابد پہ بھی اب ایک ادنیٰ سی نظر
عشق کا جس کو سلیقہ ہے سکھایا آپ نے

عابد بنوی

12/06/2026

ڈپٹی کمشنر صوابی ڈاکٹر طارق اللہ کاصوابی کے کلچر، ثقافت اور تاریخ پر وی لاگ مقابلے کا اعلان

ڈپٹی کمشنر صوابی، ڈاکٹر طارق اللہ نے صوابی کی تاریخی، ثقافتی اور سیاحتی اہمیت کو اجاگر کرنے کے لیے وی لاگ مقابلے کا اعلان کر دیا ہے۔

مقابلے میں صوابی کی تاریخ، ثقافت، روایات، قدرتی حسن اور اہم مقامات پر مبنی بہترین وی لاگز تیار کرنے والوں کو نقد انعامات دیے جائیں گے۔

انعامات:

* پہلی پوزیشن: 50,000 روپے
* دوسری پوزیشن: 25,000 روپے
* تیسری پوزیشن: 15,000 روپے

وی لاگز کا جائزہ لینے اور کامیاب امیدواروں کے انتخاب کے لیے ایک خصوصی کمیٹی تشکیل دی جائے گی۔

تمام نوجوانوں، سوشل میڈیا کریئیٹرز اور وی لاگرز کو اس مقابلے میں بھرپور شرکت کی دعوت دی جاتی ہے تاکہ صوابی کے مثبت تشخص کو قومی اور بین الاقوامی سطح پر اجاگر کیا جا سکے۔

11/06/2026

عمران خان سخت سیکورٹی حصار میں اڈیالہ جیل سے پمز ہسپتال منتقل

11/06/2026

15جون سے گرمیوں کے تعطیلات کااعلامیہ جاری۔۔۔

11/06/2026

☔ خیبر پختونخوا کے مختلف اضلاع میں 11 سے 13 جون 2026 تک تیز ہواؤں، آندھی اور ژالہ باری کا امکان۔

شہری احتیاطی تدابیر اختیار کریں اور غیر ضروری طور پر کھلے مقامات پر جانے سے گریز کریں۔ ⚠️
۔
🌧️⚡🌪️

27/05/2026

Mubarak

03/04/2026

01/04/2026

پاک آرمی میں بھرتی شروع

سپاہی- کلرک- ملٹری پولیس- ڈرائیور- کک

مکمل تفصیل کے لیے نیچے دیے گئے لنک پر کلک کریں

https://joinpakarmy.gov.pk/

👆👆👆

01/04/2026

’’اپریل فول‘‘ کی رسم مغرب سے ہمارے یہاں آئی ہے اور یہ بہت سے کبیرہ گناہوں کا مجموعہ ہے۔

(1) اس دن صریح جھوٹ بولنے کو لوگ جائز سمجھتے ہیں، جھوٹ کو اگر گناہ سمجھ کو بولا جائے تو گناہِ کبیرہ ہے اور اگر اس کو حلال اور جائز سمجھ کر بولا جائے تو اندیشہٴ کفر ہے۔ جھوٹ کی برائی اور مذمت کے لیے یہی کافی ہے کہ قرآن کریم نے ”لعنت الله علی الکاذبین“ فرمایا ہے، گویا جو لوگ ’’اپریل فول‘‘ مناتے ہیں وہ قرآن میں ملعون ٹھہرائے گئے ہیں، اور ان پر خدا تعالیٰ کی، رسولوں کی، فرشتوں کی، انسانوں کی اور ساری مخلوق کی لعنت ہے۔

(2) اس میں خیانت کا بھی گناہ ہے، چنانچہ حدیث شریف میں ہے:

”کبرت خیانةً أن تحدث أخاک حدیثاً هو لک مصدق وأنت به کاذب. رواه أبوداود.“(مشکاۃ ص:۴۱۳)

ترجمہ:…”بہت بڑی خیانت ہے کہ تم اپنے بھائی سے ایک بات کہو جس میں وہ تمہیں سچا سمجھے، حال آں کہ تم جھوٹ بول رہے ہو۔“

اور خیانت کا کبیرہ گناہ ہونا بالکل ظاہر ہے۔

(3) اس میں دوسرے کو دھوکا دینا ہے یہ بھی گناہ کبیرہ ہے، حدیث میں ہے:

”ومنْ غشَّنا فليسَ منَّا‘‘. (مسلم)

ترجمہ:…”جو شخص ہمیں (یعنی مسلمانوں کو) دھوکا دے، وہ ہم میں سے نہیں‘‘۔

(4) اس میں مسلمانوں کو ایذا پہنچانا ہے، یہ بھی گناہِ کبیرہ ہے، قرآنِ کریم میں ہے:

وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا (احزاب 58)

ترجمہ: ’’بے شک جو لوگ ناحق ایذا پہنچاتے ہیں موٴمن مردوں اور عورتوں کو، انہوں نے بہتان اور بڑا گناہ اٹھایا‘‘۔

(5) اپریل فول منانا گم راہ اور بے دین قوموں کی مشابہت ہے، اور آں حضرت صلی اللہ علیہ وسلم کا ارشاد ہے:’’من تشبه بقوم فهو منهم‘‘ جس شخص نے کسی قوم کی مشابہت کی وہ ان ہی میں سے ہوگا۔‘‘

پس جو لوگ اہلِ مغرب کی مشابہت میں اپریل فول مناتے ہیں انہیں ڈرنا چاہیے کہ خدانخواستہ وہ قیامت کے دن یہود و نصاریٰ کی صف میں اٹھائے جائیں۔

لہذا تمام مسلمانوں کے لیے کئی گناہوں پر مشتمل اس رسمِ بد سے مکمل اجتناب ضروری ہے۔فقط واللہ اعلم

فتویٰ نمبر : 144007200458

دارالافتاء : جامعہ علوم اسلامیہ علامہ محمد یوسف بنوری ٹاؤن