Daily Himmat

21/07/2025

پنجگور"
آج مورخہ 21 جولائی 2025, نیشنل پارٹی کی ضلعی صدر حاجی محمد ایوب کے قیادت میں ایک وفد نے ڈپٹی کمشنر پنجگور ریٹائرڈ میجر کبیر احمد زرگون سے انکے دفتر ملاقات کی گئیں وفد میں نیشنل پارٹی کے مرکزی راہنما حاجی صالح محمد بلوچ، ضلعی نائب صدر کامریڈ مجیب بلوچ، سکریٹری جنرل صدیق بلوچ، سٹی تحصیل کے صدر تاج نعیم بلوچ، نائب صدر لطیف یٰسین بلوچ، تحصیل پروم کے سابق صدر محمد عالم سنجرانی، تحصیل گچک کے سکریٹری جنرل اور یو سی چیئرمین علی جان سوملانی، ضلع پنجگور کے سنئر رہنما آغا طارق حسین بلوچ، ضلعی سکریٹری اطلعات واجہ زائد حسین بلوچ، تحصیل پروم کے سابق سکریٹری جنرل محمد عارف بلوچ، سٹی تحصیل پنجگور کے خازن محمد نواز بلوچ، ضلعی لیبر سکریٹری جاوید کچکول بلوچ سنیئر رہنما انیس بشیر بلوچ شامل تھے ملاقات کے موقع پر نیشنل پارٹی کے مرکزی رہنما اور پنجگور کے ضلعی چیئرمین عبدالمالک صالح بلوچ ڈی سی آفس میں بھی موجود تھے وفد نے ڈپٹی کمشنر کبیر احمد زرگون کو ضلع پنجگور کی ڈپٹی کمشنر کا منصب سنبھالنے پر مبارکباد دیتے ہوئے کہا ہے کہ پنجگور میں بگڑتی ہوئی بد امنی کو کنٹرول کرنا اور امن و امان کی بحالی آپ کے اولین ترجیح ہونا چاہیئے ہے ڈپٹی کمشنر صاحب نے وفد کو یقین دہانی کرائی گئیں کہ میں پنجگور میں امن و امان کی بحالی، تعلیمی اور صحت کے اداروں کو فعال بنانے میں اپنے دائرہ اختیار میں فرض شناسی کا بھرپور انداز میں کردار ادا کروں گا

18/07/2025

ریکودک منصوبہ بلوچستان کی ترقی کا روشن باب بنے گا، کنٹری منیجر ضرار جمالیکوئٹہ18جولائی: ریکودک مائننگ کمپنی (آر ڈی ایم سی) کے کنٹری منیجر ضرار جمالی نے کہا ہے کہ ریکود....

18/07/2025

ریکودک منصوبہ بلوچستان کی ترقی کا روشن باب بنے گا، کنٹری منیجر ضرار جمالی

کوئٹہ18جولائی: ریکودک مائننگ کمپنی (آر ڈی ایم سی) کے کنٹری منیجر ضرار جمالی نے کہا ہے کہ ریکودک منصوبہ دنیا کی بڑی تانبے اور سونے کی کانوں میں سے ایک ہے جو کہ پروڈکشن میں آنے کے بعد بلوچستان اور پاکستان کے لیے ترقی کا نیا باب ثابت ہو گی۔ انہوں نے یہ بات انٹرنیشنل گریجویٹ ڈویلپمنٹ پروگرام (IGDP) کے اُن نوجوان انجینئرز کے اعزاز میں منعقدہ تقریب سے خطاب کرتے ہوئے کہی، جنہوں نے بیرک کی ارجنٹینا میں واقع ویلاڈیرو مائن میں 18 ماہ کی آن جاب ٹریننگ مکمل کی اور حال ہی میں وطن واپس آئے۔ ان انجینئرز کا تعلق بلوچستان کے مختلف اضلاع سے ہے، جنہیں تربیت مکمل کرنے پر شیلڈز بھی دی گئیں۔ انہوں نے کہا کہ بیرک مائننگ کارپوریشن کی قیادت میں آر ڈی ایم سی مقامی کمیونٹیز کو صاف پانی، صحت اور تعلیم کی سہولیات بھی فراہم کی جارہی ہیں۔ کمپنی کا ہدف ہے کہ 2028 کے آخر تک منصوبے سے پیداوار کا آغاز کیا جائے۔

آر ڈی ایم سی کے ہیڈ آف ایچ آر، ہینو اسٹیڈن نے بتایا کہIGDPبلوچستان کے نوجوان انجینئرز کو عالمی معیار کی تربیت دے کر انہیں مائننگ سیکٹر کا حصہ بنانے کی جانب ایک اہم اقدام ہے۔ پروگرام کے تحت 2024 میں مزید 18 نوجوانوں کو زیمبیا اور ارجنٹینا بھیجا گیا، جن کا تعلق بلوچستان کے 11 اضلاع سے ہے۔ انہوں نے مزید بتایا کہ آر ڈی ایم سی کی مستقل افرادی قوت کا 75 فیصد بلوچستان سے ہے، جن میں 65 فیصد کا تعلق ضلع چاغی سے ہے، جبکہ ملازمین میں 14 فیصد خواتین شامل ہیں۔

کمیونیکیشن منیجر سامیہ شاہ نے منصوبے کی تفصیلات بتاتے ہوئے کہا کہ ریکودک منصوبہ بیرک مائننگ کارپوریشن اور پاکستان کی مشترکہ ملکیت ہے، جس میں 50 فیصد حصہ بیرک کا، جبکہ بقیہ 50 فیصد میں 25 فیصد تین وفاقی اداروں، 25 فیصد حکومت بلوچستان کے پاس ہے جس میں 10 فیصد فری کیریڈ حصہ بھی شامل ہے۔ انہوں نے بتایا کہ منصوبے کی مائن لائف کم از کم 37 سال ہے جس کے تعمیری مرحلے میں 7500 ملازمتیں اور بعد ازاں 3500 طویل المدتی ملازمتیں پیدا ہوں گی۔اس کے علاوہ اس منصوبے سے بالواسطہ طور پر 25,000 سے زائد روزگار کے مواقع بھی میسر آئیں گے۔ ان کے مطابق ریکودک سے نکلنے والی معدنیات کا 90 فیصد ویلیو ایڈیشن بلوچستان میں ہی ہو گا۔ اب تک حکومت بلوچستان کو 17.5 ملین ڈالر رائلٹی کی مد میں دیئے جا چکے ہیں جبکہ سماجی ترقی پر 7.2 ملین ڈالر خرچ کیے گئے ہیں۔تعلیمی میدان میں 7 اسکول فعال ہیں جہاں 403 بچے زیر تعلیم ہیں اور 577 نوجوانوں کو مختلف ہنر سکھائے جا چکے ہیں۔

16/07/2025

10/07/2025

سینئر صحافی مقبول احمد رانا انتقال کر گئے۔ مرحوم کی نماز جنازہ اور تدفین آج جمعرات کو دوپہر 1 بجے پشاوری قبرستان اللہ ڈنہ روڈ پر ہوگی جبکہ مرحوم کی روح کے ایصال ثواب کیلئے فاتحہ خوانی طوبی مسجد ، ملک اسٹریٹ، جناح ٹاون کوئٹہ میں ہوگی

28/06/2025

معروف تاجر کے بیٹے کی نماز جنازہ ادا،صوبائی وزراء ،آئی جی پولیس ،سیاسی و قبائلی شخصیات کی شرکت ،نماز جنازہ میں بڑی تعداد میں لوگوں کی شرکت

28/06/2025

نوشکی (پریس ریلیز) بلوچستان گرینڈ الائنس کے زیر اہتمام بارہ نکاتی چارٹر آف ڈیمانڈ کی منظوری اور مرکزی قائدین کی گرفتاری کے خلاف نوشکی میں ایک احتجاجی ریلی نکالی گئی۔ ریلی ماڈل ہائی اسکول نوشکی سے شروع ہوکر شہر کے مختلف شاہراہوں سے گزرتی ہوئی پریس کلب پہنچی، جہاں مظاہرین نے اپنے مطالبات کے حق میں اور قائدین کی گرفتاری کے خلاف شدید نعرے بازی کی۔احتجاجی مظاہرے سے خطاب کرتے ہوئے گرینڈ الائنس کے آرگنائزر، وجی ٹی اے بی کے ضلعی صدر بیبرگ بلوچ، سیسا کے ضلعی صدر بشیر احمد بادینی، جی ٹی اے آئینی کے ضلعی آرگنائزر رمضان محمد حسنی، ایپکا کے ضلعی جنرل سیکریٹری محمد طارق بادینی، نیشنل پروگرام کے نمائندے عبدالرازق زہری، بی این پی کے مرکزی رہنما میر خورشید جمالدینی، وطن ٹیچرز ایسوسی ایشن کے سرپرست اعلیٰ عنایت اللہ بادینی، پیرا میڈیکس کے ضلعی صدر عبدالرؤف مینگل، بی پی ایل اے کے رہنما محمد زاہد، جی ٹی اے بی نوشکی کے ضلعی چیئرمین ظاہرخان ساسولی اور شبیر احمد مینگل نے خطاب کیا۔مقررین نے اپنے خطاب میں فاشسٹ صوبائی حکومت کی ملازم دشمن پالیسیوں کی شدید الفاظ میں مذمت کی۔ انہوں نے کہا کہ سرکاری ملازمین نے اپنے جائز مطالبات، جن میں تنخواہوں میں اضافہ اور ڈسپیریٹی الاؤنس وفاق کے طرز پر دینے کا مطالبہ شامل تھا، باقاعدہ حکومتی کمیٹی کے ساتھ مذاکرات کے ذریعے پیش کیے۔ حکومتی نمائندوں نے قائدین کے ہمراہ پریس کانفرنس میں مطالبات تسلیم کرنے کا اعلان کیا، مگر بعد ازاں اپنے وعدوں سے منحرف ہوگئے۔انہوں نے کہا کہ جب ملازمین نے بجٹ سیشن کے دوران بلوچستان اسمبلی کے سامنے پُرامن احتجاج کیا تو ان پر ریاستی طاقت کا بے دریغ استعمال کیا گیا، آنسو گیس شیلنگ، لاٹھی چارج اور گرفتاریوں کے ذریعے ان کی آواز دبانے کی کوشش کی گئی۔ قائدین کو مچھ جیسے بدنام زمانہ جیل میں قید کیا گیا، جہاں ان پر انسانیت سوز تشدد روا رکھا جا رہا ہے۔ سخت گرمی کے عالم میں ان ملازمین کو اُن بیرکوں میں رکھا گیا ہے، جہاں سخت ترین مجرموں کو بھی نہیں رکھا جاتا۔مقررین نے کہا کہ وزیر داخلہ سرفراز بگٹی کی ہٹ دھرمی اور غیر آئینی اقدامات یہ ثابت کر رہے ہیں کہ بلوچستان کو ایک سوچے سمجھے منصوبے کے تحت کالونی میں تبدیل کرنے کی سازش کی جا رہی ہے۔ اس وقت جب پنجاب، سندھ اور خیبر پختونخوا میں سرکاری ملازمین اپنے حقوق کے لیے احتجاج کر رہے ہیں، وہاں ایسی کوئی ریاستی کارروائی نہیں کی گئی، مگر بلوچستان میں ریاستی جبر اپنی انتہا کو پہنچ چکا ہے۔انہوں نے خبردار کیا کہ بلوچستان کے سرکاری ملازمین اپنے جائز حقوق کے لیے کسی بھی حد تک جانے کو تیار ہیں۔ گرینڈ الائنس کے قائدین جیل میں اذیتیں برداشت کر رہے ہیں لیکن ان کے حوصلے چٹان کی مانند مضبوط ہیں۔ یہی وجہ ہے کہ آج بلوچستان بھر میں احتجاجی تحریک پوری شدت کے ساتھ جاری ہے، اور یہ تحریک اس وقت تک جاری رہے گی جب تک گرفتار قائدین کو رہا نہیں کیا جاتا اور ملازمین کے تمام جائز مطالبات تسلیم نہیں کیے جاتے۔

15/06/2025

افسوسناک خبر
ممتاز قوم پرست رہنما، صحافی، دانشور اور نامور مصنف مرحوم میر محمد حسین عنقا کے صاحبزادے میر نصرت حسین عنقا طویل علالت کے بعد انتقال کر گئے ہیں۔
نمازِ جنازہ کا اعلان بعد میں کیا جائے گا۔
اللہ تعالیٰ مرحوم کو اپنے جوارِ رحمت میں جگہ عطا فرمائے اور پسماندگان کو صبرِ جمیل عطا کرے۔ آمین۔

یاد رہے کہ محمد حسین عنقا بلوچستان کے معتبر دانشور، ترقی پسند مصنف، معروف صحافی اور قوم پرست فکر کے نمائندہ قلمکار تھے جنہوں نے بلوچی و اردو ادب، صحافت، تاریخ اور سیاسی شعور کو نئی جہت دی۔ ان کا شمار ان شخصیات میں ہوتا ہے جنہوں نے بلوچستان کے حقوق اور قومی شناخت کے لیے قلمی جہاد کیا۔

12/06/2025

انڈیا میں مسافر طیارہ گرنے کے بعد تباہی کے مناظر اور ریسکیو کارروائیاں
27 منٹ قبل
انڈیا کے شہر احمد آباد میں حادثے کا شکار ہونے والا مسافر طیارہ ایک رہائشی علاقے پر گرا ہے جہاں فائر فائٹرز آگ بجھانے میں مصروف ہیں۔

احمد آباد میں ایک سینیئر پولیس افسر نے خبر رساں ادارے 'اے این آئی' کو بتایا ہے کہ حادثے کا شکار ہونے والی پرواز ایئرپورٹ کے حدود کے باہر نزدیک واقع ڈاکٹروں کے ایک ہاسٹل پر گری ہے۔ انھوں نے بتایا کہ پولیس، فائر فائٹرز اور دیگر امدادی اہلکار جائے حادثہ پر چند ہی منٹ میں پہنچ گئے اور تاحال ریسکیو آپریشنز جاری ہیں۔

واضح رہے کہ طیارے پر مسافروں اور عملے کے اراکین سمیت 242 افراد سوار تھے

04/06/2025

کوئٹہ: بلوچستان گرینڈ الائنس آرگنائزنگ کمیٹی کا اجلاس زیر صدارت آرگنائزر ملک عبدالقدوس کاکڑ منعقد ہوا جس میں کمیٹی کے اراکین نے شرکت کی۔ اجلاس کی کاروائی سیکرٹری جنرل حاجی علی اصغر بنگلزئی نے چلائی ۔اجلاس میں کورکمیٹی کے گزشتہ اجلاس کے فیصلوں کے تناظر میں چارٹر آف ڈیمانڈ کے حصول کے لیے احتجاج کے دوسرے مرحلے کی حکمت عملی مرتب کی گئی۔اجلاس میں فیصلہ کیا گیا کہ بجٹ سیشن کے دوران احتجاج کی تیاریوں کے لیے ضلع کوئٹہ کی سطح پر پانچ رکنی کمیٹی تشکیل دی جائے گی جس میں محمد اکرم وردک، علی بخش جمالی ۔یونس خان کاکڑ، محمد طارق کدیزئی اور درمحمد لانگو شامل ہیں۔ یہ کمیٹی مزید کمیٹیاں بنا کر ضلع کوئٹہ کے مختلف ڈیپارٹمنٹس میں گیٹ میٹنگز کرے گی تاکہ اسمبلی کے سامنے احتجاجی کال کے لیے تیاریاں مکمل کی جا سکیں۔ضلعی سطح پر تشکیل دی گئی آرگنائزنگ کمیٹی سے تحریک کے حوالے سے رپورٹ طلب کی گئی اور بجٹ سیشن کے دوران بلوچستان اسمبلی کے سامنے احتجاج کے لیے ضلعی سطح پر کمیٹیاں بنا کر تمام ڈیپارٹمنٹس میں گیٹ میٹنگز منعقد کرنے کی تاکید کی گئی۔اجلاس میں فیصلہ کیا گیا کہ بلوچستان بجٹ سیشن سے تین دن قبل صرف کوئٹہ کی سطح پر پریس کلب کے سامنے احتجاجی کیمپ لگایا جائے گا۔بلوچستان گرینڈ الائنس نے ملازمین کے اتحاد اگیگا کی جاری تحریک اور ان کی ڈیمانڈ کی مکمل حمایت کا اعلان کرتے ہوئے کہا ہے کہ بلوچستان گرینڈ الائنس کا نمائندہ وفد اسلام آباد میں احتجاج کے دوران یکجہتی کے لیے شرکت کرے گا۔اجلاس میں بلوچستان کے تمام ملازمین کو احتجاج کے آخری مرحلے کے لیے بھرپور تیاری کی تاکید کی گئی اور کہا گیا کہ بلوچستان کے تمام اضلاع سے ملازمین کے قافلے کوئٹہ پہنچ کر بلوچستان اسمبلی کا گھیراو کریں گے۔

31/05/2025

کوئٹہ کے نواحی علاقے میں بم دھماکے کی اطلاع
کوئٹہ، پولیس تھانہ ہنہ کی حدود کلی منگل میں دھماکے سے 2افراد جاں بحق
کوئٹہ،دھماکے میں 6افرادزخمی ہوئے،پولیس
کوئٹہ ،دھماکے کی اطلاع ملتے ہی پولیس اوردیگرقانون نافذ کرنے والے اداروں کی بھاری نفری موقع پر پہنچ گئی