16/06/2025
فارسیوں (ایرانیوں) نے گورے (اسرائیل) کو چار چپیڑیں ماری ہیں تو سعودی عرب نے بھی اس کو برادر اسلامی ملک تسیلم کر لیا ہے اور یہ اطلاع بھی دی ہے کہ ساری اسلامی دنیا برادر عزیز ایران کے پیچھے کھڑی ہے۔
اس بات کا ایک مطلب یہ ہے کہ جب تک اپنی بقا کیلئے آپ خود کوئی اسٹینڈ نہیں لیتے تب تک دوسرے آپ کو شکستہ حال اور غریب سمجھ کے نظر انداز کرتے رہیں گے اور دوسرا مطلب یہ ہے کہ جن امیروں کو آپ اپنا دوست سمجھتے ہیں جب وہ آپ کے بھائی بندوں کیساتھ دست درازی پر اتر آتے ہیں تب ہی آپ کو سمجھ آتی ہے کہ برادری کے ساتھ رہنا اور برادری کا مضبوط ہونا سب کی بقا کیلئے کس قدر اہم ہے۔
بیرونی دنیا کے ہاتھ مضبوط کرنے یا ان کے ہاتھ میں کھیلنے والے اسلامی ممالک کو آج بھی دو باتیں سمجھ میں آجائیں تو بہتر ہے، ایک یہ کہ ایک ملت ہونے کے ناطے ایک دوسرے کو مضبوط کرنا کتنا اہم ہے اور دوسری یہ کہ ذاتی مفاد کیلئے مغرب کیساتھ جیسے تعلقات چاہیں رکھیں لیکن ان مفادات کیلئے اپنی برادری کے مفادات کا سودا مت کریں۔
ایران نے انڈیا پر ہمیشہ مسلمانوں سے زیادہ بھروسہ کیا ہے اس کا نتیجہ کیا نکلا کہ اپنا بہت سا نقصان کرا کے اب درجنوں کے حساب سے انڈین جاسوس پکڑتا پھر رہا ہے اور عرب دنیا اس گورے سے تعلقات اچھے بناتے بناتے اتنا دور نکل گئے تھے کہ اب جب وہ ایران پر حملہ آور ہوا ہے تو ایکدم سب کو خدا اور برادرانِ اسلام یاد آگئے ہیں کیونکہ اس سے اگلا نمبر کسی کا بھی ہو سکتا ہے۔
عالم اسلام کی عرب دنیا اور عجمی دنیا کو ایک ساتھ چلنا ہوگا ورنہ اکیلئے اکیلئے مار کھاتے رہیں گے جبکہ تھوڑی سی ہمت کرکے ایک دوسرے کا بازو بن سکتے ہیں
جیسے ہمارے برے وقت میں آذربائجان، ترکیہ اور بنگلہ دیش کھل کے ہمارے ساتھ کھڑے ہو گئے تھے اور ایران کے برے وقت میں پاکستان نے کھل کے ایران کی حمایت کی ہے۔
💐
