http://umermujahidwordpress.com/

mujahid bhatti officials, Mahra khas punjab, Mahra Khas, punjab (2025)

01/07/2025

ایک خاتون کے شوہر کے حالات بہت تنگ ہو گئے۔
غربت نے گھر اجاڑ دیا۔ وہ مجبور ہو کر ایک مالدار شخص کے دروازے پر جا پہنچی۔
دروازہ کھٹکھٹایا،
ایک خادم باہر آیا اور پوچھا:
“تمہیں کیا چاہیے؟”
خاتون نے کہا:
“میں تمہارے آقا سے ملنا چاہتی ہوں۔”
خادم نے پوچھا:
“تم کون ہو؟”
اس نے جواب دیا:
“بس اسے جا کر کہہ دو کہ اُس کی بہن آئی ہے۔”
خادم حیران رہ گیا، کیونکہ وہ جانتا تھا کہ اس کے آقا کی کوئی بہن نہیں۔
پھر بھی، وہ اندر گیا اور کہا:
“دروازے پر ایک عورت ہے، دعویٰ کرتی ہے کہ وہ آپ کی بہن ہے۔”
مالدار شخص نے کہا:
“اسے اندر لے آؤ۔”
خاتون اندر آئی،
وہ شخص مسکرا کر، کشادہ چہرے کے ساتھ ملا، اور بولا:
“میرے کس بھائی کی بیٹی ہو، اے اللہ کی بندی؟”
خاتون نے کہا:
“آدم کی بیٹی ہوں… آپ کی وہی بہن ہوں۔”
یہ سن کر اس نیک دل انسان نے دل میں کہا:
“یہ عورت تو بالکل تنہا ہے… واللہ! میں ہی پہلا شخص بنوں گا جو اس کے ساتھ صلہ رحمی کرے گا۔”
پھر خاتون نے نہایت مؤثر اور درد بھری آواز میں کہا:
“اے بھائی!
شاید آپ جیسے خوشحال کو نہ معلوم ہو کہ غربت کی تلخی کتنی سخت ہوتی ہے۔
اسی تلخی کی وجہ سے میں اور میرے شوہر طلاق کے دہانے تک جا پہنچے۔
تو کیا آپ کے پاس یومِ تَلاق (قیامت کے دن) کے لیے کچھ ہے؟
یاد رکھیں!
جو کچھ آپ کے پاس ہے وہ فنا ہو جائے گا، اور جو اللہ کے پاس ہے وہ ہمیشہ باقی ہے۔”
مالدار شخص نے کہا:
“پھر سے کہو۔”
خاتون نے پھر وہی بات دہرائی۔
اس نے کہا:
“دوبارہ کہو۔”
اس نے تیسری بار دہرایا۔
پھر کہا:
“چوتھی بار بھی کہو۔”
اس پر عورت نے کہا:
“لگتا ہے آپ نے میری بات سمجھی نہیں۔
اور بار بار کہنا میرے لیے باعثِ ذلت ہے۔
میں کسی کے سامنے ذلیل ہونا نہیں جانتی۔
تب وہ شخص رو پڑا، اور کہنے لگا:
“خدا کی قسم!
مجھے تمہاری باتوں کا حسن بہت پسند آیا۔
اگر تم اسے ہزار بار بھی دہراتیں، تو میں ہر بار کے بدلے تمہیں ہزار درہم دیتا!”
پھر وہ اپنے خادموں سے مخاطب ہوا:
“اسے دس اونٹنیاں دے دو، دس اونٹنیوں کے جوڑے، جتنی چاہے بکریاں دے دو، اور جو رقم وہ مانگے اس سے بھی بڑھ کر دے دو…
یہ سب یومِ تَلاق (قیامت) کے دن کے لیے۔

*📌پیغامِ حکایت:*
جو کچھ ہمارے پاس ہے، وہ فنا ہو جائے گا، اور جو اللہ کے پاس ہے، وہی باقی رہے گا۔
اللہ کے بندو! فقیروں اور محتاجوں کو مت بھولو…
کیونکہ اللہ بے نیاز ہے… اور ہم سب اُس کے محتاج ہیں،
غور کرو آپ نے قیامت کے دن کے لیے کیا رکھا۔۔۔؟

29/06/2025

پچھلے دنوں پنجاب سے سیاحت کی غرض سے گئے نوجوانوں کی گاڑی سکردو روڈ پر حادثے کا شکار ہوئی۔ چاروں نوجوان جاں بحق ہوئے۔ پھر ناران میں برفانی تودے کے اندر گھس کر تصاویر بنواتے تودہ گرنے سے فیملی جاں بحق ہو گئی اور آج فضا گھٹ سوات میں دریائے سوات میں طغیانی آنے سے ایک ہی خاندان کے پندرہ لوگ بہہ کر جان سے گئے ہیں۔یہ قابلِ افسوس اور دل دکھانے والے سانحے ہیں۔

ساری عمر شمالی علاقہ جات کو سفر کرتے گزری۔ گلیشئیرز پر پاؤں ضرور رکھے لیکن کبھی کریوس (گلیشائی دراڑیں) کو عبور کرنے کی کوشش نہیں کی۔ کبھی برفانی تودے کے نیچے کھڑے ہونے کا نہیں سوچا۔ یہ حادثے کا باعث بن سکتے ہیں۔ ہمارے سیاحوں کی عجیب حرکات دیکھتا رہا ہوں۔ گاڑی کو سڑک کے عین بیچ وہاں روک دیں گے جہاں برفانی دیواریں کھڑی ہوں۔ تودوں کے سوراخ میں گھس کر“ٹھنڈ” لینے بیٹھ جائیں گے۔ خطرناک حد تک باہر نکلیں اور کھائی کے اوپر کھڑی چٹانوں کے آخری سرے پر جا کر تصاویر بنوائیں گے۔

جہاں جھیل کا کنارا مل جائے وہیں چٹائی ڈال لیں گے۔ جہاں آبشار نظر آئے وہیں نہانے لگیں گے۔ جہاں دریائی گزرگاہ مل جائے وہیں جا کر دریائی گزرگاہ کے عین بیچ بنے جزیرے یا خشکی پر پہنچ کر بیٹھ جائیں گے۔ یہ آبشاریں برفانی تودوں سے پگھل کر آتی ہیں۔ کبھی کبھی پیچھے تودہ گرمی یا معمولی سے زمینی ارتعاش کے سبب پھٹ جاتا ہے نتیجتہً آبشار سیلاب کی شکل میں آناً فاناً ڈھل سکتی ہے۔ پانی اپنے ساتھ بڑی پہاڑی پتھروں کو بہا لاتا ہے اور پلک جھپکنے میں سب بہا کر لے جاتا ہے۔

سڑکوں پر گاڑی چلانے کو مہارت درکار ہوتی ہے۔ خطرناک اندھے موڑ ہیں۔ کئی مقامات پر پچیس سے تیس ڈگری کی اُترائیاں بھی ہیں۔ بریکوں کے مسلسل استعمال سے بریک گرم ہو کر ناکارہ ہو جاتی ہے۔ سپیڈ کو کنٹرول میں نہ رکھنے کے سبب موڑ پر گاڑی اُلٹ سکتی ہے یا کسی اندھے موڑ پر سامنے سے آتی گاڑی سے ٹکرا سکتی ہے۔ پہاڑی علاقوں میں ڈرائیو کرنے کے لیے مہارت درکار ہے۔صبر درکار ہے۔ ہمارے میدانی علاقوں سے جاتے سیاح علاقے کے جغرافئیے، مقامی کلچر یا ادب آداب سے بھی ناواقف ہوتے ہیں اور بہت سی لاپرواہیوں کا کھُلا مظاہرہ کرتے ہیں۔ آئے دن وہاں سے کسی نہ کسی حادثے کی خبر آتی ہے۔ موسمِ گرما کی تعطیلات میں لوگ شمالی علاقوں کا رُخ کرتے ہیں۔ کچھ اہم پوائنٹس لکھ رہا ہوں ان کو ذہن نشین کر لیں۔

۔ چڑھائی میں گاڑی کی رفتار آہستہ رکھیں۔ اُترائی میں بریکس کی بجائے چھوٹے گئیرز کا استعمال کریں یا انجن بریکس کا استعمال کریں۔ آٹو میٹک گاڑیوں میں جہاں مینوئل گئیر نہیں ہوتا وہاں اس کی جگہ Hill Decent کی آپشن ہوتی ہے۔ اس کو ایکٹو کریں۔ سب سے بہتر یہ ہے کہ فرنٹ وہیل گاڑی کی بجائے آل وہیل گاڑی ان مقامات کے لیے موزوں ہے۔

۔جھیلوں، برفانی تودوں ، آبشاروں، ندی نالوں سے حفاظتی فاصلہ رکھیں۔ ان میں نہانے، ان کے قریب کھڑے ہونے اور تودوں میں گھسنے سے ہر صورت اجتناب کریں۔ خوبصورتی کو فاصلے سے انجوائے کریں۔ ہر شے کو سونگھنا اور ہر چیز کو انگلی لگا کر چیک کرنا ضروری نہیں ہوتا۔

۔جہاں جا رہے ہیں اس علاقے کے رہن سہن یا کلچر کو پہلے جانیں۔ گلگت بلتستان میں شیعہ، سنی اور اسماعیلیوں کے ساتھ نور بخشی بھی آباد ہیں۔ ان آبادیوں کے کچھ ادب آداب ہیں۔ گاڑی میں تیز یا اونچی موسیقی، زنانہ مردانہ لباس میں ادھورا پن (مردوں میں شارٹس اور خواتین میں پیٹ ننگا کرتا لباس یا ٹی شرٹ) ، گلیوں میں شورشرابا برپا کرنا وغیرہ جیسی حرکات کو مقامی آبادی پسند نہیں کرتی۔

۔ کھانوں کا معیار وقت کے ساتھ بہت اچھا ہوا ہے مگر پنجاب سندھ جیسا ذائقہ وہاں ڈھونڈنے کی کوشش نہ کریں۔ ٹور آپریٹرز سے ویسے چٹخارے دار کھانوں کی ڈیمانڈ نہ کریں۔ گرما میں وہاں دن میں گرمی ہوتی ہے شام اور رات سہانی ہوتی ہیں۔ اگر آپ کو گرمی سے مسائل ہوں تو ایسے ہوٹلز کا انتخاب کریں جہاں ائیر کنڈیشنرز موجود ہوں۔ اکثر بجٹ ہوٹلز میں نہیں ہوتے۔ پنکھوں سے گزارا ہو سکتا ہے مگر کئی لوگ ذرا سی گرمی بھی برداشت نہیں کر پاتے۔

۔ ہر خوبصورت مقام پر چٹائی بچھا کر بیٹھ سکتے ہیں مگر کھا پی کر سارا کچرا اپنے ساتھ لے کر جائیں۔ آگ چولہے پر جلائیں زمین پر نہ جلائیں۔ جنگلات کے اندر کیمپنگ کرتے آگ کا خیال رکھیں۔ جھیلوں ، دریاؤں یا نالوں میں گند نہ ڈالیں۔

۔سیاحتی علاقوں میں مقامی انتظامیہ فوراً دریاؤں اور آبشار کنارے ہوٹلز بنانے، پانی میں یا پانی کے کنارے چارپائی میز لگا کر کھانے کھلانے والوں پر بھاری جرمانے عائد کر کے ان کو ہٹائے بصورتِ دیگر ایسے تمام ہوٹلز کو سِیل کر دیا جائے۔ یہ عجب تماشہ ہے جہاں پانی سست روی سے بہہ رہا ہو وہیں ٹیبل کرسیاں لگا دیتے ہیں۔ آبی گزرگاہیں سالوں سے اپنا قدرتی وجود رکھتی ہیں ان پر ہوٹلز کی تعمیر ممنوع ہونی چاہئیے۔ عطا آباد جھیل کنارے بنے ہنزہ لیکسس کی مثال سامنے ہے۔میں سمجھنے سے قاصر ہوں اس ہوٹل کو کیوں تعمیر کرنے کی اجازت دی گئی۔ ظاہر ہے کامران لاشاری صاحب مالک ہیں اور وہ بیوروکریسی کا چلتا پُرزہ رہے ہیں۔ انہوں نے اپنے “ڈھنگ” سے اجازت لے لی ہو گی۔ آج جو سوات میں ہوا ہے اس کے ذمہ دار ہوٹلز والے ہیں جو دریا میں کرسیاں لگا کر ناشتے کرواتے ہیں۔ اور مقامی انتظامیہ جو بروقت ریسکیو کے لیے پہنچ ہی نہ پائی۔

وادیوں کی سیاحت ضرور کریں۔ قدرتی حُسن سے محظوظ ہوں۔ مگر احتیاط کا دامن نہ چھوڑیں۔ نیچر کے ساتھ مت کھیلیں۔مقامی روایات یا کلچر کا احترام کریں

28/06/2025

واقعہ سوات
ڈسکہ کے بدنصیب خاندان کے ساتھ کل ہونے والے سانحہ کے متعلق کچھ درست معلومات اور حقائق جانیں
عینی شاہدین کے مطابق یہ لوگ جہاں ناشتہ کر رہے تھے وہ حادثہ کے مقام سے تھوڑا دور تھا اور اس وقت وہ ایریا بالکل خشک تھا اور پانی کا نام و نشان بھی نہیں تھا ۔
پہاڑوں پر 2 دن سے مسلسل بارش ہو رہی تھی جسکی وجہ سے ندی نالوں میں طغیانی آ گئی اور دیکھتے دیکھتے پانی کے بہاؤ میں اضافہ ہوا اور اچانک پانی کو آتے دیکھ کر یہ لوگ خوشی کے مارے دیوانہ وار پاگلوں کی طرح وہاں دور آگے دوڑ کر گئے تاکہ ویڈیوز اور تصاویر بنا سکیں اور کچھ لوگ پانی کے قریب بھاگ کر گئے اور وہاں سیلفیاں بناتے ہوئے فوٹوگرافی کرنا شروع کر دی جبکہ ان کے کچھ رشتے دار بیٹھے رہے اور منع کرتے رہے کہ زیادہ اندر مت جائیں لیکن یہ گروہ پانی کے ساتھ سیلفیاں لیتے رہے بلکہ بیٹھے رہ جانے والے باقی افراد کو بھی بلاتے رہے کہ آ جائیں اور پانی کو دیکھیں لیکن باقی رشتہ دار بیٹھے رہے اور انکو آوازیں دے کر بلاتے رہے کہ واپس آ جائیں اور انکو چیخ چیخ کر کہا کہ پیچھے سے پانی کا بہاؤ تیز ہو گیا ہے نکلو فوری لیکن اس بدنصیب خاندان کے چند افراد کا سیلفی جنون ختم نہیں ہوا اور پھر پانی کا بہت بڑا ریلا آ گیا اور یہ لوگ خوفزدہ ہو کر کنارے کی طرف نہیں بھاگے بلکہ ڈر کے مارے اس ٹیلے پر چڑھ گئے اور پھر جو کچھ ہوا وہ آپ کے سامنے ہے۔۔۔ ان تصاویر میں آپ دیکھ سکتے ہیں کہ وہ اپنی پوزیشن بدلتے رہے لیکن پانی کا بہاؤ اور لیول بڑھتا گیا اور لوگ دریا کنارے ویڈیوز بناتے رہے لیکن مدد کے لئے کوئی نہیں گیا نہ ہوٹل والے اور نہ مقامی انتظامیہ آگے آئی اور پھر دردناک سانحہ سب کی آنکھوں کے سامنے ہو گیا
اللہ تعالٰی مرحومین کی مغفرت فرمائے اور جنت الفردوس میں اعلی مقام عطا فرمائے ۔۔۔آمین

انتظامیہ کو چاہئے کہ پورے پاکستان میں دریا کے کنارے تمام ہوٹلز کو مکمل سیل کر دیا جائے اور آئندہ کبھی بھی کسی کو ایسے خطرناک مقامات پر ہوٹلز اور ریسٹورنٹ بنانے کی اجازت نہیں دینی چاہئے کیونکہ آگ اور پانی اپنا راستہ خود بناتے ہیں اور نیچر کا انتقام بہت بے رحم ہوتا ہے اور دریاؤں کو انکے راستوں کو عزت دینی چاہیئے چاہے وہ کئی سال خشک بھی رہیں لیکن دریا اپنا راستہ کبھی بھی کسی کو نہیں دیتا اور کچھ عرصہ بعد واپس لے لیتا ہے

27/06/2025

سوڈان کے ایک شخص نے ایک مضمون لکھا ہے۔
اس میں اس نے اپنے ساتھ پیش آنیوالے دو دلچسپ واقعات بیان کیے ہیں

پہلا واقعہ:
مجھے آیرلینڈ میں میڈیکل کا امتحان دینا تھا. امتحان فیس 309 ڈالر تھی۔ میرے پاس کھلی رقم (ریزگاری) نہیں تھی، اس لیے میں نے 310 ڈالر ادا کر دیے۔ اہم بات یہ کہ میں امتحان میں بیٹھا، امتحان بھی دے دیا اور کچھ وقت گزرنے کے بعد سوڈان واپس آ گیا۔ ایک دن اچانک آئرلینڈ سے میرے پاس ایک خط آیا۔ اس خط میں لکھا تھا کہ "آپ نے امتحان کی فیس ادا کرتے وقت غلطی سے 309 کی جگہ 310 ڈالر جمع کر دیے تھے۔ ایک ڈالر کا چیک آپ کو بھیجا جارہا ہے، کیوں کہ ہم اپنے حق سے زیادہ نہیں لیتے"

حالانکہ یہ بات وہ بھی جانتے تھے کہ لفافے اور ٹکٹ پر ایک ڈالر سے زیادہ خرچ ہوئے ہوں گے!!

دوسرا واقعہ:
میں کالج اور اپنی رہائش کے درمیان جس راستے سے میں گزرتا تھا، اس راستے میں ایک عورت کی دوکان تھی جس سے میں 18 پینس میں کاکاو کا ایک ڈبہ خریدتا تھا۔

ایک دن دیکھا کہ اس نے اسی کاکاو کا ایک ڈبہ اور رکھ رکھا ہے جس پر قیمت 20 پینس لکھی ہوئی ہے۔

مجھے حیرت ہوئی اور اس سے پوچھا کہ کیا دونوں ڈبوں کی نوعیت (کوالٹی) میں کچھ فرق ہے کیا؟

اس نے کہا : نہیں، دونوں کی کوالٹی یکساں ہے۔

میں نے پوچھا کہ پھر قیمت کا یہ فرق کیوں؟
اس نے جواب دیا کہ نائجیریا، جہاں سے یہ کاکاو ہمارے ملک میں آتا ہے، اس کے ساتھ کچھ مسائل پیدا ہوگئے ہیں، جس کی وجہ سے قیمت میں اچھال آگیا ہے۔ زیادہ قیمت والا مال نیا ہے، اسے ہم 20 کا بیچ رہے ہیں اور کم قیمت والا پہلے کا ہے، اسے ہم 18 کا پیچ رہے ہیں۔
میں نے کہا، پھر تو 18 والا ہی خریدیں گے جب تک یہ ختم نہ ہوجائے؟ 20 والا تو اس کے بعد ہی کوئی خریدے گا۔

اس نے کہا: ہاں، یہ مجھے معلوم ہے۔
میں نے دونوں ڈبوں کو مکس کر دو اور 20 کا ہی بیچو ۔ کسی کے لیے قیمت کا یہ فرق جاننا مشکل ہوگا۔
اس نے میرے کان میں پھسپھساتے ہوئے کہا : کیا تم کوئی لٹیرے ہو؟؟؟
مجھے اس کا یہ جواب عجیب لگا اور میں آگے بڑھ گیا۔
لیکن یہ سوال آج بھی میرے کانوں میں گونج رہا ہے کہ کیا میں کوئی لٹیرا ہوں؟

یہ کون سا اخلاق ہے؟
دراصل یہ ہمارا اخلاق ہونا چاہیے تھا۔

یہ ہمارے دین کا اخلاق ہے ۔
یہ وہ اخلاق ہے جو ہمارے نبی کریم صلی علیہ وآلہ وسلم نے ہمیں سکھایا تھا، لیکن؟

اپنی ایمانداری سے بتائیں کیا ہم لٹیرے نہیں ؟
جگاڑ میں حلال حرام تک کو ایک ہی گاڑی سے روندتے چلے جاتے ہیں۔
منقول

26/06/2025

اسرائیل کو تسلیم کرنے والے ممالک کی تعداد بڑھانے کی کوشش کی جا رہی ہے* ۔

امریکی صدر کے مشیر برائے مشرق وسطیٰ اسٹیو وٹکوف کا کہنا ہے کہ صدر ٹرمپ کی کوشش ہے کہ ابراہم معاہدے کو وسعت دی جائے۔

انہوں نے کہا کہ ڈونلڈ ٹرمپ کے پہلے دور صدارت میں متحدہ عرب امارات، بحرین، مراکش اور سوڈان نے اسرائیل کو تسلیم کیا تھا۔

وٹکوف نے کہا کہ اُمید ہے جلد ایسے ممالک اسرائیل کو تسلیم کر لیں گے جن کے بارے میں کسی نے تصور بھی نہیں کیا تھا، یہ عمل مشرق وسطیٰ میں توازن لائے گا۔

25/06/2025

بعد کے لیے کچھ مت چھوڑیں

بعد میں چائے ٹھنڈی ہو جاتی ہے، بعد میں دلچسپی ختم ہو جاتی ہے۔
بعد میں راتیں دن میں بدل جاتے ہیں، بعد میں لوگ بڑے ہو جاتے ہیں۔
بعد میں ذہن میچور ہو جاتا ہے اور آپ کو پتہ ہونا چاہیے کہ میچورٹی بورنگ ہوتی ہے۔
بعد میں لوگ بوڑھے ہو جاتے ہیں، بعد میں زندگی گزر جاتی ہے۔
جب آپ کو کچھ کرنے کا موقع ملے گا تو دلچسپی اور توانائی
وہ نہیں ہو گی جو پہلے کبھی ہوا کرتی تھی۔
بعد میں تو آپ کو کچھ نہ کرنے کا افسوس رہے گا 💯

آج نیکی کریں، کل ہو سکتا ہے وقت نہ ملے۔
آج لوگوں کی مدد کریں، اللہ کو یاد کریں، کیونکہ بعد میں شاید فرصت نہ ہو۔
آج دنیا میں گھومیں پھریں، خوشیاں منائیں، زندگی انجوائے کریں ہو سکتا ہے کل کو جسم یا حالات اجازت نہ دیں۔
آج اپنی جائز خواہشات پوری کریں، کیونکہ کل آپ کی زندگی دوسروں کی ضروریات میں گزر سکتی ہے۔
ہوسکتا ہے آپ کی اولاد آپ کے خواب پورے نہ کر سکے، بلکہ وہ اپنی اولاد کی ضروریات پوری کرنے میں مصروف ہو۔

زندگی کا ہر لمحہ قیمتی ہے، اسے بعد پر نہ چھوڑیں۔ کیونکہ "بعد" ہمیشہ نہیں آتا۔

22/06/2025

ہر رشتہ اپنے ساتھ ایک امتحان لے کر آتا ہے

کوئی دل کو چھلنی کر دیتا ہے، کوئی روح کو تھکا دیتا ہے، کوئی ہمیں خود سے ملوا دیتا ہے۔ ہم کسی سے ایسی امیدیں وابستہ کر لیتے ہیں جیسے وہ ہماری سانسوں کا سہارا ہو، ہمارے وجود کی وجہ ہو۔ پھر ایک دن، ایک لمحے میں، وہی شخص ہماری تمام تر توقعات کو خاک میں ملا دیتا ہے—جیسے کسی نے ہمارے ہاتھ سے زندگی کا سہارا چھین کر کسی اور کے حوالے کر دیا ہو۔

جذبات کی رو میں بہتے ہوئے انسان کتنے ہی وعدے کر بیٹھتا ہے، مگر کیا یہ وعدے ہوتے ہیں یا صرف لمحہ بھر کی تسکین کے لیے کہے گئے جملے؟ یہ الفاظ کانوں میں شہد گھولتے ہیں، دل کو گرماتے ہیں، مگر ان کی حیثیت پانی کے بلبلوں سے بھی کم ہوتی ہے۔ ایک ہلکی سی ہوا، ایک معمولی سی ٹھیس، اور یہ سب ختم… گویا کبھی تھے ہی نہیں۔

اور ہم؟

ہم اپنی خالی جگہوں کو بھرنے کے لیے کسی اور کی طرف دیکھنے لگتے ہیں۔ ہماری کمزوریاں، ہماری تنہائیاں، ہمارے خوف،ہم ان سب کا علاج کسی ایسے شخص میں ڈھونڈنے لگتے ہیں جو ہمیں جھوٹی تسلی دے رہا ہو۔ وہ ہمیں خواب دکھاتا ہے، جنت کا یقین دلاتا ہے، مگر کیا یہ خواب ہیں یا محض ایک اور دھوکہ؟ ہم پیاسے ہیں، اور ہمیں سراب نظر آتا ہے۔ہم جانتے ہیں کہ یہ حقیقت نہیں، پھر بھی دوڑتے ہیں۔

لیکن زندگی یہی تو ہے، کچھ رشتے ہمیں توڑ کر جاتے ہیں، کچھ ہمیں سنوار کر۔ کچھ لوگ ہمیں دھوکہ دے کر چلے جاتے ہیں، تو کچھ ہمارے زخموں پر مرہم رکھ دیتے ہیں۔ ہر ٹوٹنا ہمیں مضبوط بناتا ہے، ہر دکھ ہمیں سمجھدار۔ شاید ہمیں یہ سیکھنا ہے کہ امیدیں کسی دوسرے سے نہیں، اپنے آپ سے لگانی چاہئیں۔ کیونکہ جو ہمارا ساتھ نہیں دے سکتا، وہ ہمارا ہونے کا حق بھی نہیں رکھتا۔ اور جو ہمارا ہے، وہ کبھی کہیں نہیں جاتا۔

ایک بات ہمیشہ یاد رکھیں ،زندگی بھر کے رشتے صرف وہی نبھاتے ہیں، جن کے دل سچے ہوتے ہیں۔

سلامت رہیں ❤️

19/06/2025

پرانے زمانے کے ایک بادشاہ نے غلاموں کے بازار میں ایک غلام لڑکی دیکھی جس کی بہت زیادہ قیمت مانگی جا رہی تھی۔ بادشاہ نے لڑکی سے پوچھا آخر تم میں ایسا کیا ہے جو سارے بازار سے تمہاری قیمت زیادہ ہے، لڑکی نے کہا؛ بادشاہ سلامت یہ میری ذہانت ہے، جس کی قیمت طلب کی جا رہی ہے۔۔

بادشاہ نے کہا اچھا میں تم سے کچھ سوالات کرتا ہوں،اگر تم نے درست جواب دیے تو تم آزاد ہو نہیں تو تمہیں قتل کر دیا جائے گا۔
لڑکی آمادہ ہوگئی تب بادشاہ نے پوچھا؛

سب سے قیمتی لباس کونسا ہے۔؟؟
سب سے بہترین خوشبو کونسی ہے۔؟؟
سب سے لذیذ کھانا کونسا ہے۔؟؟
سب سے نرم بستر کونسا ہے۔؟؟
اور سب سے خوبصورت ملک کونسا ہے۔؟؟

لڑکی نے اپنے تاجر سے کہا میرا گھوڑا تیار کرو کیونکہ میں آزاد ہونے لگی ہوں۔ پھر پہلے سوال کا جواب دیا۔

سب سے قیمتی لباس کسی غریب کا وہ لباس ہے جس کے علاوہ اس کے پاس کوئی دوسرا لباس نہ ہو، یہ لباس پھر سردی گرمی عید تہوار ہر موقع ہر چلتا ہے۔

سب سے خوبصورت خوشبو ماں کی ہوتی ہے بھلے وہ مویشیوں کا گوبر ڈھونے والی مزدور ہی کیوں نہ ہو، اس کی اولاد کیلئے اس کی خوشبو سے بہترین کوئی نہ ہوگی۔

لڑکی نے کہا سب سے بہترین کھانا بھوکے پیٹ کا کھانا ہے۔
بھوک ہو تو سوکھی روٹی بھی لذیذ لگتی ہے۔

دنیا کا نرم ترین بستر بہترین انصاف کرنے والے کا ہوتا ہے۔
ظالم کو ململ و کمخواب سے آراستہ بستر پر بھی سکون نہیں ملتا۔

یہ کہہ کر لڑکی گھوڑے پر بیٹھ گئی، بادشاہ جو مبہوت یہ اب سُن رہا تھا اچانک اس نے چونک کر کہا لڑکی تم نے آخری سوال کا جواب نہیں دیا۔۔

سب سے خوبصورت ملک کونسا ہے۔؟؟

لڑکی نے کہا؛ بادشاہ سلامت دنیا کا سب سے خوبصورت ملک وہ ہے جو آزاد ہو، جہاں کوئی غلام نہ ہو اور جہاں کے حکمران ظالم اور جاہل نہ ہوں۔

لڑکی کے اس آخری جواب میں انسانیت کی ساری تاریخ کا قصہ تمام ہوتا ہے۔

15/06/2025

کچھ اخلاقیات جو آپ کو مہذب نظر آنے میں مدد دے سکتی ہیں:

1. کسی شخص کو مسلسل دو بار سے زیادہ کال مت کریں . اگر وہ اپکی کال نہیں اٹھاتے تو اس کا مطلب یہ ہے کہ وہ کسی اور ضروری کام میں مصروف ہیں ۔
2. کسی سے لی گئ ادھار رقم انکے یاد دلانے سے پہلے ادا کردیں . 1 روپیہ ہو یا 1 کروڑ یہ آپ کے کردار کی پختگی دکھاتا ہے۔

3. کسی کی دعوت پر مینو پر مہنگی ڈش کا آڈر نہ دیں. اگر ممکن ہو تو ان سے پوچھیں کہ آپ کے لئے کھانے کی اپنی پسند کا آڈر دیں ۔
4. مختلف سوالات کسی مت پوچھیں جیسے 'اوہ تو آپ ابھی تک شادی شدہ نہیں ہیں' یا 'آپ کے بچے نہیں ہیں' یا 'آپ نے گھر کیوں نہیں خریدا؟' خدا کی لئے یہ آپ کا مسئلہ نہیں ہے. .

5. ہمیشہ اپنے پیچھے آنے والے شخص کے لئے دروازہ کھولیں. کوئی فرق نہیں پڑتا کہ یہ مرد ہے یا عورت ۔ آپ کا قد لوگوں کے سامنے کسی سے اچھی طرح سے پیش آنے سے چھوٹا نہیں بڑھتا ہے
6. اگر آپ کسی دوست کے ساتھ ٹیکسی لے لیں ، اور کرایہ وہ ادا کرتا ہے تو آپ اگلی بار ادا کریں.

7. مختلف سیاسی نظریات کا احترام کریں.

8. لوگوں کی بات نہ کاٹیں
9. اگر آپ کسی کو تنگ کررے ہیں، اور وہ اس سے لطف اندوز نہیں ہوتے تو رک جائیں اور دوبارہ کبھی ایسا نہ کریں.

10. جب کوئی آپکی مدد کرے تو آپ اسکا شکریہ ادا کریں۔

11. کسی کی تعریف کرنی ہو تو لوگوں کے سامنے کریں. اور تنقید صرف تنہائی میں

12. کسی کے وزن پر کوئی تبصرہ کرنے کی کوئی تک نہیں بنتی۔. بس کہیں ، "آپ اچھے نظر آتے ہیں ." اگر وہ وزن کم۔کرنے کے بارے میں بات کرنا چاہتے ہیں تو وہ کریں گے.

13. جب کوئی آپ کو اپنے فون پر ایک تصویر دکھاتا ہے، تو بائیں یا دائیں سوائپ نہ کریں. آپکو کچھ نہیں پتہ کہ آگے کیا ہے۔
14. اگر ایک ساتھی آپ کو بتاتا ہے کہ ان کو ڈاکٹر کے پاس جانا ہے،تو یہ نہ پوچھیں کہ کس لئے۔۔ بس آپ اچھی صحت کی دعا دیں . اگر وہ اس کے بارے میں بات کرنا چاہتے ہیں تو وہ کریں گے۔

15.جس طرح آپ ایک سی ای او کے ساتھ احترام سے پیش آتے ہیں اسی طرح اپنے آفس بوئے اور چوکیدار کے ساتھ پیش آئیں۔ اپنے سے کم تر حثیت کے لوگوں سے اپکا برتاوء آپکے کردار کا آئینہ دار ہے ۔

16. اگر کوئی شخص آپ کے ساتھ براہ راست بات کر رہا ہے، تو آپ مسلسل اپنے موبائل فون کی طرف نہ دیکھیں
17. جب تک آپ سے پوچھا نہ جائے مشورہ نہ دیں ۔

18. کسی سے عرصے بعد ملاقات ہورہی ہو تو ان سے، عمر اور تنخواہ نہ پوچھیں جب تک وہ خود اس بارے میں بات نہ کرنا چاہیں۔

19. اپنے کام سے کام رکھیں اور کسی معاملے میں دخل نہ دیں جب تک آپکو دعوت نہ دی جائے۔

20. اگر آپ گلی میں کسی سے بات کر رہے ہیں تو دھوپ کا۔چشمہ اتار دیں ۔یہ احترام کی نشانی ہے

14/06/2025

کل دن بھر کیا کچھ ہوا؟* 🛑

🛑 *13 جون 2025 کی بروز جمعہ | اہم خبروں کی جھلکیاں |*

🚨 (1) اس را_ئیل کا ایران پر بڑا حملہ، آرمی چیف سمیت 4 اعلیٰ فوجی افسران اور 6 جوہری سائنسدان جاں بحق

🚨 (2) اس را_ئیل کے فضائی حملوں میں جاں بحق افراد کی تعداد 86 ہوگئی؛ ایران

🚨 (3) پاسداران_انقلاب کی ایرو اسپیس فورس کے سربراہ جنرل حاجی زادے بھی اس را_ئیلی حملے میں جاں بحق

🚨 (4) میجر جنرل محمد باقری، میجر جنرل حسین سلامی، میجر جنرل غلام علی راشد، جوہری سائنسدان مہدی طہرانچی، فریدون عباسی، عبدالحمید منوچہر، احمدرضا ذوالفقاری، امیرحسین فقیہی اور مطلب لیزادہ جاں بحق ہوئے

🚨 (5) ایران پر حملوں کے بعد پاکستان نے اپنی ایٹمی تنصیبات کے قریب لڑاکا طیارے تعینات کر دیے

🚨 (6) اس را_ئیل کے ایران پر حملے جاری، تہران میں ایٹمی سائٹ کے قریب دھماکے

🚨 (7) اس را_ئیلی حملے کا شکار ایران کی نطنز جوہری تنصیبات کی سیٹیلائٹ تصاویر منظرعام پر آگئیں

🚨 (8) اس _رائیلی جارحیت پر ایران کا جوابی حملہ، 100 سے زائد ڈرونز داغ دیئے

🚨 (9) ایران نے اس را_ئیل پر جوابی ڈرون حملوں کی تردید کردی

🚨 (10) اس را_ئیل نے ایرانی سرزمین پر موساد کے کمانڈوز کی ملٹری کارروائی کی ویڈیو جاری کردی

🚨 (11) ایران ایٹمی ہتھیار بنا رہا تھا؛ حملے کے سوا کوئی راستہ نہیں تھا؛ نیتن یاہو

🚨 (12) ایران فوری معاہدہ کرے، ورنہ ایرانی سلطنت صفحہ ہستی سے مٹ جائے گی، ڈونلڈ ٹرمپ کا انتباہ

🚨 (13) اگلے حملے زیادہ سنگین ہونگے، ایران نے حملہ کیا تو امریکا، اس را_ئیل کا دفاع کرے گا۔" ٹرمپ کی دھمکی

🚨 (14) ایران کا فیصلہ کن جواب دشمن کو اس کے احمقانہ اقدام پر پشیمان کر دے گا: ایرانی صدر

🚨 (15) ایران اس را_ئیل جنگ: عالمی مارکیٹ میں خام تیل کی قیمتوں میں 7 فیصد اضافہ

🚨 (16) اس را_ئیلی حملے کے بعد خلیجی ممالک کی فضائی حدود بند، بڑی ایئرلائنز نے پروازیں معطل کردیں

🚨 (17) ایران میں اس را_ئیلی حملوں کیخلاف عوام سڑکوں پر نکل آئے، فوری جوابی کارروائی کا مطالبہ

🚨 (18) پاکستان کی اپنے شہریوں کو ایران اور عراق کے سفر سے گریز کی ہدایت

🚨 (19) اس را_ئیلی حملہ، ایران میں انتقام کی علامت ’سرخ پرچم‘ لہرا دیاگیا

🚨 (20) ایران کے جوابی حملے کا خوف، اس را_ئیل میں سپر اسٹورز خالی ہونے لگے

🚨 (21) پاکستانی سفارتخانے کی ایران میں پاکستانی شہریوں کو محفوظ مقامات پر رہنے کی ہدایت

🚨 (22) اس را_ئیل خطے کو تباہی کی طرف دھکیلنے کی کوشش کر رہا ہے، صدر ترکیہ

🚨 (23) اس _رائیل نے مسجد_اقصیٰ کو نمازیوں کے لیے غیر معینہ مدت تک بند کر دیا

🚨 (24) اس را_ئیلی جارحیت علاقائی امن کیلئے خطرہ ؛ دفاع کرنا ایران کا حق ہے، پاکستان

🚨 (25) اسرائیل کا ایران پر حملہ بہت افسوس ناک، یہ زیادتی ہے، نواز شریف

🚨 (26) اس را_ئیل کو لگام نہ ڈالی گئی تو عالمی امن خطرے میں پڑ جائے گا، مولانا فضل الرحمان

🚨 (27) ایران میں موجود پاکستانی زائرین کی حفاظت کیلئے اقدامات، کرائسز مینجمنٹ یونٹ قائم

🚨 (28) ایران پر اس را_ئیلی حملے کی مذمت، اقوام متحدہ، سعودی عرب، چین، ترکیہ، آسٹریلیا اور نیوزی لینڈ سراپا احتجاج

🚨 (29) قومی اسمبلی اور سینیٹ میں ایران پر اس را_ئیلی حملے کے خلاف قراردادیں متفقہ طور پر منظور

🚨 (30) پنجاب اسمبلی میں ایران پر اس را_ئیلی حملے کیخلاف مذمتی قرارداد متفقہ طور پر منظور

🚨 (31) خیبرپختونخو اسمبلی میں ایران پر اس را_ئیلی جارحیت کیخلاف مذمتی قرارداد منظور

🚨 (32) ماحولیاتی وسائل کو ہتھیار بنانا خطرناک، پانی روکنے پر بھارت کو جواب دیں گے: بلاول بھٹو

🚨 (33) اس را_ئیل نے اپنے لیے تلخ اور تکلیف دہ قسمت کا انتخاب کیا، سزا ضرور ملے گی: خامنہ_ای

🚨 (34) محمد پاکپور پاسداران_انقلاب اور عبدالرحیم موسوی مسلح افواج کے سربراہ مقرر

🚨 (35) ایران پر حملہ علاقائی سالمیت کی کھلی خلاف ورزی ہے، صدر اور وزیراعظم کی شدید مذمت

🚨 (36) ایران کے پاس وقت کم، جلد معاہدہ نہ کیا تو کچھ نہیں بچے گا: ٹرمپ کی دھمکی

🚨 (37) سندھ کا 34 کھرب سے زائد کا بجٹ پیش، تعلیم کیلئے بجٹ میں 12.4 فیصد اضافہ

🚨 (38) گریڈ 1 سے 16 تک کے ملازمین کی تنخواہوں میں 12 فیصد، گریڈ 17 سے 22 کے ملازمین کی تنخواہیں 10 فیصد بڑھائی جائیں گی جبکہ پنشن میں 8 فیصد اضافہ کیا جائے گا: وزیراعلیٰ سندھ کا اعلان

🚨 (39) خیبرپختونخوا کا 2 ہزار 119 ارب روپے کا بجٹ پیش، پنشن، تنخواہیں بڑھا دی گئیں

🚨 (40) خیبر پختونخوا کا بجٹ، سرکاری ملازمین کی تنخواہوں میں 10 فیصد، پنشن میں 7 فیصد اضافے کی تجویز

🚨 (41) خیبرپختونخوا حکومت نے تعلیمی بجٹ میں 11 فیصد اضافہ کردیا

🚨 (42) کراچی میں انتہائی گرم دن ریکارڈ، پارہ 39.1 ڈگری جاپہنچا

🚨 (43) بھارت کی جانب سے پاکستان کیلیے آئی ایم ایف فنڈنگ روکنے کی ایک اور کوشش ناکام

🚨 (44) حکومت کو ڈاکٹر عافیہ کی رہائی کی استدعا سے آخر کیا نقصان ہے؟، اسلام آباد ہائیکورٹ

🚨 (45) اسٹاک ایکسچینج میں شدید مندی؛ انڈیکس 3 نفسیاتی حدیں کھو بیٹھا

🚨 (46) 26 نومبر احتجاج کیس: عدالت نے غیر حاضر پی ٹی آئی کارکنان کے وارنٹ گرفتاری جاری کردیے

🚨 (47) فی تولہ سونے کی قیمت 4 ہزار 600 روپے اضافے سے 3 لاکھ 61 ہزار 500 روپے ہو گئی

🚨 (48) بابر اعظم کا بگ بیش لیگ کیلئے آسٹریلوی فرنچائز کے ساتھ معاہدہ ہو گیا

🚨 (49) اسلام آباد میں قتل کی گئی ثنا یوسف کی والدہ اور پھوپھی نے ملزم عمر حیات کو شناخت کرلیا

🚨 (50) کراچی: بیوی اور بیٹے کو قتل کرکے اپنا گلا کاٹنے والا شخص پولیس حراست میں دم توڑ گیا

🚨 (51) کراچی: سیف سٹی کیمروں کی مدد سے جعلی نمبر پلیٹ لگی کار پکڑی گئی، ڈرائیور گرفتار

🚨 (52) انسداد پولیو مہم: 4 کروڑ 50 لاکھ بچوں کو پولیو کے قطرے پلائے گئے

🚨 (53) بھارتی اداکارہ کرشمہ کپور کے سابق شوہر پولو کھیلتے ہوئے اچانک انتقال کرگئے

🚨 (54) فاٹا اور پاٹا سے ٹیکس وصولی میں وفاقی حکومت سے تعاون نہیں کریں گے، علی امین گنڈاپور

🚨 (55) احمد آباد میں تباہ ہونے والے ایئر انڈیا کے طیارے کا بلیک باکس مل گیا: پولیس حکام

🚨 (56) انڈیا کے وزیر اعظم نریندر مودی نے جائے حادثہ کا دورہ کیا ہے اور احمد آباد کے سول ہسپتال میں جا کر زخمیوں کی عیادت کی

🚨 (57) طیارے کے مسافروں کے علاوہ وہ آٹھ افراد بھی ہلاک ہوئے ہیں جو اس جگہ موجود تھے جہاں طیارہ گرا

🚨 (58) برطانوی کرائم ایجنسی نے شیخ حسینہ واجد کے ساتھی کے اثاثے منجمد کر دیے

🚨 (59) ٹیسٹ چیمپئن شپ فائنل: آسٹریلیا کیخلاف جنوبی افریقہ کو جیت کیلئے 8 وکٹوں پر 69 رنز درکار

🚨 (60) ساؤتھ ایشین باڈی بلڈنگ چیمپئن شپ: پاکستانی ایتھلیٹس نے گولڈ میڈل حاصل کر لیا

mujahid bhatti officials

01/07/2025

29/06/2025

28/06/2025

27/06/2025

26/06/2025

25/06/2025

22/06/2025

19/06/2025

15/06/2025

14/06/2025

Address

Telephone

Website

Alerts

Shortcuts

Share

Category