IcN,com

23/07/2026

آج کراچی کے علاقے شاہ لطیف ٹاؤن میں پیش آنے والا واقعہ انتہائی افسوسناک اور انسانیت سوز ہے۔ اطلاعات کے مطابق، صرف 30 روپے مزدوری کا مطالبہ کرنے پر ایک مسیحی نوجوان پر مبینہ طور پر گرم تیل پھینک کر اسے شدید جھلسا دیا گیا۔

ہم اس واقعے کی شدید الفاظ میں مذمت کرتے ہیں۔ کسی بھی انسان کے ساتھ مذہب، ذات یا معاشی حیثیت کی بنیاد پر ایسا غیر انسانی سلوک ہرگز قابلِ قبول نہیں۔ ہر مزدور کو اپنی جائز محنت کی اجرت مانگنے کا حق حاصل ہے، اور اس حق کے بدلے تشدد کسی بھی صورت برداشت نہیں کیا جا سکتا۔

ہم حکومتِ سندھ، قانون نافذ کرنے والے اداروں اور متعلقہ حکام سے مطالبہ کرتے ہیں کہ اس واقعے کی شفاف، فوری اور غیر جانبدارانہ تحقیقات کی جائیں، متاثرہ نوجوان کو بہترین طبی سہولیات فراہم کی جائیں، اور اگر الزامات ثابت ہوں تو ذمہ دار افراد کو قانون کے مطابق سخت سزا دی جائے۔

آئیے ہم سب انصاف، انسانیت اور مظلوم کے حق کے لیے اپنی آواز بلند کریں۔ IcN, com

19/07/2026

فیصل آباد، چک نمبر 8، شہباز نگر میں مسیحی قبرستان میں گندے پانی کے نکاس ڈالنے کے تنازع پر ایک افسوسناک واقعہ پیش آیا۔ اطلاعات کے مطابق ایک پادری پر کلہاڑی سے حملہ کیا گیا، جس کے نتیجے میں ان کا ہاتھ ٹوٹ گیا اور سر پر شدید چوٹیں آئیں۔ ہم اس واقعے کی شدید مذمت کرتے ہیں اور مطالبہ کرتے ہیں کہ ذمہ داروں کے خلاف فوری اور شفاف قانونی کارروائی کی جائے تاکہ متاثرہ پادری کو انصاف مل سکے۔ IcN, Com

19/07/2026

یہ لوگ نہ دہشت گرد ہیں، نہ مجرم، اور نہ ہی امن کے دشمن۔ یہ محنت کش افراد ہیں جو صرف اپنی تین ماہ سے رکی ہوئی تنخواہوں اور اپنے بنیادی حقوق کا مطالبہ کر رہے ہیں۔

شیخوپورہ میں ستھرا پنجاب کے ورکرز نے جب پرامن احتجاج کیا تو ان کے جائز مطالبات سننے کے بجائے ان پر پولیس تشدد کیا گیا اور انہیں گرفتار کر لیا گیا۔

پرامن احتجاج ہر شہری کا آئینی اور قانونی حق ہے۔ حکومت کو چاہیے کہ گرفتار کارکنوں کو رہا کرے، ان کی واجب الادا تنخواہیں فوری ادا کرے اور ان کے مسائل کا منصفانہ اور مستقل حل یقینی بنائے۔ IcN, com

13/07/2026

Physical Harassment of Female Staff Nurses During Duty Hours at BMC Hospital Quetta not good we want need for justice in Balochistan.

بی ایم سی ہسپتال، کوئٹہ میں ڈیوٹی کے دوران خواتین اسٹاف نرسوں کے ساتھ جسمانی ہراسانی ایک نہایت افسوسناک اور ناقابلِ قبول عمل ہے۔

ہم اس واقعے کی سخت الفاظ میں مذمت کرتے ہیں اور مطالبہ کرتے ہیں کہ ذمہ دار افراد کے خلاف شفاف، غیر جانبدار اور فوری قانونی کارروائی کی جائے۔

خواتین طبی عملہ ہماری خدمت اور احترام کا مستحق ہے، نہ کہ تشدد یا ہراسانی کا۔ ہم بلوچستان میں انصاف، قانون کی بالادستی اور تمام طبی عملے کے لیے محفوظ اور باوقار کام کے ماحول کا مطالبہ کرتے ہیں۔

ہمیں بلوچستان میں انصاف چاہیے۔ IcN, Com

12/07/2026

پاکستان میں ایک بار پھر تلخ واقعہ بی ایم سی ہسپتال میں گزشتہ رات ملیحہ صدف کے ساتھ پیش آنے والے افسوسناک واقعے کی شدید مذمت

بی ایم سی ہسپتال میں خاتون ملازمہ ملیحہ صدف کے ساتھ پیش آنے والے افسوسناک واقعے، جس میں ایک سینیئر اسٹاف ممبر کی جانب سے ان پر ہاتھ اٹھانے، گالی گلوچ کرنے اور ہراساں کرنے کی اطلاعات سامنے آئی ہیں، پر شدید تشویش اور افسوس کا اظہار کیا ہے۔

انہوں نے کہا کہ یہ واقعہ نہ صرف ایک خاتون کی عزتِ نفس پر حملہ ہے بلکہ بی ایم سی ہسپتال کے انتظامی اور اخلاقی بحران کی بھی عکاسی کرتا ہے۔ اس سے قبل سول ہسپتال میں سینئر ڈاکٹر ماہ نور کے ساتھ پیش آنے والا افسوسناک واقعہ اور اب ملیحہ صدف کے ساتھ بدسلوکی اس بات کا واضح ثبوت ہے کہ بعض اداروں میں خواتین کے احترام اور تحفظ کو یقینی بنانے میں سنگین غفلت برتی جا رہی ہے۔

کسی بھی غیر مرد کی جانب سے ایک خاتون پر ہاتھ اٹھانا، گالی گلوچ کرنا اور انہیں ہراساں کرنا ناقابلِ برداشت، غیر اخلاقی اور قابلِ مذمت عمل ہے۔ ایسے افراد کو کسی بھی صورت میں اہم عہدوں پر رہنے کا حق حاصل نہیں ہونا چاہیے، کیونکہ ان کا رویہ اداروں کی ساکھ کو تباہ کرتا ہے اور خواتین کے لیے خوف اور عدم تحفظ کی فضا پیدا کرتا ہے۔

حکومت بلوچستان، محکمہ صحت اور بی ایم سی ہسپتال کی انتظامیہ سے مطالبہ کیا کہ اس واقعے کی فوری، شفاف اور غیر جانبدارانہ تحقیقات کر کے ملوث افراد کے خلاف سخت قانونی اور محکمانہ کارروائی کی جائے تاکہ آئندہ کسی بھی ماں، بہن یا بیٹی کے ساتھ اس قسم کی بدسلوکی نہ ہو۔

خواتین کا احترام، ان کے وقار اور تحفظ کو یقینی بنانا ہم سب کی اجتماعی ذمہ داری ہےIcN,com کی ٹیم خاتون کے ساتھ کھڑی ہے جو ظلم، ہراسگی اور ناانصافی کا شکار ہوئی ہے۔ IcN, com.

08/07/2026

مستونگ میں دو مسیحی نوجوانوں کی نامعلوم افراد کی فائرنگ کے نتیجے میں المناک ہلاکت انتہائی افسوسناک اور قابلِ مذمت واقعہ ہے۔ اس سانحے کی جتنی بھی مذمت کی جائے کم ہے۔
میں متاثرہ خاندانوں کے غم میں برابر کا شریک ہوں اور ان سے دلی ہمدردی اور تعزیت کا اظہار کرتا ہوں۔ دعا ہے کہ خداوند مرحومین کو اپنے حضور ابدی آرام عطا فرمائے اور ان کے اہلِ خانہ کو یہ ناقابلِ تلافی صدمہ برداشت کرنے کی ہمت، صبر اور تسلی عطا فرمائے۔
میں حکومتِ بلوچستان اور قانون نافذ کرنے والے اداروں سے مطالبہ کرتا ہوں کہ اس واقعے کی فوری، شفاف اور غیر جانبدارانہ تحقیقات کرکے ملزمان کو قانون کے کٹہرے میں لایا جائے تاکہ متاثرہ خاندانوں کو انصاف مل سکے۔
ریاست کی ذمہ داری ہے کہ پاکستان کے ہر شہری، بالخصوص اقلیتوں، کی جان و مال کے تحفظ کو یقینی بنائے اور ایسا پرامن ماحول فراہم کرے جہاں ہر شخص بلا خوف و خطر اپنی زندگی گزار سکے۔IcN, come

08/07/2026

مستونگ
کرکٹ میچ کے دوران نامعلوم مسلح افراد کی فائرنگ، دو کھلاڑی شہد ہونے والے میں صابر مسیح اور آیوش مسیح، قومی شاہراہ احتجاجاً بلاک

مستونگ کے علاقے شمس آباد کراس میں کرکٹ میچ کے دوران نامعلوم مسلح افراد کی فائرنگ کے نتیجے میں دو کرکٹ کھلاڑی جاں بحق ہوگئے۔ پولیس ذرائع کے مطابق جاں بحق ہونے والے دونوں افراد کا تعلق مسیحی برادری سے ہے۔
شمس آباد کراس کے قریب کرکٹ گراؤنڈ میں میچ جاری تھا کہ اسی دوران نامعلوم مسلح افراد نے اچانک فائرنگ کردی، جس کے نتیجے میں دو کھلاڑی موقع پر ہی جان کی بازی ہار گئے۔ واقعے کے بعد علاقے میں شدید خوف و ہراس پھیل گیا جبکہ کھلاڑی اور تماشائی اپنی جانیں بچانے کے لیے ادھر اُدھر بھاگ نکلے۔

اطلاع ملتے ہی پولیس اور دیگر قانون نافذ کرنے والے اداروں کے اہلکار جائے وقوعہ پر پہنچ گئے۔ لاشوں کو ضروری کارروائی کے لیے ہسپتال منتقل کردیا گیا جبکہ پولیس نے علاقے کو گھیرے میں لے کر شواہد اکٹھے کرنا شروع کر دیے۔ حملہ آور واردات کے بعد فرار ہونے میں کامیاب ہوگئے، جن کی تلاش کے لیے کارروائی جاری ہے۔
واقعے پر شدید غم و غصے کا اظہار کرتے ہوئے جاں بحق افراد کے لواحقین مسیحی برادری نےبچوں خواتین کے ہمرا ہ احتجاجاً کوئٹہ۔کراچی قومی شاہراہ کو شہید نواب غوث بخش رئیسانی ہسپتال کے سامنے بلاک کردی۔ مظاہرین نے لاشیں روڈ پر رکھ کر دہرنا شروع کیا ہے

شاہراہ کی بندش کے باعث دونوں اطراف گاڑیوں کی لمبی قطاریں لگ گئیں اور مسافروں کو شدید مشکلات کا سامنا کرنا پڑا۔
مظاہرین نے مطالبہ کیا کہ واقعے میں ملوث ملزمان کو فوری طور پر گرفتار کرکے قانون کے کٹہرے میں لایا جائے اور متاثرہ خاندانوں کو انصاف فراہم کیا جائے۔
آخری اطلاعات تک احتجاج اور قومی شاہراہ کی بندش جاری تھی جبکہ انتظامیہ اور مظاہرین کے درمیان مذاکرات کی کوششیں بھی جاری تھیں۔ IcN, com

23/06/2026

محرم الحرام کے تعلق سے مسیحیوں کے لئے خاص پیغام

27/05/2026

27/05/2026

🚨 راولپنڈی: انصاف کی دہائی – کیا محنت کش ہونا گناہ ہے؟ 🚨
راولپنڈی سے ایک انتہائی دلخراش اور افسوس ناک خبر سامنے آئی ہے جہاں قانون کے محافظوں نے ہی ایک بے گناہ محنت کش کی زندگی داؤ پر لگا دی۔
واقعہ کی تفصیلات:
ایک مسیح نوجوان، جو بائیکیا (Bykea) چلا کر بڑی مشکل سے اپنا اور اپنے گھر والوں کا پیٹ پال رہا تھا، راولپنڈی ڈولفن پولیس کی مبینہ نااہلی کا نشانہ بن گیا۔ عینی شاہدین اور متاثرہ خاندان کے مطابق، پولیس نے بغیر کسی تصدیق یا وارننگ کے اس نوجوان پر 9 فائر کیے، جس سے وہ شدید زخمی ہو گیا۔
اہم حقائق:
کوئی مجرمانہ ریکارڈ نہیں: اس نوجوان کا کوئی بھی کرمنل ریکارڈ نہیں ہے، وہ صرف ایک محنت کش شہری تھا۔
غیر ذمہ دارانہ کارروائی: بغیر کسی ثبوت یا شناخت کے سیدھی گولیاں چلانا پولیس کی پیشہ ورانہ مہارت پر بڑے سوالیہ نشان کھڑے کرتا ہے۔
زندگی اور موت کی کشمکش: نوجوان کی حالت تشویشناک ہے اور ابھی یہ کہنا قبل از وقت ہے کہ کیا وہ دوبارہ اپنے پیروں پر کھڑا ہو سکے گا یا نہیں۔
ہماری التماس:
ہم وزیرِ اعلیٰ پنجاب مریم نواز شریف () اور راولپنڈی پولیس () سے مطالبہ کرتے ہیں کہ:
اس واقعے کی فوری اعلیٰ سطحی تحقیقات کی جائیں۔
ذمہ دار ڈولفن اہلکاروں کو فی الفور معطل کر کے ان کے خلاف سخت قانونی کارروائی کی جائے۔
مظلوم نوجوان کو مکمل انصاف اور بہترین طبی سہولیات فراہم کی جائیں۔
اس پوسٹ کو زیادہ سے زیادہ شیئر کریں تاکہ اس بے گناہ نوجوان کی آواز ایوانوں تک پہنچ سکے اور اسے انصاف مل سکے۔