https://www.facebook.com/108971818281432/

ڈیلی کوئٹہ نیوز, Quetta (2025)

15/10/2025

افغان شرپسندوں کیجانب سے پاک افغان باب دوستی گیٹ کو تباہ کرنیکا دعویٰ بے نقاب

چمن کے مقامی شہری کی ویڈیو سوشل میڈیا پر وائرل میں جس میں گیٹ مکمل محفوظ دیکھا جاسکتا ہے

افغان شرپسندوں نے اپنے علاقے میں موجود دروازے کے ایک ایک حصے کو تباہ کرناک کوشش کی تھی

15/10/2025

*سپن بولدک پاکستانی فوج کی کارروائی میں 12 شہری ہلاک، 100 سے زائد زخمی، افغان طالبان ترجمان۔*

*کابل (ڈیلی کوئٹہ نیوز)افغانستان میں طالبان حکومت کے ترجمان نے دعویٰ کیا ہے کہ صوبہ قندھار کے ضلع سپن بولدک میں پاکستانی فوج کی جانب سے ہلکے اور بھاری ہتھیاروں سے کیے جانے والے حملے کے نتیجے میں کم از کم 12 افغان شہری ہلاک جبکہ 100 سے زیادہ زخمی ہو گئے ہیں۔*

*اس سے قبل پاکستان کے سرکاری ٹی وی چینل، پی ٹی وی، نے دعویٰ کیا تھا کہ پاکستان اور افغانستان میں حالیہ سرحدی جھڑپوں کا آغاز منگل کی شام اُس وقت ہوا تھا جب افغان طالبان اور ٹی ٹی پی نے سرحد پار سے پاکستان کے ضلع کرم پر ’بلااشتعال فائرنگ‘ کی جس کے جواب میں کارروائی کرتے ہوئے پاکستانی فوج نے طالبان کی پوسٹوں اور ٹی ٹی پی کے ٹریننگ کیمپ کو نشانہ بنایا اور انھیں تباہ کر دیا۔*

*ذبیح اللہ مجاہد کا مزید کہنا ہے کہ پاکستان کی جانب سے سپن بولدک میں کی گئی کارروائی کے نتیجے میں افغان فورسز کو جوابی کارروائی کرنا پڑی۔*

*افغان طالبان کے ترجمان نے دعویٰ کیا کہ جوابی کارروائی کے نتیجے میں متعدد پاکستانی فوج ہلاک ہوئے، پاکستانی چوکیوں پر قبضہ کیا گیا اور ہتھیار قبضے میں لیے گئے۔*

*پاکستان کی جانب سے تاحال سپن بولدک میں جاری کارروائی کی تفصیلات باقاعدہ طور پر فراہم نہیں کی گئی ہیں افغانستان میں ’طلوع نیوز‘ سے بات کرتے ہوئے سپن بولدک ہسپتال کے ایک ڈاکٹر نے بتایا کہ اس علاقے میں جھڑپوں کا آغاز صبح چار بجے کے لگ بھگ ہوا جبکہ ہلاک ہونے والوں میں 90 فیصد عام شہری ہیں۔ انھوں نے مزید کہا کہ اُن کے ہسپتال میں 80 کے لگ بھگ زخمیوں کو لایا گیا جن میں سے کم از کم 10 افراد ہلاک ہو چکے ہیں جبکہ کئی زخمی زیر علاج ہیں۔*

*انھوں نے مزید کہا کہ اس علاقے میں دونوں اطراف شہری آبادی ہے جو ان جھڑپوں میں نشانہ بن رہی ہے۔

15/10/2025

*کراچی میں افغان بستی کو 40 سال بعد مسمار کرنے کا آپریشن شروع۔*

*کراچی (ڈیلی کوئٹہ نیوز)کراچی میں قائم افغان بستی کو 40 برس بعد مسمار کرنے کا عمل شروع کر دیا گیا ہے انتظامیہ نے خالی گھروں پر قبضے کی کوششوں کو روکنے کے لیے اس آپریشن کا آغاز کیا ہے۔*

*تفصیلات کے مطابق رینجرز، پولیس، ملیر ڈویلپمنٹ اتھارٹی (ایم ڈی اے) اور دیگر ادارے مشترکہ کارروائی میں حصہ لے رہے ہیں جبکہ بھاری مشینری کی مدد سے گھروں کو گرایا جا رہا ہے۔*

*رینجرز نے علاقے کے تمام داخلی و خارجی راستے بند کر دیے ہیں، اور امن و امان برقرار رکھنے کے لیے افغان کیمپ جانے والے راستوں پر بھاری نفری تعینات کی گئی ہے۔*

*ڈی آئی جی ویسٹ عرفان بلوچ نے بتایا کہ افغان بستی میں ماضی میں تقریباً 30 ہزار افغان باشندے مقیم تھے جنہیں 3 مراحل میں منتقل کیا گیا۔ تاہم، اب بھی تقریباً 2 ہزار افراد علاقے میں موجود ہیں۔ ان کے مطابق، کچھ خالی گھروں پر قبضے کی اطلاعات موصول ہوئیں جس کے باعث فوری کارروائی ناگزیر تھی۔*

*عرفان بلوچ کا کہنا تھا کہ زمین کو مکمل طور پر خالی کرا کر ملیر ڈویلپمنٹ اتھارٹی کے حوالے کر دیا جائے گا۔*

15/10/2025

*مسافر بس میں خوفناک آتشزدگی، 21 افراد جاں بحق، 16 زخمی۔*

*راجستھان (ڈیلی کوئٹہ نیوز)بھارتی ریاست راجستھان کے ضلع جیسلمیر میں ایک نجی بس میں اچانک آگ بھڑک اُٹھی جس کے نتیجے میں 21 مسافر جاں بحق اور 16 زخمی ہو گئے۔*

*عینی شاہدین کے مطابق جب مسافروں نے بس سے باہر نکلنے کی کوشش کی تو دروازہ جام تھا۔ بعد ازاں ایک ایکسکاویٹر بلا کر دروازہ توڑا گیا، لیکن تب تک متعدد مسافر جھلس کر ہلاک ہو چکے تھے۔ کچھ مسافروں نے کھڑکیاں توڑ کر چھلانگ لگا کر اپنی جان بچائی۔*

*ابتدائی معلومات کے مطابق آگ شارٹ سرکٹ کے باعث لگی، تاہم حکام نے بتایا کہ بس میں بڑی مقدار میں آتش گیر مواد موجود تھا جس نے شعلوں کو مزید بھڑکایا۔ واقعے کے وقت بس میں 57 مسافر سوار تھے جن میں خواتین اور بچے بھی شامل تھے۔ کئی لاشیں بری طرح جھلس جانے کے باعث شناخت سے باہر ہیں، جن کی ڈی این اے ٹیسٹنگ سے شناخت کی جائے گی۔*

*وزیرِ اعلیٰ بھجن لال شرما نے جائے وقوعہ کا دورہ کیا اور گہرے دکھ کا اظہار کرتے ہوئے کہا کہ جیسلمیر میں بس میں آگ لگنے کا واقعہ نہایت دل دہلا دینے والا ہے۔ حکومت متاثرہ خاندانوں کے ساتھ کھڑی ہے۔ زخمیوں کو بہترین طبی سہولیات فراہم کرنے کی ہدایت کر دی گئی ہے۔*

*مقامی رکن اسمبلی پرتاپ پوری کے مطابق بس میں آتش گیر مواد موجود تھا اور اس کا اخراجی راستہ انتہائی تنگ تھا۔ انہوں نے بتایا کہ شارٹ سرکٹ کے ساتھ اے سی سے گیس لیک ہونے نے آگ کو مزید خطرناک بنا دیا۔

15/10/2025

*نامعلوم افراد کی فائرنگ سے پولیس اہلکار شہید۔*

*نوشہرہ(ڈیلی کوئٹہ نیوز)خیبرپختونخوا کے ضلع نوشہرہ کے علاقے نظام پور میں نامعلوم افراد کی فائرنگ سے پولیو ڈیوٹی پر مامور پولیس اہلکار شہید ہوگیا، ملک بھر میں قومی انسداد پولیو مہم تیسرے روز بھی کامیابی سے جاری ہے۔*

*پولیس حکام کے مطابق نوشہرہ میں نامعلوم افراد کی فائرنگ سے پولیس اہلکار شہید ہوگیا، فائرنگ کا واقعہ نظام پور کے علاقے میں پیش آیا۔*

*شہید پولیس اہلکار پولیو ڈیوٹی پر مامور تھا، واقعے کی اطلاع ملنے پرپولیس کی بھاری نفری موقع پر پہنچی اور علاقے کو گھیرے میں لے کر سرچ آپریشن شروع کر دیا۔*

*ملک بھر میں جاری قومی انسدادِ پولیو مہم تیسرے روز بھی کامیابی سے جاری ہے، نیشنل ایمرجنسی آپریشن سینٹرکے مطابق ابتدائی دو روز کے دوران 2 کروڑ 54 لاکھ سے زائد بچوں کو پولیو سے بچاؤ کے قطرے پلائے جا چکے ہیں۔*

*اعداد و شمار کے مطابق پنجاب میں ایک کروڑ 43 لاکھ، سندھ میں 50 لاکھ 19 ہزار، خیبر پختونخوا میں 37 لاکھ 74 ہزار، بلوچستان میں 14 لاکھ 50 ہزار، اسلام آباد میں 2 لاکھ 3 ہزار، گلگت بلتستان میں ایک لاکھ 87 ہزار جبکہ آزاد جموں و کشمیر میں 4 لاکھ 81 ہزار بچوں کو پولیو سے بچاؤ کے قطرے پلائے گئے۔*

15/10/2025

*وزارتِ مذہبی امور کے زیرِ اہتمام 40واں قومی مقابلۂ حفظ و قرات کا آغاز ہوگیا۔*

*اسلام آباد (ڈیلی کوئٹہ نیوز)اسلام آباد میں وزارتِ مذہبی امور کے زیرِ اہتمام 40واں قومی مقابلۂ حفظ و قرأت شروع ہو گیا۔ افتتاحی تقریب سے وفاقی سیکرٹری مذہبی امور ڈاکٹر سید عطا الرحمن نے خطاب کرتے ہوئے کہا کہ ایسے مقابلے نوجوان نسل میں تلاوتِ قرآن کریم کے فروغ اور علومِ قرآنی سیکھنے کا شوق پیدا کرتے ہیں۔*

*انہوں نے کہا کہ وزارتِ مذہبی امور ملک بھر کے حفاظ کرام و قرا کی حوصلہ افزائی جاری رکھے گی دو روزہ اس قومی مقابلے میں چاروں صوبوں، گلگت بلتستان، آزاد کشمیر، اسلام آباد اور آرمڈ فورسز کے منتخب حفاظ و قراء شریک ہیں، جنہیں ضلعی و صوبائی سطح کے مقابلوں میں کامیابی کے بعد قومی مرحلے کے لیے منتخب کیا گیا ہے۔*

*خواتین، قاریات اور بچیوں کے لیے 4 الگ کیٹگریاں مختص کی گئی ہیں۔ مقابلے کے فاتحین کا اعلان جمعرات کو کیا جائے گا۔*

*قومی مقابلۂ حفظ و قرأت کے انعام یافتگان کو نقد انعامات دیے جائیں گے اور انہیں بین الاقوامی مقابلوں میں پاکستان کی نمائندگی کا موقع بھی فراہم کیا جائے گا۔*

*مقابلے کی جانچ پڑتال کے لیے 4 سینئر قرا اور خطیب حضرات منصفین کے فرائض انجام دے رہے ہیں۔*

15/10/2025

*چمن بارڈر پر پاکستانی اور افغان فورسز میں دوبارہ فائرنگ کا تبادلہ، تمام تعلیمی ادارے بند، پولیو مہم معطل۔*

*کوہٹہ (ڈیلی کوئٹہ نیوز)پاکستان اور افغانستان کے درمیان سرحدی کشیدگی ایک بار پھر بڑھ گئی ہے، جب چمن بارڈر پر دونوں ممالک کی سرحدی فورسز کے درمیان فائرنگ کا تبادلہ ہوا۔ واقعے کے بعد علاقے میں سیکیورٹی صورتحال کشیدہ ہو گئی ہے۔*

*سیکیورٹی ذرائع کے مطابق، فائرنگ کا سلسلہ صبح قریباً ساڑھے 11 بجے اس وقت شروع ہوا جب افغان فورسز نے مبینہ طور پر پاکستانی حدود کی جانب چھوٹے ہتھیاروں سے فائرنگ کی۔ پاکستانی سیکیورٹی اہلکاروں نے جوابی کارروائی کرتے ہوئے مؤثر فائرنگ کی، جس کے بعد کئی گھنٹے تک وقفے وقفے سے فائرنگ کا تبادلہ جاری رہا۔*

*ذرائع نے بتایا کہ چمن بارڈر پاک افغان تجارت اور آمدورفت کی ایک اہم گزرگاہ ہے، جہاں حالیہ ہفتوں میں مسلسل جھڑپوں کے باعث تجارتی سرگرمیاں اور نقل و حرکت متاثر رہی ہیں۔*

*ضلعی انتظامیہ چمن کے مطابق، سرحدی صورتحال میں کشیدگی کے باعث تمام سرکاری و نجی تعلیمی ادارے غیر معینہ مدت کے لیے بند کر دیے گئے ہیں تاکہ طلبا و اساتذہ کی حفاظت یقینی بنائی جا سکے۔ اسی طرح انسدادِ پولیو مہم بھی معطل کر دی گئی ہے، جب کہ سرحد پار آمد و رفت ایک بار پھر مکمل طور پر بند کر دی گئی ہے۔*

*انتظامیہ نے شہریوں کو غیر ضروری نقل و حرکت سے گریز کرنے کی ہدایت کی ہے، جبکہ سیکیورٹی فورسز نے علاقے میں گشت میں اضافہ کر دیا ہے۔ چمن شہر کے بازار اور کاروباری مراکز بھی بڑی حد تک بند ہیں، اور دکانداروں نے حفاظتی اقدامات کے پیش نظر کاروبار معطل کر دیا ہے۔*

*دوسری جانب، وزیراعلیٰ بلوچستان میر سرفراز بگٹی نے نیشنل یوتھ سمٹ کوئٹہ سے خطاب میں چمن بارڈر پر حالیہ جھڑپ میں 4 سیکیورٹی اہلکاروں کی شہادت پر خراج عقیدت پیش کرتے ہوئے کہا کہ پاک افغان جنگ میں ہمارے نوجوانوں نے بہادری سے دشمن کو بھرپور جواب دیا ہے اور ہمیں ان پر فخر ہے۔*

*

15/10/2025

*بالی ووڈ کے معروف اداکار انتقال کرگئے۔*

*بھارت(ڈیلی کوئٹہ نیوز)بھارت کے معروف اداکار پنکج دھیر 68 سال کی عمر میں انتقال کرگئے بھارتی میڈیا رپورٹس کے مطابق پنکج دھیر کے انتقال کی تصدیق ان کے قریبی خاندانی دوست کی جانب سے کی گئی ہے۔*

*بھارتی میڈیا کا بتانا ہے کہ پنکج دھیر 68 سال کی عمر میں کینسر سے جنگ ہارنے کے بعد انتقال کرگئے پنکج دھیر نے سوگواران میں اہلیہ انیتا دھیر کے علاوہ 2 بچے بھی چھوڑے ہیں۔*

*واضح رہے کہ پنکج دھیر نے اپنے کیرئیر کا آغاز تھیٹر سے کیاتھا جس کے بعد انہوں نے ٹی وی اور فلمی دنیا میں اینٹری دی پنکج دھیر کو بھارت کی مشہور ٹی وی سیریز ’ مہابھارت ‘ میں کرن کے کردار کے علاوہ چندرکانتا ، دی گریٹ مراٹھا اور یوگ میں نبھائے گئے کرداروں کے حوالے سے بھی جانا جاتا ہے۔*

*وہ بالی وڈ فلمز سولجر اور بادشاہ سمیت دیگر مشہور فلموں میں بھی کام کرچکے ہیں۔*

15/10/2025

*ملکی سیاسی و معاشی صورتحال؛ وزیراعظم نے وفاقی کابینہ کا اجلاس کل طلب کرلیا۔*

*اسلام آباد (ڈیلی کوئٹہ نیوز)وزیراعظم شہباز شریف نے وفاقی کابینہ کا اہم اجلاس کل طلب کرلیا ہے، اجلاس میں ملک کی سیاسی و معاشی صورتِ حال کا تفصیلی جائزہ لیا جائے گا۔*

*ذرائع کا کہنا ہے کہ اجلاس میں افغان طالبان، فتنہ الہندوستان اور فتنہ الخوارج کی اشتعال انگیزی سے متعلق معاملات بھی زیرِ غور آئیں گے۔*

*وزیراعظم اپنے حالیہ مصر کے دورے اور غزہ امن سربراہی اجلاس میں پاکستان کے کردار سے کابینہ ارکان کو آگاہ کریں گے۔*

*ذرائع کے مطابق غزہ امن کانفرنس کے دوران پاکستان کو ایک اہم مقام حاصل رہا۔ اجلاس میں قانون سازی سے متعلق کابینہ کمیٹی کے فیصلے بھی توثیق کے لیے پیش کیے جائیں گے۔*

*وزیراعظم شہباز شریف کی صدرآصف زرداری سے اہم ملاقات آج ہوگی دوسری جانب، وزیراعظم شہباز شریف اور صدر آصف علی زرداری کے درمیان آج ایوانِ صدر میں اہم ملاقات متوقع ہے۔*

*ذرائع کے مطابق ملاقات میں ملکی سیاسی امور اور آزاد جموں و کشمیر کی صورتِ حال پر تبادلۂ خیال کیا جائے گا، ملاقات کے دوران پاکستان پیپلز پارٹی کے تحفظات اور مطالبات پر بھی غور کیا جائے گا۔

15/10/2025

*مسلسل پانچویں سال پاکستانی پاسپورٹ کا دنیا کے بدترین پاسپورٹس میں چوتھا نمبر۔*

*کراچی (ڈیلی کوئٹہ نیوز)مسلسل پانچویں سال پاکستانی پاسپورٹ کو دنیا کے بدترین پاسپورٹس میں چوتھے نمبر پر قرار دیا گیا ہے، یہ درجہ بندی ہینلے پاسپورٹ انڈیکس 2025 میں کی گئی ہے، جو دنیا کے 199 پاسپورٹس کو اس بنیاد پر ترتیب دیتا ہے کہ ان کے حاملین کتنے ممالک میں بغیر پیشگی ویزے کے سفر کرسکتے ہیں۔*

*تازہ درجہ بندی کے مطابق پاکستان کا پاسپورٹ فہرست میں یمن کے ساتھ 103 ویں نمبر پر ہے جبکہ اس سے نیچے صرف عراقی پاسپورٹ 104 ویں، شامی 105 ویں اور افغانستان کا پاسپورٹ 106 نمبر پر ہے۔*

*درجہ بندی کے مطابق پاکستان اور یمن کے شہری صرف 33 ممالک میں بغیر ویزے کے داخل ہو سکتے ہیں، عراق کے شہریوں کو 31 ممالک، شام کے شہریوں کو 28 اور افغانستان کے شہریوں کو صرف 26 ممالک تک رسائی حاصل ہے۔*

*2024 میں پاکستان کا پاسپورٹ 100 ویں نمبر پر تھا اور اس وقت 32 ممالک میں بغیر ویزے کے سفر کی اجازت دیتا تھا۔*

*اس بار بھی سنگاپور کا پاسپورٹ سرفہرست ہے، جس کے حاملین کو 193 ممالک میں بغیر ویزے کے داخلے کی اجازت ہے، جنوبی کوریا 190 ممالک تک ویزا فری رسائی کے ساتھ دوسرے اور جاپان 189 ممالک کے ساتھ تیسرے نمبر پر ہے۔*

*جرمنی، اٹلی، لکسمبرگ، اسپین اور سوئٹزرلینڈ 188 مقامات تک ویزا فری رسائی کے ساتھ چوتھے نمبر پر ہیں، جبکہ آسٹریا، بیلجیئم، ڈنمارک، فن لینڈ، فرانس، آئرلینڈ اور نیدرلینڈز 187 مقامات کی رسائی کے ساتھ پانچویں نمبر پر ہیں۔*

*قابلِ ذکر بات یہ ہے کہ امریکا پہلی بار دنیا کے 10 طاقتور ترین پاسپورٹس کی فہرست سے باہر ہو گیا ہے، امریکی پاسپورٹ اب 12 ویں نمبر پر ہے اور ملائیشیا کے برابر ہے، جس سے 180 ممالک میں بغیر ویزے کے سفر ممکن ہے۔*

*اسی طرح برطانوی پاسپورٹ بھی اپنی تاریخ کی کم ترین پوزیشن پر پہنچ گیا ہے، جو جولائی سے چھٹے نمبر سے آٹھویں نمبر پر گر گیا ہے، حالانکہ 2015 میں وہ فہرست میں پہلے نمبر پر تھا۔*

15/10/2025

*نیب نے بلوچستان بھر میں 13 کھرب روپے مالیت کی 10 لاکھ ایکڑ سے زائد جنگلاتی اراضی واگزار کرالی۔*

*کوئٹہ (ڈیلی کوئٹہ نیوز) قومی احتساب بیورو (نیب) بلوچستان نے صوبے بھر میں 13 کھرب روپے مالیت کی 10 لاکھ ایکڑ سے زائد جنگلاتی اراضی واگزار کرالی ہے یہ اراضی بورڈ آف ریونیو اور ڈپٹی کمشنرز کے تعاون سے 8 ماہ کی طویل اور بھرپور کارروائی کے بعد واگزار کرائی گئی۔*

*نیب حکام نے بتایا کہ اس وسیع پیمانے کی کارروائی کا مقصد جنگلاتی اراضی کو قبضہ مافیا اور غیر قانونی قابضین سے واپس لینا اور سرکاری زمین کے مزید غلط استعمال کو روکنا تھا۔ برآمد شدہ اراضی کو اب باضابطہ طور پر محکمہ جنگلات بلوچستان کے نام منتقل کر دیا گیا ہے۔*

*ایک سینئر نیب عہدیدار نے بتایا کہ صوبائی حکومت نے ہر ضلع میں فاریسٹ سیٹلمنٹ بورڈز اور ہر ڈویژن میں فاریسٹ ٹربیونلز قائم کر دیے ہیں۔*

*یہ ادارے مقامی قبائل اور برادریوں کے خدشات کو دور کرنے میں مدد کریں گے، اور زمین کی ملکیت اور استعمال سے متعلق تنازعات کے منصفانہ اور شفاف حل کو یقینی بنائیں گے۔

15/10/2025

*بلوچستان کابینہ کا بڑا فیصلہ لیویز فورس کو پولیس میں ضم کرنے کی منظوری۔*

*کوئٹہ (ڈیلی کوئٹہ نیوز) حکومت بلوچستان نے صوبائی کابینہ کے اجلاس میں ایک اہم فیصلہ کرتے ہوئے کوئٹہ، ژوب، مکران، رخشان، نصیرآباد اور قلات ڈویژنز کی اے ایریا کی حدود میں لیویز فورس کو پولیس فورس میں ضم کرنے کی منظوری دے دی۔*

*محکمہ سروسز اینڈ جنرل ایڈمنسٹریشن (کیبنٹ سیکشن) کی جانب سے جاری نوٹیفکیشن کے مطابق یہ فیصلہ صوبائی کابینہ کی منظوری سے کیا گیا، جو ہوم ڈیپارٹمنٹ کی سفارش پر عمل میں آیا۔*

*نوٹیفکیشن میں کہا گیا ہے کہ اس اقدام کا مقصد امن و امان کے نظام کو بہتر بنانا، پولیسنگ کے دائرہ کار کو وسیع کرنا اور قانون نافذ کرنے والے اداروں میں ہم آہنگی پیدا کرنا ہے۔*

*نوٹیفکیشن پر چیف سیکریٹری بلوچستان شکیل قادر خان کے دستخط ہیں، جب کہ سیکریٹری سروسز اینڈ جنرل ایڈمنسٹریشن سید فاضل احمد نے نوٹیفکیشن جاری کیا۔*

*یہ فیصلہ صوبے کے انتظامی ڈھانچے میں ایک بڑی تبدیلی کے طور پر دیکھا جا رہا ہے۔ حکومتی ذرائع کے مطابق، لیویز فورس کو پولیس میں ضم کرنے سے سیکیورٹی نظام مزید مؤثر اور جدید تقاضوں کے مطابق بنایا جائے گا۔

ڈیلی کوئٹہ نیوز

15/10/2025

15/10/2025

15/10/2025

15/10/2025

15/10/2025

15/10/2025

15/10/2025

15/10/2025

15/10/2025

15/10/2025

15/10/2025

15/10/2025

Address

Telephone

Website

Alerts

Contact The Business

Shortcuts

Share