Daily Himmat, Press Club, Shahrah Addalat Road, Quetta (2025)

30/09/2025

وئٹہ:
ایف سی ہیڈکوارٹر پر خودکش حملے میں 10 شہری شہید اور 30 سے زائد زخمی ہو گئے جب کہ خودکش بمبار سمیت 6 دہشتگرد ہلاک ہوگئے۔

بلوچستان کے دارالحکومت کوئٹہ کے علاقے ماڈل ٹاؤن میں خوجک روڈ پر ایف سی ہیڈکوارٹر کے مرکزی دروازے پر خودکش دھماکا ہوا جس کی شدت سے قریبی عمارتوں کے شیشے ٹوٹ گئے اور گاڑیوں کو شدید نقصان پہنچا۔

حملے میں 10 شہری شہید ہو گئے جب کہ 30 سے زائد افراد زخمی ہوئے، جن میں 2 سکیورٹی اہلکاروں سمیت 4 خواتین بھی شامل ہیں۔

سکیورٹی فورسز نے فوری کارروائی کرتے ہوئے حملہ آوروں کی کوشش کو ناکام بنا دیا۔ دھماکے کے فوراً بعد فائرنگ کی آوازیں بھی سنی گئیں، جس سے علاقے میں خوف و ہراس پھیل گیا۔

حادثے کی تفصیلات بتاتے ہوئے سکیورٹی ذرائع نے بتایا کہ خودکش حملہ آور نے بارود سے بھری ایک گاڑی کو ایف سی ہیڈکوارٹر کے مرکزی دروازے سے ٹکرا دیا۔ دھماکے کی شدت اتنی زیادہ تھی کہ کئی سو فٹ دور تک عمارتوں کے شیشے اور کھڑی گاڑیوں کو نقصان پہنچا۔

ابتدائی تحقیقات کے مطابق حملہ بلوچستان میں جاری دہشت گردی کی ایک کڑی ہے، جس میں حملہ آوروں نے ہیڈکوارٹر میں داخل ہونے کی کوشش کی مگر سکیورٹی فورسز کی بروقت کارروائی نے سازش ناکام بنا دی۔

10 شہادتوں کی تصدیق

صوبائی وزیرِ صحت بخت محمد کاکڑ نے سول اسپتال کوئٹہ سے تصدیق کرتے ہوئے بتایا کہ دھماکے میں 10 افراد شہید ہو گئے جن میں 4 خواتین شامل ہیں جب کہ 30 سے زائد زخمیوں کو طبی امداد فراہم کی جا رہی ہے، جن میں 2 سکیورٹی اہلکار بھی شامل ہیں۔ زخمیوں میں سے کئی افراد کی حالت نازک بتائی جاتی ہے، جنہیں انتہائی نگہداشت وارڈ میں رکھا گیا ہے۔

وزیر داخلہ کا ایف سی کے جوانوں کو خراج تحسین

وفاقی وزیرداخلہ محسن نقوی نے کوئٹہ میں فتنۃ الہندوستان کے 6 حملہ آوروں کو جہنم واصل کرنے پر ایف سی کے جوانوں کی ستائش کرتے ہوئے کہا ہے کہ ایف سی کے بہادر سپوتوں نے خودکش بمبار سمیت 6 دہشتگردوں کو عبرتناک انجام تک پہنچا کر مذموم عزائم کو ناکام بنایا۔

انہوں نے اپنے بیان میں کہا کہ ایف سی کے جوانوں نے جرأت کے ساتھ فتنۃ الہندوستان کے دہشتگردوں کا مقابلہ کیا اور دہشتگردوں کو جہنم واصل کیا ، جس پر انہیں خراج تحسین پیش کرتا ہوں۔انہوں نے ایف سی جوانوں کی پیشہ ورانہ صلاحیتوں کو سراہتے ہوئے کہا کہ ایف سی کے بہادر جوانوں پر ناز ہے۔ وزیرداخلہ نے زخمی ہونے والے 2 جوانوں کی جلد صحتیابی کے لیے دعا بھی کی۔

وزیر اعلیٰ بلوچستان کی مذمت

وزیرِ اعلیٰ بلوچستان میر سرفراز بگٹی نے واقعے کی مذمت کرتے ہوئے کہا کہ دہشت گردوں کی بزدلانہ اور انسانیت سوز کارروائی کا مقصد امن و امان کی صورتحال کو خراب کرنا ہے۔ انہوں نے سکیورٹی فورسز کی فوری اور مؤثر کارروائی کی تعریف کی اور کہا کہ واقعے کے فوراً بعد دہشت گردوں کو واصل جہنم کردیا گیا۔

انہوں نے متاثرہ خاندانوں سے ہمدردی کا اظہار کرتے ہوئے اعلان کیا کہ شہدا کے لیے فوری مالی امداد اور زخمیوں کے علاج کا پورا خرچہ صوبائی حکومت برداشت کرے گی۔

شہر کی سکیورٹی سخت

واقعے کے بعد کوئٹہ شہر میں سکیورٹی کے سخت انتظامات کر دیے گئے ہیں۔ ایف سی اور پولیس نے علاقے کی ناکا بندی کر دی ہے جب کہ بم ڈسپوزل اسکواڈز کو الرٹ کر دیا گیا ہے۔

سکیورٹی حکام کا کہنا ہے کہ حملہ آوروں کی شناخت اور ان کے محرکات کی تحقیقات جاری ہیں اور ممکنہ طور پر یہ حملہ مقامی دہشت گرد گروہوں سے منسلک ہے۔

ترجمان ایف سی نے ابتدائی بیان میں تصدیق کی ہے کہ ہیڈکوارٹر کی دیواریں اور مرکزی گیٹ شدید متاثر ہوئے ہیں، تاہم اندرونی تنصیبات محفوظ ہیں۔ یہ حملہ بلوچستان میں حالیہ دنوں میں دہشت گردی کی لہر کا حصہ ہے، جہاں پولیس ٹریننگ سینٹرز، سیاسی جلسوں اور سرکاری تنصیبات کو نشانہ بنایا جا رہا ہے۔

19/09/2025

ڈی جی آئی ایس پی آر لیفٹیننٹ جنرل احمد شریف چودھری نے واضح کیا ہے کہ ’’مستند شواہد موجود ہیں کہ غیر قانونی افغان باشندے دہشتگردی اور سنگین جرائم میں ملوث ہیں۔‘‘

ڈی جی آئی ایس پی آر نے 5ستمبر 2025ء کو جرمن جریدے کے نمائندہ کے ساتھ اہم امور پر تفصیلی گفتگو کی۔

جرمن جریدے کو خصوصی انٹرویو میں ڈی جی آئی ایس پی آر نے کہا کہ پاکستان نے 40 سال تک لاکھوں افغان مہاجرین کی میزبانی کی، افغان مہاجرین کی باعزت واپسی کے لیے بہت منظم طریقے سے اقدامات کیے گئے ہیں اور پاکستان نے انسانی بنیادوں پر افغان مہاجرین کے انخلاء کی ڈیڈ لائن میں متعدد بار توسیع کی ہے۔

لیفٹیننٹ جنرل احمد شریف چودھری نے کہا کہ افغان مہاجرین کو پناہ کی بنیادی وجوہات غیر ملکی مداخلت اور خانہ جنگی تھی وہ وجوہات اب موجود نہیں۔

پڑوسی ملک سے متعلق کیے گئے سوال پر ڈی جی آئی ایس پی آر نے کہا کہ بھارت میں پرتشدد واقعات بھارتی حکومت کی بڑھتی انتہاء پسند پالیسیوں کا نتیجہ ہیں، بھارت اپنے اندرونی مسائل کو بیرونی جبکہ بیرونی مسائل کو اندرونی مسئلہ بنا کر پیش کرتا ہے، بھارت ریاستی سرپرستی میں پاکستان میں دہشتگردانہ کارروائیوں میں ملوث ہے۔

ڈی جی آئی ایس پی آر نے کہا کہ بھارتی فوج کے حاضر سروس افسران کے پاکستان میں دہشتگردانہ کارروائیوں میں ملوث ہونے کے مستند شواہد منظر عام پر آ چکے ہیں اور پاکستان بھارتی دہشتگردی کے ثبوت اقوام عالم کے سامنے متعدد مرتبہ پیش کر چکا ہے۔ انہوں نے کہا کہ مسئلہ کشمیر کے حل کے لیے عالمی برادری کو اپنا کردار ادا کرنا چاہیے۔

لیفٹیننٹ جنرل احمد شریف چودھری نے کہا کہ بھارتی ریاستی ادارے بشمول آرمی شدد پسند سیاسی نظریات کے زیر اثر ہیں، پاکستان کی ریاست تمام غیر ریاستی عناصر کو بلا تفریق مسترد کرتی ہے۔

ڈی جی آئی ایس پی آر نے واضح کیا کہ پاکستان میں کسی بھی جیش یا مسلح جتھوں کے لیے کوئی جگہ نہیں ہے، ریاست کے علاوہ کوئی گروہ یا شخص جہاد کا اعلان کرنے کا اختیار نہیں رکھتا۔

لیفٹیننٹ جنرل احمد شریف چودھری نے کہا کہ پاکستان نے دہشتگردی کے خلاف جنگ میں فرنٹ لائن اسٹیٹ کا کردار ادا کیا اور دہشتگردی کے خلاف جنگ میں بے پناہ قربانیاں دی ہیں۔

ترجمان پاک فوج نے کہا کہ امریکی انخلاء کے بعد افغانستان میں چھوڑے گئے امریکی ہتھیار دہشتگردی میں استعمال ہو رہے ہیں اور امریکا بھی اس اسلحے کے دہشتگردانہ کارروائیوں میں استعمال پر تشویش کا اظہار کر چکا ہے۔

ڈی جی آئی ایس پی آر نے کہا کہ پاک بھارت کشیدگی اور معرکہ حق کے دوران امریکی صدر ٹرمپ کا قائدانہ کردار اسٹریٹجک لیڈر کے طور پر سامنے آیا جبکہ پاکستان کے برادر ملک چین کے ساتھ بھی تعمیری اور اسٹریٹجک تعلقات ہیں۔

ڈی جی آئی ایس پی آر کا کہنا تھا کہ امریکا نے کالعدم مجید بریگیڈ کو عالمی دہشتگرد تنظیم قرار دیا، بلوچستان میں فتنۃ الہندوستان کے متعدد ہلاک دہشتگرد نام نہاد مسنگ پرسنز کی فہرست میں بھی شامل تھے

18/09/2025

ایس ایم ایز(SMEs) کی عالمی برآمدات کو فروغ دینے کے لیے – پاکستان سنگل ونڈو (PSW)کا SMElevate پروگرام
کراچی – پاکستان سنگل ونڈو (PSW) نے اپنے ایس ایم ای لیویٹ پروگرام کے تحت کراچی میں ایک روزہ تربیتی ورکشاپ کا انعقاد کیا۔ اس ورکشاپ کا مقصد ٹیکسٹائل کی چھوٹی اور درمیانی صنعتوں (SMEs) کو عالمی مارکیٹ کے لیے تیار کرنا تھا۔ ورکشاپ میں بتایا گیا کہ کس طرح ایس ایم ایز پی ایس ڈبلیو کی آن لائن سہولتوں اور ڈیجیٹل سسٹم سے فائدہ اٹھا کر اپنی برآمدات بڑھا سکتی ہیں اور عالمی منڈیوں میں مقابلہ کر سکتی ہیں۔ لاہور اور سیالکوٹ کے بعد یہ سیشن کراچی میں منعقد کیا گیا۔
ورکشاپ میں اسٹیٹ بینک آف پاکستان (SBP)، پاکستان کسٹمز، ٹریڈ ڈویلپمنٹ اتھارٹی آف پاکستان (TDAP)، گیٹز فارما اور دیگر ماہرین نے شرکت کی۔ سیشنز میں ایس ایم ایز کی ایکسپورٹ کے لیے تیاری کے اہم پہلوؤں پر گفتگو کی گئی جن میں ریگولیٹری کمپلائنسز، نئے خریداروں اور مارکیٹس کو جاننے کے لیے ڈیٹا اینالیٹکس اور اے آئی کا استعمال، فری ٹریڈ ایگریمنٹس (FTAs) اور ڈیجیٹل سی او اوز کے فوائد، ایکسپورٹ فسیلیٹیشن اسکیمز سے فائدہ اٹھانا، ڈیجیٹل ٹولز کے ذریعے لاگت میں کمی اور منافع میں اضافہ، عالمی برانڈ امیج قائم کرنا اور فنانس تک بہتر رسائی شامل تھے۔ مالیاتی اداروں، تجارتی تنظیموں اور سرکاری ایجنسیوں کو اکٹھا کرکے ورکشاپ نے ایس ایم ایز کو عملی علم اور ٹولز فراہم کیے تاکہ وہ تجارتی چیلنجز پر قابو پا سکیں، کمپلائنس کو مضبوط بنا سکیں اور بین الاقوامی مارکیٹس میں مسابقتی صلاحیت بہتر بنا سکیں۔
اس موقع پر پی ایس ڈبلیو نے ایک اہم سنگِ میل کا اعلان کیا، یعنی ٹریڈ لیب کے آغاز کا، جو پاکستان کا پہلا ڈیجیٹل ای-لرننگ پلیٹ فارم ہے۔ یہ پلیٹ فارم ilmX نے تیار کیا ہے، اور اس پلیٹ فارم پر بین الاقوامی تجارت، کسٹمز کے عمل، انٹرنیشنل مارکیٹنگ اور برانڈنگ، ایکسپورٹ پروسیجرز اور ای کامرس پر خصوصی کورسز دستیاب ہیں۔ یہ جدید ای-لرننگ پلیٹ فارم ایک اہم قدم ہے جو ایس ایم ایز بشمول خواتین کی قیادت میں چلنے والے کاروباروں کو وہ سہولتیں فراہم کرتا ہے، جو نہ صرف انہیں عالمی سطح پر پھیلنے میں مدد دیں گی بلکہ پائیدار کامیابی کے حصول کے لیے بھی معاون ثابت ہوں گی۔
"ایس ایم ایز پاکستان کی ایکسپورٹ میں اضافہ کرنے کی بے پناہ صلاحیت رکھتی ہیں، اور اگر انہیں درست رہنمائی اور جدید ترین ڈیجیٹل ٹولز فراہم کیے جائیں تو ہم اس صلاحیت کو تاجر برادری اور ملکی معیشت کی خوشحالی کے لیے استعمال کر سکتے ہیں،" پی ایس ڈبلیو کے چیف ڈومین آفیسر نوید عباس میمن نے کہا۔ "پی ایس ڈبلیو میں ہمارا وژن یہ ہے کہ ہم ٹیکنالوجی کے ذریعے نیشنل ریگولیشنز کی کمپلائنس کو آسان بنائیں، خاص طور پر کراس بارڈر ٹریڈ اور متعلقہ سروسز کے لیے۔ SMElevate کے ذریعے ہم اس وژن کو عملی جامہ پہنا رہے ہیں، تاکہ ایکسپورٹ کی تیاری بہتر ہو اور پاکستان کی معاشی ترقی اور عالمی مسابقت میں اضافہ ہو۔"
آرٹسٹک ملینرز (پرائیویٹ) لمیٹڈ کے چیئرمین یعقوب احمد نے بطور مہمانِ خصوصی ورکشاپ میں شرکت کی اور SMElevate کے ذریعے ایس ایم ایز کی ایکسپورٹ تیاری کو مضبوط بنانے میں پی ایس ڈبلیو کی کوششوں کو سراہا۔ انہوں نے کہا: "پائیدار کامیابی کبھی راتوں رات حاصل نہیں ہوتی، یہ ان بنیادوں پر قائم ہوتی ہے جو ہمیشہ مضبوط رہتی ہیں۔ ہر کاروبار کو تین بنیادی چیزوں کی ضرورت ہوتی ہے: مہارت، محنت، اور دیانتداری۔ دیانتداری کے بغیر کامیابی دیرپا نہیں ہو سکتی۔ یہی دیانتداری ہے جو ترقی کو توانائی دیتی ہے اور ایس ایم ایز کو عالمی رہنماؤں میں بدل دیتی ہے۔"

13/09/2025

)نیشنل پارٹی کے مرکزی رہنماء بلوچستان اسمبلی میں ڈپٹی پارلیمانی لیڈر میر رحمت صالح بلوچ ایک بلیک میلر گروپ کی جانب سے سوشل میڈیا پر بے بنیاد ،بیجااور کردار کشی پر مبنی مہم پر ایوان میں شدید برہم ہوگئے ۔ایوان میں اظہارخیال کرتے ہوئے رحمت صالح بلوچ نے کہاکہ ایک بلیک میلرگروپ تین چار دنوں سے سوشل میڈیا کے ذریعے بے بنیاد اوربیجا الزامات لگاکر انکی اور پارٹی کی کردار کشی کی مہم چلارہاہے وہ ناصرف اس کی مذمت بلکہ سختی سے تردید کرتے ہوئے وضاحت کرنا چاہتے ہیںکہ میں اپنی پارٹی کی پالیسی سے ایک انچ بھی پیچھے نہیں ہٹوں گا اگر کوئی یہ سمجھتا ہے کہ وہ دبائو ڈال کر ہمیں پیچھے ہٹادیں گے تویہ انکی بھول ہے انہوں نے کہا کہ وہ آئین ،فعال پاکستان ،بالادست پارلیمنٹ ،آزادانہ الیکشن اور آزادی اظہاررائے کی بات کرتے رہینگے ،انہوں نے کہاکہ جس نے ٹیوٹر کے ذریعے میرے حلقے کے اسکیمات کے بارے میں ویڈیوبنائی ہے کہ ایک ارب 31 کروڑ روپے میں نے کرپشن کی نذر کئے ہیں،آج میں فلورپرسوال اٹھارہاہوں کہ میرے پچھلے سال کے جتنے سکیم ہیں مجھے 35 پرسنٹ ایلوکیشن ہی نہیں ملا ہے میں سوال کرتاہو ں کہ کرپشن کہاں سے ہوئی ہے ،ہم نے پچھلے بجٹ بحث میں یہ کہاتھا کہ حلقوں کے فنڈ کے مد میں ایلوکیشن 35سے 40 فیصد رکھو گے پھر جب کوئی اتھروزیشن کیلئے آئیگا توصوبے پر پہلے ہی الزام ہے کہ وہ کرپشن کا گڑھ بن چکاہے توپھر پنڈی میں بھی دکانداری کھلے گی ۔پچھلے سال اسی طرح ہوا کہ جب ہمارے متعلقہ آفیسران آئے ریلیزکیلئے تو وہاں 4 سے 6 فیصد فکس تھامیں کھل کر بول رہا ہوں جب کسی نے نہیں دیا تواسکے پیسے سرنڈر ہوئے یا اسکی ریلیز یا اتھروزیشن آج تک نہیں ملی ،میں نے اسی حلقے کے فنڈ ز میں 2 ایمبولینس تجویز کئے میں وزیراعلیٰ ،وزیرپی اینڈ ڈی اوروزیر صحت سے سوال کررہاہوں کہ کیاوہ 3کروڑ روپے بھی میں نے کھالئے ۔آج تک میرے حلقے کو نہیں ملے ،میں نے اور باقی ایم پی ایز نے 3 سے 5کروڑ ٹرانسفارمر کیلئے رکھے وہ تو کیسکو کے ہاتھوں میں ہے کیا وہ پیسے ہم نے کھائے۔جب حکومتی بینچوں سے یہ دعویٰ کیاجاتاہے کہ ہم نے 90 فیصد فنڈ ز کی یوٹیلائزیشن کی اور گرائونڈ پر کام ہوا تو ہمارے حلقوں میں یوٹلائزیشن کیوں نہیں ہوا ۔
انہوں نے کہا کہ وہ دو ٹوک الفاظ میں کہا چاہتے ہیں کہ
اگر پارٹی کی ساکھ کو میری وجہ سے نقصان پہنچے تواس دن میں اس سیٹ کی قربانی دینے سے دریغ نہیں کروں گا

11/09/2025

نیشنل پارٹی کے مرکزی رہنما اور بلوچستان اسمبلی میں ڈپٹی پارلیمانی لیڈر میر رحمت صالح بلوچ نے اپنے تعزیتی بیان میں پنجگور کی معروف سیاسی و سماجی شخصیت شاہ جی اور سید چراغ شاہ کے والد شاجی محمد جان کے انتقال پر گہرے دکھ اور افسوس کا اظہار کیا ہے۔
انہوں نے کہا کہ مرحوم ایک باوقار اور عزت دار شخصیت تھے جن کی خدمات کو ہمیشہ یاد رکھا جائے گا۔
اللہ تعالیٰ مرحوم کو جنت الفردوس میں اعلیٰ مقام عطا فرمائے اور پسماندگان کو صبر جمیل دے۔ آمین۔

07/09/2025

کراچی۔ لہڑی قبیلے کے معروف رہنما الحاج میر فیروز خان لہڑی کراچی میں انتقال کر گئے۔ خاندانی زرائع

انا للہ وانا الیہ راجعون
انتہائی افسوسناک خبر

کراچی: لہڑی قبیلے کے معروف قبائلی رہنما و بزرگ شخصیت اور سدا بہار ٹرانسپورٹ کمپنی کے مالک الحاج میر فیروز خان لہڑی کراچی میں انتقال کر گئے۔ مرحوم کی نمازِ جنازہ کا اعلان بعد میں کیا جائے گا۔خاندانی زرائع

اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبرِ جمیل دے۔

14/08/2025

جشن ازادی کے موقع پہ وزیراعلی بلوچستان میر سرفراز بگٹی پرچم کشائی تقریب

09/08/2025

پریس ریلیز ریکودک مائننگ کمپنی (RDMC) نے مقامی نوجوانوں کیلئے کمیونٹی مینٹورشپ پروگرام کا آغاز کردیا چاغی، بلوچستان 9 اگست 2025 ریکودک مائننگ کمپنی (RDMC) نے کمیونٹی مینٹ....

05/08/2025

*بی یو جے کا صحافی اکبر نوتیزئی کو جاری نوٹس کی شدید مذمت*

کوئٹہ ، 5 اگست 2025
پریس ریلیز

بلوچستان یونین آف جرنلسٹس نے روزنامہ ڈان سے وابستہ سینئر صحافی اکبر نوتیزئی کو ان کی ایک تحقیقاتی رپورٹ پر بھیجے گئے متنازع نوٹس کی شدید مذمت کرتے ہوئے اسے آزادی صحافت، اظہار رائے کے حق، اور آئین پاکستان کے آرٹیکل 19 کی صریح خلاف ورزی سے تعبیر کیا ہے

اکبر نوتیزئی کے خلاف ہتک عزت کےنام پر خلاف ضابطہ کارروائی گزشتہ سال 26اگست کو شائع ہونے والی ان کی ایک تحقیقاتی رپورٹ کا سہارا لے کر شروع کی گئی ہے جس میں انہوں نے صوبے میں انتظامی بدنظمی ، اختیارات کے ناجائز استعمال، مبینہ بدعنوانی اور قواعدو ضوابط کی دیگر خلاف ورزیوں سے پردہ اٹھایا تھا۔

بی یو جے کے صدر خلیل احمد اور جنرل سیکرٹری عبدالغنی کاکڑ نے یہاں جاری کیے گیے ایک بیان میں اس امر پر شدید تشویش ظاہر کی ہے کہ حکومت تمام تر دعووں کے باوجود آزادی صحافت کی راہ میں رکاوٹیں حائل کرنے کا سلسلہ ترک نہیں کر رہی ہے اور صحافیوں کو پیشہ وارانہ فرائض کی ادائیگی سے روکنے کے لیے اوچھے ہتھکنڈوں کا استعمال کیا جا رہا ہے۔

انہوں نے کہا کہ سائبر کرائم قوانین کا استعمال صحافیوں کو دبانے کے لیے نہیں کیا جا سکتا۔ آئین پاکستان کی شق 19 کے تحت صحافیوں کو اپنے پیشہ وارانہ فرائض کی انجام دہی میں مکمل آزادی حاصل ہے۔ اس نوٹس کا اجراء اس بنیادی حق کی خلاف ورزی کے ساتھ ساتھ آزادی صحافت کے خلاف جاری حکومتی اقدامات کے ایک تسلسل کو بھی ظاہر کرتا ہے۔

بی یو جے رہنماؤں نے کہا کہ سائبر کرائم ایکٹ کے تحت کسی صحافی کے خلاف بغیر عدالتی اجازت اور شفاف تحقیقات کے اس نوعیت کی کارروائی اختیارات کے غلط استعمال کی بھی نشاندہی کرتی ہے جس کا متعلقہ حکام کو سختی سے نوٹس لینا چاہیے۔

بیان میں واضح کیا گیا ہے کہ اکبر نوتیزئی کو جاری کیے گئے نوٹس پر قانونی چارہ جوئی کی جا رہی ہے اور بی یو جے آزادی صحافت کے خلاف جاری اقدامات کا ہر فورم پر دفاع کرے گی۔

Daily Himmat

30/09/2025

19/09/2025

18/09/2025

13/09/2025

11/09/2025

07/09/2025

14/08/2025

09/08/2025

05/08/2025

Address

Website

Alerts

Contact The Business

Shortcuts

Share

Category