14/07/2026
سریاب۔
کے عوام پیاسے، پانی کی منتقلی ناقابلِ قبول!
سریاب کے عوام کے ساتھ جاری امتیازی سلوک اور ناانصافی کی انتہا ہو چکی ہے۔
ایک سوچے سمجھے منصوبے کے تحت پہلے دشت کے پانی کو سٹلاہٹ ٹاؤن منتقل کر کے سریاب کو محروم کیا گیا، اور اب اختر آباد کے قبائل کی زمینوں سے نکلنے والے پانی کو ہزارہ ٹاؤن منتقل کیا جانا مقامی آبادی کے حقوق پر ڈاکہ ڈالنے کے مترادف ہے۔
سریاب کے عوام کے پانی پر شب خون مارنے کا عمل جہاں انتظامیہ کی نااہلی کا ثبوت ہے، وہاں خود کو منتخب بولے والے دعویدار سیاسی رہنماؤں کی مجرمانہ خاموشی بھی سوالیہ نشان ہے۔
سریاب کے عوام اب بیدار ہو چکے ہیں اور وہ اپنے حقوق پر تماشائی بننے والے کرپٹ سیاست دانوں کا بھی محاسبہ کریں گے۔
یہ انتہائی افسوسناک ہے کہ جس زمین کا پانی ہے،
وہاں کے مکین پانی کی ایک ایک بوند کو ترس رہے ہیں، جبکہ ان کے حق پر شب خون مار کر پانی کو دیگر علاقوں میں منتقل کیا جا رہا ہے۔ یہ اقدام نہ صرف غیر منصفانہ ہے بلکہ اس سے علاقائی ہم آہنگی کو بھی نقصان پہنچ سکتا ہے۔ ہم اربابِ اختیار سے مطالبہ کرتے ہیں کہ سریاب کے عوام کے ساتھ ہونے والی اس زیادتی کا فوری نوٹس لیں اور پانی کی منتقلی کے ان اقدامات کو فوراً روک کر مقامی آبادی کو ان کا جائز حق فراہم کیا جائے۔
