27/08/2026
کوئٹہ: بلوچستان نیشنل پارٹی کے مرکزی سینئر نائب صدر ساجد ترین ایڈووکیٹ کی زیرِ صدارت بی این پی اور بی ایس او کا مشترکہ اجلاس النوید ہاؤسنگ اسکیم، مغربی بائی پاس میں حاجی میر وحید لہڑی کی رہائش گاہ پر منعقد ہوا۔
بی این پی کے مرکزی سینیئر نائب صدر ساجد ترین ایڈووکیٹ کی زیرِ صدارت بی این پی اور بلوچ اسٹوڈنٹس آرگنائزیشن کا مشترکہ اجلاس حاجی میر وحید لہڑی کی رہائش گاہ پر منعقد ہوا۔ اجلاس میں پارٹی و تنظیمی امور، دو ستمبر کو راہشون سردار عطااللہ مینگل کی پانچویں اور شہداء شاہوانی اسٹیڈیم کی پہلی برسی کے حوالے سے تفصیلی مشاورت کی گئی۔
اجلاس میں پارٹی کے مرکزی ڈپٹی سیکرٹری ملک نصیر احمد شاہوانی، مرکزی فنانس سیکرٹری میر اختر حسین لانگو، مرکزی لیبر سیکرٹری موسیٰ بلوچ، مرکزی ہیومن رائٹس سیکرٹری احمد نواز بلوچ، بی ایس او کے مرکزی سیکرٹری جنرل واجہ صمند بلوچ، بی ایس او کے مرکزی انفرمیشن سیکرٹری شکور بلوچ، پارٹی کے مرکزی ایگزیکٹو کمیٹی کے اراکین غلام نبی مری، چیئرمین واحد، ٹکری شفقت لانگو، چیئرمین جاوید بلوچ، میر مقبول بلوچ، پروین لانگو، جمیلہ بلوچ، شمائلہ اسماعیل بلوچ، ڈاکٹر اسماء منظور بلوچ، ضلع کوئٹہ کے آرگنائزر حاجی میر وحید لہڑی، بی ایس او شال زون کے آرگنائزر کبیر بلوچ، ضلع کوئٹہ کے ڈپٹی آرگنائزر ڈاکٹر جاوید بلوچ، ضلع کوئٹہ آرگنائزنگ کمیٹی کے اراکین طاہر شاہوانی ایڈوکیٹ، حاجی محمد ابراہیم پرکانی، میر نصیر احمد مینگل، حاجی صدیق لانگو، لالا عبدالغفار مینگل، میر کاول خان مری، میر وائس مینگل، ماما نور خان کیھازئی، میر ناصر قمبرانی، اڈویکٹ فریدہ بلوچ سمت یونٹ سیکرٹریز، ڈپٹی یونٹ سیکرٹریز، ضلعی کونسلران، سینئر اراکین، خواتین نے بڑی تعداد میں شرکت کی۔
