Shumaila Ismail

15/08/2026

بلوچستان نیشنل پارٹی کی مرکزی ایگزیکٹو کمیٹی کی رکن محترمہ شمائلہ اسماعیل نے کہا ہے کہ کسی رہنما کے سیاسی مؤقف سے اختلاف کرنا ہر شخص کا حق ہے لیکن اختلاف کو کردار کشی طنز اور نفرت میں بدل دینا سیاست نہیں۔

انہوں نے کہا کہ سردار اختر جان مینگل سے اختلاف رکھنے والے بھی اس حقیقت سے انکار نہیں کر سکتے کہ وہ بلوچستان کے سیاسی و آئینی حقوق کی بات کرنے والی ایک نمایاں آواز ہیں۔ اگر ان کے مؤقف سے اختلاف ہے تو دلیل سے جواب دیا جائے کیونکہ شور الزام اور تضحیک کبھی دلیل کا متبادل نہیں بن سکتے۔

13/08/2026

تعزیتی بیان
انالِلّٰهِ وَاِنَّا اِلَيْهِ رَاجِعُوْن

بلوچستان نیشنل پارٹی کے سنٹرل ایگزیکٹو کمیٹی کے ركن شمائلہ اسماعیل مینگل نے بلوچستان نیشنل پارٹی کے مركزی خواتین سیکٹری میڈم شکیلہ نوید دہوار کے والدہ ماجده کی انتقال پر گہرے رنج و غم اور دلی افسوس کا اظہار کیا!
اور رب پاک کی بارگاہ میں دعا کی ہے_ کہ اللہ رب العزت سوگوار خاندان، بالخصوص میڈم شکیلہ نوید دہوار اور دیگر پسماندگان کو یہ ناقابلِ تلافی صدمہ صبر، حوصلے اور استقامت کے ساتھ برداشت کرنے کی توفیق عطا فرمائے اور انہیں اس غم کی گھڑی میں اپنی رحمت و کرم کے سائے میں رکھے۔

اللہ تعالیٰ مرحومہ کو جوارِ رحمت میں جگہ عطا فرمائے اور پسماندگان کو صبرِ جمیل عطا فرمائے۔

آمین ثم آمین

12/08/2026

کوئٹہ پریس کلب:
بلوچستان نیشنل پارٹی کے مرکزی سینئر نائب صدر ساجد ترین ایڈووکیٹ کا پارٹی کے سینئر رہنماؤں کے ساتھ اج سوراب میں مبینہ فضائی حملہ سے خواتین، بچوں سمیت درجنوں افراد کا شہید ہونے کے خلاف اہم پریس کانفرنس

ساجد ترین ایڈووکیٹ نے پریس کانفرنس کرتے ہوے کہا کہ ضلع سوراب میں فضائی حملہ میں خواتین، بچوں سمیت درجنوں افراد کو شہید کرنا ظلم کی انتہا، بلوچستان نیشنل پارٹی اس واقعے کی شدید مذمت کرتی ہے اور 16 اگست کو بلوچستان بھر میں احتجاج اور مظاہروں کا اعلان کرتی ہیں۔
سوراب واقعے کے خلاف دیے جانے والے دھرنے کی مکمل حمایت کا اعلان کرتے ہوے خضدار، سوراب، قلات، اور آس پاس کے تمام پارٹی رہنماؤں اور کارکنو کو دھرنے میں شرکت کی ہدایت کرتی ہیں۔

اس موقع پر بی این پی کے مرکزی سیکرٹری اطلاعات آغا حسن بلوچ ایڈووکیٹ، مرکزی سیکریٹری فائنانس اختر حسین لانگو، مرکزی لیبر سیکریٹری موسیٰ بلوچ، پروفیشنل سیکرٹری رمضان بلوچ، بی ایس او مرکزی سیکرٹری جنرل صمند بلوچ، سینٹرل ایگزیکٹو کمیٹی کے اراکین غلام نبی مری، چیئرمین واحد بلوچ، چیئرمین جاوید بلوچ، میر مقبول لہڑی، ٹکری شفقت لانگو، شمائلہ اسماعیل، ضلع کوئٹہ آرگنائزر حاجی وحید لہڑی، ڈپٹی آرگنائزر ڈاکٹر جاوید بلوچ، ضلعی آرگنائزنگ کمیٹی اراکین ماما نور خان کیھازئی، حاجی صدیق لانگو، میر وائس مینگل، نعمت ہزارہ، فریدہ بلوچ، ملک محی الدین لہڑی، ڈاکٹر علی احمد قمبرانی، دردانہ بلوچ، میر اسماعیل منگل، بی این پی لائرز فورم سیکرٹری جنرل ایڈووکیٹ ظہیر احمد شاہوانی، نائب صدر فہیم قمبرانی ایڈووکیٹ،انفارمیشن سیکرٹری ایڈووکیٹ صدام مینگل، سابق آرگنائزر شہزاد شاہوانی ایڈووکیٹ، سمیت پارٹی کے دیگر رہنما موجود تھے۔

ساجد ترین ایڈووکیٹ نے کہا کہ بلوچستان نیشنل پارٹی نے 'سوراب' اور لاپتہ افراد سمیت بلوچستان کے دیگر مسائل پر سپریم کورٹ کے ریٹائرڈ جج کی سربراہی میں فیکٹ فائنڈنگ کمیشن کے قیام کا مطالبہ کرتی ہیں۔

26ویں ترمیم کے بعد، موجودہ جج اب محض موجودہ حکومت کے ملازم بن کر رہ گئے ہیں۔ ساجد ترین

بلوچستان نیشنل پارٹی اس غیر قانونی فضائی حملہ اور ظلم کی شدید مذمت کرتی ہے اور یہ بات واضح کرتی ہیں کہ ایسے اقدامات سے نفرت میں مزید اضافہ ہوگا۔ ساجد ترین ایڈووکیٹ

'فارم 47' کے وزیراعلیٰ کہتے ہیں کہ بلوچستان میں صورتحال مستحکم ہے، تو پھر بلوچستان کے ہر حصے میں کرفیو کیوں ہے؟ ساجد ترین ایڈووکیٹ

آج کے حکمران ایک بار پھر بلوچستان کے مسئلے کو ایسی نہج پر لے جا رہے ہیں جہاں سے واپسی ممکن نہ ہوں۔ ساجد ترین ایڈووکیٹ

بی این پی نے ہمیشہ بلوچستان اور خیبر پختونخوا میں جاری جبر کے خلاف آواز اٹھائی ہے۔ ساجد ترین

ہم بار بار کہہ رہے ہیں کہ بلوچستان کا مسئلہ صرف بات چیت کے ذریعے ہی حل کیا جا سکتا ہے، طاقت کے ذریعے نہیں۔ ساجد ترین

گزشتہ 75 سالوں سے بلوچوں اور پشتونوں کو صرف ان کے قدرتی وسائل کی وجہ سے لاشیں ہی مل رہی ہیں۔ ساجد ترین ایڈووکیٹ

وڈھ اور مستونگ میں بھی کچھ واقعات پیش آئے ہیں، ان کی بھی تحقیقات ہونی چاہئیں۔ ساجد ترین

ایسے ظالمانہ اقدامات کے بعد لوگ پوچھتے ہیں کہ بلوچستان کی صورتحال کیوں بگڑتی جا رہی ہے۔ ساجد ترین ایڈووکیٹ

16 اگست کے احتجاج کے بعد، پارٹی ایک مرکزی اجلاس بلائے گی جس میں مستقبل کے احتجاج کے حوالے سے لائحہ عمل طے کیا جائے گا۔ ساجد ترین

بلوچستان نیشنل پارٹی ، سردار اختر جان مینگل کی قیادت میں ہر قسم کے جبر اور غیر آئینی اقدامات کے خلاف اپنی سیاسی، جمہوری اور آئینی جدوجہد جاری رکھے گی۔ ساجد ترین ایڈووکیٹ

بلوچستان حکومت جو کچھ بھی کرتی ہے وہ صرف بلوچستان کے حالات کو خراب کرنے کے لیے کرتی ہیں ، ساجد ترین

اسلام آباد کی جانب سے بلوچستان کے ساتھ ہمیشہ ایک کالونی جیسا سلوک کیا گیا ہیں۔ ساجد ترین ایڈووکیٹ

بلوچستان کے عوام موت قبول کرنے کے لیے تیار ہیں لیکن اپنی سرزمین چھوڑنے کے لیے نہیں۔
بی این پی کے سینئر نائب صدر ساجد ترین ایڈوکیٹ اور دیگر کی کوئٹہ میں پریس کانفرنس

12/08/2026

کاش بچے نہ مرتے۔
کاش وہ کچھ دیر کے لیے آسمان کی بلندیوں پر چلے جاتے.
جب تک جنگ ختم نہ ہو جائے،
اور پھر صحیح سلامت گھر لوٹ آتے —
اور جب ان کے والدین پوچھتے کہ تم کہاں تھے،
تو وہ کہتے:
ہم بادلوں میں کھیل رہے تھے۔

غسان كنفاني (فلسطینی ادیب)
1936–1972

12/08/2026

سوراب گدر سانحہ: امن کے نام پر معصوموں کا خون قبول نہیں۔

بلوچستان نیشنل پارٹی کی مرکزی ایگزیکٹو کمیٹی کی رکن شمائلہ اسماعیل نے سوراب کے علاقے گدر میں بچوں، خواتین، بزرگوں اور دیگر شہریوں کی ہلاکت کی اطلاعات پر شدید تشویش اور مذمت کا اظہار کیا ہے۔ انہوں نے بلوچ آبادیوں کے گھروں پر بمبار طیاروں کے بے رحمانہ استعمال اور معصوم شہریوں کو نشانہ بنانے پر سخت تحفظات کا اظہار کرتے ہوئے کہا کہ امن کے نام پر بچوں، خواتین اور بزرگوں کا خون کسی صورت قبول نہیں۔

انہوں نے کہا کہ بندوق اور طاقت بلوچستان کے سیاسی و آئینی مسائل کا حل نہیں۔ اگر امن کے نام پر بچوں کی لاشیں اٹھانی پڑیں تو یہ امن نہیں بلکہ ظلم اور جبر ہے۔ سوراب گدر واقعے کی فوری، شفاف اور غیر جانب دارانہ تحقیقات، اصل حقائق عوام کے سامنے لانے اور ذمہ داروں کے تعین کا مطالبہ کرتے ہیں۔

شمائلہ اسماعیل نے کہا کہ بلوچستان کے عوام کے زخم پہلے ہی گہرے ہیں؛ ایسے واقعات انہیں مزید گہرا کرتے ہیں۔ پائیدار امن صرف انصاف، سیاسی مکالمے، برابری اور عوام کے بنیادی حقوق کے تحفظ سے ممکن ہے۔ انہوں نے متاثرہ خاندانوں سے دلی تعزیت اور یکجہتی کا اظہار کیا۔

12/08/2026

سوراب گدر سانحہ: امن کے نام پر معصوموں کا خون قبول نہیں

بلوچستان نیشنل پارٹی کی مرکزی ایگزیکٹو کمیٹی کی رکن شمائلہ اسماعیل نے سوراب کے علاقے گدر میں بچوں، خواتین، بزرگوں اور دیگر شہریوں کی ہلاکت کی اطلاعات پر شدید تشویش اور مذمت کا اظہار کیا ہے۔ انہوں نے بلوچ آبادیوں کے گھروں پر بمبار طیاروں کے بے رحمانہ استعمال اور معصوم شہریوں کو نشانہ بنانے پر سخت تحفظات کا اظہار کرتے ہوئے کہا کہ امن کے نام پر بچوں، خواتین اور بزرگوں کا خون کسی صورت قبول نہیں۔

انہوں نے کہا کہ بندوق اور طاقت بلوچستان کے سیاسی و آئینی مسائل کا حل نہیں۔ اگر امن کے نام پر بچوں کی لاشیں اٹھانی پڑیں تو یہ امن نہیں بلکہ ظلم اور جبر ہے۔ سوراب گدر واقعے کی فوری، شفاف اور غیر جانب دارانہ تحقیقات، اصل حقائق عوام کے سامنے لانے اور ذمہ داروں کے تعین کا مطالبہ کرتے ہیں۔

شمائلہ اسماعیل نے کہا کہ بلوچستان کے عوام کے زخم پہلے ہی گہرے ہیں؛ ایسے واقعات انہیں مزید گہرا کرتے ہیں۔ پائیدار امن صرف انصاف، سیاسی مکالمے، برابری اور عوام کے بنیادی حقوق کے تحفظ سے ممکن ہے۔ انہوں نے متاثرہ خاندانوں سے دلی تعزیت اور یکجہتی کا اظہار کیا۔

12/08/2026

12/08/2026

سوراب گدر واقعہ پر شدید ردِعمل، بچوں کی ہلاکت پر اختر مینگل اور ساجد ترین کا اظہارِ تشویش
سوراب گدر واقعے میں بچوں اور خواتین سمیت جانی نقصان پر سیاسی رہنماؤں کی جانب سے شدید ردِعمل سامنے آیا ہے۔
بلوچستان نیشنل پارٹی کے سربراہ سردار اختر جان مینگل نے سوشل میڈیا پلیٹ فارم ایکس پر واقعے میں شہید اور زخمی ہونے والے بچوں کی تصاویر شیئر کرتے ہوئے سوال اٹھایا کہ کیا یہ بچے شدت پسند نظر آتے ہیں؟ یہ معصوم بچے ہیں، آخر ان کا کیا قصور ہے؟ کیا بچوں کو قتل کرنے سے کبھی امن قائم ہو سکتا ہے؟
سردار اختر جان مینگل نے مزید کہا کہ کیا یہ فلسطین ہے؟ کیا یہ کشمیر ہے؟ نہیں، یہ بلوچستان ہے۔
دوسری جانب ساجد ترین ایڈووکیٹ نے بھی اپنی ایکس پوسٹ میں سوراب میں مبینہ فضائی حملے کے نتیجے میں خواتین اور بچوں سمیت 27 افراد کے جاں بحق ہونے کو افسوسناک اور شرم کا مقام قرار دیا۔
انہوں نے کہا کہ بلوچ اور پشتون کے خون کی کوئی قدر نہیں، ظلم اپنی انتہا کو پہنچ چکا ہے۔
دونوں رہنماؤں نے واقعے میں انسانی جانوں کے ضیاع پر شدید تشویش کا اظہار کرتے ہوئے متاثرہ خاندانوں سے اظہارِ یکجہتی کیا ہے۔

08/08/2026

گزشتہ رات سردار اختر جان مینگل کی جانب سے اپنے اسٹاف کے لیے کرائے پر لیے گئے فلیٹ پر انٹیلی جنس اداروں نے چھاپہ مارا۔ وہاں موجود افراد کے موبائل فونز چھین لیے گئے اور انہیں مبینہ طور پر تشدد کا نشانہ بنایا گیا۔

13 افراد میں سے 11 کو رہا کر دیا گیا، جبکہ حاجی رجب ولد عید محمد اور احمد ولد جمعہ تاحال لاپتہ ہیں۔

یہ محض سکیورٹی کا معاملہ نہیں بلکہ انسانی حقوق، قانون کی حکمرانی اور ریاستی اختیارات کے ناجائز استعمال کا سنگین سوال ہے۔ بلوچ شہریوں کو نسلی بنیادوں پر نشانہ بنانا، بلاجواز حراست میں لینا اور تشدد کا نشانہ بنانا ناقابلِ قبول ہے۔

سندھ حکومت اور پیپلز پارٹی اس صورتحال سے لاتعلق نہیں رہ سکتے۔ حاجی رجب اور احمد کے بارے میں فوری طور پر بتایا جائے کہ وہ کہاں ہیں اور انہیں بحفاظت واپس لایا جائے۔

اگر کسی کے خلاف کوئی الزام ہے تو اسے عدالت کے سامنے پیش کیا جائے اور قانونی طریقۂ کار اختیار کیا جائے۔

میں اس غیر قانونی چھاپے، جبری حراست، تشدد اور بلوچ شہریوں کو ہراساں کرنے کے اس عمل کی شدید مذمت کرتی ہوں اور مطالبہ کرتی ہوں کہ ذمہ داروں کا احتساب کیا جائے۔

07/08/2026

کوئٹہ
مورخہ: 07 اگست 2026

بلوچستان نیشنل پارٹی (بی این پی) کی سنٹرل ایگزیکٹو کمیٹی کی اراکین شمائلہ اسماعیل مینگل اور پروین بلوچ نے پارٹی رہنما جمعہ خان کی رہائش گاہ پر جا کر ان سے ملاقات کی اور ان کی اہلیہ بی بی رفیعہ اور بیٹیوں تانیہ اور جویریہ کی باحفاظت بازیابی پر انہیں مبارکباد پیش کی۔

واضح رہے کہ چند روز قبل لکپاس کے مقام سے فورسز نے جمعہ خان کی اہلیہ بی بی رفیعہ اور بیٹیوں تانیہ اور جویریہ کو حراست میں لے کر لاپتہ کر دیا تھا، تاہم ان کی باحفاظت بازیابی کے بعد پارٹی وفد نے ان کے اہل خانہ سے ملاقات کی اور نیک خواہشات کا اظہار کیا۔

اس موقع پر شمائلہ اسماعیل مینگل اور پروین بلوچ نے کہا کہ بلوچستان میں خواتین کو جبری طور پر لاپتہ کیے جانے کے بڑھتے ہوئے واقعات انتہائی تشویشناک ہیں۔ انہوں نے کہا کہ بلوچ معاشرے میں خواتین کے احترام اور تحفظ کو بنیادی اہمیت حاصل ہے، اور بے گناہ خواتین کو حراست میں لے کر لاپتہ کرنا ہرگز قابلِ قبول نہیں۔

انہوں نے مزید کہا کہ بلوچ نوجوانوں کے بعد اب خواتین بھی عدم تحفظ کا شکار ہیں، جو نہایت سنگین اور قابلِ مذمت صورتحال ہے۔ انہوں نے مطالبہ کیا کہ ایسے واقعات کا فوری نوٹس لیا جائے اور آئندہ اس قسم کے اقدامات سے گریز کیا جائے۔