Pishin Journalist

17/07/2026

آل پارٹیز کی کال پر سانحہ زیارت کے خلاف اور شہداء زیارت کے لواحقین کے ساتھ اظہار یکجہتی کے طور پر پشین شہر میں مکمل شٹر ڈاؤن ہڑتال جاری ہے۔ پشین شہر کی مرکزی شاہراہ بند خوشدل خان روڈ سمیت تمام شاہراہوں کے تجارتی مراکز اور دکانیں بند رہیں۔

17/07/2026

آل پارٹیز کی کال پر سانحہ زیارت کے خلاف اور شہداء زیارت کے لواحقین کے ساتھ اظہار یکجہتی کے طور پر پشین شہر میں مکمل شٹر ڈاؤن ہڑتال جاری ہے۔ پشین شہر کی مرکزی شاہراہ بند خوشدل خان روڈ سمیت تمام شاہراہوں کے تجارتی مراکز اور دکانیں بند رہیں۔

11/07/2026

چار اضلاع پشین، برشور، چمن اور قلعہ عبداللہ پرمشتمل پشین ڈویژن کا باقاعدہ نوٹیفکیشن جاری کر دیا گیا۔ ڈویژنل ہیڈکوارٹر پشین ہوگا۔

10/07/2026

وزیرِ اعلیٰ بلوچستان اور دھرنا کمیٹی کے درمیان مذاکرات کامیاب ہوگئے۔ ہنہ وڑک کے شہداء کے حق میں جاری دھرنا ختم کرنے کا اعلان کر دیا گیا۔

27/06/2026

پشین شہر اور گردونواح میں زلزلے کے جھٹکے محسوس کیے گئے، جس کے باعث لوگوں میں خوف و ہراس پھیل گیا۔ زلزلے کے جھٹکے محسوس ہوتے ہی شہری گھروں سے باہر نکل آئے۔

22/06/2026

پشین: ریسٹ ہاؤس پشین میں بجلی کی غیر اعلانیہ لوڈشیڈنگ، بار بار ٹرپنگ اور دیگر عوامی مسائل کے حل کے حوالے سے ایک اہم اجلاس منعقد ہوا۔ اجلاس میں ایم پی اے حاجی اصغر خان ترین، ڈپٹی کمشنر پشین منصور احمد قاضی، جمعیت علمائے اسلام تحصیل پشین کے امیر مولانا عطاء اللہ آغا، نائب امیر مولانا احسان اللہ، مرکزی انجمن تاجران پشین کے ضلعی صدر ملک بہادر خان ملیزئی اور ایکسین واپڈا سمیت مرکزی انجمن تاجران پشین کے رہنماؤں نے شرکت کی۔
اجلاس کے دوران پشین شہر اور گردونواح میں طویل لوڈشیڈنگ، کم وولٹیج اور بجلی کی بار بار بندش سے عوام اور تاجروں کو درپیش مشکلات پر تفصیلی تبادلہ خیال کیا گیا۔ وفد نے حکام کو عوامی مسائل سے آگاہ کرتے ہوئے بجلی کی بلا تعطل فراہمی اور ان مسائل کے مستقل اور مؤثر حل کے لیے فوری اقدامات کا مطالبہ کیا۔
ڈپٹی کمشنر پشین اور ایکسین واپڈا نے مسائل کے حل کے لیے ہر ممکن تعاون اور ضروری اقدامات کی یقین دہانی کراتے ہوئے کہا کہ عوام کو زیادہ سے زیادہ ریلیف فراہم کرنے کے لیے سنجیدہ کوششیں کی جائیں گی۔
اس موقع پر انجمن تاجران کے ضلععی رہنماؤں نے بجلی کے مسائل کے حل کے لیے اپنی تجاویز پیش کیں اور عوامی مشکلات کو اجاگر کیا۔

22/06/2026

15/06/2026

کربلا بڑی ندی کے قریب مسلح ڈاکوؤں کی واردات، شہری نقدی اور موبائل فونز سے محروم
آج صبح تقریباً 6 بجے کربلا بڑی ندی کے قریب تین مسلح نقاب پوش ڈاکوؤں نے مرکزی شاہراہ کو بند کرکے متعدد گاڑیوں کو روک لیا۔ اطلاعات کے مطابق ڈاکوؤں نے ایک پک اپ، ایک سفید ایکس ایل آئی گاڑی اور ایک سوزوکی کو لوٹ لیا۔

واردات کے دوران سید تسلیم آغا حاجی زئی سے 60 ہزار روپے نقدی، مجید آغا حاجی زئی سے 40 ہزار روپے نقدی اور مجموعی طور پر چار موبائل فون چھین لیے گئے۔ ڈاکو واردات کے بعد بآسانی فرار ہونے میں کامیاب ہوگئے۔

علاقے کے ممتاز سیاسی رہنماء اور ڈسٹرکٹ بار ایسوسی ایشن پشین کے سابق صدر عبدالمناف بادیزئی ایڈوکیٹ کے مطابق جائے وقوعہ سے تقریباً ایک کلومیٹر کے فاصلے پر واقع بادیزی پولیس چوکی بند تھی اور وہاں پولیس اہلکار موجود نہیں تھے، جس کے باعث عوام میں شدید تشویش پائی جاتی ہے۔ اہلِ علاقہ کا کہنا ہے کہ علاقے میں امن و امان کی صورتحال تشویشناک ہوتی جا رہی ہے اور جرائم پیشہ عناصر کی سرگرمیوں میں اضافہ دیکھنے میں آ رہا ہے۔

اہلِ علاقہ نے ہوم سیکریٹری بلوچستان، آئی جی بلوچستان، کمشنر کوئٹہ ڈویژن، ڈپٹی کمشنر پشین اور ایس ایس پی پشین سے مطالبہ کیا ہے کہ واقعے کا فوری نوٹس لیا جائے، ملزمان کو گرفتار کرکے قانون کے کٹہرے میں لایا جائے، بادیزی پولیس چوکی کو فوری طور پر فعال کیا جائے اور علاقے میں باقاعدہ پولیس گشت کا انتظام یقینی بنایا جائے تاکہ عوام کے جان و مال کا تحفظ ممکن بنایا جا سکے۔