http://www.boltabalochistan.com/

Bolta balochistan media, 167-F universal complex, Quetta (2025)

27/10/2025

سبی کینٹ کے قریب دھماکہ کی آواز سنی گئی
تفصیلات حاصل کی جارہی ہے۔

27/10/2025

بھاگ ناڑی
سیکیورٹی فورسز کا آپریشن
بی ایل اے کے 7 دہشتگرد ہلاک

27/10/2025

سینیٹر مشتاق احمد خان ڈاکٹر ماہ رنگ بلوچ سمیت بی وائی سی کی گرفتار قیادت سے ملاقات کیلئے کوئٹہ ڈسٹرکٹ جیل پہنچ گئے،پولیس انتظامیہ نے سینیٹر مشتاق احمد خان کو ماہ رنگ بلوچ سے ملاقات کی اجازت نہ دی۔

27/10/2025

سوراب میں مسلح افراد کا لیویز چوکی پر حملہ، تین اہلکار اغوا دو کو رہا ایک تاحال لاپتہ۔

سوراب(بولتا بلوچستان ویب میڈیا) ضلع سوراب میں مسلح افراد نے لیویز کی چوکی پر حملہ کر کے تین اہلکاروں کو اغوا کر لیا۔ ذرائع کے مطابق حملہ آوروں نے رات گئے چوکی کا محاصرہ کیا اور فائرنگ کے بعد اہلکاروں کو اپنے ساتھ نامعلوم مقام کی جانب لے گئے۔

اطلاعات کے مطابق اغوا کیے گئے تین اہلکاروں میں سے دو کو بعد ازاں چھوڑ دیا گیا، تاہم ایک اہلکار اب بھی حملہ آوروں کی تحویل میں ہے۔ واقعے کے بعد علاقے میں سیکیورٹی فورسز کی بھاری نفری تعینات کر دی گئی ہے، جبکہ حملہ آوروں کی تلاش کے لیے سرچ آپریشن جاری ہے۔

سرکاری ذرائع کے مطابق واقعے کی تحقیقات شروع کر دی گئی ہیں، اور حملہ آوروں کی شناخت اور مقاصد کے تعین کے لیے مختلف پہلوؤں کا جائزہ لیا جا رہا ہے۔

27/10/2025

گوادر تقریر پر مقدمہ مولانا ہدایت الرحمان گرفتاری دینے سنٹسر تھانہ گوادر پہنچ گئے پولیس کا گرفتار کرنے سے انکار ایس ایچ او تھانہ سے غائب۔

گوادر(بولتا بلوچستان ویب میڈیا) امیرِ جماعتِ اسلامی بلوچستان اور رکنِ صوبائی اسمبلی گوادر، مولانا ہدایتُ الرّحمٰن بلوچ، اپنی گرفتاری دینے کیلئے سنٹسر تھانہ گوادر پہنچ گئے، تاہم پولیس نے انہیں حراست میں لینے سے انکار کر دیا۔

ذرائع کے مطابق مولانا ہدایتُ الرّحمٰن بلوچ کے خلاف چند روز قبل اسمبلی میں کی گئی تقریر کے تناظر میں تھانہ سنٹسر گوادر میں ایک ایف آئی آر درج کی گئی تھی، جس میں ان پر شہریوں کو اکسانے اور ریاستی اداروں پر الزامات عائد کرنے کا الزام لگایا گیا تھا۔

اطلاعات کے مطابق مولانا ہدایتُ الرّحمٰن بلوچ جب گرفتاری دینے تھانے پہنچے تو مقدمہ درج کرنے والے ایس ایچ او موقع پر موجود نہ تھے۔ ڈی ایس پی کی موجودگی میں مولانا نے باضابطہ طور پر گرفتاری پیش کی، تاہم پولیس حکام گرفتاری عمل میں لانے سے گریزاں رہے۔

جماعتِ اسلامی بلوچستان کے ترجمان نے اس صورتحال پر ردِعمل دیتے ہوئے کہا کہ “یہ ایف آئی آر بوگس اور بے بنیاد ہے، عدالتِ عالیہ اور آئی جی پولیس کو چاہیے کہ اس قسم کے جھوٹے مقدمات کا سلسلہ فوری طور پر بند کرائیں۔”

واضح رہے کہ مولانا ہدایتُ الرّحمٰن بلوچ حالیہ عرصے میں گوادر کے عوامی حقوق کے لیے سرگرم سیاسی رہنما کے طور پر ابھرے ہیں اور ان کی اسمبلی تقاریر اکثر سیاسی و عوامی حلقوں میں نمایاں بحث کا موضوع بنتی رہی ہیں۔

27/10/2025

بلوچستان کے ضلع بولان کی تحصیل بھاگ میں کالعدم تنظیم کا پولیس تھانہ تحصیل دفتر اور نیشنل بینک پر حملہ،کالعدم تنظیم کی بھاگ شہر پر حملے کی ویڈیو منظرعام پر آگئی۔

27/10/2025

بلوچستان کے ضلع بولان کی تحصیل بھاگ میں کالعدم تنظیم کے مسلح افراد کا پولیس تھانے تحصیل دفتر اور نیشنل بینک پر حملہ ایس ایچ او اور کانسٹیبل شہید جبکہ 2 خوارج ہلاک۔

کوئٹہ(بولتا بلوچستان ویب میڈیا) کالعدم تنظیم بی ایل اے کے مسلح دہشت گردوں نے پیر کے روز دوپہر 2 بجے کے قریب بھاگ شہر پر اچانک حملہ کر دیا جس کے دوران پولیس تھانہ، تحصیل دفتر اور نیشنل بینک کی عمارتوں کو آگ لگا دی گئی۔ دہشت گردوں نے سرکاری املاک کو شدید نقصان پہنچایا اور پولیس اہلکاروں سے اسلحہ چھین کر فرار ہو گئے۔

پولیس تھانہ بھاگ پر حملے کے دوران بہادری سے مزاحمت کرتے ہوئے ایس ایچ او لطف علی کھوسہ اور ایک سپاہی نے جامِ شہادت نوش کیا۔ فائرنگ کے تبادلے میں دو حملہ آور بھی ہلاک ہوئے۔ عینی شاہدین کے مطابق دہشت گرد موٹر سائیکلوں پر سوار ہو کر شہر میں گشت کرتے رہے اور نیشنل بینک سمیت متعدد سرکاری دفاتر کو نذرِ آتش کیا۔

ذرائع کے مطابق دہشت گردوں نے تحصیل آفس میں موجود سرکاری ریکارڈ اور فرنیچر کو بھی آگ لگا دی، جبکہ علاقے میں خوف و ہراس پھیل گیا۔ واقعہ کے بعد سیکیورٹی فورسز نے علاقے کو گھیرے میں لے کر سرچ اینڈ کلیئرنس آپریشن شروع کر دیا ہے۔

واضح رہے کہ حملے کی زد میں آنے والا پولیس تھانہ حال ہی میں کابینہ کے فیصلے کے تحت لیویز فورس سے پولیس کے انتظام میں منتقل کیا گیا تھا۔ شہید ہونے والے دونوں اہلکار لیویز سے ضم ہو کر پولیس میں خدمات انجام دے رہے تھے اور وطنِ عزیز کے تحفظ کے لیے اپنی جانوں کا نذرانہ پیش کر گئے۔

27/10/2025

تربت ڈپٹی کمشنر کیچ کے اسکواڈ پر ریموٹ کنٹرول بم حملہ، ڈی سی محفوظ، پانچ لیویز اہلکار زخمی۔

تربت(بولتا بلوچستان ویب میڈیا) تربت شہر کے حساس علاقے پریس کلب روڈ پر ڈپٹی کمشنر کیچ میجر (ر) بشیر احمد بڑیچ کے اسکواڈ پر ریموٹ کنٹرول بم سے حملہ کیا گیا۔ خوش قسمتی سے ڈپٹی کمشنر حملے میں محفوظ رہے، تاہم لیویز فورس کے پانچ اہلکار زخمی ہوگئے۔

عینی شاہدین کے مطابق دھماکہ اُس وقت ہوا جب ڈپٹی کمشنر کا قافلہ پریس کلب روڈ سے گزر رہا تھا۔ بم ایک موٹر سائیکل میں نصب کیا گیا تھا، جسے ریموٹ کنٹرول کے ذریعے دھماکے سے اڑا دیا گیا۔

دھماکے کے نتیجے میں اسکواڈ کی ایک گاڑی کو شدید نقصان پہنچا جبکہ زخمی اہلکاروں کو فوری طور پر قریبی اسپتال منتقل کردیا گیا، جہاں انہیں طبی امداد فراہم کی جا رہی ہے۔

واقعے کے فوراً بعد سیکیورٹی فورسز نے علاقے کو گھیرے میں لے کر شواہد اکٹھے کرنے کا عمل شروع کردیا ہے۔ قانون نافذ کرنے والے اداروں نے واقعے کی تحقیقات کا آغاز کر دیا ہے، جب کہ تربت میں سیکیورٹی مزید سخت کردی گئی ہے۔

ذرائع کے مطابق ابتدائی تفتیش میں حملے کا ہدف ڈپٹی کمشنر کیچ میجر (ر) بشیر احمد بڑیچ ہی تھے۔

26/10/2025

رکن صوبائی اسمبلی بلوچستان مولانا ہدایت الرحمان بلوچ کا گوادر میں پیر کے روز رضاکارانہ طور پر گرفتاری دینے کا اعلان۔

گوادر(بولتا بلوچستان ویب میڈیا) گوادر سے رکنِ صوبائی اسمبلی مولانا ہدایت الرحمان بلوچ نے اپنے خلاف درج مقدمے پر ردِعمل دیتے ہوئے اعلان کیا ہے کہ وہ کل، بروز پیر 27 اکتوبر کو رضاکارانہ طور پر گرفتاری دیں گے۔

اپنے بیان میں مولانا ہدایت الرحمان بلوچ نے کہا کہ وہ دوپہر 12 بجے سنٹسر تھانے میں پیش ہو کر گرفتاری دیں گے۔ ان کا کہنا تھا کہ وہ قانون کی عملداری پر یقین رکھتے ہیں اور ہر قسم کی قانونی کارروائی کا سامنا کرنے کے لیے تیار ہیں۔

واضح رہے کہ مولانا ہدایت الرحمان بلوچ کے خلاف یہ مقدمہ بلوچستان اسمبلی کے اجلاس میں ایف سی (فرنٹیئر کور) سے متعلق ان کی تقریر کے بعد درج کیا گیا تھا۔ پولیس ذرائع کے مطابق، ایف آئی آر سربندن کے رہائشی خدابخش عرف کے بی کی مدعیت میں، سنٹسر تھانے کے انچارج عبداللہ عابد کی جانب سے درج کی گئی۔

26/10/2025

کوئٹہ بیوٹمز میں منعقد ایم ڈی کیٹ کے دوران 8 جعلی امیدوار پکڑے گئے مقدمہ درج کرکے گرفتار کرلیاگیا۔

کوئٹہ(بولتا بلوچستان ویب میڈیا)بولان میڈیکل یونیورسٹی کے زیرِ انتظام بیوٹمز میں منعقدہ ایم ڈی کیٹ کے دوران آٹھ ڈپلیکیٹ امیدواروں کو رنگے ہاتھوں پکڑ لیا گیا۔

وائس چانسلر بولان میڈیکل یونیورسٹی کے مطابق اتوار کے روز ہونے والے ٹیسٹ میں یہ امیدوار اصلی امیدواروں کی جگہ امتحان دینے کی کوشش کر رہے تھے۔ امتحانی عملے نے مشکوک حرکات پر نظر رکھتے ہوئے فوری کارروائی کی اور جعلی امیدواروں کو حراست میں لے لیا۔

گرفتار افراد کو قانونی کارروائی کے لیے ایئرپورٹ پولیس اسٹیشن منتقل کر دیا گیا ہے، جہاں ان کے خلاف باقاعدہ مقدمہ درج کر لیا گیا۔ یونیورسٹی انتظامیہ کے مطابق امتحانی عمل کی شفافیت کو ہر صورت یقینی بنایا جائے گا اور کسی قسم کی جعلسازی برداشت نہیں کی جائے گی۔

26/10/2025

عدالت عالیہ بلوچستان کے حکم پر لکپاس ٹنل سے ایف سی چیک پوسٹ ختم ایف سی چیک پوسٹ دشت منتقل کردی گئی۔

کوئٹہ(بولتا بلوچستان ویب میڈیا)بلوچستان کے عوام خصوصاً ضلع مستونگ کے باسیوں کے دیرینہ مطالبے پر بالآخر عملدرآمد کرتے ہوئے لکپاس ٹنل پر قائم ایف سی چیک پوسٹ کو منتقل کر دیا گیا ہے، یہ تاریخی اقدام مستونگ کے وکلاء کی جانب سے دائر کردہ ایک آئینی پٹیشن کے نتیجے میں ممکن ہوا۔ اس پٹیشن کی قیادت ایڈووکیٹ حمید بنگلزئی ( چیئرمین یونین کونسل سورگز مستونگ ) نے کی، جبکہ ان کے ہمراہ مستونگ کے وکلاء نے بھی فعال کردار ادا کیا۔ بلوچستان ہائی کورٹ نے چیف جسٹس روزی خان بڑیچ اور جسٹس سردار احمد علیمی کی سربراہی میں تاریخی فیصلہ سنایا، جس میں عدالت نے ایف سی چیک پوسٹ کو لکپاس ٹنل سے ہٹا کر کسی کھلے اور مناسب مقام پر منتقل کرنے کا حکم دیا۔ عدالتی فیصلے پر فوری عملدرآمد کرتے ہوئے صوبائی حکومت نے ایف سی چیک پوسٹ کو لکپاس ٹنل سے دشت منتقل کر دیا ہے ۔ اس اقدام سے شاہراہ کی بندش، غیر ضروری تاخیر اور مسافروں کی مشکلات کا خاتمہ ہوگیا ہے ۔ بلوچستان کے عوام، ٹرانسپورٹرز، سماجی تنظیموں اور مختلف طبقہ فکر نے عدالت عالیہ اور مستونگ کی وکلاء برادری کو خراج تحسین پیش کیا۔

26/10/2025

نوشکی میں پولیس تھانہ سٹی پر ہینڈ گرنیڈ حملہ خوش قسمتی سے جانی نقصان نہیں ہوا نامعلوم افراد موقع سے فرار۔

نوشکی(بولتا بلوچستان ویب میڈیا) نوشکی سٹی پولیس تھانے پر نامعلوم افراد نے ہینڈ گرنیڈ سے حملہ کیا۔ پولیس کے مطابق حملے کے نتیجے میں کوئی جانی نقصان نہیں ہوا۔ دھماکے کے بعد سیکیورٹی فورسز نے فوری طور پر علاقے کو گھیرے میں لے کر ناکہ بندی کر دی اور شواہد اکٹھے کرنے کا عمل شروع کر دیا۔

ذرائع کے مطابق حملہ آور تاریکی کا فائدہ اٹھاتے ہوئے موقع سے فرار ہونے میں کامیاب ہوگئے۔ واقعے کے بعد شہر بھر میں سیکیورٹی مزید سخت کر دی گئی ہے، جب کہ پولیس اور قانون نافذ کرنے والے اداروں نے تحقیقات شروع کر دی ہیں۔

Bolta balochistan media

27/10/2025

27/10/2025

27/10/2025

27/10/2025

27/10/2025

27/10/2025

27/10/2025

27/10/2025

26/10/2025

26/10/2025

26/10/2025

26/10/2025

Address

Telephone

Website

Alerts

Contact The Business

Shortcuts

Share

Category