08/06/2026
دھریالہ جالپ: ڈوئل کیرج وے للہ جہلم روڈ پر مٹی کے طوفان نے شہریوں اور تاجروں کو پریشان کر دیا
شدید گرمی کے موسم میں دھریالہ جالپ کے مقام پر ڈوئل کیرج وے للہ جہلم روڈ پر اڑتی مٹی نے عوام کی مشکلات میں اضافہ کر دیا ہے پانی کا باقاعدہ چھڑکاؤ نہ ہونے کے باعث گردوغبار کے بادل اٹھ رہے ہیں جس سے ٹریفک کی روانی بھی متاثر ہو رہی ہے۔
تاجروں اور مقامی شہریوں کا کہنا ہے کہ مٹی کے طوفان کی وجہ سے کاروبار شدید متاثر ہو رہا ہے جبکہ راہگیر، موٹر سائیکل سوار اور ڈرائیور بھی مشکلات کا سامنا کر رہے ہیں۔ مسلسل گردوغبار سے سانس، آنکھوں اور گلے کی مختلف بیماریوں کے پھیلنے کا خدشہ بڑھ گیا ہے۔
شہریوں نے متعلقہ حکام سے مطالبہ کیا ہے کہ فوری طور پر پانی کا چھڑکاؤ یقینی بنایا جائے اور مٹی کو قابو کرنے کے لیے مؤثر اقدامات کیے جائیں تاکہ عوام کو اس پریشانی سے نجات مل سکے اور ٹریفک کی روانی بحال رہے۔
عوامی حلقوں کا کہنا ہے کہ اگر بروقت اقدامات نہ کیے گئے تو شدید گرمی اور گردوغبار کے باعث صورتحال مزید سنگین ہو سکتی ہے
