Sultan Khel

20/02/2026

سلطان خیل و مضافات میں سحر وافطار

20/02/2026

19/02/2026

انتقال پر ملال
ـــــــــــــــــــــــــ
انتہائی افسوس کے ساتھ مطلع کیا جاتا ہے کہ وانڈھا باہیانوالہ مکڑوال کے رہائشی گل بادشاہ ولد نعمت شاہ قضاء الٰہی سے انتقال کرگئے ہیں
إنا لله وإنا إليه راجعون
مرحوم نے پسماندگان میں چار بیٹے سوگوار چھوڑے ہیں
عمران خان ، عرفان خان ، زبیر خان اور ہارون خان اللّٰہ پاک ماہ رمضان کے طفیل مرحوم کی مغفرت فرمائے اور لواحقین کو صبر جمیل عطا فرمائے آمین

ایڈمن : فیسبک پیج سلطان خیل

18/02/2026

سلطان خیل و مضافات رمضان2026 کیلنڈر

18/02/2026

اوقات سحر و افطار
سلطان خیل و مضافات
01 رمضان 1447ھ

18/02/2026

رمضان کا چاند نظر آگیا ہے

18/02/2026

مرحبا رمضان

18/02/2026

انتقال پر ملال
انتہائی افسوس کے ساتھ مطلع کیا جاتا ہے کہ مٹھہ خٹک کے رہائشی مہر خان ولد عالم خان ( مرحوم) قوم نظم خیل قضاء الٰہی سے رحلت فرما گئے ہیں
إِنَّا لِلّهِ وَإِنَّـا إِلَيْهِ رَاجِعونَ
مرحوم نے پسماندگان میں چار بیٹے سوگوار چھوڑے ہیں
حیات اللّٰہ خان ، امیر عبداللہ خان ، سیف اللہ خان اور محب اللہ خان
اللّٰہ پاک مرحوم کی مغفرت فرمائے اور لواحقین کو صبر جمیل عطا فرمائے آمین
#سلطانـخیل


Mohib Pasha

13/02/2026

الف انار سے الف انسانیت تک — پاکستانی معاشرے کا اصل سبق

تحریر:-عزیز اُللہ خان ایڈووکیٹ

ہم نے بچپن میں تختی پر پہلا حرف لکھا تھا: الف سے انار۔ سرخ، رسیلا، خوبصورت انار — جس کے دانے جتنے زیادہ ہوں، اتنا قیمتی سمجھا جاتا ہے۔ مگر سوال یہ ہے کہ کیا ہماری تعلیم اور تربیت کا سفر صرف “انار” تک محدود رہ گیا ہے؟ کیا ہم نے “الف” کو صرف ایک پھل تک سمیٹ دیا ہے، یا اسے “الف انسانیت” تک پہنچایا ہے؟

پاکستانی معاشرے میں آج سب سے بڑا بحران معاشی نہیں، اخلاقی ہے۔ ہم نے کامیابی کو دولت، گاڑی، بنگلے اور عہدے سے جوڑ دیا ہے۔ بچے کو شروع سے سکھایا جاتا ہے کہ ڈاکٹر، انجینئر یا افسر بنو — مگر یہ کم ہی سکھایا جاتا ہے کہ انسان بنو۔ نتیجہ یہ ہے کہ ڈگریاں بڑھ رہی ہیں، مگر برداشت کم ہو رہی ہے۔ عمارتیں اونچی ہو رہی ہیں، مگر ظرف پست ہو رہا ہے۔

“الف انار” ہمیں مقابلہ سکھاتا ہے — زیادہ حاصل کرو، آگے بڑھو، سب سے بڑھ کر دکھاؤ۔ مگر “الف انسانیت” ہمیں خدمت سکھاتا ہے — کمزور کا سہارا بنو، سچ بولو، انصاف کرو، اور دوسروں کے لیے آسانی پیدا کرو۔ ہمارے معاشرے میں بدقسمتی سے مقابلے کی دوڑ نے انسانیت کو پیچھے چھوڑ دیا ہے۔ سوشل میڈیا پر کردار کشی عام ہے، سڑک پر برداشت ناپید ہے، سیاست میں شائستگی ختم ہو چکی ہے، اور کاروبار میں دیانت ایک نایاب صفت بنتی جا رہی ہے۔

یہ وہ ملک ہے جو “مدینہ کی ریاست” کا خواب دیکھتا ہے۔ مگر ریاستِ مدینہ کی بنیاد “انار” نہیں، “انسانیت” تھی۔ وہاں کمزور کی داد رسی ہوتی تھی، طاقتور کو قانون کے سامنے جھکنا پڑتا تھا، اور حکمران خود کو خادم سمجھتا تھا۔ آج ہم قانون کو طاقت کے تابع اور سچ کو مفاد کے تابع دیکھتے ہیں۔

تعلیمی اداروں میں اخلاقیات کا مضمون تو موجود ہے، مگر عملی زندگی میں اس کی جھلک کم دکھائی دیتی ہے۔ اگر استاد خود احترام نہ کرے، اگر والدین خود سچ نہ بولیں، اگر لیڈر خود قانون نہ مانیں، تو نئی نسل “الف انسانیت” کہاں سے سیکھے گی؟ معاشرہ کتابوں سے نہیں، کرداروں سے بنتا ہے۔

ہمیں اپنے نصاب اور اپنی سوچ میں ایک چھوٹی سی مگر انقلابی تبدیلی کی ضرورت ہے۔ بچوں کو صرف الفاظ نہیں، اقدار سکھائی جائیں۔ “الف انار” کے ساتھ “الف امانت”، “الف انصاف” اور سب سے بڑھ کر “الف انسانیت” کو جوڑا جائے۔ کیونکہ ایک ایسا معاشرہ جو صرف دولت کماتا ہے مگر دل ہارتا ہے، وہ دیرپا ترقی نہیں کر سکتا۔

پاکستان کی اصل طاقت اس کی فوج یا اس کی ایٹمی صلاحیت نہیں، اس کے لوگ ہیں۔ اگر یہی لوگ ایک دوسرے کے لیے آسانی پیدا کرنے لگیں، سچ بولنے لگیں، اور قانون کا احترام کرنے لگیں، تو مسائل خود بخود کم ہونے لگیں گے۔ ہمیں یاد رکھنا چاہیے کہ قومیں سڑکوں اور پلوں سے نہیں، اصولوں اور کردار سے بنتی ہیں۔

آئیے، تختی دوبارہ اٹھائیں۔ اس بار “الف” لکھیں — مگر اس کے ساتھ صرف انار نہیں، انسانیت بھی لکھیں۔ کیونکہ جب “الف انسانیت” زندہ ہوگا، تبھی پاکستان حقیقی معنوں میں ترقی کرے گا۔

11/02/2026

🚨وزیر دفاع خواجہ آصف کا کہنا ہے کہ پاکستان رمضان سے قبل افغانستان میں دہشت گردوں کے خلاف کارروائی کرسکتا ہے۔